الشاعر رعد الچريخي
للتواصل مع خدام الحسين ع
عبر الرابط
@Raadalghurikhe
.
.
القناة الرسمية على التلكرام 🔝✔
استمتــع بـــــالمـشاهدة
•┊اشعار
•┊اقتباسات
•┊فيديوهات
•┊قصائد
✹ لــنشر الاعلانات $ : @YYMMKL
Last updated 1 week, 2 days ago
- انا مُتناقِضه اُحاوِل نسيَانك واكتبُ عنكَ .
طلب التمويل @XX3X2
Last updated 5 months, 1 week ago
- شلك بروحك تعال بروحي عيش .
- لطلب تمويل تواصل ← : @ooooow
- قناة التمويلات : @xxxxzz
Last updated 3 days, 5 hours ago
الچفوف ال لطمن بحرگه.. يسلمان
على الصاحت وگع حملي.. يسلمان
اليسأل عــــــن گبر فاطم.. يَسَل مَن
وخفاه المرتضى حـــامــــي الحميه
--------------------------------------*
✍ خادم الزهراء ع
الشاعر رعد الجريخي
(ياعلي)
وصـاني الـنبـي وگـال أصــبـر لـو نذل عـال
عـالأذيـه عـالـرزيـه
أصـبـر أصـبـر
------------------------------*
صـابــر وحـافظ وصـيتـي مـن مـحـمـد
سـمـعوا انـذال الـصحابـه وعـبروا الـحد
مـارفـعت السيـف لـحـظـه ربـي يـشـهـد
والله لـو سـلـيت سـيـفـي الـدنـيه تـرتـد
أحَچـي وگـلبـي مجـروح فـاطـم لازم اتـروح
------------------------------*
بـعـيـني صـديت وأشـاهـد بابـي تـدفـع
يـجـرح بـگلبـي حـچـيهـم وانـي أسـمـع
يـاعـلـي صــاحــوا عـلـيـه اطـلـع اطـلـع
بــايــع الأول خــلـيـفــه حــتـى نــرجـع
أحَـمـل دفـعت الباب وكشـف زيـف الاصـحـاب
------------------------------*
وصلوا اصحـاب السقيفـه وگـلبـي شيّـب
بـنـار الاحـقــاد وفــعـلـهـم داري تـلــهــب
بـضعت الـهـادي نـسـوهـه هـاي الاعـجـب
والحسن وحسين يـمـهـه وبـنـتـي زيـنـب
وانه بصبري مچتوف الوصيه مقيده الچفوف
------------------------------*
صـعبـه وگبـالي الـمنافق هيچي يـجسَر
شـايــل الـنــار ويـصـيّـح ويـنـه حـيـدر
وآنـه مـاچنـي الصميـده ومـوت الاحـمر
الـخـاطـر الـديـن ومـحـمـد اصـبـر أكـثر
عـيـني اتشـاهد النـار وداري اتـحيـط الاشـرار
------------------------------*
الــوصــل داري وأجــاهـه بــيّــه يــدري
الـهـادي ما اخـلف كـلامـه وثـابت أمـري
صابـر وعـندي وصيـه ومـحـني ظـهـري
تـشـبـه بـنـار الــوديــعـة نــاري تـســري
حزني بصدري مرهون اشكي السيد الكون
------------------------------*
سـاكـت وگـام الـمـنافـق يـمـي يهـتف
الچـان يسـمـع بالصميده وكـله يرجـف
عـن نـوايـاه الخـبـيـثـه فـعلـه يكـشـف
واني مـحكـوم بـوصـيـه وروحي تنزف
اخلـف وعـدي ميـصير ونطي الفرصه للـغير
------------------------------*
✍خـادم الزهراء (ع)
الشاعر رعد الجريخي
نظره مولاتي فاطمه
يزهراء تـرتـفـع صـرختنه
يزهراء خدمـتـچ جمعَتنه
------------------------------*
الساوم بضلعچ تره ايعيش ابندامه
حـالـه حـال الخلـه بخدودچ علامه
الله ميسجله بسجل هـاي الخدامه
يخسر الـدنـيـه ويـذل يــوم القيامه
تشفعين لـلـتـهـل اعـيـونــه
تشفعين لـلـخَـدم مضمونـه
------------------------------*
خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالـضـلـع مـــا جاملينه
والله يـدري يالزچيه اشـگـد بچينه
بلدموع قصّتچ نرويهه
بلدموع نــارچ انطفيهه
------------------------------*
دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه
يگولون وكّعوا محسنهه
يگولون والجروح اذنهه
------------------------------*
بـاب دارچ مـحـتـرگ لــمـــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الـچ فــدوه اصدورنه ومـحـد منعنه
