Бугунь даа бир файдалы-эгленджели оюн акъкъында айтмакъ истейим. Бу, бельки де, ана тилинде биринджи маса оюнларындан бири эди. Smartlab инкишаф меркезинден интерактив Темаша оюны.

Онынъ къаиделери адий ве чокъусына беллидир – язылгъан сёзни ишарет ве арекетлернен, сёз ве сеслерни теляффуз этмейип анълатмакъ. Бу оюннынъ эвель чешит адлары бар эди: показуха ве крокодил (бойлеликнен, насыл несильден олгъанынъны анъламакъ мумкюн😉).
Амма бизим заманымызда бу оюнгъа Темаша 🎉****айтайыкъ.

Оюннынъ бу вариантынынъ хусусиетлерден бири, эльбетте, ана тилинде олгъанындан гъайры⚡, карточкаларда аталар сёзлери ве ибарелер бар. Биринджи кере сёзини тапмасанъыз биле келеджек сефер бу ибареге расткельгенде, мытлакъ хатырлайджакъсынъыз. Иште, бу макъсаднен яратылгъан😎

Бу, керчектен де, шенъ оюн, озюнъиз тырышып бакъынъыз. Оны «Хазине» тюкянындан сатын алмакъ мумкюн.

Бираздан бу аджайип тешеббюснинъ даа бир къач меракълы оюнларнен пайлашырым ✍

YANSILAR лейхамызнынъ къараманы Хатидже Свечканынъ аджайып икяесини бакъмагъа да тевсие этем, онынъ бабасы Мустафа Сулейман Къурултай иштиракчиси эди

Постдаки анъылгъан китап Къырым академиясы каналында тапмакъ мумкюн

Языджы ве журналист Зера Бекир Къурултай акъкъында гузель пост язды, муэллифнинъ разылыкъны сорап, мында да сизге хатырлатмакъ истейим:

"Къырымда ильк къар ягъмакъта. Пенджереден тышары бакъып, бундан 107 йыл эвельси халкъымызнынъ омюринде юзь берген ве тарихта силинмез из быракъкъан о Биринджи Къурултай акъкъында тюшюнем. Занымджа, Къурултай акъкъында Джафер Сейдамет КЫРЫМЭРден даа тесирлидже ич кимсе язмагъандыр. Эр бир сатырындан о куннинъ эеджаны, муим бир адым арфесинде тургъан миллетнинъ гъуруры, руху сезильмекте. Илле о куньлерде – 1917 сенесининъ къасым 26 – аралыкъ 13-те Къырым бир чокъ илери Авропа, тюрк девлетлерини кериде къалдырып къырымтатар къадынларына сечмек ве сечильмек акъкъыны 18 маддеден ибарет Анаясада къанунлаштырды. Джафер Сейдамет Кырымэрнинъ «Базы хатыралар»ыны аман-аман эзберлеген олсам да, элиме алгъан сайын санки сюфте окъугъан киби эеджанланам. Саба Багъчасарайда Къурултай ишини башлайджакъ…
«26 къасым (9 аралыкъ) сабасы бутюн шеэр байракълар иле донатылды. Ава сувукъ, рузгярсыз, къар ягъмакъта эди. Шеэрнинъ буюк джаддесиндеки къавелер къапыларандже халкънен толды, эр тарафта миллий, сиясий меселелер къонушылмакъта. Къурултайнынъ уйле намазындан сонъ топланмасы къарарлаштырылгъанындан Хансарайгъа битишик Ханджами о куню ич бир байрамда биле корюльмеген дереджеде къапыларына къадар рыкъма-рыкъ толгъан эди.
Бу арада Хансарайнынъ азбары да вира толмакъта. Багъчасарайда булунгъан бир къач юз атлы аскерлеримиз ве джаяв кельген оркестрлеринен бирликте къапыдан сарайнынъ диван одасына къадар месафеде эки саф алында тизильдилер. …Намаздан сонъра бутюн мебуслар диван одасына кечеркен оркестр Челебиджиханнынъ «Ант Эткенмен» маршыны эеджан иле чалмакъта эди…»"

Якъында Yoldaş ильк аудио къылавузы такъдим этильген.

Лейха акъкъында къыскъа малюмат:

?Бу тарихимызда эмиетли ер алгъан абиделер акъкъында иляве.

?10 сеферден ибарет (маршруты ): Эски Къырым, Багъчасарай, Акъмесджит, Кефе дживары, Багъчасарай дживары, Акъмесджит дживары,Кезлев, Акъяр дживары, Къарасувбазар ве айры бир сефери - Акъмесджитнинъ медений кечмиши (зиялыларымызнынъ яшагъан эвлери)

?77 несне (яни объект) ичюн айры тарихий малюмат аудио шекилинде япылды.

?неснелернинъ архив ве земаневий фотолары бар

?гъайып олгъан абиделеримизнинъ реконструкциялар яни тахминий корюнишини ишлетюв (уникаль ресимлер)

?эписи аудиоларда муреккеп сезлер ичюн озь лугъаты бар

къошма бир эки сёз:

*Лейханынъ иштиракъчилери презентацияны къылавуз мевзусыны якъын бильген инсанлар иле кечирдилер. Балабан тедбирини отькермеге имкянымыз екъ эди, амма ишимизни девам этемиз, ве даа бир ачыкъ презентация япмагъа даа къысмет олур деп умюттемиз

Yoldaş тек бу куньлерде чыкъты, базы техникий проблемлер чыкъса, я да янълышлыкъларны корьсенъиз, замет олмаса, хабер беринъиз, тюзетирмиз! тефсирлерде я да* @QaraTPRQ_bot

тезден такъымымыз акъкъында тафсилятлыджа язарым❤️

Qırım ve qırımtatarlar tarihı aqqında ilk audio qılavuz(гид) çıqtı!

web.yoldashapp.com

Vatanımıznıñ tarihi acayıp, oñı terence bilmek içün endi seyaatqa çıqmaq mümkün!

Bağlantığa basıp audio qılavuznı açıñız, begengen seferni seçiñiz ve seyaatıñız başlanır.

Yoldaş ise sizge yardımcı olur ❤️

Бу куньлерде сюргюнликнен багълы чокъ музакерелер, видеолар чыкъа. Бу яхшы алямети. Биринджиден бойле дикъкъат - тарихий анъымызны джанлана,

экинджиден, ве мендже пек муим тарафы - бизим дуйгъуларымызгъа, бизим яраларымызгъа чыкъыш елуны къыдырувы озь нетиджелерни косьтере.

Шимди пек популяр фикирнен - "агъламагъа, бу фаджианен этрафта лаф этмеге етер" деп ич разы дегилим. Травма тедавийлевде меселеси - сусмагъа дегиль, озь дуйгъуларгъа келишикли ифаде этюви тапмагъа.

Фаджиалар юрегимизни аджыта, тие - бу нормаль, демек биз джанлымыз. Тарихий адалет даа ерине кельмеген. Онынъ ичюн джанымызнынъ раатсызлыкъны бир де бир усулнен ифаде этмек мухтаджмыз. Башкъа шей - шу елунда ретравманен корюшмемек. (Бунынъ акъкъында язсам даа узун пост олур, меракълы олса,сесленинъиз -язарым).

Нетиджеде, бу ишлерни япкъан адамларгъа - къол тутам, кимсени динълемейип япынъыз. Арекетинъиз - дева, келеджекте - ярадан сербестлик.