کــتێبخــانـــە و فــێربـوون✏️
....وَفَوْقَ كُلِّ ذِي عِلْمٍ عَلِيمٌ ( 76 ) یوسف
(لەسەروو هەموو خاوەن زانستێکەوە زاناو شارەزاتر هەیە)
"گــوایە عیشق لە هەر شتێکدا نەبێت بەدەست نایەت!"
ڕێسا محمد
🔶"کـــتـێبـخـ📙ــانــــە بـیمارخـانەی بـیرو فڪر"🔷
?? ? ??
WE LOVE HELICOPTERS!!!
Last updated 7 months, 3 weeks ago
Last updated 3 months ago
بەشی بانگەوازی لقی هەولێری ژیار بۆ پەروەردەو گەشەپێدانی مرۆیی هەڵدەستێت بە ئەنجامدانی زنجیرە سیمینارێک بەناونیشانی:
(چۆن لە خزمەتی قورئاندا بوون؟)
1- قورئان چۆن باسی قورئان دەکات؟
د.هاشم باجەلانی
29\10\2024
2- پێغەمبەر ﷺ چۆن لە خزمەت قورئاندا بوو؟
پ.د.سلیمان سلیم
5\11\2024
3- هاوەڵان چۆن لە خزمەت قورئاندا بوون؟
د.شیرزاد عبدالوهاب
12\11\2024
4- تابعین چۆن لە خزمەت قورئاندا بوون؟
د.خالید گەردی
19\11\2024
5- زانایان چۆن لە خزمەت قورئاندا بوون؟
د.ابراهیم سەنگەسەری
26\11\2024
سیمینارەکان بەڕێوەدەچێت لە هەموو ڕۆژانی سێشەممەێک، کاتژمێر 3:30 ی دوای نوێژی عەسر لە بینای لقی هەولێری ژیار.
هاتن بۆ هەمووانە
بۆ ئاگاداربوون لە سیمینارەکان
داخڵی ئەم کەناڵەی تلیگرام ببن:
https://t.me/zhyar_majles
ئه‌م هه‌ڵوێسته فه‌لسه‌فی و فیكرییه دوژمنكارییه‌ی كلێسا بۆ هزرو ئازادی بیر وایكرد كه ئه‌و بزاوته عه‌له‌مانیه‌ته مێژووییه‌ی زیاتر له پێنجسه‌د ساڵی خایاند (دانتی له 1200 داهات) ببێته ئه‌و بزاوته گۆأانكارییه به گوأه‌ی له‌ساڵی 1789دا پاشایه‌تی و كلێسا و بیردۆزه‌كانی به یه‌كجاری خسته كه‌ناره‌وه‌و زۆر ڕقنانه كه‌وته ڕیشه‌كێشكردنی هه‌موو سیماو مۆركێكی دینی.
ئه‌وه‌ی كه به‌ڵگه نه‌وویسته به‌ڵام تۆیژینه‌وه‌ی سه‌ربه‌خۆ ده‌یناسێنێت ئه‌وه‌یه كه ڕۆژئاوا (دینی) خوای نه‌ناسی، ته‌نانه‌ت مه‌سیحێتی سه‌یدنا عیساشی سه‌لامی خوای لێ بێت نه‌ناسی، ته‌نانه‌تتر مه‌سیحێتی ڕۆژهه‌ڵاتیشی نه‌ناسی.. به‌ڵكو خۆی دینێكی تری ئاوێته‌كرد.. له (ئینحراف)ی مه‌سیحێتی و (شیركیات)ی ئیغریق و ڕۆمان پاشان ئه‌م دیده (دینییه) بوو به ده‌سه‌ڵاتی ره‌سمی كلێسای سه‌رده‌مانی ئیمپراتۆر قوسته‌نتینی زۆڵ ـ وه‌كو مه‌سیحییه‌كان ده‌ڵێن ـ دین و سیاسه‌ت لێك جودا بوونه‌وه، كلێسا (پاشان پاپا) ده‌سه‌ڵاتی دینی گرته ده‌ست و ئیمپراتۆریش ده‌سه‌ڵاتی سیاسه‌تی دنیا (ئیمپراتۆرێتی ڕۆمان چواركه‌س ده‌یانبرد به‌أێوه به‌دوانیان ده‌ووترا ئیمپراتۆر (وه‌كو نازناوی سه‌رۆكایه‌تی)و هه‌روه‌ها پێشیان ده‌وترا (ئۆگستۆس) دوانه‌كه‌ی تریش كه وه‌كو سه‌رۆك حكومه‌تی ئه‌م سه‌رده‌مه بوون پێیان ده‌وترا (قه‌یسه‌ر). ئیمپراتۆره‌كان ده‌بوو ماوه‌ی بیست ساڵ حوكم بكه‌ن و پاشان قه‌یسه‌ره‌كان ده‌بوونه ئیمپراتۆرو ئه‌مانیش دوو قه‌یسه‌ری تریان ده‌بوو، تا بیست ساڵی تر، ئینجا ئه‌وانیش ده‌بوونه ئیمپراتۆرو دوو قه‌یسه‌ری تریان ده‌بوو.. وه هه‌روه‌ها، ئه‌م سیستمه له ساڵی (285ز)یه‌وه‌یه په‌یأه‌وی ده‌كرا، له