አምላኬ

ጓዳዬ ባይስተካከል
አዳፋ ጨርቄ ባይነጣም
የጭንቄ ለሊት ቢረዝም
ዙሪያዬን ሽንቁር ባላጣም
አውቃለሁ ላያልፍ አልመጣም
ትከሻ አበጀህልኝ
ፈተና ባይቀልልኝም
ላታስችል አልሰጠኸኝም!
አውቃለሁ ላይነጋ አልመሸም
መሻቴን ዛሬ ባላገኝ
በእምነት ጠባቂህ አርገኝ?

✍️ሊና አርጋው

JOIN AND SHARE
@ktibebalem
@ktibebalem
@ktibebalem

አለሜ

ሰው አንዳለህ ሰማው......
ሰው አላት ይሉሀል?
አብሮ መክረም ሁሉ
(አብሮ መዝለቅ ሁሉ)
መኖር ይመስልሀል?
እእ
ከእልፍኝ ቢሾሙት
አባወራ ሁሉ ጎጆ አያደምቅም
መዳፍ ሁሉ አይነዝርም
እቅፍ ሁሉ አይሞቅም
ፍቅር ካልተቸረ
ጣት ይኮሰኩሳል
ካካል ቢርመሰመስ
ነፍስ አይተረክክም
ከናፍር ቢቀመስ
ልብ ያልታከለበት
የልብ አያደርስም
አንሶላ ቢገፉት
ተው ስሜን አያጥፉት
መሄድህን እንጂ
መሄዴን አትመን
ምን ቀናት ቢርቁ
በፍቅር ስሌት ላይ...
ከመኖር አይደለም
......ከልብ ነው ሀቁ!

✍️ሊና አርጋው

JOIN AND SHARE
@ktibebalem
@ktibebalem
@ktibebalem

ስካለብ ያልታየኝ ጊዜ ጣለኝ አጉል
አይበሩት ሲያበረኝ፣ አይፈጥኑት ስቸኩል፡፡
ችኩልኩል፣ ችኩልኩል ጥድፍድፍ ያለ ወግ
አስር ጊዜ መስጠት የሌለሽን ማዕረግ፡፡
ላልነካኝ እጣትሽ ኪዳን ከቀለበት
ቃሌን መጠባበቅ ቃልሽ በሌለበት
ዱካሽን መፈለግ እግርሽ ባልዞረበት፡፡
መልኬንም ሳትለዪው፣ ሳታቂኝ ሳይገድሽ
እንዴት? በየት በኩል ሳልቀጥርሽ ማርፈድሽ?
እንደምንድን? እንዴት? በየትኛው ስሌት?
ከቃልሽ ቀድሜ ሳትጠሪኝ አቤት
እንዴት?
እንዴት?
እንዴት?
ምኑን ብታውቂበት? ምኑን ብትሰሪ?
በየትኛው ተዓምር ነው መጥተሽ የምትቀሪ?
እየሌለሽ ያለሽ፣ ኖረሽ የማትኖሪ
አወይ ልቤ ሞኙ!
የአየር ላይ ሰላምታሽ ተካብዶ ቢገርመው
ባልነበር አንድምታ የተተረጎመው
መሳቅሽ መሽኮርመም ደርሶ እየመሰለው፡፡
እኔ…..
የተገላበጠኝ መሆን ከአለመሆን
አሁንም ማስበው እንዲህ ስመሳቀል እያየሽኝ ይሆን?

