عقلي: مغير ديري تحديد الكل ما عليك فيهم.

المشكلة مافيش حد؟

شعوري حاليًا "تحديد الكل".

I hope we will never part and you will be my friend forever ??✨️

_Ghadeer

بشكل أو أخر حياتنا ماشية سواء خذينا الحاجه ألي نبوها أو راحت منا ومقدرنش نأخذوها،رضينا ولا زعلنا ولا حتى بكينا حياتنا ماشية ف الواحد يخليها ع الله ويعيش حياته كيف ما ربي يبي
أحلم وحقق حلمك وأصنع من أبسط شيء سعادتك ح تلقى روحك في مكان ثاني والاهم متربطش حياتك ب أنسان بعدها ح تعيش مرتاح .

- مشاعر الإنسان مش لوحه أكيد عارف الشي هضا ؟
زي مَ تحس بنفسك وتوجعك نفسك لازم آتحس بالأنسان الآخر زي مَ تحس بنفسك وتفكر فيه شن حَ يصيرله زي مَ تفكر
فِ نفسك .. الأنانيه الزايده مرضّ وحاول بقدر الإمكان أنك تفوته لأنه كله بِ يرد عليك ولو تحط جُمله (كما تُدين تُدان ) حَ تخلي الفكره أصعب عليك وتخاف من ربّك لأنه اللّي
" أديره تلقاه " وأنت مش واخذ شي لآخرتك غير أعمالك ف حاول تخليهن نظاف وعقب سمعه نظيفه عشان تلقاها ويترحمُوا بيها عليك .

"‏اللهم في يوم الجمعة فرحًا يقر العين و يجبرُ القلبّ?."

يجيك حد يقولك انا كنت نعرف انك مكنتش تحب الشي كذا وتوا تحبه كيف؟؟؟ ماهو لازم تفهموا ان طبيعة الانسان انا ممكن يحب ويكره الشي ويقتنع بيه وممكن ان مكنش فباله او كان يفكر انا يديره مثلًا ان ياكل اكله معينه او يلبس لبس معين بس جرب وحب الشي هذا، هذا مسمش تناقض هذا اسمه "تغير فكر" ان ممكن نغير نظرتي لشيء معين وفي يوم من الايام قلت ان مستحيل ندير الشي هذا متحكمش عليا بمجرد انا قلت مش هنجرب ولا هندير لانه طبيعة البشر تغير شخصيته و يقتنع بشي آخر غير اللي يدير فيه حتى لو مجش فباله انا يديره انا اليوم شخصية يمكن بعد كم شهر مش انا نفسي توا، او بعد كم سنة شخصية مُختلفة تمامًا، الانسان التغير شخصيته برمّتها في يوم وليلة

- ‏أنت بس ماتخليش يندم على اللي عطاه لك بنيه وماتخليش يشكك في أيامه معاك

‏وكثّر الله خيرك