ساڵی 305دا دوو ئیمپراتۆر (دیوكلیزیانوس) و (ماكسمیانۆس) خانه‌نشین بوون و دوو قه‌یسه‌ره‌كانیان هاتنه شوێنیان به‌ڵام له ناكاو یه‌كێكیان مرد كه (كۆستانزوس) بوو، كه ده‌بوو قه‌یسه‌رێك بێته شوێنی، به‌ڵام سه‌ربازانی به‌ریتانی كوأی مردووه‌كه‌یان هێنا كه ناوی (قوسته‌نتینۆس) بوو كردیان به ئیمپراتۆر.. ئه‌مه كێشه‌و ناكۆكی و شه‌أو شۆأی زۆری نایه‌وه چونكه جگه له‌وه‌ی پێچه‌وانه‌ی سیستمه سیاسییه‌كه بوو قوسته‌نتینۆس ژنه‌كه‌ی خۆی و خه‌سوو خه‌زوورو سێ زاواو كوأه گه‌وره‌كه‌ی خۆی كوشتبوو، گومانی (زۆڵێتی)یشی له‌سه‌ر بوو، به‌ڵام قوسته‌نتین له 312دا توانی هه‌موو ڕۆژئاوای ئه‌وروپا بخاته ژێر ده‌سه‌ڵاتی خۆی و به‌ره‌و ئیتالیا بێت و ڕۆمای پایته‌ختیش بگرێت. ئاوا بوو به ئیمپراتۆری ئیتالیاو به‌ره‌ی ڕۆژئاوای ئه‌وروپا، به‌ڵام (لیسینێۆس)كه ئیمپراتۆری (شه‌رعی) بوو به پێی سیستمی سیاسیان ڕۆژهه‌ڵاتی ئیتالیای له ئه‌وروپا به‌ركه‌وت.. له‌به‌ر ئه‌وه‌ی قوسته‌نتین سیاسیتر بوو، پێویستیشی به مه‌سیحیه‌كان بوو، خۆشی موشریكێكی سینه فراوان بوو، بواری زۆری به مه‌سیحییه‌كاندا، له‌و به‌ریشه‌وه مه‌سیحییه‌كانی ئیمپراتۆری ڕۆژهه‌ڵات قه‌ڵاچۆده‌كران و به‌ناوی خیانه‌ته‌وه خرانه ژێر چه‌وسانه‌وه‌یه‌كی زۆر، ئه‌مه وایكرد قوسته‌نتین بگاته ئه‌و ڕێكه‌وتنه له‌گه‌ڵ ئیكلیرۆس (پیاوانی كلێسا)دا كه ده‌سه‌ڵاتی دین بۆ ئێوه‌و ده‌سه‌ڵاتی سیاسیش بۆمن). ئاوا له ڕۆژئاوا دین و دنیا لێك جودا بوونه‌وه.. ئه‌مه‌ی كه ئیسلام شتی وای نه‌ناسی.. چونكه هه‌ر له سه‌ره‌تاوه قورئانی پێیرۆز له زیاتر له 500 ئایه‌تدا باسی ده‌سه‌ڵاتی سیاسیی ده‌كات كه یاساداڕشتن (التشریع) و حوكمڕانی (الحكم) و داوه‌ریی بردنه‌وه لای شه‌رعه (القضا‌و)ه، ئه‌مه جگه له‌وه‌ی كه پێغه‌مبه‌ری خوا صلی الله علیه وسلم له مه‌دینه ده‌سه‌ڵاتی سیاسی ده‌وڵه‌تییانه‌ی دامه‌زراندو دوای جه‌نابیشی چوار یاوه‌ری به‌ڕێزو ئینجا ئه‌مه‌ویه‌كان و عه‌بباسیه‌كان و مه‌مالیك و عوسمانییه‌كان كه به ره‌مزییش تا ساڵی 1925ز مایه‌وه.. به درێژایی مێژووی موسوڵمانان ئیسلام سه‌ركه‌وتووانه بۆ هه‌موو ده‌رچه‌كانی هزرو ژیریی مرۆڤ چووه‌ته مه‌یدان و به‌سه‌ر هه‌مووشیاندا زاڵبوو.. هه‌موو لق و چڵه‌كانی (فه‌لسه‌فه، زانست، لۆژیك (منطق)، ڕه‌وشتسازیی، كلتور، به‌های كۆمه‌ڵایه‌تی، سیاسه‌ت)و تا ئێستاش توانای ئه‌و ململانێیه‌ی به‌و په‌ڕی تواناوه پێماوه، به‌رامبه‌ر به هه‌موو به‌رهه‌مێكی فیكریی مرۆڤ.. والحمدلله.
نوسينى: مامۆستا كرێكار
ـ له بواری پارسه‌نگی كرداریشدا، بۆ ئه‌نجامدانی هه‌ڵسوكه‌وتی پارسه‌نگانه‌ی كۆمه‌ڵایه‌تی چه‌ندین ڕێسا داأێژرا كه ته‌حه‌ككوم له چۆنیه‌تی ئه‌نجامدانی كرداردا بكات تا (وه‌زیفه‌ی جه‌سته) به شێوه‌یه‌ك بنوێنێت كه عه‌كس كردنه‌وه‌ی هزری دامه‌زراو و ویژدانی پارسه‌نگ و ڕاقێتی ئاأاسته‌ی ژیریی بێت.. ئه‌مانه‌ش بوونه زانستی (ڕه‌وشتسازیی: علم الاخلاق).
