هلا هلا يبو الاكبر هلا

ء - - - - - - - - - - - - - - - - - - -

الشيب وگلبك يصيرن فرد لون
وجمالك ساكن بنص هاي العيون
گد ما ركَّز بعينك والرموش
مثل لون الرمش صاير وجه جون

حُـبَّك طبع وفه .. والحَـبَّك اكتفى
مثل الشمس يظل .. گلبه ، فلا طفى

حبيب الگلب .. نظرتك قُرب
الحمد للعلي .. انخلقت النا حُب

دلال السمه .. عشگ فاطمه
عشگ نرتوي .. ميبقى الظمه

هلا هلا يبو الأكبر هلا

ء - - - - - - - - - - - - - - - - - - -

معانـيّك سحـر و الشـافهـا يـزيح
شمس قلّت ضواها ورادت اطّيح
و اذا گصّـن اصـابعهـن قـليـلات
يوسف يم جمالك يصبح شحيح

و الگلبه چن حجر .. حقّه واذا انسحر
حبّـك يـبن علي .. للصبخه چـن مطر

يحُبّك صدگ .. امام العشگ
يلأسمك هوه .. بلى نختـنگ

يـبـزر الضـوه .. اسـد نيـنوى
جمال العرش .. حُسين احتوه

هلا هلا يبو الأكبر هلا

ء - - - - - - - - - - - - - - - - - - -

اعله باب الجنه توگف ، واليمرون
اذا شافوا جمالك ما يعبرون
يُساقون وزُمر للجنة يحسين
ويشغلهم جمالك ما يرمشون

يا مالك العمر .. الينظرلك بصبر
بوجهك يبو علي .. وبعيونه ينأسر

جمالك وطن .. الگلب بي ثمن
حبيب العرش .. وحبيب الزمن

جبهتك گمر .. اليحبك سهر
يسيد الضمه .. ويسيد المطر

هلا هلا يبو الأكبر هلا

ء - - - - - - - - - - - - - - - - - - -

شرق للدنيه چن شمس و ضوت گاع
مُجل وجها ضوه بس علشمس شاع
نجـم ؟ لا مو نجـم مطروقه النجوم
ضـوه كلّـش قـوي منّـه الثلـج مـاع

خدّك مثل گمر .. لو لـؤلـؤ و شـذر
صدرك عطر ورد .. و الشافك انصطر

جمالك عذب .. متخفي حجب
يشوفك دوه .. يطيب الگلب

عيونك شذر .. جمالك سحر
يدرّت علي .. يلسمك ذخر

هلا هلا يبو الأكبر هلا

ء - - - - - - - - - - - - - - - - - - -

كلامك يروي چن عباس والجود
النملة الخنصر ، وهالدنيا نمرود
يالمدليها بالله الناس التضيع
خنصر يمنتك بالعالم يگود

يالوجهك ابتسم .. بس بالعدل حِلَم
يا باذل النفس .. الخنصر خلوده دم

يـ سر العرش .. ضيائك يطش
بكتاب السمه .. يأجمل نقش

الاله العلي .. يحيي بعلي
گلب فاطمة .. وكلف عد علي

هلا هلا يبو الأكبر هلا

ء - - - - - - - - - - - - - - - - - - -

حبّيتك صدگ چن حب مجانين
و اتيّه بل درب ما اندل منين
مجنون و اتيّه وحدي محتار
من زغري وأحبّك كضني يحسين

يمك إخذني حي .. چويلي هاي أدي
يا قاهر الضمه .. وما شارب أنتَ مي

يجور الزمن .. تضلّ الوطن
لجل شيعتك .. طلعت بضعن

عجيب العمر .. ركض للگبر
يكل حب تعب .. و يحبّك ذخر

هلا هلا يبو الأكبر هلا

ء - - - - - - - - - - - - - - - - - - -

تمت بعونه تعالى
2025/1/31 ميلادية
1 / شعبان / 1446 هجرية
حسين نعمه الدراجي
الميرزا ادريس علي

حضرت الغراض ولملمتهن
وهدومك بديّة صفطتهن

وعلاجي جبتة وياي
وين اركب يمولاي
بتكم انه … بتكم انه
١.
ما ادري لي وين الدرب … وليا جهة ناوي المحب
محملين وانه وية الضعن … فرحانة ومحضرة الگلب

