بالنسبة لمشاركتنا في البطولة ، الحمد الله قدرنا نقدموا أداء مشرف جداً كأول مرة في تاريخ الجامعة ، فزنا ضد ثلاثة جامعات من دول:

🇩🇿 الجزائر
🇺🇸 أمريكيا
كندا🇨🇦

وكان مجموع نقاط الفريق خامس أعلى نقاط من مئة فريق مشارك ، كان ينقصنا فوز وحيد فقط للترشح مباشرة بسبب مجموع النقاط يلي كان عالي ولكن للاسف الشديد لم نوفق في المناظرة الاخيرة .

ومع ذلك راضي جداً بأداء الفريق والمستوى يلي وصلناله بمجهودات فردية وذاتية قدرنا نافسو أرقى الدول والجامعات

وانت بس لو تفكر في البيئة يلي عايشين فاها هما وعايشين فاها حني هذي بروحها سادة

ولكن هذا مش مبرر وباذن الله النسخ القادمة حيكون أداء الافرقة الليبية ككل أفضل بكثييير🇱🇾

وطبعا اني امتحانات نهائية حاليا ومزالي امتحان باثو ، فا بش مايسألني حد نجحت ولالا لما تطلع النتيجة ،

بنقولكم انه قررت نمشي ونضحي بالامتحان والمادة
لأن الشي هذا بالنسبة ليا حلم ومن لما خشيت لعالم المناظرة كنت نحلم باللحظة هذي ، لحظة الوصول لبطولة العالم ، وانك تتلاقى مع نخبة النخب من مختلف البلدان ، الشي هذا بروحه كفيل يغنيني عن اي امتحان.

زمان لما علنو انه كأس العالم فقطر قلت بنمشي نحضر ونتفرج على ميسي ، ومصارش نصيب اليوم جي الوقت يلي اني نمثل فيه ليبيا في بطولة العالم في فقطر 😅

فريقنا خلال الثلاث الاشهر الماضية كلها كان يجهز للبطولة بمجهودات شخصية وسعينا وتعبنا على امل انه نحققو مشاركة مشرفة لجامعتنا ولدولتنا

هذا الشي اني شخصيا أثر علي حياتي الخاصة واثر علي قرايتي وخاصة في فترة الامتحانات ، لدرجة مرات عندي مناظرات واني مزال ع الامتحان يوم ولا يومين

ولكن مع كل هذا التجهيز والتعب ممكن مانتوفقوش في فقطر لان المستويات يلي موجودة غادي مستويات عالية جدا ومبنية صح واساسها صح من بداية عمرهم وهني الفرق بينا دولتنا ودولهم

ولكن مع ذلك طامحين جدا انه نحققو شي ونرفعو روسكم وتكون المشاركة مشاركة فخر واعتزاز

ختاما، نبوكم تكثفو الدعاء للفريق وتكونو معانا لحظة بلحظة🙏

وفالنهاية جلدتنا💔

سامحني ياغالي لكن المادة من كثر ماتافهة كنا نسحاباها تبع الاسنان وحاطينهالنا بالغلط مع البشري

اها تم بنفتحو الرحله عليكم ليوم فصارحني جماعة لبشري

حتي البارا يلي نحسبو فاها من مواد الاسنان جلدتنا

رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا

بارك الله فيكم خوتي ماقصرتوش واجركم حاصل ، قدر الله ومشاء فعل
هذي البلاد كان بتطلعو تهتفو لحد ولا بتدعمو حد راهو خلوكم طول ، لكن لإعلاء كلمة الحق فأكيد حيوقفو ضدكم

تخايل تجري ليك اسبوع في ھ النو ومسيب قرايتك وامتحانك القريب باش ادير أي لقطة مع القضية يالي تعتبر قضية كل إنسان عندھ شوي دم في عروقھ.

بقرار أمني يلتغى كُل شيء ومن غير أي سبب منطقي.

المُھم الموضوع تأجل حتى يشاء الله أن يكُن، وأكيد للخير كُلھ.

ترا تخايلو غدوا نجاوب فالمايكرو
اني نبي نتخايل لكن دماغي يقولي مصح وجهك