جام درواخله اوپیاله درسره واخله
دساقي دلاس خواږه درسره واخله

زندګي کي به بیا تږی چیرته نشې
له ڪوثره لږ اوبـــــه درسره واخله

https://t.me/y4fgvh

طرحیه مشاعره
زما څوکمزوري بیتونه

یوته یې یو مې خدای دی یوهغه په ذوالجلال
لـدې پـرته  څــوک  نلـــرمه  زه   پـه  ذوالجلال

جانانه ستا له تللو وروسته داسي حالت راغی
په ځان باندي مې ولګول خوله په ذوالجلال

پرون یې راته ووِیل مطمئن یمه چي راشي
له ماســره یې ڪړیده وعــده په ذوالجلال

داښکلې ښکلې نه دي داپه ځان باندي مغروره
داخلګ لــه ازلــه دي خــــواږه په ذوالجلال

که کیږي که ممکن وي که راتللی شي آی راشه
بي تامې بله هیڅ نشته چاره په ذوالجلال

چي یارمې درته ووِیل تر جنـته به مې یاریې
خــوړلی مې قســم ده عبیده په ذوالجلال

عبیده غزنیوال

https://t.me/y4fgvh

غزل

دمشاعرې بیتونه
دسلګۍ دریاب پرکرښو

په شېبه شېبه شېبه درپسي مړه ده
حسنه هره آئینه درپسې مړه ده

ستابیلتون دی نوزه ځکه غلی ناست یم
له دردونو مې سېنه درپسې مړه ده

ڪبرجـنه سـتا دیــوه دیـــدن لپــاره
نن یې وګوره هغه درپسې مړه ده

په لیلا پسي مجنون زړګی خــوړلی
طالب جانه ګلبشره درپسې مړه ده

اي دحسن سرلښڪره اي لـمر مخــیه
رڼـــا وشــینده تیــاره درپسې مړه ده

عبیده تاشاعري ولي پري ایښي ؟
هرغــزل هره ټپه درپسې مړه ده

عبیده غزنیوال

https://t.me/y4fgvh

شعر عبیده غزنیوال

غږ عبدالوهاب

.

بس که نور نو دزړه درده لږ سړی شه
داسي مــه کـوه نامــــرده لږ سړی شه

په سینه کي مي چـاودلی زړه ســاتلی
په والله خوږ مي ځیګرده لږ سړی شه

عبیده غزنیوال

https://t.me/+_lA-QYWyQ_syMmNl

غزل

هدایت په اطاعت کي پیداکیږي
خوند اوذوق په عبادت کي پیدا کيږي

دوصال په مړوندو باندي مزې دي
د زړه درد په فراقت کي پیداکیږي

داسي ښکلي خو په دنیاکي نشته
داسي سترگي په جنت کي پیداکیږي

خزانې په خرابو کي وي مستوري
راحتونه په زحمت کي پیداکیږي

دهـغه په قوانینو ځان سمبال کړه
چي سکون یې تلاوت کي پیداکیږي

عبیده دیو غښتلي پیر مرید شه
تزڪیه په طریقت کي پیداکیږي

عبیده غزنيوال

https://t.me/+_lA-QYWyQ_syMmNl

#عبیده غزنیوال

داسي څوک نه لرم چي غم کي تسلي راکړي
پـه جار قربان به نو له چاسـره خبرې وڪړم

دلتــه دمیني قـدر نشته ڪافران دي زړونه
زه مسلمان به نو له چاســـــره خبرې وکړم

https://t.me/y4fgvh

ژوند دي تېر کړ په مزه مزه مزه کي
زه دي واچــولم د هجــــر تنـاره کي

.

له دیاره، او له یــاره له رویبــــاره
ستړی شوی یـم قسم له ټولــه ښاره

دلته هیڅوک هم دچا له غمـه نه دي
له انـــاره تر کوکــــناره تر چــــــناره

عبیده بس زندګي ده تېــره وه یې
کني مـــړ بــه یي اخـــر له انتظاره

https://t.me/y4fgvh