ـ پابه‌ندبوونی تاك تاكی خێزان و خانه‌واده‌و تیره‌و هۆزه‌كان به ڕێساكانی ڕه‌وشتی په‌سه‌نده‌وه (دابونه‌ریتی كۆمه‌ڵایه‌تی) داهێنا، كه تا ده‌هات دامه‌زراوتر ده‌بوو، ڕێساو یاسای تایبه‌ت به هه‌ر گه‌لێك داهات، سیماو كرۆكی كۆمه‌ڵگه‌كانی لێك جودا ده‌كرده‌وه تا سه‌ره‌نجام ئه‌میش بوو به (كلتور).
ـ پێچه‌وانه‌كاریی داب و نه‌ریتی كۆمه‌ڵایه‌تی و كلتوری گه‌له‌كه له لایه‌ن هه‌ندێ كه‌سه‌وه به ناپه‌سه‌ندیی و به‌ره‌ڵایی ده‌ناسێنرا، به‌مه‌ش (عه‌یبه) وه‌كو لادانی داب و نه‌ریت هاته كایه‌وه، پێشبردی ئه‌م ڕێسایانه‌و به‌رفراوانكردن و ته‌سككردنه‌وه‌ی (پابه‌ندیی)یان (ئازادی) جۆره پێوه‌رێكی تری له كۆمه‌ڵگه‌دا داأشت كه بوون به (به‌ها: قییه‌م) تا تاك تاكی خه‌ڵكه‌كه بزانن چی له‌گه‌ڵ به‌هاكانیاندا ده‌گونجێت و په‌سه‌نده، چیش عه‌یبه‌یه‌و لارییه‌و ناپه‌سه‌نده.
ـ له‌گه‌ڵ گه‌وره‌بوونی كۆمه‌ڵگه‌كان له خێزانه‌وه بۆ هۆزو له‌ویشه‌وه بۆ (قه‌وم)و بۆ (گه‌ل)و بۆ ئوممه‌ت (هــێز)یش گه‌وره‌تر ده‌بوو، له هێزی بازوو ئامێره‌كانی جه‌نگه‌وه بۆ هێزی ئینتیمای كۆمه‌ڵكاریی خوێن و چین و ئایدیۆلۆژیا.. به‌كارهێنانی هێزو كارگێأیی، لێزانی و به خاوه‌نبوونی فه‌رمانده‌یی ده‌خواست، ئه‌مه كه له سه‌ره‌تادا فه‌لسه‌فه ئاأاسته‌ی ده‌كرد، دواتر خۆی بوو به كۆمه‌ڵێك زانیاریی ڕێكخراو و ڕێسای ئیداره‌و ئاأاسته‌و بوو به زانستی و موماره‌سه‌ی (سیاسه‌ت).
هه‌ریه‌كێك له‌م زاراوانه (فه‌لسه‌فه، زانست، لۆژیك (منطق)، ڕه‌وشتسازیی، كلتور، به‌های كۆمه‌ڵایه‌تی، سیاسه‌ت) چه‌نده‌ها لق و چڵی تری لێبۆوه. بۆیه ده‌بینیت فه‌لسه‌فه‌ی سه‌رده‌م ده‌یان مه‌دره‌سه‌ی هه‌یه كه ڕه‌نگه هیچیان نه‌چنه‌وه سه‌ر باسه‌كانی فه‌لسه‌فه‌ی پێش زایین و دواتریش چ (ڕۆحانیه‌تی ڕۆژهه‌ڵات) بێت وه‌كو دیدو تێڕوانینه فیساگۆرسییه‌كانی میسرو بابلییه‌كانی عێراق و كۆنفۆشیوسێتی چین (550 پێش زاین) یان فه‌لسه‌فه هیندستانییه كۆنه‌كه‌ی كه ده‌یووت مرۆڤ (جه‌سته‌و ڕۆحه)، یان بۆ باسه‌كانی سوكرات و باركلیس ده‌رباره‌ی گه‌ردوون و ژیان و مرۆڤ.
فه‌لسه‌فه‌ی ئیغریق و ڕۆمان له‌دوای ساڵی (335ز)ه‌وه وه‌كو خۆی نه‌ما.. چونكه مه‌سیحێتی به‌ناوی (وه‌حی)و مه‌سیحێتیه‌وه چووه هه‌موو مه‌یدانه‌كانی ململانێی فه‌لسه‌فی و فیكریی و سیاسی و قیه‌می و له هه‌موو بواره‌كاندا جه‌نگ و جیدالی (وه‌حی)و (هزر)ی دامه‌زراند (هه‌رچه‌نده نه مه‌سیحێتییه‌كه‌ی ڕۆژئاوا مه‌سیحێتی سه‌یدنا عیسا بوو سه‌لامی خوای لێ بێت نه مه‌سیحیتیه‌كه‌ش (وه‌حی)بوو، به‌ڵام چونكه له‌گه‌ڵ ده‌سه‌ڵاتی سیاسییدا ڕێكه‌وت و ئه‌وروپا هه‌مووی بتپه‌رست بوو، ئاسان ته‌شه‌نه‌ی كرد، به‌ڵام دوای جێگیربوون، گیری خوارد به‌ده‌ست فه‌لسه‌فه‌و دیدی فیكرییه‌وه). چونكه (وه‌حی)یه‌كه‌ی كڵێسای ڕۆژئاوا ته‌زویر بوو، نه‌یتوانی وه‌كو ئیسلام مه‌دره‌سه‌یه‌كی (موعته‌زیله) به‌رهه‌م بهێنێت و عه‌قڵیات له‌خۆ بگرێت و به لێكۆڵینه‌وه‌ی (دیارده گه‌ردوونییه‌كان) به‌ره‌و وه‌حی ڕاسته‌قینه‌ی بهێنیت.
