❗️"АЧ"-ныҥ ээчиде номерин кычырыгар 👍

Јолыгар ачык, јоругар јымжак болзын, тургускан амадулараарды бӱдӱрип, уулдарыска кичӱ тӧрӧлиниҥ эзенин јетирип барыгар! Алтайыстаҥ курчулу, албатыдаҥ алкышту јӱрӱп, амыр-энчӱ јанып келигер!

Элбеде газеттиҥ ээчий номеринеҥ кычырыгар.

? Јаҥы јылдык номерди кычырыгар

Элбек Алексеевич Калкин
(19.12.1953 - 09.10.2024)

Кече, ÿлÿрген айдыҥ 9-чы кÿнинде, jарлу кайчы Элбек Калкин ак-чечектÿ алтайына jана берди.
Элбек Калкин 17 jаштаҥ бери кайлап баштаган. 1976-1978 jылдарда Барнаулда ла Новосибирскте öткöн кöрÿ-маргаандарда, онойдо ок Москвадагы Бастырасоюз фестивальда «Маадай-Кара» деп кай чöрчöктиҥ ÿзÿгин кайлап, jеҥÿлÿ jанган. 2005 jылда ол Алтай Республиканыҥ окылу делегациязыла кожо Париж калада öткöн «Алтай – алтын туулар» деп адалган jаан кöрÿде турушкан. 2006 jылда Москвада соккон «Завещание Ленина» деп кинодо ойногон. 2007 jылда «Алтай Республиканыҥ Эл кайчызы» деп бийик атла, 2010 jылда Г. И. Чорос-Гуркинниҥ адыла адалган эл сыйыныҥ лауреады деп адаткан.
Элбек Калкин – jарлу алтай кайчы А. Г. Калкинниҥ уулы, адазыныҥ jайалтазын улалткан. Элбек Алексеевичтиҥ ле Мария Эртеевнаныҥ билези ÿч бала чыдаткан. Эмди уулы Маjий адазыныҥ кайчы јолын улалтат. «Сöстöҥ сöс туулар, кайчыдаҥ кайчы улалар» деп тегиндÿ айдылбаган ине.