السلام عليكم ورحمة الله وبركاته

عساكم بخير

حنتفح بوت لإستقبال قصص واقعية نقراها ونسردها وانزلها إن شاء الله

وتُّولي لبين ما نزلت. ?

https://t.me/elkamonii/3

اللَّهم لا تعلق قلوبنا إلاَّ بك.

? سورة يوسف || القارئ منصور السالمي ١٤٤٥هـ

كم واحد كملها قصة "إدراك"؟

نبي خانة التعليقات تتعبى بإيجابي..

وسلبي لو فيه عادي المهم يكون بنَّاء. ?

{ وَعَسَىٰۤ أَن تَكۡرَهُوا۟ شَیۡـࣰٔا وَهُوَ خَیۡرࣱ لَّكُمۡۖ وَعَسَىٰۤ أَن تُحِبُّوا۟ شَیۡـࣰٔا وَهُوَ شَرࣱّ لَّكُمۡۚ وَٱللَّهُ یَعۡلَمُ وَأَنتُمۡ لَا تَعۡلَمُونَ }

قراءة ممتعة
دمتم في رعاية الله

الحلقة ١٨ والأخيرة

بعد ما عم السكوت

نطق حسام وقال تقدر ادافع ع نفسك ياااا مروان

مروان بصوت متلعثم ااه كيف ندافع وأني شن درت أصلا

قدامكم أهو عطيته فرصة يقول ونكر

غر استنا نكرت شني أني مشعارف ع شن تحكي

وهو واقف جنب حسام قرب منه قاله بصوت خافت شن فيه يحسام خيرك ،وكان فيه حاجة نتافهموا فيها بروحنا

رد بصوت عالي حسام
كان فيه شي ينقال بينقال اهني قدام العيلة كلها
زي ما اللي صار قبل صار قدام العيلة

ما تبيش تقول؟

مروان ساكت ع اساس مش فاهم شي
أو بالأحرى مش عارف أما عملة فيهم انكشفت

باه تمام شوفوا شن دار فأول شي
صور المحادثة يلي قلت يوسف هو اللي وصلهم لكيان
طلعت أنت يلي باعتهملها

مش أني يحسام يكذبوا عليك

أنت الكذاب وأهو الدليل عندي محادثاتك مع يوسف تبيه يدير شي ولما ما داراش درته أنت ولبسته أنت الموضوع

لكن نبي نعرف بس كيف وصلت ف نقالي؟؟

أني تكلمت اهني: أهو نقولك يا حسام
هو ما وصلش ف نقالك
افتح صور المحادثة شوية، شوف وركز
مفيش شي غريب؟

حسام: ما لاحظتش

الشي الغريب في المحادثة إن السكرين مش من نقالك، من نقال البنت يلي اسمها صفاء ولا أشك يكون صاحب المحادثة غريب ع العيلة

حسام فك النقال من مروان وقاله افتح رمزك كان صادق افتح

فتح رمز ولقي صفاء هي مروان نفسه

مروان عرفها خاسرة
قعد ساكت بعدها قال هي كيان كلمتني ف يوم وقالتلي دير آي شي يخلي الخطبة تفسخ

بعدها لحسن حظي صدفت عركتك مع يوسف ف استغليتها لصالحي

وأنت شن مصلحتك اديرلها اللي تبيه؟

قالتلي بتكلم أمها وتقنعها نتقدملها أني

أني اهني وذاني شحطوا من اللي نسمع فيه

حسام: باهي وإن شاء الله وصلت لغايتك؟

لا موصلتش ومديرليش روحك توا مش مذنب حتى أنت
طول الوقت وأنتم تتكلموا ع يوسف وتعايروا فيه ومطلعينه مش منكم وناكرينه قدام الناس واللي يسأل عليه تقولوا هذا خادم العيلة
كلكم اللي اهني مذنبين

كلكم تعرفوا يوسف شن لكن ما تصدقوش فيه

كلكم تعرفوا أخلاقه لكن مصرّين تشوهوا سمعته

حسام: يعني توا بكلامك بطلع روحك منها
أني كانت عندي غاية وحاربت ع خاطرها وما ننكرش درت الغلط باش نوصللها
لكن أنت غايتك تكيد يوسف بس
كاره تشوفه خير منك

