الصوج بيَّ أعترف
والله اكبر غَلط
ننجرح ونعبر
تعودنا من ننكسر
ماننجبر ، نجبر !
الكارثة يجرحك شخُص
من تلتئم وَحدك
يرجعلك بكُل عَتب
ويگول متغير
والمُشكلة بطَبع البشر
من يعرُف تحبة صدُك
يكسرك ، مسيطر
اتمنى الگة شخُص ويا أحس
مستقر !
مو ينسحب وانكسر
مو يغلط وأعتذر
اكبر غَلط من ترتبُط بأنسان
عندة نقُص يستثگل الأعتذر
گتلهم انتَ شنو وشسويت
وشجاريت ؟
لو چان هَم السبب من غيرتي
وناري
انا الضحية الأبد ماعايش ادوار

ولا مَرة گتلي
شبيك زعلان ؟
وانا بلا زَعل
مرتين أراضيك

وما غَزر
مشيتوا انتوا
وبُقيت بوحدي اتوذر
وسمعتوا الطاح
مِن صدري
وگلتوا إنكسر
يلا الشّر !
وعرفت الصار ساعتها
مِثل ما كِلمة وحدة
ترمم أبن آدم
هم بكلمة يتطشر
ولك يا شّر؟
گلبي الطاح
موش اگزاز وتكسر

اول شي أي سؤال عدكُم اسئلو بالبوت او أي شي تحتاجو @A1i8kbot ?.
ثاني شي ما اسوي اعلانات لحسابات ولا لقنوات أعذروني لاتحرجوني ولا أفشلكُم
ثالث شي ما أقبل تنوخذ صورة القناة ولا الأسم ولا البايو يعني رجاءًا ماله داعي واحد يتحمل حرام ع مود اشياء متستاهل
بالإضافة اني كاتبة بالبايو مال حسابي تيك ما أحلل بأخذ صوري
عيب اجي ارزل واحد واحد كُلمن عندة موبايل يصور بي واني دانزل شرح كُلشي تحتاجو مو حلو تفشلون نفسكُم !
+ الأشعار الي بالقناة كُلها حلالكُم منشورة الكُم تصرفو بيها شلون متحبون
بأستثناء السكرينات ?.

تانيت
تاتيت ماقَصرت
ومنين أريد ابدي ؟
من گتلي أجيك بحِلم
غمضت
وأهل الكَهف ماناموا بگدي
من گتلي باچر أجي
ضليت أعد بالوكت
باچر بَعد باچر
مرن سنة وست أشهر
چا ماخلص باچر؟

اذا تارس غُرفتي شفادني الدَخان
اذا هيَ المشاعر بالگلب تُبرد
وأقرر وأعترُف وأشهد
بعد ما بيَّ حيل الضحك والتَمثيل
صرت واصل قناعة الدنيا مو مَشهد
ولهنا خلص حَد الصبُر
هذا الوجع ماحملة
والباقي عندي من العُمر
اليريدة خل يكملة

اكبر أُمنياتي الوكت يرجع كون
مثل أُمنية ذاك الـ بالغلط يُكتل
گبل بيَّ خضار يغيض چم بُستان
والله مو ظروف الوادم أذبل
والله مو وراثة الشيب مِنك صار
نتيجة لا مُبالاتك ع التوسل
اليمد چفة بجحُر مو قلق مِثلي وياك
مامجبور أضل كُل عُمري متحمل
بصراحة سوالفك ميشيلها الحمال
من أحطهن ع الجبل هم يخسف ويهدل
أمشيك بدرُب منا ومنا نار
واگلك تحترگ وعناد بيَّ أزل !
ماتمشي عدل لو ع الحبِل مَشوك
بس انا غشيم وچنت متأمل

مشهد بعد ماله داعي نشوفة ونعيدة بعد لا أبوس خَدة ولا اگود أيدة بيوت و ع النهر بَس مو بنفس الصوب كُلمن يشرب من الصفحة التفيدة مثل ماعِفت وجهه بنُص هذاك الخير مثل ما عاف وجهي بنُص تجاعيدة المشاعر والرزق مو بيد ياهوّ الچان بس اليتعبلهن رَبك يزيدة حُفرت الحفرة…

مشهد بعد ماله داعي نشوفة ونعيدة
بعد لا أبوس خَدة ولا اگود أيدة
بيوت و ع النهر بَس مو بنفس الصوب
كُلمن يشرب من الصفحة التفيدة
مثل ماعِفت وجهه بنُص هذاك الخير
مثل ما عاف وجهي بنُص تجاعيدة
المشاعر والرزق مو بيد ياهوّ الچان
بس اليتعبلهن رَبك يزيدة
حُفرت الحفرة بيدي وحافظ المدفون
مِثل ماحافظ الأب ضحكة وليدة
هوَ أحساس يوصل مو بحاجة صوت
سمعتة بگلبي لَمن گال ماريدة
سمعتة وگُمت أحس دموع عيني ثگال
حچاية اطيح المكتول والكتال
ومشت بيَّ السنين بساعتين طوال
البَشر بحچاية تتغير مواليدة

انتَ لو ما گايل ارجع
ما أتاني !
واني من أنتظر
شامة ما أتحرك من مكاني
وانتَ تدري هيّ أصعب شوفة
للصورة التحِبها
قبل متشگها بثواني