Зноў рады вітаць дарагіх літвінаў!

У сувязі з апошняй уражваючай актыўнасцю, выкліканай абмеркаваннем поглядаў гісторыка і публіцыста, пана Аляксандра Белага, вядомага сваімі неадназначнымі выказваннямі, у гэтую пятніцу (07.02.2025) адбудзецца інтэрв'ю з удзелам аўтара "Літоўскага Легіёну" і Аляксандрам Валерыянавічам.

Просьба ў каментарыі пад цяперашнім пастом напісаць хвалюючыя і непакоячыя паньства пытанні адносна перакананняў пана Белага. Найбольш прадуманыя, разгорнутыя ды сур'ёзныя пытанні і будуць зададзены пану аўтарам "Літоўскага Легіёну".

Інтэрв'ю будзе без прамаруджання апублікавана на нашым канале.

Добрага дня шаноўнаму паньству!

Прапануем азнаёміцца з тэлеграм-каналам гісторыка, доктара гуманітарных навук, публіцыста, аднаго з апошніх праўдзівых літвінаў сучаснай Беларусі, Аляксандра Валерыянавіча Белага.

https://t.me/gorliwy_litwin

Літвіны памятаюць...

Усім добрага дня. Трапілася мне ў рукі свежая публікацыя Вальдэмара Буткевіча: "Сны аб Вялікай Літве".

Даступна па-беларуску і па-расійску.

Брашурка распавядае аб тым, што неабходна зрабіць, каб у XXI стагоддзі адрадзілася Вялікае Княства Літоўскае.

Маю надзею, панам літвінам будзе цікава.

https://www.academia.edu/127368661/%D0%A1%D0%BD%D1%8B_%D0%B0%D0%B1_%D0%92%D1%8F%D0%BB%D1%96%D0%BA%D0%B0%D0%B9_%D0%9B%D1%96%D1%82%D0%B2%D0%B5

https://www.academia.edu/127368866/%D0%A1%D0%BD%D1%8B_%D0%BE_%D0%92%D0%B5%D0%BB%D0%B8%D0%BA%D0%BE%D0%B9_%D0%9B%D0%B8%D1%82%D0%B2%D0%B5

"...прыклад з'яўлення літвіна на чале цэлага народу польскага..."

Словы Караля Станіслава Радзівіла аб апошнім манарху Рэчы Паспалітай Абодвух Народаў, палякаў і літвінаў, ураджэнцы Берасцейскага краю, Станіславе Аўгусце Панятоўскім.

"Літва! Землякі і родзічы мае! На вашай нарадзіўся зямлі і ў запале шчырым для маёй Айчыны адгукаецца ўва мне незвычайная схільнасць да тых, паміж якімі... распачаў жыццё...

Літва! Слаўная змаганнем і грамадзянствам, доўга няшчасная здрадамі ўласных сыноў, абяцаю табе стаць сярод вас...".

Словы правадыра паўстання за адбудову Рэчы Паспалітай Абодвух Народаў узору 1772 году, ураджэнца Слонімскага краю, генерала Тадэвуша Касцюшкі.

"...Палякі даўно абыходзяцца так, каб нас, вялікія роды літоўскія, ...да згубы прывесці...".

Словы Яна Караля Хадкевіча,
гетмана вялікага літоўскага (з 1605 года) і ваяводы віленскага (з 1616 года).

У 1925 годзе, у Вільні, сканаў знакаміты краёвец, адвакат, грамадскі дзеяч і стваральнік Віленскай бібліятэкі, Тадэвуш Станіслаў Урублеўскі.

Іншы краёвец, Станіслаў Свяневіч, прысвяціў яго смерці артыкул у газеце "Kurier Wileński", аб дню знаёмства з Урублеўскім распавядаючы:

"...павітаў Ён мяне словамі: «Пан знаёміцца з адным з апошніх магіканаў. Сёння ўжо засталося толькі трое праўдзівых грамадзянаў былога Вялікага Княства Літоўскага і толькі трое праўдзівых краёўцаў. Я ёсць адным з іх»...".

Аб поглядах Тадэвуша Урублеўскага на запанаваўшую эпоху нацыяналізмаў Свяневіч сцвярджаў:

"...Нацыяналістаў Урублеўскі лічыў сваімі праціўнікамі. Тое быў для яго чужы і варожы лагер...".

Прыклад Тадэвуша Урублеўскага з'яўляецца важным для жыхароў сучасных Літвы і Беларусі з той прычыны, што дазваляе зразумець: і ў наш час перамогшых нацыяналізмаў і нацыянальных дзяржаваў магчыма працягваць чуць сябе літвінам - грамадзянінам зямель былога Вялікага Княства Літоўскага.