#قصه_غناوه

يومتها كنت امعه صاحيب لي خبير في صوب خليل او قعدنا انهدرزو حكالي قصه هي قالي سعته كان لي لحياة عبد الكافي البررعصي جاي لنجع معزوم فيه علي فرح جا بدري قيس العصر مهم يدهور فالنجع حق وليه اكباريه فالعمر وحد السماحه بيضه واعيون وشعر طويل وجميع الووصايف فيها. .سأل صاحبه الي عازمه عليها قاله فلانه ومزال ما ازوجت لعند توا استغرب هالسماحه قاعده لعند توا..مهم تعشوا وبدووا الغنايا والشتايا وهو في عقله. هالوليه وقصتها..جا دوره فالغنا فقال.

ربيع والنوار كسيك.
واجداب كيف ساير ياعلم..
طبعا فش حد عرف ليش انقالت فيت صاحبه ولا عززوز ام البنت فهمت..فاكلمت عيل صغير وقالته الي توا غنا وقال غنواه كذا عدي قوله الغناوه هذي وقالت..

افطرت يوم ف ارمضان..
جازها علي طول عمرها..

او بو عقل بس يفهمها ، وسليمتكم .

الامانه الادبيه بقلم : " صـالـح الـسـعـيـطـي "

#ع___الفاهق

.

#قصة_غناوه

يُحكى أن " عبد الكافي البرعصي " كان حاضر قِعدة فرح ، و هل الفرح واخذين لولدهم عروس أسمها ( قَمْره ) ، و من ضمن الحضور فيه شخص كان رايد قمره هذي له لكن لولا القسم و النصيب .

الحاصل عمد الشخص هذا عبد الكافي قبل ما الغنّايا يبدوا اغنا ، و حكاله ع القصه كلها ، و طلب منّه غناوه يصف بيها حاله بما إنه حاضر ليلة زفافها .

و بما إنّ عبد الكافي مترجم العواطف قرر يجبر بخاطر هالشخص المسكين و يبرد جوفه ، غنى عبد الكافي و قال :

ظِلام يا ليالي العمر ، علينا و قَمره لغيرنا .. !

للأمانة الأدبيه بِقلم : " جاسم الشلماني " .

ملحوظه :
إذا أعجبك المنشور و أردت نسخه و نقله فلك ما شئت و بدون إستئذان ، لكن عليك ذكر المصدر و عدم حذفه و ذلك أكراماً وَ أحتراماً منك لحقوق النشر .

#ع__الفاهق

في واحد توفى خوه الفترة لوله
وبعد المعزة جوه خوته قالوله عدي الامك تسمع منك
وصبرهاا راه رايحه عليها ليله وعده الامه
يصبر فيهاا وسعي بالك يا يام
وكلها الها وعمره وساعته ما عنده وين هرب منها
وهي تقوله جنيني يا احميده جنيني
صاحبنا هذا رق عزمه وقعد يبكي هو وامه
بعد طلع كلموه خوته قالوله كيف صار معاك

قاللهم :

جيت نريد نصبر عيني?

قالت ياللي غاب جنيني?

#ع____الفاهق ?❤️‍?

.

.