لا تِهدني
الوَطن حيطانه بعِيدة
ومَا يلّم الينتچّي
آنة مِن تغيب
يستفحل على عيونيّ البَچّي
يا حَبيبي ..
شلون لو شَحّت مَكاتيبك؟
الغَيم مَيّوَدي حَچّي .

ما طايب بعَدني
يصلن عظاميّ
وبعَدني مِن الدمِع
ما يابس اللثامي
الحيرة لا أگدر أعوفك
لِا أظل ويَاك
لغُم جايسَتك جدامي .

مَا نِاسَيك ، أنِا مَتانيَك تَفگُدنِي .

گتَلة سهّلة
وهَي أبّد مِو سّهلة
إليّرضة بفَراگك
رضِة بّـ موت أهَلة
و نِطيت مُهله لـ گلبّي
يگدر ينِساك
بَس چانت لحَد
ما أمَوت المُهلة .

كلشي يگودِني لطاريك
الغبشة
والورد
والناس
وأُم كَلثوم
والدُخان
وشچم زهَرة بالبستان
ألگاهن يفكرن بيك
كلشي يگودني لطاريك .

أمسَ بـَ ليل طيفك مَر بـَالعيون
وگعَدت وَياك سَاعه وَ عاتبيَتك
وَفجأة وَراح طيَّفك وَفزتَ الروُح
گلبت الليَل كُله وَمالگيتكَ .

خَليني ساكت انا كُلي عِتاب
خوفي احجي وأجرح كَلبك
لا تسألني عن الزَعل والأسباب
راجع أفعالك چَنك نسيت
عِندي سؤال وأتمنى تجاوبه
لو تبادلنا الأدوار بينا رِضيت؟

وأنتَ ضماد يابس
أعلة حرگ مشدود
حتى من أرد أعوفك
بالجلد تَشلع .

مَشهد غيابَك خرابة
وصوتَي مبحوح شيَصيح
والشوارع كُلها مسكُونه
وصَفير وصُوت رَيح
والهَياكل والجَماجِم ملحَمه
والناس كُلها ميتَه
ووحدَي أعثر وأطيح
ولو خَبر منك يجيني
الناس تعدَل من جديد
ضوَه يبين من بعَيد
مَطر ينزل
شمَس تضحك
المَشانق تنصَب مرجوحة
لأطفال الشَهيد .

أنا وَحدي يأكلني الليل .