يضنون كسرتچ ننساهـه
يضنون ننسى بضعة طه
------------------------------*
رادو انـعـوفـچ تــره وننسى القضيه
واحـنـه مـنـعـوف اللطم حــد المنيه
عـهـد هــــذا ويـاچ يالـزهـره الزچيه
صرخه وحده اتصيح هاي الرافضيه
الچفوف لللطم منـــذوره
الچفوف تنگطع معذوره
------------------------------*
لوعه الـــــچ بصدورنه ويلهب جمرهه
يالـزچـيـه وهـالـخـدم نـــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه
دعيناچ فاطمه حضرينه
دعيناچ بالخدم سجلينه
------------------------------*
✍ خادم الحسين ع
الشاعر رعد الچريخي
نعي مفجع
يازينب
مـوش هوه الـيـبـره الضعينه مـوش هوه
ايروح فدوه الطاري الكفلني ايروح فدوه
لـلـشـام نـوّه بــيّــه ابـيـســر لـلـشـام نـوّه
ومشيت گـوه عـفـتِ الگـمـر ومشيت گوه
طـيّـب الـخـوه ضـل عالنهر طـيّـب الخوه
والـنـوح يسـوه راح الشهم والنـوح يسوه
مـايـنـفـع أدّوه غير البچي مـاينـفـع أدّوه
گلبي تـچـوّه عـگـب الأخـو گـلـبـي تچوّه
والـكلـه نـخـوه راعي العَلم والـكلـه نخوه
بچفوفه سـوه أروع مــثـل بچفوفه سوه
-------------------------------------------
✍*خادم زينب ((ع))
الشاعر رعد الجريخي
نعي مفجع
العلويات
يـحـســيـن رد الـضـعـن بـيـنـه
ومـن الـسبـي هاليـوم اجـيـنـه
بأرض الغرب عفـنـه الـحـنيـنـه
مــاتـت رقـــيـــه يــا ولــيـنـــه
خـويـه الـعـتـب والـوم عـفـنـه
رغـم اشـكثـر لـو عـات شـفـنـه
انـزيـد الألـم يحـسـيـن خـفـنـه
الـگـبـرك اجـيـنـه بنوح طـفـنـه
الفرگـه الطويلـه ضگـنـه مـرهـه
وفوگ الـهـزل يـكـتـل سـهـرهـه
اسـيـوف الـدهـر لـمـن شـهـرهـه
خـلـه الـحــرم حـارت بـأمـرهـه
ألـمــن نـرد ونـعــوف اهـلـنــه
بـيـثـرب بـعـد يـانـاس شـلـنـه
ريـت الـدفـنـهــم هــم دفـنــه
جـوه الـتـرب يــم الـكـفــلـنــه
------------------------------------------*
✍خادم الحسين ع
الشاعر رعد الجريخي
حبي حسين ما ارهم ابدونه
مـن اشتاگ اتخيل اعيونه
ابحبه كلبي انسحر
ماهـمـن الـكـل بشر
--------------------------------------------*
يعني اموتن من اعوفه وحَده عَالم اني اشوفه ليعونه انصاغ الغزّل
احله نسمه الروحي حُبه كلشي اتيّه الا دربه هوّه حلمي وكل امل
مايردني بكل قضيه من امدله اچفوف أديه آنه واثق مايرد
كلبي هايم ردد اسمه أحسيني جنه احسيني نعمه افدي روحي مستعد
شنهي الروح للغالي افديهه
بس لحسين هالكلمه احچيهه
عاشگ واحچي ابفخر
---------------------------------------------*
راسي عالي من خدمته جنت الله بنص حضرته تتبأهه بأسمه الخدم
ابشوگي اسرح من ازوره ابالي ارسم احلى صوره صعبه اخطهه ابيا قلم
وصفه اكـبـر مقصيده احچي هاي بكل عقيده عاجز آنه واعتذر
ابـدي اكـتب عن جماله لو اسولف عن خصاله ألهه يوصل ياشعر
كلهه الناس بوصافه محتاره
المعبود بي حافظ اسراره
بگلبي راسم صوور
-------------------------------------------*
بهل مواكب عمري اخلصه وي حبيبي احلى فرصه بيهه اشعر ننجمع
حسين أميري وأمشي بمره آنه خادم منطي عمره وبس حبيبي استمع
هوّه كلشي اشعندي غيره لـو قبلني اشگد چبيره خادم ومحله الأسم
كون اصيرن يمه شمعه وكلي اخلص دمعه دمعه انطي عمري وما اهم
هالمحبوب من گلبي حبيته
ايعيش وياي وبروحي حسيته
محبوبي يسوه السهر
-----------------------------------------*
الكل عشيرة وألهه رايه وزلمه بيهه ايحل قضايه
معروف ابزود وشَرف
وهالعشيرة البيهه اني شلون اوصفه بيا معاني