له سه‌ره‌تادا مه‌سیحێتی ڕۆژئاوا هه‌وڵیدا له‌گه‌ڵ فه‌لسه‌فه (موشریك)ـه‌كه‌دا بگونجێت، یان له خۆی بگرێت، به‌ڵام به پێچه‌وانه‌وه كلێسا كه‌وته ژێر كاریگه‌ریی فه‌لسه‌فه‌ی ئه‌رستۆوه.! ئه‌گه‌رچی زۆرینه‌ی پیاوانی كڵێسا هه‌ر دژی ژیریی و هزر وه‌ستانه‌وه‌و هه‌موو به‌رهه‌مێكی فیكریی و هزرییان به (هه‌رته‌قه) ده‌ناساندو خاوه‌نه‌كه‌شی به (كافر). ئه‌م دیدو هه‌ڵوێسته به ڕاده‌ی جیاواز له دوژمندارێتی (هزر)دا ده‌رده‌كه‌وت.. ته‌نانه‌ت یه‌كێكی وه‌كو (مارتن لۆسه‌ر) كه دامه‌زرێنه‌ری مه‌زهه‌بی پرۆتستانییه (له1517دا ڕایگه‌یاند) به‌رامبه‌ر به ژیریی ده‌ڵێ (پیسایی پێدابكه).!! له كاتێكدا كه قورئان (24) جار ده‌فه‌رموێ (لعلكم تعقلون) و (24) جاریش (لعلهم یعقلون). جگه له چه‌ندین ئایه‌تی تر كه هزرو زانست به وه‌حیه‌وه ده‌به‌ستێته‌وه‌و به أێزه‌وه هانی هه‌ردووكیان ده‌دات، وه‌ك ده‌فه‌رموێ: (وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ) العنكبوت/43 : ئه‌م نموونانه بۆ خه‌ڵكی ده‌هێنیینه‌وه به‌ڵام غه‌یری زاناكان په‌ی پێ نابه‌ن.
بكه‌ن، خوا ئێوه‌ی بۆ په‌یامه‌كه‌ی خۆی هه‌ڵبژاردووه، خوا هیچ جۆره گرێ و گۆڵ و ناڕه‌حه‌تییه‌كی له دیندا نه‌هێناوه‌ته رێتان، ئێوه له میلله‌تی ئیبراهیمی باپیره‌ی خۆتانن كه پێشتر ناوی نان: موسوڵمان، بۆیه ده‌بێت پێغه‌مبه‌ر شاهێد بێت له‌سه‌رتان و ئێوه‌ش ببنه شاهێد له‌سه‌ر خه‌ڵكی. نوێژه‌كان بكه‌ن، زه‌كات بده‌ن، ده‌ست به رێبازی خواوه بگرن، چونكه ته‌نها ئه‌و سه‌رپه‌رشتیارتانه، ئه‌ویش باشترین لایه‌نگره.
هۆی سه‌ره‌كی سه‌ركه‌وتنی داعی وه‌نه‌بێت زانایی و زۆرزانی و ره‌وانبێژی بێت، به‌ڵكو پێش ئه‌م جۆره سیفه‌تانه هۆیه‌كی تری زۆر كاریگه‌ر هه‌یه كه ئه‌ویش باوه‌ڕی ئه‌و داعیه‌یه به بیروباوه‌ڕه‌كه‌ی خۆی، ئه‌وی ئه‌م خه‌ڵكه‌ی بۆ بانگهێشت ده‌كات هه‌روه‌ها راده‌ی هه‌ست كردنێتی به‌و دژواریانه‌ی -گه‌ر ئه‌م كه‌مته‌رخه‌م بوو - دێنه رێی بانگه‌وازه‌كه‌ی.
