❤️

Barchamizga birinchi qor muborak boʻlsin!

#ретро

GAPIR

Og‘amsan-ku, kel bunday
Hasratlaringdan gapir.
Teskari to‘nkarilgan
Qismatlaringdan gapir.
Onangni sog‘indingmi?
Ko‘zlaring titramoqda...
Otangni g‘amgin ko‘rgan
G‘urbatlaringdan gapir.

Tug‘ishganing har yona
Tarqadimi, tarqoqsan?
Taqdir – oyoq, chinoqqa
Yetmagan boshbarmoqsan.
Akang rahbar, sen uni
Haftada bir ko‘rmoqqa
Shanba-yakshanba kutgan
Navbatlaringdan gapir.

Ro‘zg‘oring – teshik qozon,
To‘larmi hech zamonda?
Turmushdan ortgan puling
Bo‘larmi hech zamonda?
O‘g‘ling "Fanta obbering"
Deb yig‘lasa do‘konda,
Turshakdan qilib bergan
Sharbatlaringdan gapir.

Qizchang dardga yo‘liqdi
Nachora, uch yoshida.
Tug‘ilguncha qisilish
Bo‘lgan ekan boshida.
U uchun pul qidirib
Rahbaringning qoshida
Egilishlarga rozi
Kelbatlaringdan gapir.

Nega shuncha qiynalib
Zamondan nolimaysan?
Ming yomonga yo‘liqib
Yomondan nolimaysan?
Ustingdan kulsalar ham
Insondan nolimaysan?
Javobi jerkish bo‘lgan
Hurmatlaringdan gapir.

Og‘amsan-ku, kel bunday
Hasratlaringdan gapir.
Teskari to‘nkarilgan
Qismatlaringdan gapir.
Onangni sog‘indingmi?
Ko‘zlaring titramoqda...
Otangni g‘amgin ko‘rgan
G‘urbatlaringdan gapir.

Jonibek ALIJONOV

Yomgʻirli kunlarni sevadiganlarga hasadim keladi🤭

#Bugundan
@Sunbula_blogi

Baʼzida muvaffaqiyatlarga erishdim deganda, bir qadam ortga siljish yuz beradi. Asl, magʻlubiyat ham shu jarayonda, shu kechinmaning oʻzida sodir boʻladi. Kecha zinadan yiqilib tushgan edim. Hech narsa qilmasa kerak deb, darsdan kelib, uxlab qolganman. Uygʻonsam soat toʻrtlar atrofi. Oyogʻim biroz shishgan. Kech boʻlib qoldi deb shifokorga bugun borishga qaror qilgan edim ammo bugun hokimiyatdan qoʻngʻiroq qilib, soat uchda oʻsha yerda boʻlishimni xabar qilishdi. Sababi esa ZULFIYA mukofotining shahar bosqichida ishtirok etayotganligim edi. Xursand boʻlib ketdim. Negaki, ushbu tanlovning shahar bosqichida qatnashishning ham oʻzi boʻlmaydi. Qanchadan qancha yugur-yugurlardan keyin amalga oshadigan bu jarayon meni juda toliqtirib yuborgan edi. Yetmaganiga, bugun shifokorga ham bormay, lat yegan oyogʻim bilan hokimyatga borib keldim. Yoʻlda qaytar ekanman, oʻzimcha oʻzimni taftish qila boshladim. Kunning bulut va yomgʻirli boʻlgani ham ichki tushkunligimni yanada oshirar edi. Chunki yomgʻirli havoni oʻlguday yomon koʻraman. Ayniqsa, uch toʻrt kunlab quyoshsiz yoqqan yomgʻirlar, sillamni quritib yuboradi. Boshqalarning tinkamadori quyoshli kunlarda qurisa, menda teskarisi boʻladi. Xullas, kelasi hafta tadbir, menda esa negadir ishtiyoq biroz yoʻqolgandek...
Ammo toʻxtash yoʻq. Sekin asta boʻlsa ham harakatdaman. Alloh doim biz bilan birga!

Sunbula
29.11.24

#mutolaadan

Eng oddiy, eng arzimas buyum ham uni odamlardan yashira boshlashing bilanoq birdan kishini lol qoldiradigan darajada qiziqarli bo'lib qoladi.

Dorian Greyning portreti
Oskar Uayld