كفّال الحره انعِرف
ابوصفه عاجز صعبه اجيبه ادري شيخ واسمه هيبه
وانصان بأسمه البخَت
اشگد شدايد هوّه حلهه الشيخه گدهه ولايگلهه
والعگده ابچفه ارتخت
رفعت راس يستاهل الرايه
مو بشعار يتوصّف بأيه
حيّرني وصف الگمر
---------------------------------------------*
✍خادم الحسين ع
الشاعر رعد الجريخي
جـابـر راح اخبرك بالجره اعـليه
ذبحوهه اخوتي ورديت مسبيه
------------------------------*
جيت بحسرتي يا جابر اسمعني
ضـيـّعـت الگـمـر والگمر ضيعني
آنه ام الـخـدر والبين فـاجـعـنـي
مو هيچي الخدر يـنـعـاف تـالـيّه
------------------------------*
لو عينك تصدلي تمـوت يا جـابـر
تـرميهه العمامـه وما تظل صـابـر
گـلبـي بـعـلّـتـه مـا يحمل يـكـابـر
مـشـونـي بـظـعـن شمات حـاديّـه
------------------------------*
يا خـيـر الصحابـه شـارك ونـينـي
خليت الـگـمـر مطروح وحـسيني
جـيـتـك بالدمع والسوط مـاذيني
ما گتلي يـعـمـي شلون هـالـجـيّـه
------------------------------*
حـاچـيـنـي يعـمـي ياهـو احچيله
نام اعلـه الـشـريـعـه كـافـل العيله
ردّانـه الشـمـر والـمـدمـع انـسـيلـه
ما يـخـمـد ونـيـني وجمرتي البيّـه
------------------------------*
انـدب يا علي والـسوط بـمـتـونـي
يا عم ما دريت الگـوم شـتـمـونـي
تـالـي مْـيـسّـره بـالـضـيـم ردّونــي
والأصـعـب مـصيبـه مـاتـت رقـيـه
------------------------------*
جـابـر راح اخـبـرك واخبر مـحـمـد
يـضـربـني الشمر بالسـوط يـتعـمـد
يا جرح اليطيب ويا جـرح يـضـمد
ريت اويه الكمـر هـالـعـيـن مـعمـيّه
------------------------------*
✍ خادم الحسين ع
الشاعر رعد الجريخي
(السيده زينب ع تخاطب جابر)
تـلـگـانـي يـجـابـر ذب الـعـمـامـه
تـلـگـانـي يـجـابـر ذب الـعـمـامـه
------------------------------*
اريـدن دمـعـتـك ويــاي تـجـريـهـه
ذبـهـه اعـمامـتك الـمـن امـخليـهـه
أجـيتـك بـالضـعيـنه وزلم مابـيهـه
وگـلـبـي بـالـحـزن مـا تـبـرد آلامـه
------------------------------*
احـسـيـنك بـالـسمـاهر علّـگو راسـه
أخـبـرنـك يـعـمـي والـشـمـر داســـه
مـاچـنــه الـرسـول الـقـبّـلـه وبـاسـه
اسـولـفلك سَبـينه وجـرحه وآ لامـه
------------------------------*
شاركني امـصابي ومدمعـك صبـه
أشـكيـلك اجيت وشكوتي صعـبـه
لـو بـيـدي متـت والـشـام ما طـبـه
مسلم مـاشفت مـعـروف بـسـلامـه
------------------------------*
أجيـتك بـالدمـوع وحيـل مابـيـه
وبـعيني اشــوف الـمـوت يـوميـه
سـلبـوه الـخــدر رديــت مسـبـيـه
شـافتني الشمـاته مـدنّـگه الهامـه
------------------------------*
وجـهي هالمـصـايب غـيـّرن لونـه
تمنـيت ويخوتي اهنـاك مـدفونـه
المثـلي بـالمنـاحه يـعـمـن عيـونـه
صـوبني الـدهـر مـارحمن اسهامـه
------------------------------*
مـوتي بـالخـرابـه اشـگـد تمنيـتـه
مـچتوفه بحبـل والـشـام طبـيتـه
مـا بـيـن الاعـادي الـخـدر تـاليـتـه
مكسور الظهـر مـا ينـفـع احـزامـه
------------------------------*
أسـولفـلـك محنتي وانـه معـذوره
عـينـك لاتـشـوف اتـروّع الصـوره
گـدامـي وضلّوع حسين مكسـوره
وشـحـال اليطيح حسين گـدامــه
------------------------------*
✍خـادم الـحسيـن ع
الشاعر رعد الجريخي
زينب ردت يالـگـمـــر
زينب مكسورت ظهـر
------------------------------------------*
ردت والـدمـع بالـعيـن دم احـمــر
تشيل الشوف يـاعـبـاس ما تكدر
اخـتـك هـاي تـدري مدلـلـه حيـدر
