2025 yil 20 yanvar kuni AQSHning 47-prezidenti Donald Tramp qasamyod qabul qildi. U 2017-2021 yillarda ham Amerikani boshqargandi. Uning ikki inauguratsiya nutqidan muhim iqtiboslarni keltiramiz:
**2017 yil, 5 iqtibos:

"Amerikaning qonunlari butun dunyoga yordam berdi, ammo biz o'z uyimizda e'tiborsiz qoldik".
— Tramp global dunyoqarashdan ko'ra, ichki muammolarga e'tibor berish kerakligini ta'kidlagandi.
*"Biz Vashingtonda hukumatni bir guruhdan olib, xalqning qo'liga qaytaryapmiz".— Bu so'zlar bilan u elitalarga qarshi kurashuvchi sifatida chiqish qilgandi.
"Endi Amerika birinchi bo'ladi. Amerika birinchi!"— Tramp o'z ma'muriyatining "Amerika birinchi" siyosatiga sodiqligini bildirgandi.
**"Biz boshqa davlatlarning chegaralarini himoya qildik, ammo o'z chegaralarimizga e'tibor bermadik".— Tramp migrasiya siyosatiga urg'u bergandi.
"Biz birga harakat qilsak, Amerika yana buyuk davlat bo'ladi!"— Umid va birdamlikka chaqiradigan patriotik chiqish qilgandi.
2025 yil, 5 iqtibos:
**"Bugundan boshlab, Amerika manfaatlari doimo birinchi o'rinda bo'ladi".— Tramp "Amerika birinchi" siyosatiga sodiqligini yana bir bor ta'kidladi.*

"Biz chegaralarimizni mustahkamlaymiz va noqonuniy migrasiyani to'xtatamiz".— U noqonuniy migrasiyaga qarshi qat'iy choralar ko'rishini bildirdi.
"Bizning maqsadimiz — Amerika iqtisodiy qudratini tiklash va har bir fuqaroga imkoniyat yaratish".— Tramp iqtisodiy rivojlanishga urg'u berdi.
"Biz dushmanlarimizga qarshi qat'iy turib, do'stlarimiz bilan hamkorlikni mustahkamlaymiz".— U tashqi siyosatda kuchli pozisiyani egallashini ta'kidladi.

"Bugundan boshlab, xalq hokimiyatni qo'liga oladi".— Tramp hukumatning xalq manfaatlariga xizmat qilishi kerakligini qayd etdi.

? @jomboytongi

*? *“Jomboy tongi” gazetasining 2-sonida (18.01.2025-y.) o‘qing:

*? Kripto-aktivlarni olib qo‘yish tartibi belgilandi;*? Qonunni hurmat qiling!? 4K modeli nima?? Jazomi, imtihon?

@jomboytongi

Жон Нэш: "Мен ақлимни йўқотдим, лекин ундан фойдаланишни қайта ўргандим".
@jomboytongi

Машҳурлар_ҳаёти

Жон Нэш ҳақида эшитганмисиз?
Шахсан у ҳақида ўқимагандирсиз, лекин унинг ҳаёти, фаолияти асосида суратга олинган филмни кўрган чиқарсиз. “Тафаккур ўйинлари” - бу филм 2001 йилда суратган олинган бўлиб, Оскар мукофотига лойиқ кўрилган.
Инсон ақлининг чексиз имкониятлари ва унинг руҳий синовлар билан курашига Жон Нэш ҳаёти ёрқин мисол бўла олади.

Жон Нэш математикадаги ноодатий қобилиятини ёшликдан намоён этган. У математиканинг турли соҳаларида, айниқса, ўйинлар назариясида ғоят муҳим кашфиётлар қилди. Уни дунёга танитган ва иқтисодчи ҳамда сиёсатшунослар учун қимматли бўлган асари — Нэш мувозанати тушунчаси. Бу назария рақобат муҳитида турли иштирокчилар қандай қилиб оптимал қарор қабул қилишини тушунтиришга ёрдам беради. Нэшнинг бу ишлари иқтисод, бизнес ва ҳатто ҳарбий стратегияларда инқилобий бурилиш ясади.

Унинг илмий фаолияти тезда юксалди, шу даражага етдики, у 1994 йилда Иқтисодиёт бўйича Нобель мукофотига сазовор бўлди. Аммо унинг муваффақият йўли осон кечмади.

У шизофренияни енгди30 ёшида Нэш оғир руҳий касаллик — шизофрения билан оғриган. Унинг касаллиги реаллик билан бўлган боғлиқликни йўқотиб қўйишга, ҳар хил овозлар эшитиш ва паранойяга олиб келди. Илмий доиралар уни "ақлли жинни" сифатида қабул қилишди. Бироқ Нэш бу оғир руҳий ҳолатга қарамай, ўз касаллигини енгиш йўлини топди.

Саксонинчи йилларга келиб, у аста-секин касаллик асоратларидан халос бўлиб, ҳаётини тўлиқ тиклади. Бу давр унинг инсон сифатидаги кучини яна бир бор намоён этди. У шундай дейди: "Мен ақлимни йўқотдим, лекин ундан фойдаланишни қайта ўргандим".

Муҳаббат ва оилавий драмаларНэшнинг ҳаётида унинг рафиқаси Алисия алоҳида ўрин тутади. Алисия уни касаллик даврида ташлаб кетмади, аксинча, доимо ёнида бўлиб, унинг тикланишига ёрдам берди. Уларнинг муносабатлари инсонлар ўртасидаги самимий муҳаббат ва сабрнинг намунаси бўлди.

