#АртэФакт

🧈 Перад вамі маслёнка, выкананая з разалінавага шкла. Яна мае форму стылізаванай шматпялёсткавай кветкі з невысокім бортам і дробнахвалістым краем. Борт дэкарыраваны рэльефнымі кантамі. На донцы – шматпялёсткавая разетка.

☝️ Маслёнка выраблена ў 1920-1930-я гг. у Бярозаўцы на славутым прадпрыемстве акцыянернага таварыства Ю.Столе "Нёман". Таварыства было заснавана ў 1908 г. У 1910–1939 гг. яно з’яўлялася найбуйнейшым у Беларусі вытворцам шкла. Завод у Бярозаўцы не спыняў дзейнасць нават падчас акупацыі ў 1941–1944 гг. і працягваў выпуск тавараў масавага ўжытку. Вытворчасць прадукцыі па даваенных узорах працягвалася ажно да сярэдзіны 1950-х гадоў.

📎 Сучаснае нёманскае шкло характарызуецца разнастайнасцю мастацкай стылістыкі і тэхнік формаўтварэння, шырокім выкарыстаннем розных тэхнік дэкарыравання.