اساسا كلكم كارهين تشوفوه خير منكم

زاد الصوت ف المكان ع خشت خوالي
خيركم شن فيه؟ ؟

خالي بو كيان: تو أكيد مشكلتكم كلها مدايرنها ع خاطر ولد فوزية اهوا "يوسف"

أمي خشت وخيره ولد فوزية

رأس مشاكل كل مناسبة

أنتم عيلة المشاكل تجري ف دمكم
حقد وحسد ف بعضكم تقول يهود

الواحد كره يخالطكم

خالي: تكرهوا تخالطوا لكن ما تكرهوش تناسبوا ههههه

ومن طلب نسبتكم؟
ولدك المصون يترجى فيا إسبوعين اللي فاتوا باش نعطيه بنتي

وعلاش يترجى فيك
وبناتكم اعطوهم لمرضى أولى بيهم

ما حد مريض زي أي زوز ما تفاهموش ويطلقوا

أمي: قالت ااه ومشت خشت للحوش وولت للمربوعة بسبيكرة

فتحت تسجيلي بيني وبين خالي كله

وخالي قال بصوت مسرسع باه اهو اهو شوفوه كيف طلب مني اه

فتحتله تسجيل هدرزتي معاها كيف ما نبيش نكلمه ولا نبي بنته

سكت خالي شوية وقال قليلة أدب شن بتخلف غير قليل أدب واطلعي برا توا أنت وولدك ومزال نشوفك أنت وياه اهني نكسر رجليكم

أمي واقفه بشموخ قالتله أنت اللي تطلع من اهني وكل من يشد ع يدك

ويا تقعدوا ف حوش ولدي معززين زي قبل زي تالي

خوالي وباقي العيلة يوتوتوا شن تقول اهيا انضرب دماغها

أني نهدي فيها يام هي نروحوا مالنا ومال العلقة معاهم

خليك ع جنب أنت هذا موضوعي أني ووخوتي ورد بالك ترد بحرف مهما قالوا

أمي: وأنتم تعرفوا الأدب وقت أختكم ملوحة ف حوش يحشم وخوتها عايشين ف قصور
تي لا نبي حوش لا قصر
أنتم غر اسألوا عليها أختكم أرملة وتربي في يتيم
الجيران يتفقدوا فيها مرة مرة
جيران واقفة معاها أكثر منك
تي شن أكثر تي أنتم ما درتوا شي أصلا

وتربية ولدي تشرف العيلة بكبرها مش غير أنت يلي جاي تتكلم ع الأخلاق برا.. ولا خليني ساكته

من الأخير والكلام يلي قاعدة نقول فيه زايد ناقص

هذه الورقة حجة بنقل ملكية الحوش من خالتي مرت بوي لولدي يوسف

وأي حد عنده مشكلة يمشي يحلها مع نفسه

والله أني واقف ع جنب مدمع من الفرح

?محمد: وشن صار بعدها؟

منها احني ف تركينة والعيلة في تركينة
إلا القلة

? وحسام؟
حسام بدي صاحبي اللزم سبحان الله

?وكيان؟
اطلقت

?ومرتك كيف تعرفت عليها؟
هذا يا سيدك بعد ما خلاص الحمد لله
مشت أموري ف العيلة
وكملت كليتي ع خير وتحسنت ظروف المعيشة
ف يوم أمي ماشية زيارة لمرت صاحب بوي عجبتها بنته
وكانت أصغر مني ب 7 سنين

قالتلي عليها
وافقت وقلت توكلي ع الله

الحمد لله تزوجت وعندي بنت 3 سنين شايفها ومش مصدق

? وكيان؟

راحت أيامها حاولت تكلمني هلبا مرات ونادمه وقالتلي نحارب أمي وبوي

?تلاحظ فيها غبية ومش طبيعية؟

بديت نلاحظ متأخر الشيء هذا
والحمد لله أدركت وبديت مؤمن جدا بقول الله عز وجل