رقية اشخذتي وياج السفرنة
ملابس بالسفر نتلابس احنة

يصعدج بالمحامل
ابونة لو ابو فاضل
واذا مرتاحة نمشي
وانة امشي احاول

رقية ردي ليش لوحدي احجي
وشمالة الضعن شو كله يبجي

المرض لا لا يهمكم
اروح وما اغثكم
بتكم انه … بتكم انه
٢.
عازم على الروحة تره … وميدير وجها ليوره
لو اروحن ويا لو اظل … واتحسر لشم منحره

اذا ما خذني ويا وين اروحن
اگظي عمري بعده بس انوحن

اروح ويامن امشي
ولا باقيلي كلشي
عگبكم وين اروحن
هلي گطعتو هرشي

شنو فرق السجن عن فگد الاحباب
وشيبقة بحياته الگابل الباب

بأمل بلكت يردون
ويدريهم يموتون
بتكم انه … بتكم انه
٣.
صارت صدگ وتوادعو … ولام البنين اتأسفو
وانه انتظر هسة يجي … ويگلي امشي ويه المشو

وبهالموقف اگلوب الهواشم
صارت نار والله البيها عالم

بيت بلا اهلنة
ما يتسمه جنه
مو شرط الوطن بيت
هالسافر وطنّه

تتغرب ابيتك حيل صعبة
ويروح الوطن ملجوم گلبة

هلي ردو علية
بنيتكم خطية
بتكم انه .. بتكم انه
٤.
شافوني مكسورة انتظر … وانصبغن عيوني حمر
ما سيطرو كلهم بجو … گمت انه انطيهم صبر

اريد ابقة ابمدينة جدي اكلهم
وانة المشلوع گلبي من هجرهم

روحو ولا تطولون
يا احلى اليطلعون
مثل ما رحتو يهلي
اريدنكم ترجعون

مثل ما رحتو هودجكم والضعون
اريد بلا مصايب من ترجعون

راحو بالسلامة
ورايتهم علامة
بتكم انه .. بتكم انه
٥.
وانگضت مدة من السفر … وماكو بعد الهم اثر
لن صوت يترس مسمعي … زينب تنادي يالگمر

يعباس العدة ترست خيامي
وانة بلاية كفيل ولا محامي

وركضتهم بعيدة
وابوي الرافع ايدة
يأشر للمخيم
وحزولة وريدة

حوافر تسحگ المذبوح عريان
وبالهيمة تفر يا وسفة نسوان

تمنيت ابضعنكم
واحمل من حملكم
بتكم انه … بتكم انه ___________________تمت بعون الله
٢/محرم/١٤٤٥

حيدر عمران
@hiderimran

السِلامُ على المُعذب في قعر السجون
................
الـگاظم انـه من متت لا مو غريب
الغـريب حسين جدي اضل سليب
جـدي عطشان انـذبح اه يـالحبيب
حتـى بالدفنه بقى ابـدمـه خـضيب

تابوتي صح فوگ الجسـر
بـس شيّعوني
و الجدّي ما صح اي عرف
تعمه عيوني

الكاظم انـه المسموم
مو مِثل جدي المظلوم
..............
مــوتــتي بالـسـم انـه لا مـو ذبـح
ريت أواسي حسين جدي المنذبح
دمـي يجـري والجـسم گلـه جـرح
وينرفع راســـي آنه فــــوگ الرمح

الخيل تسحگني و تفر
بيّه الرمل كون
الف و تسعميه جرح
بيّه يضربون

الكاظم انـه المسموم
مو مِثل جدي المظلوم
...............
حسـين مـن الخـيل صـدره انـگسر
بحـال عمـتي زيـنـب اسـوه الـدهـر
مـثل جـدي حسين مـگسوره الظهر
حسين ظهـره انگسر من طاح الگمر

مقهور جدّي و حاير
و يلزم خواصر
عباس طاح و يلتفت
زينـب تـناظر

الكاظم انـه المسموم
مو مِثل جدي المظلوم
..................
چـتـفونـي بــ سلسـِله لا مــو حـبل
بالـسـِجّن انـه واحـس اعلـه الهـزل
مادخــلت ابسـوگ واسمعت الطبل
گـــون مـثـل حـسين عـاري أنچـتـل

هم لليسر امشي لچن
بليل بسكوت
عمتي بنهـــار اتگيّدت
للسوگ و تفوت

الكاظم انـه المسموم
مو مِثل جدي المظلوم
..................
هم سبوني أو امشي من سجن لسجن
لـيلـي مـا نـامـه ولـا يغمـض الـجفـن
لـگربـله ولحسيـن گمت اهـواي احـن
بـدمـه جــدي ابـلى چـفـن اه انـدفـن

