初選電子票結果公佈
https://www.facebook.com/hk.nextmedia/posts/10159253587712448

Facebook

Log in or sign up to view

See posts, photos and more on Facebook.

又返黎呢架巴士...

我身處呢架巴士有無啲熟口面？

桃花依舊，當時一起坐在巴士上的人，很多已經為咗鋪條單程路過海去終點跳咗落海。

係，就係大家係地厚天高見過個架「香港真係好靚」巴士，當年我仲能夠參選時租用嚟代步加宣傳個架，班友仔特意搵返黎既。

唔留返之後用？
「邊個知道仲有冇下一次？」

呢兩日就係就係立法會選舉初選嘅日子，可能大家仲係諗緊投唔投邊個，或者投唔投票好。

立法會無用，議席做唔到乜嘢，國安法都過埋，我哋清楚知道並明白。
我哋亦都無意賣假希望呃大家，事實係選完班後生或者邊個都好，大家唔會因為咁就買到樓，也唔會咁就有票選特首。

但係，議席無用唔代表投票都冇用。

今次嘅初選係獨特意義的，它是國安法殺到之後香港第一個選舉，全世界都望住嘅一個選舉。

選舉嘅本質就係一個民意授權嘅過程，投票就係一個訊息，同全世界講，我哋香港人想要乜嘢。

投張可森 Sam Cheung 王百羽 Henry Wong - 王伯 呢班本土派，呢班抗爭派，就係用選票同全世界講，我哋香港人，想用我哋自己雙手，捍衛我哋嘅自由，我哋嘅未來，我哋嘅香港。

國安法底下，呢班冇權冇勢嘅後生仔走去選走去衝，本身就係自殘行為。
佢哋冇權冇勢，但係為咗香港呢個地方，都願意攞自己條命嚟賭。
我哋香港人又可唔可以比啲骨氣，嚟緊呢個星期六日用幾分鐘去投個票，話俾呢班後生仔知道佢哋係有人撐住，話俾全世界聽我哋香港人未死得未投降？

最艱難嘅時候，都要做最正確嘅決定。

希望各位可以支持張可森、王伯羽同其他勇敢反抗嘅團隊。