**بِسْــــــــــــــــــــــمِ ﷲِالرَّحْمَن الرَّحِيم

Бисмиллаҳир роҳманир роҳийм

Ассалому алайкум ва роҳматуллоҳи ва барокатуҳ!

Аллоҳ ҳақ субҳанаҳу ва таоло кунимизни хайрли ва баракотли айласин !

Эй, Роббимиз, бизга динда, дунё ва охиратда афв, офиятни ҳамда икки дунё саодатини насиб этгин!

•┈┈┈•❈••✾••❈•┈┈┈•

ДЎСТЛАРИНГИЗГА ҲАМ УЛАШИНГ!!!

⬇️Линкни босиб  каналга обуна бўлинг!⬇️**https://t.me/attermiziyuzportal

#Намознинг_фазилатлари
Намоз хатоларни ўчириб юборади
Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Нима деб ўйлайсизлар, бирортангизнинг эшиги олдидан ариқ оқиб ўтса, ўша ариқда ҳар куни беш марта ювинса, унда бирон кир жой қоладими?» дедилар. «Йўқ, асло кир қолмайди», дейишди. Шунда Набий соллаллоҳу алайҳи васаллам: «Худди шунингдек, Аллоҳ таоло ушбу беш маҳал намоз билан кичик гуноҳларни кечириб юборади», дедилар» (Имом Бухорий ва Имом Муслим ривояти).

Катта гуноҳлар кечирилиши учун эса тавба қилиш шарт.
Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Беш маҳал намоз ҳам, иккита жума намози ҳам (бир ривоятда икки Рамазон ҳам) ораларидаги гуноҳларга каффоратдир, фақатгина гуноҳи кабиралардан узоқ бўлинса» (Имом Муслим ва Термизий ривояти).

Анас розияллоҳу анҳудан ривоят қилинади: «Набий соллаллоҳу алайҳи васаллам шундай дедилар: «Аллоҳ таолонинг ҳар бир намоз вақтида нидо қилиб турадиган фариштаси бор. У фаришта: «Эй одам боласи, туриб, сизлар учун ёндирилган оловни ўчиринглар», деб нидо қилади» (Имом Табароний ривояти).
Бу ердаги оловдан мақсад гуноҳлар бўлиб, бу нидони «туриб, гуноҳларингизни ўчиринглар», деб тушуниш керак.

Абу Муслим Саълабийдан ривоят қилинади: «Абу Умома розияллоҳу анҳунинг ҳузурига кирдим. У масжидда экан. Унга: «Эй Абу Умома, бир киши менга сенинг номингдан бир ҳадис айтди, сен Расулуллоҳ соллаллоҳу алайҳи васалламнинг «Ким яхшилаб, мукаммал таҳорат қилса: икки қўлини ювса, юзини ювса, бошига ва қулоғига масҳ тортса, сўнгра фарз намозига турса, Аллоҳ таоло унинг ўша куни оёғи билан юриб қилган, қўли билан қилган, қулоғи билан эшитиб, кўзи билан қараб қилган, қалби билан қилган гуноҳларини кечириб юборади» деганларини эшитган экансан», дедим. Абу Умома: «Аллоҳга қасамки, мен буни Расулуллоҳ соллаллоҳу алайҳи васалламдан бир неча марта эшитганман!» деди» (Имом Аҳмад ривояти).

Абу Айюб Ансорий розияллоҳу анҳудан ривоят қилинади: «Пайғамбаримиз соллаллоҳу алайҳи васаллам: «Ҳар бир намоз олдидагининг (яъни намозхоннинг) гуноҳларини кечириб юборади», дер эдилар (Ҳайсамий ривояти).

“Энг шарафли уммат” китобидан.