ده‌بێت داعی به‌بایه‌خ بێت، خه‌مخۆر بێت، به‌مشوور بێت، له‌و مه‌ترسیانه به حه‌زه‌ر بێت كه ڕووه‌و ڕووی بانگه‌وازه‌كه‌ی ده‌بنه‌وه.. پاشان ده‌بێت داعی ئیسلامی واز له هه‌رچی رابوردووی خۆی هه‌یه بهێنێت و به هه‌موو قه‌واره‌و كیانییە‌وه به‌ره‌و خوای گه‌وره هیجره‌ت كات. ده‌بێت كۆڵی دنیای سووك بێت، بارگه‌ی دنیای پێچراوه بێت و واز له هه‌موو شتێكی دنیایی بهێنێت و به‌ره‌و خوای گه‌وره بكه‌وێته رێ، خۆی به ته‌واوی و بێ دوو دڵی و بێ چه‌ندو چوون ته‌سلیم به خوای خاوه‌نی كات، به شێوه‌یه‌كی وا كه هیچ شتێك بۆ غه‌یری خوای میهره‌بان نه‌هێڵێته‌وه. هیجره‌تیش له بارو دۆخێكه‌وه ده‌بێت بۆ بارو دۆخێكی تر، له حاڵه‌تێكه‌وه بۆ حاڵه‌تێكی تر، له هه‌موو جۆره په‌یوه‌نیده‌كانه‌وه بۆ په‌یوه‌ستی خواوویستی.. هه‌ر كاتێك ئه‌و هیجره‌ته دەروونییە به ته‌واوی دروست بوو، ئه‌و كاته ئه‌و موسوڵمانه كه خه‌ڵكی ده‌دوێنێت ده‌یان هه‌ژێنێت و ئاشكراترین ئه‌سه‌رو ئاسه‌وار له دڵ و دەروونیاندا جێ ده‌هێڵێت، كارێكی زۆر به‌به‌رهه‌م ده‌كاته سه‌ریان، سه‌ر كیان و شه‌خسیه‌تیان با كابرای داعی كه‌ڕو لاڵیش بێت..
کتێبی رێبازی بانگەواز
لاپەڕە ٢٦
#کتێب_ناسی
#بارانی
ئه‌ركــی ئێمـه
گه‌وره‌ترین بەڵاو موسیبه‌ت كه تووشی ئه‌م ئوممه‌ته موسوڵمانه بووه، ئه‌و دووری و تێنه‌گه‌یشتنه‌ی موسوڵمانانه له ئیسلام و دیندارێتیه‌كه‌ی، كۆسپی هه‌ره گه‌وره‌ی رێمان ئه‌و گه‌ڕه‌لاوژێ فیكریه‌یه كه له مێشكی ئه‌م ئوممه‌ته موسوڵمانه‌ی ئه‌مڕۆدا دروست بووه، به ڕاستی شه‌ڕێكی سه‌خته.. بۆیه ده‌بێت داعیه‌كانی ئه‌مڕۆش مه‌یدانی شه‌ڕو هه‌موو سه‌نگه‌ره‌كان لێك هەڵاوێرن و به‌ره‌كانی شه‌ڕ - كه له‌گه‌ڵ كوفره - چاك دیاری بكه‌ن. جا له‌و رێیه‌شدا زۆر سوار ده‌گلێن و خه‌ساره‌تی زۆریشمان ده‌بێت و ژماره‌ی قوربانیانمان هه‌ر زیاد ده‌كات.. ده‌بێت داعیه‌كان چاك شاره‌زای رێبازی خۆو رێگای بزاڤی خۆیان بن.. ده‌بێت گورج بكه‌ونه خۆ، تین و ته‌وژمیان كاریگه‌رتر كه‌ن، ووره‌یان به‌رزو متمانه‌یان به‌و په‌یمانه‌ی به خوای خاوه‌نیان داوه زیاتر كه‌ن.. ده‌بێت زانست و كرده‌وه‌ی چاك و دامه‌زراوو ره‌سه‌ن له‌م ئیسلامه‌وه فێر بن.. ئینجا بكه‌ونه وه‌خه‌به‌ر هێنانی خه‌ڵكی، تا ئاگاداریان بكه‌نه‌وه، ده‌بێت هه‌وڵی زۆریان له‌گه‌ڵدا بده‌ن، بێ ئه‌وه‌ی بێ تاقه‌ت ببن، بێ ئه‌وه‌ی مه‌له‌ل بیانگرێت، بێ ئه‌وه‌ی ره‌شبین ببن.. نابێت گوێ بده‌نه ئه‌و هه‌موو سوارچاكه ئازیزانه‌ی له رێدا ده‌گلێن.. ده‌بێت هه‌میشه ئه‌وه‌یان له‌به‌ر چاو بێت كه ئامانجه‌كه‌یان زۆر گرنگ و گه‌وره‌یه، به هیچ شێوه‌یه‌ك نابێت هێزی دوژمن - هه‌ر چه‌ند زۆرو به‌هێزیش بێت- چاوترسێنیان بكات. نابێت هیچ كۆسپێكی رێ به گه‌وره‌و سه‌خت بزانن. نابێت هیچ ناڕه‌حه‌تیه‌ك به دژوار بزانن. ده‌بێت هه‌میشه ئه‌وه‌ی له‌به‌ر چاو بێت كه مادام داعی ئیسلامن، یه‌عنی له نه‌وه‌ی كه‌ڵه‌پیاوانی مێژوون و له‌م ریش سپێتی زه‌مانه‌دا زیت بوونه‌ته‌وه.. داعی ئیسلامی له كاروانه پیرۆزه‌كه‌ی پیاوانی به‌درو قادسیه‌و یه‌رموك و حطينن، پاشماوه‌ی نه‌وه‌ی ئه‌و پیاوه دلێرانه‌ن، پاشه‌نگی سه‌ربازانی بانگه‌وازه شیرینه‌كه‌ی پێغه‌مبه‌ری ئازیزن صَلَّی اللَّهُ عَلَيْهِ وَسَلَّمَ كه هه‌تا ئێستاش سالارو سه‌رقافڵه‌ی جیهادن.. ده‌بێت داعی ئیسلامی له واقیعدا بیسه‌لمێنێت كه كام جێی پڕ دڕك وداڵ و دژوارییه ئه‌م بێ باكانه خۆی تێ داوێت، سڵ له كه‌ندو كۆسپ و هه‌ڵدێر نەكاته‌وه، ده‌ست و گه‌ردن هه‌ڵده‌بڕێت و به‌رهه‌می سه‌ركه‌وتنی ئه‌م ئیسلامه له واقیعدا ده‌ڕنێت..
