Чарговая прэм’ера на “Васьміногу” на выходныя

? З’явілася кампазіцыя ў стылі рэп, прысвечаная каменнаму веку. Вершаваны відэаўрок створаны пры падтрымцы адукацыйнай платформы Васьміног. ?

Стваральнік відэаўрока, рэпер, выкладчык гісторыі Дзмітрый "Вожык" Зайко лічыць, што падобная форма — найлепшы спосаб зацікавіць моладзь беларускай гісторыяй:

- Слухаць музыку можна паўсюль. А ў падручніках, часам, пэўныя тэмы падаюцца суха і складана для ўспрымання. Я раблю ўхіл на шчыльнасць інфармацыі і перавагу адукацыйнага складніка над музычным. Другім важным момантам я бачу тое, што ў большасці школ гісторыя Беларусі выкладаецца на рускай мове, а ў межах дадзенага праекту матэрыял падаецца ў лёгкай забаўляльнай форме і па-беларуску.

Для таго каб зрабіць песню пра каменны век, Дзмітрыю “Вожыку” Зайко давялося асіліць 150 старонак матэрыялаў па каменным веку, сістэматызаваць сабраны матэрыял і зрабіць яго даступным для школьнікаў.

✅ Азнаёміцца з песняй можна па спасылцы

Васьміног
#васьміногпадтрымаў

? Спадзяёмся, вы ўжо бачылі першую праграму адукацыйнага курса ад платформы Васьміног «Пра гэта вам не раскажуць у школе».

? А ў нас чарговая серыя!

“Крутыя беларускі” — так называецца новая серыя “Пра гэта вам не раскажуць у школе”. У праграме — пра трох такіх беларусак, якія імкнуліся развівацца і рабіць жыццё лепшым, нягледзячы на ўсе перашкоды.

? Першая гераіня паставіла свой подпіс пад беларускім Актам аб незалежнасці ў 1918 (дарэчы, нідзе ў суседзяў такога не было!). А цяпер у Беларусі няма ёй ніводнага помніка! Другая гераіня — першая ў свеце жанчына прафесар матэматыкі, якой спатрэбілася дзеля гэтага ўцячы з дому, фіктыўна выйсці замуж, і напісаць аж тры працы, каб Гётынгенскі ўніверсітэт прызнаў ёй акадэмічны тытул. А трэцяя гераіня здолела аб'ездзіць палову Еўропы, без адпаведнай адукацыі стаць першай жанчынай доктаркай у Рэчы Паспалітай.

? Глядзіце новую праграму па спасылцы

І падпісвайцеся на нашыя сацсеткі і ютуб!

Васьміног
#прагэтанераскажуцьушколе #адукацыя

Прэм’ера! ? Новая праграма “Пра гэта не раскажуць у школе” ад праекта “Васьміног”.

? