من درت وجهك ، درت وجهي و مشيت
ردت اگلك وين رايح و استحيت !
و قاومت گدام عينك ، بس وراك
الله يشهد حتى بالشارع بچيت
و خل اگلك خاف ما عندك خبر
راد يوگف گلبي بس ربك ستر"

لك اني بيه عتب
لو نگعد و ينحجي
يومين من الدمع ما ينشف ردانك !
و يضحكلي چان الهوا من چنة نتحاچة
هسة اكعد اني و هلي
ونطلع بصورتك و نگوم نتباچة .

حاليتلك هيج ؟
ذبلان علمودك و انتَ ما تدري شتريد
ما تأذيك الرسايل ، گمت احس روحك بريد
و حقك و تنغر عليه !
تحير ياهو يغطي شعرك
و اني لاگيت المطر شمسيتي ايديه
بعدك ولا جاي اعرف اهوة ،
اني وفي مو انتَ تسوة !
تعاملني چن لاگيني لگوة
و اني اغلى من شيجي ببالك
عد يا عصب بالراس شيمه ؟
يمحي التفاصيل القديمة
الخلت سنيني بلاية قيمة
گالولي متأذي بحياته !
شبچاني ؟ ناويلك شماته
هذا اليحاچيك انتَ ذاته ،
يا كاسة يا گطعة صلاته .

ابد ما چنت متوقع جوابچ ،
و قبل السالفة تسدين بابچ
چنت ما ادنگ گبال اليذبحون
و ادنگ من تعدلين بحجابچ ،
اخف من ايد اليبوگون بالسوگ
ولا حسيت من صار انسحابچ
دمرتي شبابي و اني كل يوم
اگول الله يهنيچ بشبابچ !

كل الاغاني ممكن تكون
عادية الى ان ترتبط ببعض الذكريات .

اذا تمشي بخيالي ، تعثرك اللحظات
البيهن جدمك وي الغير مشيته
بعد لتودي طيفك 
ليلي ما بي شوگ
اجاني وباب جفني 
بوجهه سديته
انا من الورد ضليت اضم الشوف
لأن كلش يشبهك ما اشتميته !

3:22
انا اترجاك ، لا تنسى
ليالي الحب و سنيني
و حاول لـ اجل حبي لك
إنك ما تخليني !

اي شي اسوي قبل ، يمك جنت احتفل بس انتَ تفرحلي .. وهسه اريدك تجي ... سويت شي مختلف جاي ابچي باركلي .. وجاي اختنك وانقهر ... وجاي احس كلشي اصعب .. وخليتني اتناقضت ، لا احب اضل وحدي ولا اعرف اتقرب .. نعسان بس للصبح.. بفراشي اتگلب .. ولمن عليك انسئل ،
من القلق مو من عطش كلساع مي اشرب.
يا فتره ما تعدي حتى اهلي من اختنك
خلوني اضل وحدي .