ده‌بێت داعیه ئیسلامیه‌كان ئه‌وه‌یان چاك له‌به‌ر چاو بێت كه ئه‌مانه پیاوی خوان و په‌یامی كۆتایی ئه‌ویان هه‌ڵگرتووه، جارێكی دی ده‌بێت دنیای پێ به‌خته‌وه‌ر كه‌نه‌وه، جارێكی دی خۆ بكه‌نه‌وه به پێشه‌واو سه‌ركرده‌و رێنیشانده‌ری جیهانیان..
ئه‌ی داعیانی ئیسلام تاغووته‌كان ده‌توانن چیتان لێ بكه‌ن؟! ئه‌و په‌ڕی توانایان ئه‌وه‌یه لاشه‌تان بهێننه ژێر باری ئه‌شكه‌نجه‌و ئازار، گۆشت و ئێسقانتان هه‌نجن هه‌نجن كه‌ن و خوێنتان بڕێژن، ئه‌مما رۆحتان، ئه‌وانه به هیچ شێوه‌یه‌ك دەسەڵاتیان به‌سه‌ریدا ناشكێت، ئێمه‌ش هیوامان به‌و رۆحه دلێره‌یه، هیوامان وایه كه هه‌موو هه‌ست و نه‌ست و ختوره‌یه‌كتان بۆ خوا ته‌رخان بكه‌ن و به‌س.. خۆشه‌ویستی و بوغزو تكاو ترس و حه‌زتان هه‌ر له خواو هه‌ر بۆ خوا بێت.. هه‌ر واش بژین تا ئه‌و ساته‌ی گیانتان به خوای گه‌وره ده‌سپێرنه‌وه. هیچ كه‌س و هیچ هێزێك توانای نییه ئه‌جه‌لتان پێش یان دوا بخات، بۆیه ده‌بێت به‌م باوه‌ڕو قه‌ناعه‌ت و به‌و ووره‌و متمانه‌و به‌و رۆحه پاكه‌وه به دیداری خوای په‌روه‌ردگارمان شادو به‌خته‌وه‌ر بین.. ده‌بێت داعی ئیسلامی له هه‌موو كه‌س زۆرترو زووتر هه‌ست به زوڵم و سته‌م بكات و ئازایانه دژی جاهیلییه‌تی سه‌رده‌م راپه‌ڕێت هه‌ر وه‌كو كه باب و باپیرانی دژی جاهیلییه‌تی كۆن راپه‌ڕین. پێویسته ئه‌و پێش هه‌موو كه‌س شه‌ق له ژیانی مادده هه‌ڵداو لێی یاخی بێت، وه‌كو نه‌وه‌كانی یه‌كه‌م كه لێی یاخی ده‌بوون و شه‌قیان تێ هه‌ڵده‌داو لێی یاخی ده‌بوون ده‌بێت هه‌موو خۆشگوزه‌رانی و ئاسووده‌یی و به‌خته‌وه‌ریه‌كیان بكه‌نه قوربانی رێبازه ئیسلامیه‌كه‌یان. ده‌بێت زوو بچنه ریزی كاروانی سه‌ربازانی پێغه‌مبه‌ری پێشه‌واوه و خێرا خۆ بخه‌نه ژێر سایه‌ی ئاڵا بڵنده‌كه‌ی خواوویستی، ئه‌و ئاڵایه‌ی خوای گه‌وره بۆی دیاری كردوون و داوای لێ كردوون بچنه ژێر سایه‌یه‌وه. وه‌كو خۆی ده‌فه‌رموێ: (وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمينَ مِن قَبْلُ وَفِي هَذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاء عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ)الحج/٧٨ واته: له پێناوی خوادا به‌وپه‌ڕی جیددی و سه‌رڕاستیه‌وه جیهاد
یەکێک لە وانە گرنگەکانی جەنگی غەززە بریتییە لە شانازی کردن بە دین و شارستانی و شوناسی خۆمان.
خەریک بوو وای لێبێت هەندێ کەس بە شەرمنییەوە باسی ئیسلام و شوناسی ئیسلامی و جیهادی شەرعی بکات، خەریک بوو زۆربەی حوکمەکان تەعطیل ببن، خەریک بوو جیهانی ئیسلامی بەیەکجاری لێی بکەوێتە خەوێ و قیت نەبێتەوە.
غەززە شوناس و مەبدەء و هەست بە سەربەرزی و عیززەتی زیندوکردەوە.
