عيد اللي بچى عيون زينب
وي نعش حيدر عنها غرب
ابيت الموالي اشعنده لوطب
وبيت النبوه بيه نايح
...........
عيد اللي بچى الحسن وحسين
وجايب مدامع لآل ياسين
صح زين لاكن عندي مو زين
منّا لمى يرد ابو صالح
.........
من يجي المهدي افتحل الباب
واكليجه اسوي لجيت الاحباب
من غاب مهدينا الفرح غاب
يمتى يعيد الچفه اصافح
................
يا عيد ياباب التدگه
وبگلوبنا عله الغاب حرگه
صيّام بس طالت الفرگه
وعن الإفطار الفكر سارح
........
شهر الصيام ايعدي ويروح
وأصيام شوفك ساكن الروح
نسحر آه وانفطر ابنوح
وابدموعنا نثرد نوايح
.........
العيد عدنا بلون عاشور
لو مانجيك البيتك أنزور
شيفطر يمهدي الگلبه مفطور
ويالهجة الغرگان صايح
........
يالگلت ايامك سعيده
شيسعدني والغيبه بعيده
دلالي بس المهدي عيده
ولهلال جيته عيوني شابح
........
شابح عيوني اتسحر ابآه
يمتى السحور ايصير وياه
المن العيد ايمر بليّاه
بغرت جبينه العيدر واضح

هيه غيره واداعتك ما انتخيه
المايحط جدر الضيافه عله الدرب 
الماعرف شنهو الكرم لا تصغي ليه 
ومن يسولف عالحسن گله چذب
أألردن تتصرفن إلا ابحالتين
للضيافه وللكرم لو  للحرب
لهالسبب عباس أخذ درس من اخوه
وفوگ شاطئ العلگمي الف كتب 
حسنيّ الغيره والحب والوفاء 
جدره صار العلگمي يشيل ويذب
الماأله حنية ابو من بعد أبوه
مثل ماچان الحسن واسع گلب
بي تصگ عنده حب للهمدي چان
وهو ما يعرف يوزع لأهله حب
لهالسبب چان ابو اليمه بكربلاء
رحمة الله امغيم ويمطر عذب
وحتى من عصفت على جسمه الرماح
لزينب عيونه واهو موسد الترب
الحسن صفين اله والنهروان 
علي لو راد الحسم اشرله طب
ومعركة ذات الجمل فرسان ألوف
عالبعير وعالمره لا تنضرب
وغار ابو محمد عگر مو بس بعير
زلم صارت عاگره من الرعب
وعالصلح ويه بن أبي سفيان چان 
موصلح بس خطه لازم تنشرب
شاف  وادم خانت وباعت الدين
جر شوارب قبلوا اشروطه غصب
تگول احب الحسن قدم معطيات
خاطر ويأصحاب ابو اليمه تطب 
شوكت ماصار الدمع ليل وصباح
شوگ للمهدي دمه عيونك تصب
تصير موياليتنا منهم تصير
ولو ظهر بالكعبه تطويله الدرب
اليسولف بالحسن يتوضه نور
ويَّه الاتلثميه عابس ينحسب
هاي معرفتي ابحسن آل الرسول
والعقيده آل بالگلب ماتنشطب
مثل عهدي الماخذه للأنتظار
صعب بس للمهدي حبيت الصعب

عشرة مرات في كل يوم من شهر رمضان اهداء لمولانا صاحب العصر والزمان وشاركوا المنشور حب بمولانا الغائب روحي فداه ???

ظلمه وشگ سواد الليل نور الله وسكن داره 
مدري المهدي اجى خطار مدري الكون خطاره
بشروا حسين يالزوار اجاه الياخذ بثاره 
وجنوده احنا ومنتظرينا 
.......
باچر للنجف يوصل المهدي يصلي بالحضره 
واتصور لبو  السجاد لمن توصل البشرى
صحنه اليبتسم معذور لو مايبتسم نحره
يابس نحره يريد الماي الحگ يالمهدي
.........
اريد افرح فرح ايتام لو شافوا علي بالباب
لو جايع واجاه  الزاد من چف الحسن خنياب
بهاي الفرحه بالمهدي وتكمل  لو گضه الغياب
وياهو يخبر المهدي انجنت وادم منتظريه
........
نتعشه صبر وانام كلمن دمعة ابخده 
ليالي السنه بونه اتفوت بس ليلة فرح وحده
يوم اخمسطش شعبان شايل كل محب ورده
هناك الموعد يم حسين نجدد عهد البيعه

هالليله ليلة اربعينيتي
لا يمي اخوتي ولا أهل بيتي
زواري يرحون
وبالغربه ام عون
يخوتي
........
يحسين بالدمعات اصيحك
خافن ونيني مايريحك
خبرني عن نبلة ذبيحك
ادري انذبح بيدك رضيعك
مشتاگه اشم عتبة ضريحك
من ريحة أمنا تفوح ريحك

مشتاگه يبن امي النسايمكم
لو ميته بالطف واندفن يمكم
وباليسر تدرون
بالغربه ام عون
يخوتي
......
بالاربعين الناس عاده الها
للمقبره الاعزاز توصلها
ماي وبخور وشمع محملها
واني ورقيه ادموعنا انهلها
زينب اليوم أتريد كافلها
عباس عن ذيچ اخوتي كلها

يابالفضل مشتاگه لعيونك
بالشام غربه وغربه من دونك
مشبوحه العيون
بالغربه ام عون
يخوتي
........
چم أربعين اتعده ياروحي
واني عله اخوتي حسرتي ونوحي
والشام رهبه وخوف الي يوحي
من السياط امخزنه اجروحي
ياروحي للطف بالدمع روحي
يم علي الاكبر عالسبي بوحي

من احچي عن ذاك السبي وهمه
شكيني بلچي ارتاح يا عمه
بعمتك يسبون
بالغربه ام عون
يخوتي
.........
ياهلا بزواري اللي يلفوني
عن حال اخوي يحسين خبروني
اليوم أربعيني ليش ماجوني
اعذرهم أنا وخل يعذروني
لاچن رقيه غيرت لوني
لمتونها ابچي مدري لمتوني

لسا بعد للسوط نيشانه
وطشت الحسين وأثر لأسنانه
والأكل يشوفون
بالغربه ام عون
........
ماقصروا يحسين خدامك
بالطف لونهم جيش جدامك
لوحاضرين ابحرگت اخيامك
من الحوافر لموا ايتامك
تربية عاشورك وايامك
بيهم اشم كربله وانسامك

لاچن الدنيه ما تكفيني
إلا من اشوفن جيت احسيني
وياليزورون
بالغربه ام عون
......
بالكي أربعيني الجاي ميعدي
من گبل مايوصل الي المهدي
اني ورقيه دمعتي بخدي
لشوكت يالمهدي اضل وحدي
من الصبر والله انمرد چبدي
اني الغريبه اخوان ماعندي

ياباقي اهلي يا ابو صالح
يوم أربعيني بغيركم نايح
زواري يبچون
بالغربه ام عون
يخوتي