آخ و ثلث تيام فوگ
الغبره مـطروح
و بلا ملامح و الجسم
مـاليهن أجروح

الكاظم انـه المسموم
مو مِثل جدي المظلوم
.................
تـنـادي ياگـفـال مـا جاهـه الكمر
ابو فاضــــــل طايح أبصف النـِهر
طيحت العِـــــباس كسران الظِهر
تالي زينب راحـت ابــــدرب اليسّر

يا حيـف هل ناگه صعـد
خـدر العشيره
توگف صعب مغصوبه تمشي
لغير ديره

الكاظم انـه المسموم
مو مِثل جدي المظلوم
....................
:. عـلي محمد الساعدي
.. الميـرزا ادريـس عـلي

————————————

ردتك تجي و تشوف بتّك .. بويه
اسكن خرابه خلاف بيتك .. بويه
تحضني بس يا بويه رتّك .. بويه

منّ الرگض نشفت لهاتي
لسياط من تالي جزاتي
و فوگ الجلد لزگت عباتي

بن عمي ما مره لمحني
تالي الدرب للسوگ زتني
عالناگه بويه و ضهري محني

تالي العمر زينب اسيره .. بويه
ما بيّه حيل انه جبيره .. بويه
گلّي الوجه لا وين اديره .. بويه

——————————-

صعبه يخويه ما اشوفك .. حُسين
وانته اليشوفك ما يعوفك .. حُسين
متعوده احضنك نوب اطوفك .. حُسين

غربه يخويه الدنيا غربه
حرمه جبيره و تمشي صعبه
عطفك اريده بگلبي صبه

اذكر يخويه اخر نضرتي
صفنه تجي و تخنگ عبرتي
دم كون ما فادت دمعتي

تدري الاخت تحتاج اخيها .. حُسين
بعد الابو صرت انته فيها .. حُسين
ضلمه الشمس بسّ انته ضيها .. حُسين

——————————-

عباس تدري شلون حيره .. خويه
ناگه صعد خدر العشيره .. خويه
مغصوبه امشي لغير ديره .. خويه

طب الضعن يا خويه للسوگ
اختل ردت صعدونه عالنوگ
محروگ گلبي هواي محروگ

منّه الغرب يا خويه شتريد
كومت نسه و سجّادنه وحيد
دگّو طبل حسبالهم عيد

تدري الغرب شمتانه بيّه .. خويه
گالوا بعد عزّچ سبيّه .. خويه
و حجار يتگاطف عليّه .. خويه

——————————

الميرزا ادريس علي

الشمس طلعت علينه
هلا بكوثر نبينا
هلا يا أم اباها
يفاطمة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
١-طَلَعَ الكوثر علينا مِن ثِماراتِ الجنانْ
صارَ مكتوبٌ الينا جنةٌ في الامتنان
ايها المؤمِنُ سبح ربَّكَ كُلَ الزمان
كوثرٌ من يخدموهُ سارَ في دربِ الامان

الفرح سير علينة وفرحنه بهالاسم
هلا يابت نبينه ومرت شيخ الزلم
هلا بفاطمة ام الحسن وام الخدم
خسر كلمن نكرها واليحبها سلم

ام الصدگ فاطم
والحبها ما نادم
والرايد الجنة
الهة يظل خادم

جمال الدنيا والكون
بدونج تعمة العيون
يشمس الله وضياها
يفاطمة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٢.
كوكبٌ قد نال حضاً باسمها صار المنا
فاطمٌ لو لا رضاكِ ضاع منا امرنا
جئتي في امرٍ شريفٍ وبكِ ياللهنا
مرحباً يا خير انسٍ منَّ فيهِ ربنا

لاجل نورج الباري خلق هالكائنات
بلّا فَيّج يفاطم ابد ماكو حياة
يقرأن الاله وسوّرج واظِحات
يمن نزلت رسالة من السمة العاليات

نور وضوه حبها
الياويلة يغضبها
الله يحب فاطم
وفاطم تحب ربها

يشيعة فرحو هاليوم
واتركو كل الهموم
باميرتنا انتباها
يفاطمة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٣.
قالها رب الجلالة يا نبي الاتقياء
يا محمد ولاجلك صارَ ارضٌ وسماء
صحتاً لو لا عليٌ بِكَ لم يأتي القضا
صحتاً لو لا بتولٌ انتما لم تُخلقا