**✍️****#Lewi
@Lee_wrld777

SHARE AND JOIN@Ktibebalem
@Ktibebalem
@Ktibebalem

*(አይሽ፣ አይሽና……. )
    ‹ዐይኗ ነው› እላለሁ
    ያዘዘብኝ መፍዙዝ  
‹ዐይኗ ነው› እላለሁ
    ያደረገኝ ድንዙዝ፡፡

አልታዘዝ አለኝ……
    የአካሌ ግማሹ
    እንደ አዲስ ሰራሽኝ
    የአምላክ ታናሹ፡፡ 
  (ዘፋኟ እንዳለች…….. )
    ለዚያውም አጉድለሽ፣
ምላሽ ሰጪ አካል 
   ነፍገሽ እንደ ቀላል
ይቅርታውስ ዘበት አፍሽ መሳቅ ያቃል፡፡

(አይሽ፣ አይሽና…….. )

መሳቅ ብቻ ማወቅ
ነውር ሆኖ ያልታየው
    አሳዘነኝ አፍሽ    ይቅርታ ነበረ የፍርድ ቀን ዋስሽ፡፡

(አይሽ፣ አይሽና…….. )
    ባላይሽ እላለሁ……..  
አይቶ ከመቃጠል በትንሽ ለመርገብ ምን ተረፈኝ አልፎ ደርሶ ከመንገብገብ   .   .  .
    (አይሽ፣ አይሽና…… )
*✍️*#Lewi@Lee_wrld777 SHARE AND JOIN***@Ktibebalem@Ktibebalem@Ktibebalem

#ግማሽ ***ጨረቃ

ከጨረቃ በታች.....
ወጥነት የሳተ ብጥስጣሽ ደመና
አርጅቶ እንዳፈጀ አሮጌ ጎዳና
የሻገተ ነገር ጊዜው ያለፈበት
ያለማማር ወጉ ውበት ያልሻረበት.....
ከሱ ማዶ አጀብ
እዛ እና እዚህ ኮከብ
ማየት ሲያደካክም ያንቺን ነገር ማሰብ።

የሌለሽን አንቺ በፍለጋ ሂሳብ
ከሩቅ እንደ መሳብ
ማውጣት፣ ማውረድ ለጉድ
ከጊዜ መካለብ፣ በሰኞ እና በእሁድ።

ላልበጠስ ውጥር ፣
ላይለይልኝ ነገር ብዳከር ለዘመን
አይቀየር፣ አይሻር ብደበቅ ከማመን
ግማሽ ጨረቃ ነው ትዝታሽ በተመን።

የተሳነው መሙላት፣ ያልሆነለት መጉደል
ጎኑን የደፈረው የጨለማ ገደል
መራቅ ያላጠፋው መቅረብ የመሰለ
ልዳብሰው ስሻ እንደመሄድ ያለ
የቀረበኝ ስለው የራቀኝ ከዘመን
ግማሽ ጨረቃ ነው ትዝታሽ ሲተመን።

✍️#Lewi@Lee_wrld777 SHARE AND JOIN***@Ktibebalem@Ktibebalem@Ktibebalem

ቃል እዳ ነው!!

በሚሰስት አይን
     በሚያፈቅር ልሳን

የእድሜ ገደባችን
      ውሉ እስከሚረሳን

ምለን ተማምለን
ብትን ገላቸንን
            በአንድ ስናበጂ

ለእድሜህ አላልከኝም!
ለእድሜዬ አላልኩህም
                ለዘአለም እንጂ::

ቃል እዳ ነው!

ዝንፍ የሌለው መስቀል
                 ከመዳፍህ ስዬ

መልኬ እስኪጠፋኝ
            መልክህን መስዬ

የጉንጭህን ወለል
     ዳብሼ እየሳምኩት
የት ድረስ ነበረ
  እወድሀለው ያልኩት?

ቃል እዳ ነው!

(ተጉዘሀል ብዬ)
(መንገድ ቀናህ ብዬ)
አላዋውሰውም
የቃልኪዳን ጣቴን
          ቀለበት ቢሰበር

ዘላለም ልወድህ
       ኪዳኔ አልነበር?

ለምን "እስከ" ኩርፊያህ ?
ለምን "እስከ" ጥፋት ?
                ለምን "እስከ" በደል ????

