Քննարկում՝ «Կոնֆլիկտային իրավիճակը Մերձավոր Արևելքում. Իսրայել, Պաղեստին, Լիբանան, Իրան» խորագրով⬇️

https://www.youtube.com/watch?v=OXsMWPWcuLo

Մասշտաբային պատերազմ Իրանի դե՞մ. ո՞վ կկանխի միջուկային զենքի ստեղծումը. ուղիղ

https://www.youtube.com/live/YDs7rrzy2LA?si=OXMiymg_C7HB2rz4

Սա ազգային, հոգևոր ու պետականամետ շարժում է։ Ունենք ծրագիր․ Մենք պիտի մոբիլիզացնենք փողոցը՝ չշրջանցելով օրենքը։

Հարցազրույցս՝ Hayastan news-ին⬇️

https://www.facebook.com/watch/?v=848696357375411&rdid=brFT7Tgx8SnO9WAd

Շարժումը չի դադարել, այն վերադասավորումների, կազմակերպչական, ֆիլտրման և մարտավարական քայլերի ճշգրտման փուլում է:

Հարցազրույցս՝ Երկիր Մեդիա ՀԸ-ին⬇️

https://youtu.be/Ze7OL88Et7s?si=X734NTuf5IqrfzjO

YouTube

Աբրահամ Գասպարյանը՝ «Երկրի հյուրասրահում»

«Սեպտեմբերին Երևանը կվերածվի քաղաքական լուրջ իրադարձությունների թատերաբեմի՝ ավելի լայն զանգվածներով». Աբրահամ Գասպարյան #երկիրմեդիա #լուրեր

Սիրելի՛ ընկերներ, հարազատներ,

մոտ երեքշաբաթյա դադարից հետո վերադառնում եմ բնականոն կյանք: Կազդուրվում եմ, առողջականս՝ դեպի լավը, կա դրական դինամիկա:

Շուտով կվերամիավորվեմ Սրբազան պայքարի իմ գաղափարակից ընկերներին՝ նոր թափով շարունակելու և մեր՝ հայրենիք ունենալու կռիվը հասցնելու հաղթական ավարտին:

Եթերում կհանդիպենք առաջիկա հինգշաբթի՝ հուլիսի 4-ին, ժամը 19:00-ին, ABC Media-ի եթերում՝ «Փոխի՛ր ալիքը Աբրահամ Գասպարյանի հետ» հաղորդման շրջանակում:

Հունիսի 12-ին ինձ հետ տեղի ունեցածի առթիվ ընդունվել է քրեական վարույթ, իմ լիազոր ներկայացուցիչ Տիգրան Գրիգորյանի պրոֆեսիոնալ աշխատանքի արդյունքում ներգրավվել եմ որպես տուժող: Դեռ կհասցնեմ խոսել այս մասին և ոչ միայն:

Մարմնի ցավն անցողիկ է, չպետք է կենտրոնանալ դրա վրա և շեղվել օրակարգից: Ունենք ավելի լուրջ խնդիր՝ վայրկյան առաջ ձերբազատվել հայակործան այս բանդայից:

Ի խորոց սրտի շնորհակալություն եմ հայտնում ընկերներիս, հարազատներիս, Հայաստանում, թե Սփյուռքում ծանոթ ու անծանոթ, իրական, թե վիրտուալ հայրենակիցներիս՝ հիվանդանոցից մինչև տուն չդադարող հոգատարության ու զորակցության համար. դուք ամուր հենարան եք ընտանիքիս համար:

Առանձնահատուկ երախտագիտությունս՝ Իզմիրլյան բժշկական կենտրոնի ամբողջ բուժանձնակազմին՝ իմ ավագ եղբայր, եզակի մարդ, արժանապատիվ հայ ու արհեստավարժ բժիշկ, Պրոֆեսոր Արմեն Չարչյանի գլխավորությամբ, կարճ ժամանակում ինձ ոտքի կանգնեցնելու համար:

Ամեն ինչ նոր է սկսվում. մինչև հայն ու Հայաստանը չհաղթեն, խրամատ լքող չկա՛:

Պի՛նդ եղեք:

ՀԳ. Հատուկ հիմարների համար. ինձ տեղափոխել էին Իզմիրլյան ԲԿ, քանի որ Ոստիկանության Քանաքեռ Զեյթունի բաժանմունքը գտնվում է ուղիղ հիվանդանոցի դիմաց:

ՀԱՅՏԱՐԱՐՈՒԹՅՈՒՆ

Երեկ ՀՀ Կառավարության շենքում Նիկոլ Փաշինյանը հանդիպել է Կիրանց գյուղի բնակիչների հետ: Հանդիպումն անցել է ոչ հուսադրող մթնոլորտում՝ ոչ միայն չփարատելով բնակիչների մտահոգությունները, այլ ավելին՝ կիրանցիներին հուզող հարցերը մնացել են անպատասխան, ինչը հերթական անգամ վկայում է, որ ՀՀ գործող կառավարությունը չունի քաղաքական հստակ և այլընտրանքային ռազմավարություն՝ ապահովելու սեփական քաղաքացիների անվտանգությունը, պաշտպանելու նրանց կյանքի, գույքի ու սեփականության իրավունքը:

Իշխանությունը, միաժամանակ, հայտարարել է, որ չի կարող երաշխավորել սահմանազատման ենթարկված տարածքի «հայկական հատվածի» բնակիչների անվտանգությունը:

Իշխանությունն սպառեց Տավուշի մարզի Կիրանց գյուղի, հետևաբար նաև՝ ՀՀ սահմանազատման ենթակա մնացած մարզերի այլ համայնքների բնակիչներին պետական անվտանգային երաշխիքներ տրամադրելու վերջին հնարավորությունը: Սա հերթական փաստն է, որ ՀՀ գործող ապօրինի իշխանությունը, սահմանազատման, ինքնիշխանության և խաղաղության կեղծ թեզերի շրջանառությամբ, տարածքային հակասահմանադրական և միակողմանի զիջումներ է կատարում հօգուտ Ադրբեջանի, որի սողացող նկրտումներն առաջիկայում ակնհայտ դրսևորվելու են Սյունիքում, Արարատում, Գեղարքունիքում:

ՀՀ իշխանությունը մսխել է հայկական դիմադրողականության ռազմաքաղաքական, անվտանգային և դիվանագիտական զինանոցը, և իր անկարողությամբ, բարոյալքված, ստահոդ ու կեղծ տեղեկատվական հոսքերով, բացառապես փորձում է ինքնաարդարանալ՝ ի գին ՀՀ և հայ ժողովրդի ազգային-պետական շահերի:
Տավուշեցին, հետևաբար՝ Հայաստանի քաղաքացին, վաղուց պաշտպանված չէ: Իշխանությունը կորցրել է վստահությունը՝ իր քաղաքական վարքաբանությամբ, շարքային քաղաքացու կյանքի ապահովման սահմանադրական և բարոյական պարտավորությունը լիարժեք ձախողելու պատճառով:

Վերահաստատում ենք, որ այս ամբողջ գործընթացն ապօրինի է, հակասում է ՀՀ Սահմանադրությանն ու օրենքներին, հետևաբար՝ պետք է կասեցվի:

«Տավուշը հանուն Հայրենիքի»
30.04.2024 թ.

Վերջին օրերին Տավուշի մարզի տարբեր համայնքներում ձևավորվել են տեղային ժողովրդական ինքնաբուխ բջիջներ, որոնք արմատական դիմադրություն են ցուցաբերում ՀՀ հանձնվողական իշխանության վարած քաղաքականությանը, ըստ որի՝ Ադրբեջանի հանրապետությանն են փոխանցվում ՀՀ մաս կազմող տարածքային միավորներ, որով էլ փլուզվում է պետության հյուսիսարևելյան հատվածի՝ Տավուշի պաշտպանական գիծը՝ առաջացնելով անվտանգային լրջագույն սպառնալիքներ պետության և սահմանապահ համայնքների բնակիչների համար:

ՀՀ Սահմանադրությունն ու օրենքները ոտնահարող, ապօրինի և ներպետական իրավական-օրենսդրական գործընթացները շրջանցող, ոչ ինստիտուցիոնալ և միանձնյա ընդունված այս որոշմանն ընդդիմացողների նկատմամբ Ոստիկանությունը կիրառում է բիրտ ուժ և բերման ենթարկում՝ դիմադրելու իր իրավունքից օգտվող տասնյակ քաղաքացիների:

Զուգահեռաբար, իշխանությունը զավթած վարչախումբը՝ իր հակաժողովրդական, հակաժողովրդավարական ամբողջ գործիքակազմով, իրեն սպասարկող մեդիաարբանյակներով, հակաազգային և հակապետական քարոզչամեքենայով, լծվել է հեղինակազրկման համակարգված արշավի՝ թիրախում պահելով Հայ եկեղեցու սպասավորներին և հանձնվողական հայադավ քաղաքականությանն ընդդիմացող գործիչներին:

Դատապարտում ենք այս ինքնաբուխ շարժումն առաջնորդող, հատկապես Հայ առաքելական եկեղեցու Տավուշի թեմի առաջնորդ Բագրատ արք. Գալստանյանի, ծանր վնասվածքներով հիվանդանոց տեղափոխված՝ պահեստազորի գնդապետ Միհրան Մախսուդյանի, իբրև թե «խուլիգանություն իրականացնելու» մեղադրանքով Ոստիկանությունում ապօրինի պահվող, քաղաքական հստակ հետապնդման ենթարկվող հանրային գործիչ Սուրեն Պետրոսյանի դեմ հալածանքների և հեղինակազրկման ուղղորդված արշավը, համերաշխություն հայտնում հայկական ազգային-պետական շահերի պահպանման համար մեր հայրենակիցների պայքարին, պահանջում իրավապահներից՝ դադարեցնել ապօրինի գործողություններն ու իշխանության կամայական որոշումներին հլու հնազանդ ենթարկվելը, ցուցաբերել զսպվածություն՝ դիմադրություն ցույց տվող հայրենակիցների գործողություններին պատասխանելիս:

«Ջենեսիս Արմենիա» ուղեղային կենտրոն/հիմնադրամ
24.04.2024 թ.

Ի՞նչ է կատարվում Ոսկեպարում և Կիրանցում։ Կվերածվի՞ այն համազգային շարժման, թե՞ կմարի նախկինների նման։

Իմ փոքր վերլուծական ելույթը դեպքի վայրից՝ Կիրանցից։

Պի՛նդ եղեք։