" البعض يهّرم بلا سنوات، لأن هناك
قطارًا يُسمّى (الصدمة) يقلّهم إلى
آخر العمر ."

يعود الشَهيدُ من عمله مُتعبًا
يُقبل زوجته
يشم رائحة أولاده
ثُمَ يَصعدُ بهدوء إلى صورتهِ المُعلقة
على الحائط !

المجتمع البداخله انسان ضايعة كرامته ومهدور حقه وساكت ، نشوفه يتحول لشخص مريض ، يدافع عن قضايا بجزر القمر وهو يعيش بمجتمع فاسد ومتخلف ، وتلكاه يحجي بصوت عالي عن الشرف والحريات وهو ماعنده صوت اله يطبل للحاكم ويتهم الوياه بالعلمانية والألحاد ويقتل المرأة بأسم الشرف والدين.

" تحبها !
اهتم بيها خليها فوك راسك خليها الاول بحياتك حسسها بأمانك خليها تحس عدها رجال مو ذكر خليها واثقه بيك متباوع لغيرها خليها تثق بيك وتسلمك قلبها وهي مرتاحه خليها تعرف الله من خلالك خليها تحب اهلها بسببك وخليها تحسك الاب الثاني الها
حبها لتستغلها لتبجيها لتنزل دموعها علمود اشياء تافهه تحبها خاف الله بيها علمها على اشياء متعرفها تحبها خليها تسولف بيك بالخير كدام الناس تحبها خليها ترفع راسها وتفتخر عدها رجال مثلك تحبها لتحرمها من حنيتك لتبخل عليها بكلمه حلوه تشوفها منك بكد الدنيا تحبها خليها تهتم بنفسها علمودك وعلمود حياتها وياك تحبها شجعها على الصعبات وامشي وياها بكل خطوة تحبها عوف جسمها واهتم بروحها تحبها صير اناني بيها صير غيور عليها صير حنون يمها وقوي يم غيرها تحبها تقبلها سامحها ساعدها احتويها تحبها اجمعها وياك تحت سقف واحد ."

‏تَشجيع أيّ إنسانٍ على إحساس يستحيل مداواته،
لأن الآخر، ناصحهُ، لديهِ تماسٌ مع سموهُ الخاص،
قَد عكَس ميولهُ الهدامة ليدُله على الزَمن،
إنَ المتألمين على دوام تُخنقهم التعبيرات الناتِجة عن حيويّة فردٍ مرح، لأنَ المُتَمَدد في "شخص الوجود"، يتقبَل السلبية حتَّى لا يموت من التفاؤل.

والله اتعجب على العنده وحده تحبه محترمة ومؤدبة وحلوه  ويخونها
هذا شيريد؟؟؟.
واتعجب البنت الي الله رزقه بشخص طيب ويخاف الله وتخونه هم الخلل مو بلحب الخلل بيكم انتو الحب أجمل شي الله خلقة .

كل شي يحتاجله وقت !
الجرح حتى يطيب ، الطفل حتى يمشي ، والطالب حتى ينجح والمسافر حتى يرجع ، والاهم !
والانسان حتى ينسى ، يقوى ، ينضج ، يوعى ، يكبر
كل شي يطلب من عدنه القوه والصبر حتى يصير ؟ الايام الي نمنا بيها نبچي وحزن وكأبة هية ايام حلوة بالاخير بأنتظارنا ، الضربه الي اليوم تأذينا منها وكسرتنا ، باجر مراح نحس بيها ، الشغلات الي خفنا منها اليوم ؟ باجر راح تكون اشياء تافه كلش واشياء عاديه بالنسبة النا ، كل شي بهل حياة يرادله وقت يرادله صبر يرادله تعب ، مو كلشي يجي بسهوله ماكو هذا المصطلح بالحياة اي شي تريده يجيك بسهوله ؟ كلش غلط وماكو هيج شي
كل شي يريدله وقت يلا يصير حتى يتحقق ، وخلوهم بالكم كل شي يجيكم بالوقت المناسب والي الله كاتبه الكم بوقته

الناس
هلكلمه ماخذه مكانه چبيره بعقولنه ، لان دائما انحطلها الف حساب قبل اي فعل حابين انسوي ، يعني نفكر شنو ردة فعل الناس ، شنو راح يحجون ، شون راح يتصرفون ..... قبل منسوي شي ، بس ببساطة احنه منكدر نرضي الناس ، يمكن نكدر نسوي شغلات و ترضي جزء من الناس ، بس لابد اكو جزء مموافق ، ماراضي ،
و اني اليوم كإنسان المفروض اعرف شنو دا اسوي ، و ليش ، وشنو الضرر من الشغله الي اسويها ، قبل ما اشوف ردة فعل الناس ، او تصرفهم تجاهي ،
واحنه ك بشر اي شخص يمنه ممكن يتمنالنه الخير وكذلك الشر ، مثلاً كاعد انت وجماعه ، راح تشوف المدح ، الاحترام ، الكلام الزين منهم ،لانك كاعد يمهم ، إما بس تگوم من يمهم ، ح تسمع الكلام الي بظهرك عبارة عن ذم ، كره غيره ...، و اذا تفهمها بوجهة نظري " الناس يمك ملائكه و وراك شياطين .

الثقه
شنو رأيكم بهل كلمه ؟
احنه من نسمع هلكلمه يجي ابالنه أشخاص زينين , چانو گد الثقه ،و اشخاص خانو هاي الثقه ،وخانو صحبتنه الهم.
و احنه المفروض ما ننطي الثقه لأي شخص عادي ، لا المفروض نعرف الشخص كلش زين ،ونعرف هو شنو، بعدها انثق بيه، لان مو كل واحد يكدر يكون گد هاي الثقه، ومو كل واحد راح تنطي ثقتك ماراح يخونك ، لا الناس انواع واشكال وكل شخص اله تصرفاته واخلاقه الي تميزه عن الاشخاص الباقين، وممكن تكول هلتصرفات زينه او مو زينه
ف انطو الثقه بس للي يستحقها ويكون گداها.