اليوم رافقتني الغيوم وانتِ
الغيوم في السماء وانتِ في خيالي

كنا نتبادل النظرات..
انا انظر الى الجنة وهيَ تنظر الى النار

من يبدي الشتا اتذكر
ومن اتذكر اتعور
ومن اتعور احتاجك
بر ويتاني مزنة ماي
والبر يصبر عله الماي
مثل صبر الشتا ع البر
تهجرني واضل مشتاك
كطرة ماي تسكيني .. واكول اكدر
يالكطعي يالمدلل
ماريدك مطر
مر ندى وما حاجيك
اخضر اردود الك .، لو بس يمر طاريك
تلكاني عرد والروح سدرة بر
وتلكاني ضما وبالروح ورد احمر

- عقيل العرد

كافي خوف يمتى نعيش

كافي خوف يمتى نعيش

حتى انه

جاي من بعيد .... رايح للبعيد

وذاك من ذاك اليعرفك

وين رايح ؟
وشتريد ؟

الناس باعت واشترت
والدنيا سوك

وفرق سبعينك وسبعين الملوك
العطاشى احرار
والشربوا عبيد

ذيج ناس حسين يرويها وتثور

وهاي
تشرب عطش من ذلة يزيد

وبين صوتين المواكح عالفرات

ابو فاضل شايلك بالطف نشيد

من النهر للنحر ... روج يناغي روج

النهر نام
ولسه ما نام الوريد

وعطش بالطف جان ... بس مو كلشي ماي

الثورة مايبرد ضماها الا بشهيد

- عقيل العرد

مشتاقلكم

"جدّي يُحبّ عليًّا حُبَ مُفتتنِ
‏وجدَّتي حُبها من أعظم السُننِ

‏أمّي تُرتِّلهُ في السر والعَلَنِ
‏وكان لي والدٌ يهوى أبا حسنٍ

‏فصرتُ من ذي
‏وذا أهوى أبا حسنِ"

لا ترد مات الورد