•┈┈┈•❈••✾••❈•┈┈┈•

⬇️Линкни босиб  каналга обуна бўлинг!⬇️

https://t.me/attermiziyuzportal

**Қутуб Аҳмад Бадавий раҳимаҳуллоҳнинг ўз шогирди Абдул Олга қилган ўнта насиҳати:

1.  Эй Абдул Ол, тунда туриб ҳузури қалб ила ўқилган бир ракъат нафл намоз кундуз куни ўқилган минг ракъат нафл намоздан яхшироқдир.
2.  Эй Абдул Ол, очларни тўйдир, яланғочларга кийим кийдир, етимларнинг бошини сила, ийманиб сўрамайдиган фақирларга эҳсон-садақа қил.
3.  Эй Абдул Ол, дунёга муҳаббат қўйишдан ўзингни сақла! Чунки, у сирка асални бузганидек, амални бузади. Зеро, дунёнинг муҳаббати билан Аллоҳга бўлган муҳаббат битта қалбда жам бўлмайди.
4.  Эй Абдул Ол, кўп зикр қилишга одатлан! Раббинг сени ғофиллар қаторида кўришидан ўзингни сақла.
5.  Эй Абдул Ол, бизнинг тариқатимиз Қуръон ва суннатга, садоқат ва вафога, озорларга сабр қилиш ва аҳду паймонни асрашга асосланган.
6.  Эй Абдул Ол, бирор кишининг мусибатидан қувонма, ғийбат ва чақимчилик қилма, сенга озор берган кишига азият етказма, зулм қилганни авф эт, ёмонлик қилганга яхшилик қил, маҳрум қилганга бер.
7.  Эй Абдул Ол, сен Аллоҳга етишиш йўлида юрганларнинг ичида энг садоқатлиси ким эканлигини биласанми? У бирор кимсадан нарса сўрамайдиган, агар берилса шукр қиладиган, берилмаса Аллоҳнинг ҳукмига сабр қиладиган, Китоб ва суннатга амал қиладиган кишидир.
8.  Эй Абдул Ол, кимнинг илми бўлмаса унинг на дунёда ва на охиратда қадр-қиммати бўлмайди. Кимда ҳалимлик бўлмаса, унинг илмидан фойда бўлмайди. Ким халойиққа нисбатан шафқатли бўлмаса, Аллоҳ таолонинг ҳузурида шафоат топмайди. Кимнинг сабри бўлмаса, ишида унум бўлмайди. Кимнинг тақвоси бўлмаса, Аллоҳнинг ҳузурида мартаба топмайди. Ким мана шуларнинг ҳаммасидан маҳрум бўлса, жаннатдан насибаси бўлмайди, илло Аллоҳ раҳм қилганларгина бундан мустаснодир.
9.  Эй Абдул Ол, агар сен Аллоҳ ва Унинг Расулининг наздида мақоминг юксак бўлишини истасанг ўзингга ҳалимлик ва ҳусни хулқни лозим тут.
10.   Эй Абдул Ол, сен ҳар нафасингда Аллоҳга тавба қил ва Унга истиғфор айт. Зотан, қайси нафасингда вафот этишингни билмайсан.

•┈┈┈•❈••✾••❈•┈┈┈•

ДЎСТЛАРИНГИЗГА ҲАМ УЛАШИНГ!!!

⬇️Линкни босиб  каналга обуна бўлинг!⬇️**https://t.me/attermiziyuzportal

?????

Булутли кунларнинг бирида Бурайда деди:
"Аср намозини барвақт (вақти кириши биланоқ) адо этинглар. Чунки, дарҳақиқат, Пайғамбар соллаллоҳу алайҳи ва саллам айтганлар:
"Ким аср намозини тарк қилса амали ҳабата бўлади"

✍(Бухорий ривояти)

АТ _ТЕРМИЗИЙ МАСЖИДИ

​​ИЛМ **ВА ЗИКР

? “Ким тасбеҳ, такбир, таҳлил, таҳмид келтириб ухласа, қиёмат кунида шу ҳолида тирилади. Агар ғафлатда қолиб ухласа, қиёматда ҳам шу ҳолида тирилади. Уйқудан олдин зикр қилган ҳолда ухлашга ўзингизни кўниктиринг ва одатланинг”.

? Тасбеҳ – “Субҳаналлоҳ”;
? Такбир – “Аллоҳу акбар”;
? Таҳлил – “Ла илаҳа иллаллоҳ”;
? Таҳмид – “Алҳамдулиллаҳ” дейишдир.

Пайғамбаримиз соллаллоҳу алайҳи васаллам қизлари Ҳазрати Фотима розияллоҳу анҳога ухлашдан олдин 33 марта Субҳаналлоҳ, 33 марта Алҳамдулиллаҳ, 33 марта Аллоҳу акбар деб ётишни тавсия қилганлар.
Бу бизга дарс бўлиши келак. Инсон ётганда табиий равишда уйқуга толади. Уйқунинг ўлимдан қанчалик фарқи бор? “Эрталаб турамиз-да”, деймиз. Туролмасак-чи? Уйқунинг ўлимдан фарқи уйғониш холос. Уйғотиб бўлмайдиган уйқу ўлим дейилади.
Шундай экан, ухлашдан олдин тайёргарлик қилиш керак. Қиёмат кунида кишининг тасбеҳ, такбир, таҳлил ва таҳмид қилган ҳолда тирилиши унинг саодатига эришишига аломат ва жаннат аҳлидан бўлишига ишоратдир.

“Жаннатга борар йўллар” китобидан.

•┈┈┈•❈••✾••❈•┈┈┈•

ДЎСТЛАРИНГИЗГА ҲАМ УЛАШИНГ!!!

⬇️Линкни босиб  каналга обуна бўлинг!⬇️**https://t.me/attermiziyuzportal