يعني الله يخلق البر والبحر لاجل الرسول
وبرسالة يگلة لوما انته جا محد ينول
بس تضل لوما علي جا ماكو انته وهم نگول
ما خلقت ثنين منكم لوما خالقها البتول

الها انخلق كلشي
وبيها انرفع رمشي
وفتحتلي عيوني
وبحبها صرت امشي

الاله من السماوات
بدة بيج الرسالات
يفاطم وانتهاها
يفاطمة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
٤.
يا خديجة يا حبيبة خير خلق العالمين
هل نبارك لكِ نحن اليومَ في هذا الجنين
ام تباركين انتي مولداً للمؤمنين
مولداً قد كان خيراً وهداً للمتقين

يا خديجة الليلة فرحة كل محب لاهل الكرم
خل نباركلج وردي باركينه بهالنعم
هالگلب خل تطفه نارة هذا يوم بلاية هم
واليشارك فرحة اهل العترة هذا من الزلم

وبفاطم الاحساس
فرحتنه ما تنقاس
بس بجمال حسين
وبغيرة العباس

تشع فاطم علينا
ونضل نغرف بدينا
بكرمها وبعطاها
يفاطمة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حيدر عمران الحجامي

ام البنين

وين ودتكم النوگ
يبني ما نحمل الشوگ
ويا الهوى ودلي مرسال .. يبو اليمه

بلكت الله ويهب
هالهوى بالعذب

1. اصعب موقف اعلى الروح من تفارگ اعزازك
   هنانة الحيره مدري لوين تاخذ كل فكر راسك
   واحساسك يظل مجروح بيمن تجبر احساسك
   وانفاس الغرگ بالماي اصعب منها انفاسك

ابيتك عايش الغربه …. اليعطش شوگ شتشربه
ما تروى العيون بغير … حسين وشوفته صعبه

سالم اتمنى مولاي
بالهوى سولف وياي
ويه الهوة ودلي مرسال .. يبو اليمة

بية حسرة مره
ما درت بالجره
ويه الهوه ودلي مرسال .. يبو اليمة

1. اول مره هاي تصير انته ابيتك وحاظر
   وبلحظة ابتعد عنك الوطن من يمك يسافر
   سولفلي يبو الاكبر كمت اتخيل الحافر
   كمت اسمع صريخ اطفال وابني هناك شمناطر

يا ناس التسمعوني … لهناك اخذو اعيوني
مو بالدار روحي هناك .. غريبه خل يسموني

شنهي يا يمه عطشان
شو احس ريجي نشفان
ويه الهوى ودلي مرسال .. يبو اليمه

ضامي گلبي صبح
يمكن ابني انذبح
ويه الهوة ودلي مرسال يبو جروحي

1. شفت باحلامي تتوادع انته وزينب ابدمعه
   رغم الضجة بالميدان صمتكم واظح انسمعه
   حيرة زينب ابراسي شلون الميت اتودعه
   الله وياك نسمع صوت وما ندري الك رجعة

رحت لو بعدك اتوادع .. گلبي بطيحتك واگع
جاوبني يبعد امك .. احسك طايح اتنازع

ردلي روحي بالجواب
لسه ما عايفه الباب
ويه الهوى ودلي مرسال .. يبو اليمة

شو هوانه انگطع
يبني گلبي انشلع
ويه الهوى ودلي مرسال .. يبو اليمة

1. حرارة ونار بافكاري عشيرة بلايه واليها
   ريحة خيمة محترگة عنها وين اهاليها
   الاثرها جان ما ينشاف داست نار رجليها
   صدگ بسلا خيمكم غاد وجت والحرم بيها

مو الكم اليه النار … اموت وادري شنهو الصار
محتاره الحرم وحسين … بأصحابه وهلة محتار

عالجمر تمشي نسوان
بلا محامي ولا اخوان
ويه الهوه ودلي مرسال يبو اليمة

متني احسه انلجم
شصاير اعلى الحرم
ويه الهوه ودلي مرسال يبو اليمه

٥-
سمعت الصوت ابن حذلم اجة ينعه بگلب ضامي
ردت رجلية تستعجل بس يا مثگل اجدامي
وصلت وگتله يالناعي ونينك هيّج آلامي
بشر لتسولف بولدي على حسين الگلب حامي

