УЙ-ЖОЙ НАРХЛАРИ ОШИШДА ДАВОМ ЭТМОҚДА ( МИ ? )
Joriy yilda O‘zbekistondagi uy-joy narxlari keskin o‘sishdan to‘xtab, barqaror o‘sish sur’atiga qaytdi. 

Markaziy bank ma’lumotlariga ko‘ra, yanvar-sentyabr oylarida yangi uylarning narxi 7,9%, eski uylarning narxi esa 5% ga ko‘tarildi. Dollarda esa bu raqamlar 1,9% va 4,7% ni tashkil etdi. 2023-yilda esa narxlar 21,5% va 22,8% ga o‘sib, sezilarli farq qilgan edi. 

Shuningdek, umumiy bozor faolligi pasaydi: o'tgan yilga nisbatan tuzilgan shartnomalar soni 20 mingga qisqardi. 

Bunga nima sabab bo‘ldi?

So‘nggi yillarda uy-joy bozori bir necha omillar tufayli keskin o‘sish davrini boshdan kechirdi: 

- Kechiktirilgan talab; 
- Yangi kelgan migratsion oqim va ijara ehtiyoji; 
- Ukrainadagi urushdan keyin kelgan imgrantlar; 
- Ipoteka dasturlarining kengayishi. 

Bu jarayon bozorni "qizdirib", narxlarning haddan tashqari oshishiga olib keldi. Biroq, bu yil talab qondirila boshladi va bozor asta-sekin o‘z holiga qaytmoqda. 

Ipoteka kreditlash hajmi ham kamaydi: kredit summasi 4%, oluvchilar soni esa 20% ga qisqardi. Shu sababli, narxlar tabiiy ravishda pasaymoqda va bozor o‘zini tuzatmoqda. 

Uy-joyga sarmoya kiritish foydalimi?

Hozirda uy-joy narxlarining o‘sishi inflyatsiyadan ortda qolmoqda. Boshqa moliyaviy sarmoyalar hozir ko‘proq daromad keltirishi mumkin. 

Ammo uzoq muddatli istiqbolda uy-joy O‘zbekistonda hali ham muhim sarmoya turi bo‘lib qoladi. Mamlakatda turar-joy yetishmovchiligi sababli narxlar yuqori darajada saqlanib qolishi mumkin, lekin 2022-2023-yillardagi kabi o‘ta keskin o‘sish ehtimoli past.

@lazizhamidov

Каналимизни яқинларингизга ҳам тавсия қилинг!“MENING UYIM — МОЙ ДОМ” – Сиз излаган арзон уйлар канали