ዘላለም በሚሉት
እሩ……………ቅ መሀላ ውስጥ
               "እስከ" የለም አይደል ??
.
.
.
.
ቃል እዳ ነው !!

✍ሊና አርጋው

13/08/2016

SHARE AND JOIN

@Ktibebalem
@Ktibebalem
@Ktibebalem

አስራ ሁለት ተኩል .. ልርሳህ በየት በኩል .. ፡ ፡ ካቻምና ናፍቀኸኝ ካቻምና ናፍቄህ ከመነጋገሪያው ከስልኩ ጠብቄህ ነፍሴን ልታጠፋት በፍቅር ጨዋታ አስራ ሁለት ተኩል አልከኝ እዛች ቦታ.. . . አስራ ሁለት ተኩል .. ልርሳህ በየት በኩል .. ፡ ፡ በፈዘዘ ማታ .. ከቀጠርከኝ ቦታ .. ስትከንፍ ደርሰህ ... ስከንፍ ደርሼ እኔን ተደግፈህ ... አንተን ተንተርሼ ከጠቆረው ሰማይ ... አይናችንን ሰፍተን…

<መጣለሁ> አትበይኝ ሲጀምርሽ ሽሽት
ቀኑ ባይደብቅሽ በዚህ ድቅድቅ ምሽት።

መምጣትን ባላውቅም ፤መሄድሽ ግን ያምራል
የእግር አጣጣልሽ መንፈስ ይሰውራል።
አትሸንግይኝ በእግርሽ ቃልሽን እንዳምነው
ውሸት አማረና ማን እውነት አረገው?

✍️#Lewi
@Lee_wrld777

SHARE AND JOIN

@Ktibebalem
@Ktibebalem
@Ktibebalem

?እዲ ከናፈቁን❤️

እዲ ከናፈቁን እነዛ ቀናቶች
እዲ ከናፈቁን እነዛ ወሬዎች
መለስ እናርግና ደግመን እናውራቸው
ልብን የሚያሞቅ የቃላት ስብጥር አለ በውስጣቸው?
ድገት ተጀምሮ ብዙ የተባለላቸው
ቀልድ ቁም ነገርም የተወሩባቸው
እነዛን ምሽቶች አቤት ስወዳቸው?

ደሞ ደሞ ከሁሉ አብልጦ ልዩ ያረጋቸው
ደምቀው እዲታዩ አርማ የሆናቸው
ወድቀው እዳይቀሩ ድጋፍ የሆናቸው
ያቺው ፈገግታ ነው አዎ ያቺ ሳቅ ነው☺️

ውሸት ነው

እዳትይ ብዙ ጉድ አለበት
ሰውን በቁም መግደል አቤት ሲችልበት
ጥርሽ ጉድ አለበት?

እኔም እድስቂ ፈገግታሽን ያለው
ላይ ታች እላለው?
የማላቀውን ቃል ዝም ብዬ ፅፋለው?

እቀባጥራለው?
እበጠረቃለው?

ለሊቱ እዲረዝም አቺን እያወራው
ልቤን አሲዤልሽ በቁማር ተበላው?
ትልቁ ጓዳዬን ያቺ ፍቅር ሞላው❤️
@ktibebalem
@ktibebalem
@ktibebalem
ገጣሚ ✍
ብሩክ