سولَفلي وبديت اكبر .. المثلكم زحمة يتعثر
شيگومة الجفوفة ازغار .. وسياط العده تفتر

ردت وبيها دخان
والعبي انصبغن الوان
ويه الهوه ودلي مرسال يبو اليمه

بي نقص هالضعن
طفله دون الاجن
ويه الهوه ودلي مرسال يبو اليمة ______________________تمت بعون الله
١٢/جمادي الثاني/١٤٤٥هـ
حيدر عمران الحجامي
لطلب اللحن

@zx_qwh

امشي چنت بضلم درب
اعمه البصر و اعمه الگلب
ضلمه و متاهات العمر
لا للضوه أوصل صعب

بس الضوه أبالك عله .. و اسهل درب للفاهمه
انته اليخدمك سيدي .. تختاره امك فاطمه

—————

و اليغرگ بنسمه يفيق
بسّ ألهوه يمّك شهيق
باب الهوه ام الحسن
انخاها لو دنيا تضيق

سمحيلي اشتم الهوه .. بلكي اعقل و ما أظلمه
انته اليخدمك سيدي .. تختاره امك فاطمه
___________________
تختاره فاطم خادمك
بس الأصيل الفاهمك
طير و يلگّط بالأكل
اتجيب النضيف لعالمك

تختاره ما بي اي دغش .. و هذا الأمر متجامله
انته اليخدمك سيدي .. تختاره امك فاطمه

——————————

يمّ الحسن يمّچ دخيل
گصبه بهوه كل ساعه أميل
ما ثابت انه الگاعي طين
و الدنيه روج و لا اسيل

كضّيني أيدچ طاهره .. و خذيني گود العالمه
انته اليخدمك سيدي .. تختاره امك فاطمه

—————————————

يمشي العمر بس للضياع
ما اجزي صحره بلا متاع
ريشه بهوه تروح السنين
لو ما چنت لأمرچ مطاع

ما اعوفچ انه لأي سبب .. ذكرچ يطفّي الحاطمه
وانته اليخدمك سيدي .. تختاره امك فاطمه
______________
الميرزا ادريس علي

تمت بحمد الله
١٢ / ربيع الاول / ١٤٤٦

————————————-

يا امير عيوني تبجي ليش عيونك
علي يا قرآني صاير شاحب لونك

للعصر لا تهم فدوه انه لدمعاتك
تغيّرت يا علي وبيِّنت كسراتك

1. يا حبيبي وكل حياتي … ادري ما تصبر عليه
   هالقدر مكتوب لينه … وانته ملزوم بوصيه
   علي تاذيني دموعك … أتزيّد الاوجاع بيه
   وانه عدلة وهيج صابك … شلون لو جتني المنيه

يا علي هواي … صاير النه
ما شفت يوم … تبجي وتنوح

يا علي اعداك … تستغلنه
وتفرح تشوف … بيك الجروح

فدوه ليك اجروحي بس يفض اونينك
نلتقي بالجنه وبشوفي تگر عينك

يا اعلي ما ردت گدام وليداتك
تغيرت يا علي وبيّنت كسراتك

1. كلشي مابيه اطمنك … ياعلي كسرك كسرني
   يا علي قطعه انه منك … والجَسر منك شلعني
   عاين لروحك وراها … حسن وحسين الهضمني
   بالوصيه انته عايش … اشلون بالعاشوا هذني

حسن جبده … يموت مسموم
وزلمه ماكو … الي ينصره

حقه ماخوذ … يعيش مظلوم
ونسبه مجهول … بكلبه حسره

والحسين امدد بالطف باجر وحده
لدمعه ابنك باجر محتاج الي يسنده

وبالطف بلا خيم باجر ابنياتك
تغيرت يا علي وبينت كسراتك

—٣
يا علي ضم حيلك الهن... قبل متصير المصيبه
وواسي بيهن وحده وحده… وبالاخص واسي الحبيبه
انه باب وهنه هِزّل… يشوفن أيام العجيبه
يم اهلها بكسر تقبل… اشلون كسرتها الغريبه

كل اليصير … من وره الباب
والتهاون … بإسمي صعبه

وإن من كال ..هِتك الحجاب
ظل الاسلام … يعيش غربه

اعتذر من دمعك چي نزلته اعليه
ريت انشفه بأيدي بس گومه مابيه

من اثر باب احترك تنسمع اهاتك
تغيرت يا علي وبينت كسراتك

_٤
لبابنه لمن تباوع … بمحسن ايذكرك ابنّه
المالَحَگ يبجي ونسكته … الباب من عنده حرمنه
شكد تمنيته يطوّوِل … ويروي عنك ما حملنه
بس قسمته يحصل الاول … بالشهاده من اهلنه