غەززە وتی هەستەوە و شانازی بەخۆتەوە بکە، چونکە تۆ گەورەی، تێکمەشکێ، دامەڕووخێ، مەبەزە، چۆک دامەدە، شانازی بەخۆت و دین و مەبدەئەکەتەوە بکە، بۆ خۆشی و مەلەزاتی یەک دوو ڕۆژی دونیا خۆت زەلیل و زەبوون و ڕیسوا مەکە، هەستەوە و موعجەب و سەرسام مەبە بە خۆرئاوا و ئیسرائیل و شارستانییە بەفرینەکەیان، هەستەوە و هەڵمەخەڵەتێ بە قسەی باق و بریق و سوا و درۆ، هەستەوە و خۆت و دوژمنەکات بناسە، هەستەوە و دڕەندەیی دوژمن بناسە بەرامبەر ئیسلام و موسڵمانان، هەستەوە و خۆت ون مەکە، هەستەوە و خۆت پێ بچووک نەبێ، هەستەوە و وامەزانە خۆرئاوا و کلک و گوێکانیان و موساد و ... خودان و دەستەڵاتی ڕەهایان هەیە و هەموو شتێکیان پێ دەکرێ.
خەریک بوو خۆرئاوا و ئیسرائیل و موساد بکەن بە خوا و شتێک نەمێنێ بەناوی تەوەکول و باڵادەستی خودا، خوا خێری غەززە و موجاهیدان بنوسێ ئەم چەمکانەیان بە عەمەلی ڕاستکردەوە، هی ئێمە نەزەڕیاتە، هی ئەوان بە عەمەلییە.
بەڵکوو هەر بە تەنیا ناونیشانی پەڕتووکەکەی جێمس برایدل، «سەردەمێکی تاریکی نوێ؛ تەکنەلۆژیا و زانین و کۆتاییی داهاتوو!»، دید و پێشبینی نووسەر و زۆر شتی تر ڕوون دەکاتەوە.
«ڕاستییەک تاڵ هەیە، ئێمە لەم سەردەمی ڕەنووسگەرییداین، تەنیا ڕەنووسێکین لە دیدی بەشگەکان؛ من و تۆ بینینێک-view، شوێنکەوتەیەک-followers، بەکارهێنەرێک-customer، دوور لە گیان و ڕەوشت و بەها لێمان دەنۆڕن!»
وەرگیراوە
یونس شیخ عمر
سەردەمی لەبیر نەکردن!
لە کۆندا گەر مرۆڤێک لە دەمی منداڵیی و هەرزەییدا هەڵەیەک و قسەیەکی نابەجێی لێ بووەشایەتەوە، یان کەتنێکی بکردایە، دەیانوت منداڵە و لێی ناگیرێت، یان هەرزەکارە و زۆر لەسەری ناکەوێت. گەر کەتنەکەشی لە دەورانی گەنجی و پیاوێتیدا باسکرایە، وەک شۆخی، یاخۆ لاقرتێیەک باسیان دەکرد. گەر ئەو کەسانە باسیان نەکردایە و گەواهیدەری نەبووایە، دەبڕایەوە و بووڕای بووڕ لەبیر دەکرا.
لەگەڵ پەیدابوونی چاپەمەنی، بڕکردنی بەپێی مانەوە و ژمارەی ڕۆژنامە و پەڕتووکەکە بوو. گەر نووسەرێک هەڵەیەکی بکردایە لە نووسیندا، بەسبوو پەڕتووکەکە بکێشێتەوە لە بازاڕ تا ڕزگاری بێت، یان بیسووتێنت.
بەڵام لەگەڵ پەیدابوونی کامیرە و پێشکەوتنی ڤیدیۆ و وێنە، بە تەواوی کارەکە گۆڕا؛ شتێک ڕوویدابا، وێنە و ڤیدیۆیەک بیگرتایە، ئیدی قوتاربوونی ئاسان نەبوو. بەڵام خستنە سەر کاسێت و شۆردنەوەی تێچووی زۆربوو. گەر بشکرایە، بە سووتاندنی وێنەکە و تێکدانی کاسێتەکە، مێژووت پاک دەبوویەوە. (Clear data.)
بەڵام لەگەڵ پەیدابوونی ئامێری زیرەک و تۆڕە کۆمەڵایەتییەکان و تا ئەم چرکەیە، ئیدی ئاستی ترسناکییەکەی سنووری تێپەڕاند! (ئەوەی پێی ئێژن مەرحەلەی وەحشەکە!) لێرەوە دیاردەیەکی ترسناک دەستی پێکرد، ئەویش ئیدی مرۆڤ بۆی نییە ڕابردووی لەبیر بکات؛ نە پەژیوانی دەیسڕێتەوە، نە دڕاندن و سڕینەوەی، نە کێشانەوەی نووسین و ژمارەکانی ڕۆژنامە و ڕووپەلەکان.
مرۆڤ کە گیرۆدەی ڕابردووەکەی دەبێت، ئیتر ئازادی لە دەست دەدات و ناتوانێت پەرە بە خۆی بدات. دەربازبوون و ڕاپسکاندنیش کارێکی ئەستەمە. لە بەندیخانەیەکی گەورە کە مرۆڤێکی دیکە بۆی دروست دەکات بە زمان و وشە و وێنە. ئەم مرۆڤەی دەکەوێتە بەندینخانەوە، ترسی لە لاشەی نییە، ترسی کەسایەتیی خۆی هەیە؛ کەسایەتییەکەی لە هەر خاڵێکدا گەشە بکات، دەیسووتێنن، نەک هەر ڕووخاندن.