شافت ضيم وبناره الـگـلـب وجـر
كـافـي نـومـك عالنـهـر
-----------------------------------------*
شحالك بالگبر مـن وكفت ودارت
فوك الضيم حيره بحالتك حـارت
تـدري مدللة وام الـحـزن صــارت
وي عدوان ايـام شـكـثـر ســارت
ونـهـه بـركـان انـفـجـر
--------------------------------------*
تگلك گوم خويه وشاهد لخــــدري
يضي عنياي نايم وانكسر ضهـري
اجت وشلون جيه اعليك ما تدري
تـجـري العين والمتنين دم تـجـري
بـيـهـه هم عندك خـبـر
-----------------------------------*
كـاتـلـهـه الهضم ردت تـجـر ونــه
تريد دگوم وانته الليث المـچـنــه
متن زينب يخوهه اسياط جرحنه
واديهـه بيا ذنب بـدمـوم تـتحنــه
صـعـبـه هاضمهه الـدهـر
--------------------------------------*
هـاي الـمـا نظرهه ونظرت الـواحد
عليهه القاسي والداني صفه يشاهد
وسط ديوان وكـفـت والخصم كـاعد
ويسأله اعلـه اخوتـچ ويـن وينــاشد
اخـتـك لوعهه القدر
---------------------------------------*
وسفه ام الخدر لليوم مهضومـــه
وحلت ليك الوطيه وطابت النومه
وانـتـه تهاب چـانـت منك الحومـه
ريت اتصد متنهه التنزف دمومه
عـيـنـك خاناهة النظـر
-------------------------------------*
✍ خادم الحسين /ع
الشاعر رعد الجريخي
(رساله)
أسـمـع رسـالـه وبيـهـه غـايـه
أسـمـع كـلامـي مـن الـبـدايـه
أسـمـع عـلـى گـــد الـنــوايــه
ينطي الحسين ينطي الحسين
---------------------------------------------*
عيش خـادم وي الحسين بشعورك
واحذر احـذر تـوگـع ابأفت غرورك
صـير شمعة وبالمجالس أدّي دورك
تـفـرح الزهره اذا شـافـت حضورك
عـينـك على حسين وخدمته
عـينـك الحبيبك وابچي سكته
عـينـك يـگـرهـه لـو طـلـبـتـه
-----------------------------------------------*
لايهمك يـاهو جـاي وصفـي نيتك
والمجالس هاي خلهه اتصير بيتك
تـرى بـهـذا الـعـزه اتـحـدد هويتك
بـغـيـر حسيـن أيـس يعلـه صيتك
اعـرف الحسيني صافي گلبه
اعـرف فـقـط لحسيـن حـبـه
اعـرف كلامـي وروح جـربـه
-------------------------------------------*
خلي گلبك بالعـزه وعـوف المصوّر
اويـن متصيـر الدمـوع اعليهه دوّر
لــو ضـلام ابـدربـك ايـشــع اوينوّر
وقدس الخدمه تـرى الخدمه تشوّر
حـافـظ يهل عندك قضيه
حـافـظ على هاي الوصيه
حـافـظ ألك اشرف هويه
----------------------------------------------*
رسـالـه بـكـل حـرف اسـمـع كلامي
تـعـال اخـذ الأجـر عـوف الاسامي
يـبـو الـسـجـاد گـلـه ارفـع مـقـامي
على مودك تسحگـه الخيـل ضامي
بـالـك ابـفـعـل تلچـم جراحه
بـالـك ألك احچـي الصراحه
بـالـك ترى بـگــد الـنـيـاحـه
-----------------------------------------------*
الـيـدوّر بـس اسـامـي وهـذا هـمـه
لايـضـن وي الخَـدم يتسجّل اسـمـه
حسين يعرف ربعه والرايـد يخدمه
يعتنيله بكـل صدق ومضحي دمـه
أحـذر بـعـد مـاكـو ندامـه
أحـذر اذا عـفـت الخدامه
أحـذر اجر كلشي بختامه
------------------------------------------------*
✍خادم الحسين( ع)
الشاعر رعد الجريخي
القناة الرسمية على التلكرام 🔝✔
استمتــع بـــــالمـشاهدة
•┊اشعار
•┊اقتباسات
•┊فيديوهات
•┊قصائد
✹ لــنشر الاعلانات $ : @YYMMKL
Last updated 1 week, 2 days ago
- انا مُتناقِضه اُحاوِل نسيَانك واكتبُ عنكَ .
طلب التمويل @XX3X2
Last updated 5 months, 1 week ago
- شلك بروحك تعال بروحي عيش .
- لطلب تمويل تواصل ← : @ooooow
- قناة التمويلات : @xxxxzz
Last updated 3 days, 5 hours ago