عمره ساعات … ودمعه ورماد
ردته يبجي … حتئ اسكته

بأسمك يكول … ينول المراد
بكربلا يصير … خيمه لأخته

وبأسمه زينب تندب من ايطيح الكافل
تكله لحسين افزع واعدل ظهره المايل

ادري حلمي نقص والكِمل حسراتك
تغيرت يا علي وبينت كسراتك

-٥
هينه كلها دام بينه … مهدي يشفيلي كسرتي
انطي ضلعي وانظر خِيول … الحبل والهزله وحسرتي
والخيم واطفال بالبر … تصير كلها من دمعــتي
وصوت وناتي عله الباب … ومحسن الضاع بعتبتي

نشوفه يظهر …ويشرق النور
ويخلع الباب … الجاسته انذال

ويبني كبتي … بلايه اي سور
منها ونشوف … بآن الهلال

يا علي ناديته وجوابه بنص روحك
بطلعته مهدينا باجر تشفه جروحك

وللضلع ينتقم وياخذ بثاراتـــك
تغيرت يا علي وبينت كسراتك

حيدر عمران
لطلب اللحن. @zx_qwh

تمت بعون الله
٢١ جمادي الأول
٢٠٢٢/١٢/١٦
١١:١٤____am

_____________
بانت الكـسرة عليـة مـن رحـلتي
ول فكد لا مو سهل ... انا ليش ابقه عدل
اصفك ايدي عل جره وانا بدمعتي
.. يا غربتي ..

———————
١ –
ايدي عل خد ... ولدمع طاح
تعرض بعيني ضحكتج يــل حنونة
اضلم الدار ... وينة نورچ
و الله حيره ول أجل كاصدني كونة

جلمة حسين بلسانج تختلف
من تكوليها احس گلبي يرف

هاية حيرة بعدج بهاية حسرتي
ولله بعدچ بس شكل ... انا ليش ابقه عدل
اصفك ايدي عل جره وانا بدمعتي
.. يا غربتي ..

———————
٢ –
فاطمة وين ... زهرة البيت
جنت الي بلسم اشو فكدج كسرني
ساعة ردي ... خل احضنج
هل مصيبة من الصغر شو كبرتني

يمة ليش من الصغر آنا انفطم
من حنانج من كعدتج انحرم

وانا بل صفنة اذكرج يا كسرتي
وانا منج ما أمل ... انا ليش ابقه عدل
اصفك ايدي عل جره وانا بدمعتي
.. يا غربتي ..

————————
٣-
دفروا الباب .. و انه اباوع
من تلاگو هيّه نور و همّه ضلمه
دنية الله .. ضلمه صارت
كتلو الشمس العظيمه و صارت ازمه

يمّه اگلّچ گلبي بعدچ ينفطر
حسين ابنچ صار حاير بزّغر

يا شمسنا الورده تذبل لو هجرتي
و الضوه لو ما يطل .. أنا ليش أبقه عدل
اصفگ إيدي عل الجره و أنا بدمعتي
.. يا غربتي ..

——————————
٤-
يا عظيمة .. وسفه هيچي
حجة الله بين باب و حايط تموت
يا قدرها .. الله خصها
بالحشر كلها تغمّض لمّن تفوت

سورة الكوثر حفظ مو للعصر
و الضلع للدين قهراً ينكسر

بسمله وكسروا ضلعها يا محنتي
مو دمع دم اليهل .. أنا ليش أبقه عدل
اصفگ إيدي عل الجره وانا بدمعتي
.. يا غربتي ..

————————
٥-
يا صبرها .. عالجره و صار
ويّه كل شهگت هوه نغزه و وجع صار
ماكو رحمه .. لبت نبيكم
حامل و هجموا عليها و حرگو الدار

بين باب و حايط المحسن صريع
مارحم حرمتها ذاك ابن الخليع

باللحد ويّاها دفنت كل بسمتي
و آنه گلبي يشتعل .. أنا ليش أبقه عدل
اصفگ إيدي عل الجره وانا بدمعتي
.. يا غربتي ..

—————————-
تمت بحمد الله
٨ / ربيع الآخر / ١٤٤٦

حسن هادي المرياني
الميرزا ادريس علي