ئەوەی بڵاوبووەتەوە لەسەر کەسێک، یان بووە بە بنێشتەخۆشەی شار (ترێند)، تەواو، بە هەموو شێوازێک کەسایەتی و گەشەی ژیانی خۆی و کەسوکاریشی دەکەوێتە مەترسییەوە. بگرە -وەک کیت ئیکۆرن دەڵێت- ئەو مافی لەبیرکردن و لەبیربردنەوەی کە مرۆڤەکان هەیانبوو، ئیدی نامێنێت! مرۆڤ بە لەبیرچوون و لەبیرکردن، سەربەست دەبێت. دەتوانێت پێناسێکی تر بۆ کەسایەتی خۆی دابنێت، کەلێنکی تری ژیان و ژیارستان پڕ دەکاتەوە؛ خۆ ئەگەر لەبیر نەکرێت، ئەو مرۆڤە دەسڕێتەوە وەک هۆیەکی کارا، دەبێتە بارێک بەسەر کۆمەڵگە و ژیاری مرۆییەوە. ئیتر ناتوانێت هیچ سوودێک پێشکەش بکات، بگرە هیچ نیازێکی خێر بە خەڵکی نابات و دیلی دەستی ڕابردوویەک (وێنە، ڤیدیۆ، میم، نووسین) دەبێت.
هەر بۆیە لە جوانییەکانی ئیسلام ئەوەیە، مرۆڤ بەپێی تاوانێکی کۆن مامەڵەی لەگەڵ ناکرێت گەر تەوبە و چاککردنی لێ وەشابێتەوە. لەوەش زیاتر، ڕێگری کردووە لەوەی ناو و ناتۆرەی لێ بنێت ﴿ولا تنابزوا بالألقاب﴾. نابێت کونجوکۆڵی ناشریینییەکانی بکەیت، تەنانەت هەڕەشەشی لەسەر هاتووە «ومن تتبع عورة اخيه، تتبع الله عورته». گەر هەر هەڵەشی کرد و لێی وەشایەوە، شکاندنی کەسایەتیی و ناوزڕاندی بەوجۆرەی ئیدی نەیەتەوە ناو کۆمەڵگە، ئەمەش دەچێتە ژێر ئەو فەرموودەی دەفەرمووێت: «لا تعینوا الشيطان على اخيكم!»
بەڵام سەیر ئەوەیە، لەم کۆمەڵگە زۆرینە ئیسلامییە، بگرە لەوانەشی ڕۆشنبیری ئیسلامیی و بەناو-چاکسازن، لەگەڵ تێکەوتنی نەیارێکیان یان کەسێک، ئەمیش بە زمانی تێی دەکەوێت.
ئێهـ. کینێت قسەیە جوانی هەیە لە پەڕتووکەکەی (سەردەمی لەبیرنەکردن): دەڵێت: «لەبیرچوونەوە -هەرچەند ناوی بە خراپ ڕۆشتووە- فرمانێکی هەیە؛ یارمەتیدەری مرۆڤە تا سەرکێشی بکات و شووناسی نوێ تاقی بکاتەوە، هەروەتر ڕەنگە یارمەتیدەری گەشە بێت.
دەشێت لەبیرچوونەوە هۆیەک بێت تا مرۆڤ پێی زاڵ بێت بە سەر کێشمەکێشی شەرمەزاری، یاخۆ دەرمانێکی جادووییانە بێت بۆ هێدمەیەکی (سەدمە) تووند!
لەبیربکەیت و لەبیرت بکەن (لەم بەستێنەدا) ئەمانە دوو کردەی هاوواتای ئازادین! نەبەستنەوەی مرۆڤ بە ڕابردوویەوە، ئەمە ئازادیی وێناکردنی خۆیە لە ئێستا و داهاتوودا. هەر لەبەر ئەوەیە کۆتاییی لەبیرچوونەوە دەرەنجامێکی [ترسناکی] گەورەی دەبێت، بەتایبەت لەسەر گەنجان.»
پوختەی قسان: ئەوەی دەگوزەرێت لەم سەردەمە و، لەگەڵ پێخلیسکانی کەسێکدا ئیدی شکۆ و کەسایەتی بشکێنێرێت و تا قەرەی قیامەت بدرێتەوە بەناوچیاویدا، بەوەی منداڵی خۆت ڤیدیۆ بکەیت و بڵاوی بکەیتەوە لە ڤایرۆسخانەیەکی وەک تیکتۆک بەبێ ڕەچاوکردنی داهاتووی ئەم منداڵە (وەک ڕووداوی star wars kids)، ئیتر ئەم منداڵە ڕاکردنیی نییە و لە هەر سووچێکی ئەم دونیایەدا بێت، لەسەری دەکەوێت و نەنگدار دەکرێت.
?? ? ??
WE LOVE HELICOPTERS!!!
Last updated 7 months, 3 weeks ago
Last updated 3 months ago