كون المفارك حبيبه يرد عليه
ونبض كلبه يسولف الصار بجفاه
حضنة العشاك مابيهه حرام
اليحب من محبوبته يفصل غطاه
وكلمن يحب من طرف ولفه يجيه
بوجهه يترس حيرته وتمطر سماه
وكون المسافر نفس ميشم غريب
متاع للغربه اليحب ياخذ هواه
من تراب ولايته شيوصله خير
بروحه ينده كل صبح بالغربه تاه
ولا جفن سهران يبقى يتاني طيف
الليل مالح والجرع وجهه وكفاه .

خاف باچر الله ياخذني واموت
اني امنتچ بدين ام البنين
شگي ثوبچ فوك تابوتي من اموت
وموتي روحچ فوگي ابد لا تستحين
وشعره من طرف الگصيبه بصفي اريد
ع الاقل حتى من اموتن مو حزين
اني هم ميت گبل ، ميت عليچ
مو جديد الموت ميت مرتين
ولا تذبين الورد واسواري ذاك
چان ما عندي وجبتهن ذني دين .

2025/1/20 _ 6:26

" أكو شغلات واضحة مثل الشمس
بس مانگدر نباوع عليها
نفس ما الشمس توجع عيونك, هاي توجع گلبك ."

شَنفضهِن نفض شو
كِلهن آلتمن
لاعطوه النِطني ولا رضَن يهِدن
شكِثر أسهام كلهن فَد
وكت هدن
سَهم وداع، سَهم أوجاع
وسَهم ذاك العِزيز الصَار
جوه الگاع
وسَهم عُمري وشبابي الضاع
خَطيه انه
وخطية يصير هيچ وياي
كون المَثلي هسة
الضحكة تارستة
مو كلساع يدعي تصير فاتحتة .

-اللهَم هونّ علينا كل مَا نَراهُ صعباً.

ً

‏﴿لَا تَحْزَنْ إِنَّ اللَّهَ مَعَنَا﴾

الما يندل خيالي بروحي ماخلي
و ما يرهم عليه لو نفس جيته

التعداني بحلم يلگاني عابر ليل
الفجر گبل الشمس بعيوني وشلته

الما يشتاگلي ينترس حضنه فراگ
على الملگه من اسولف ما اذكرته

بيها وداع روحي يكفي كل الناس
و خسرها الچان ظنه الروح خاسرته .