Чиройли якунНэш ҳақида шундай дейиш мумкин: У фақат тенгламаларни эмас, ҳаётнинг қийин саволларини ҳам ечган инсон эди. Унинг иродаси, илмий ишлари инсониятнинг ақл ва сабр билан чексиз салоҳиятга эга эканлигини яна бир бор исботлади.

Неш жаноблари 2015 йилда вафот этди, аммо унинг илмий ва инсонпарварлик мероси ҳалигача ёдда қолмоқда.

У ҳақидаги филмни албатта кўринг!

? @jomboytongi

Аллоҳнинг жазосими ёки инсоният имтиҳони?

Лос Анжелесдаги ёниб турган ўрмонлар нафақат Америка, балки бутун дунё учун сигналдир. Инсоният табиий офатлар қаршисида бирлашиши шарт, акс ҳолда бу ёнғин бутун ер юзини «куйдиради».

Шу аснода Саъдий Шерозийнинг машҳур байти қайта ва қайта хаёлга келяпти:
«Бани одам аъзои якдигаранд,
Ки дар офариниш зи як гавҳаранд.
Чу узве ба дард оварад рўзгор,
Дигар узвҳоро намонад қарор».

Мазмуни: «Одам болалари ибтидода бир гавҳардан бино бўлганлари туфайли яхлит бир вужуд кабидирлар. Бинобарин, замон унинг бир аъзосига жароҳат етказса, бошқа аъзолари ҳам ўз тинчини йўқотади».

Инсонлар бир гавҳардан яратилган, уларнинг ичидаги фарқлар, эътиқод ёки тил бўлсин, табиий ҳолатдир. Лекин биз бир ўрмондай ўзаро боғлиқмиз: бир шохнинг ёниши унинг атрофидаги барча дарахтларга зарар етказади. Бугунги кунда Лос Анжелесдаги ўрмон ёнғинларини “мусулмон бўлмаганларга жазо” деб англаш, на ислом бағрикенглигига ва на инсоният қадриятларига мос келади.

Ислом дини инсониятга нафақат адолат ва ҳақиқат, балки ҳимматлилик ва бағрикенглик билан ёндашишни уқтиради. Қуръони Каримда шундай оят бор: “Ким бир жонни ноҳақдан ёки ер юзида фасод қилмаса ҳам ўлдирса, гўё барча инсонларни ўлдирган бўлади. Ким уни тирилтирса (ҳаётини сақлаб қолса) гўё барча инсонларни тирилтиргандек бўлади”. (Моида, 32-оят).

Бу оят фақат бир дин ёки миллат вакилларини эмас, барча инсонларни ҳимоя қилишга чақиради. Оламшумул ёнғинлар, табиий офатлар бизни ажратиш эмас, аксинча, бирлаштириши керак.

Пандемия бунга мисол. Ўшанда номусулмонлар яратган вакцинани қабул қилмадикми? Номусулмонларнинг гуманитар ёрдамларини қабул қилмадикми? Дунё ўшанда қайсидир маънода бирлашмадими? Одамлар одамга айланмадими? Афсуски, тез унутдик.

Демак, ҳозирги ҳолатда ёрдамга муҳтожларга қўл узатиш ҳақиқий имонли инсоннинг иши. Ҳеч бўлмаса инсоният, она замин учун дуо қилиб қўйинг!

Бу ёнғин бутун инсониятни куйдиради...

Лос Анжелесдаги ўрмон ёнғинлари нафақат шу минтақа аҳолисига, балки бутун дунёга зарар етказиши мумкин.

Аввало, экологик мувозанат бузилади. Ўрмонлар нафақат заҳарли газларни ютиб, кислород ишлаб чиқаради, балки турли жонзотлар учун яшаш манбаидир. Бу ёнғинлар бутун дунё иқлимига салбий таъсир қилади. Катта миқдорда ёнган дарахтлар атмосферага юзлаб тонна ис газини чиқаради, бу эса ер юзидаги исишни янада тезлаштиради. Сув захираларига салбий таъсир қилади. Ёнғинлар туфайли сув манбалари бузилиши, чўлланишнинг ортиши экологик ҳалокатларга олиб келади.

Саъдийнинг байтида айтилганидек, бирор аъзо оғриқда бўлса, бошқа аъзолар ҳам тинчимаслиги керак. Инсоният бир вужуд кабидир: бугун Америкада ёнғин бўлса, эртага бошқа бир ерда бўлиши мумкин.

Бу ёнғин эртами-кечми, барибир ўчади. Бироқ номусулмонларнинг кўнглида бир хотира қолади. Мусулмонлар уларга ҳамдард бўлмагани, Аллоҳнинг жазоси келди, дея ўзига таскин бергани, уларнинг оҳ-воҳидан маза қилишганинигина эслаб қолишади. Шу, холос! Биз уларнинг ҳалокати сабаб асло кучайиб кетмаймиз. Чунки ўзимиз ислоҳга муҳтожмиз...

Ислом кечиради, имкон беради. Ёрдам беринг, дуо қилинг, бутун инсониятга инсоф берсин, тинчлик бўлсин!

Исомиддин Пўлатов.

? @jomboytongi

Одамлар ишларини ташлаб кетмайдилар

Улар қуйидагиларни ташлаб кетишади:

ёмон раҳбарни
ёмон иш ҳақини
ёмон иш маданиятини
карьерада ўсишнинг етишмаслигини
керакли қўллаб-қувватлашнинг етишмаслигини.

Агар сиз энг иқтидорли ходимларингизни йўқотаётган бўлсангиз, бу тизимда қайсидир бир нарсани тузатиш кераклигининг белгисидир.

Азамат Акбар

? @jomboytongi