ሼር አደራ

#L€\|\|¡:
……. ለቅፅበት የምናደርገውን ገትተን፣ እራሳችንን ከእንቅስቃሴ አቀብን፡፡ ዐለም አብራን የረጋች መሰለች፡፡ ነፋሱ ዝግ ብሎ ፊታችንን ዳሰሰን፡፡ ዐይኖቻችን ላለመገጣጠም መሽኮርመም አቃርኗቸው፣ ስሜታችን እንዳይጋለጥ አዳኝና ታዳኙ ማይገባ አባሮሽ ውስጥ ገብተዋል፡፡ ዙሪያችን ያለ ጫጫታ ረብሽነቱ ቀርቶ፣ ትርጉም የለሽነቱነ ሽሮ መሃላችን ሊፈጠር ለፈለገው ነገር አንደ አጃቢ ዜማ ድንበር ሰርቶ ከበበ፡፡ ሁነቶች ራሳቸውን እስኪበቃቸው እየለጉ በሚያመቸን መልኩ ተቀረፁ፡፡
    እግሮቿን አጠጋግታ እንዳጋጠመች ወደ እንድ ጎን ማጠፍ በመሰለ መልኩ አጣማለች፡፡ እጆቿ ደሞ የተቀመጠችበት ላይ አርፈው ድጋፍ ያልጠየቀ ሰውነቷን ቸክለዋል፡፡ ይሄኔ እንደ ደጋን ከወገቡ (ከመሃሉ) የታጠፈ የወገቧን ጠርዝ በዐይኔ ላጥኩት፡፡ ባትቆምም የዳሌዋን መልካም ቅርፅ ቀድሞ አሳበቀ…… ወገቧ……… ዐይኖቿን ማሳደድ ለሰከንዶች ገትቼ ፈገግታዋ ከሚወልዳቸው ግራ፣ ቀኝ የያዙ መንታ የጉንጯ ስርጉዶች በባሰ ራሱን ወደ ራሷ የገፋ ወገቧ ላይ ተቸከልኩ፡፡ እጆቼ መንሸራተት ቃጣቸው፡፡ በገዛ ታፋዬ እና በተቀመጥኩበት መደብ ላይ ተመላለሱ፡፡ ዳርና ዳሩን በክንዶቼ አስታክኬ መጠምጠም አማረኝ፡፡ ፊቷን ከኔ በተቃራኒ አዙራ ባልሰፋ ደረቴ፣ ጉንጉን የተደረደረበት አናቷን አንተርሼ እያንዳንዱ የልቤ ምት ጆሮዋን እንዲያከት ፈለግሁኝ፡፡

ይሄ እኔም ወገቧ ዙሪያ ክንዴን አስታጥቄያት እጆቼን ቋጥራለሁ፡፡ አንገቴን በአንገቷ አስታክኬ ሙቀት ያከበደው ትንፋሽ በጆሮዋ እየሰደድኩ ስሜት ያደነቃቀፋቸው ሸራፋ ቃላት ከሰመመን እስኪያደርሷት በትናለሁ፡፡ ዐይኖቿን ጨፍና እየተቆራረጡና እየተድፋፉ የሚበተኑ ቃላቶቼን ከያሉበት በተመስጦ ትቃርማለች፡፡ ከታች ከንፈሬ ደፍ፣ ከላይ ከንፈሬ ክፈፍ፣ ከምላሴ ጫፍ፣ አናቷን ሳስቶ ካለበሰው ቡኒ መሳይ ፀጉሯ መሃል(በደረቴ ሳለች ከአፌ ተንሸራተው ተንሸራተው የተንጠባጠቡትን)፣ ከጆሮዋ ጠርዝ፣ የልቤ ምት ካበጀው ዜማ የሆነኛው ኖታ፣ ዐይኖቿን በጨረፍታ ስትገልጥ ሳያበዛ ያቀና አንገቷ ለቅፅበት ከሚያላትማት አፍራም ዐይኔ……….. እና ከሌሎችም ከሰመመኗ ሳትነቃ ቃላቴን ትሰበስባለች፡፡ እኔም ማንሾካሾኬን ሳልገታ ወገቧን የተሸገሩ ክንዶቼን አርዝሜ፣ የተቋጠሩ ጣቶቿን ፈትቼ የአካሏን ዳሮች ጠርዞች በጨረፍታ ዳስሳለሁ፡፡ ለሲቃነት የታጩ ስሜቷ ያበጃቸው እምቦቃቅላ የድምጿ ውላጆች ያኮላትፏታል፡፡ የምትለው እያጣች፣ ቃላቷ ትርጉም ስተው እንደ ሰከረ ሰው ምላሷ ይያያዛል፡፡ በአንገቷ ተሻግሮ ከጆሮዋ የተደገነ ከንፈሬም ጉንጯን አሻግሮ የተያያዘ የምላሷን ውል ሊፈታ ከንፈሯን ይፈለቅቃል፡፡ ይሄኔ በገላዋ (አብሶም እሳት ባፈኑ የእግሮቿ መሃል) ሲመላለሱ የነበሩ ጣቶቼ የጡቷን ጫፍ ታክከው ወደ ቋጠሮዋ እያዘገሙ ነበር፡፡ የፈለቀቅኩትን ፈታሁ፡፡ ጥርሶቿን ዳስሼ፣ የተቸከሉበትን ተሳለምኩ፡፡ ከንፈሬን ሳላቅቅ ማውጣት የተሳናት፣ በዳዴ የነበረ የድምጿ አዲስ ፍጡር ለሲቃነት በቃ፡፡ ‹አአ…….› ስትል ሰማኋት፡፡ የደከመ ትንፋሿ ከአካሏ ሲወጣ ይታወቃኛል፡፡ ‹አአ……...›

(……………)

ከመደቡ ቸክላው የነበረ እጇ በቀስታ ሲዳብሰኝ ከሰፋ ሀሳቤ ባነንኩኝ፡፡ ካቀረቀርኩበት ወደ ዐይኗ አፈጠጥኩ፡፡ አባሮሹ ያበቃ መስሎኝ የዐይኗ ጨረር ሲጠብሰኝ ታወቀኝ፡፡ ከመቀመጫዋ ሳትነሳ ተንፏቃ ተጠጋችኝ፡፡ አካላችን ሲነካካ ለስላሳ ንዝረት ተሰማኝ፡፡ ፈገግታዬ የተኮረኮርኩኝ ያህል ራሱን ለመሳቅ እያጨ መሽኮርመም የመሰለ ነገር ሊፈጥር ሲታገል ለማደብ ያህል ፊቴን ለቅፅበት ዘወር አድርጌ መለስኩ፡፡ እጆቼን የዳበሱ ጣቶቿ ቆይተው ጉንጬን ዳሰሱ፡፡ ዳግም የዐይኗ ጨረር ጠበሰኝ፡፡ አባራሪው ተባራሪ ሆኜ አረፍኩኝ፡፡ የተጠበሱ ዐይኖቿ ተገልጦ መዝለቅ ተስኗቸው ቆባቸውን ገጠሙ፡፡ ይሄኔ ፊቷ ሲጠጋኝ ታወቀኝ፡፡ በተመሳሳዩ ከንፈሬን አሞጥሙጬ ለሰከንዶች በሀሳብ ያለምኩትን ላሳካ እኔም አዘነበልኩ፡፡

.
.
(ግን)
.

አንገቴ ባዘነበለበት ተቀልቶ ቢቀር ተመኘሁ፡፡ ዐይኖቼ ባይገለጡና ብርሃን ብነፈግ ስል አሰብሁ፡፡ ከንፈሯ ሆን ብሎ ክፈሬን ስቶ ከጉንጬ ካረፈ በኋላ…….. በተመኘሁት ሲቃ ፈንታ ‹ውዱ ጓደኛዬ› የሚል ባለ ሙሉ ትርጉም ሐረግ አወጣ፡፡ ከሁሉም ግን ተነስታ መሄዷን ወደድኩ፡፡ ዐይኔን መግለጤንም በዚያ ሰበብ አብዝቼ አላመረርኩም፡፡ አልዞረችም! እንኳንም አልዞረች…….

✍️#Lewi
@Lee_wrld777

SHARE AND JOIN

@Ktibebalem
@Ktibebalem
@Ktibebalem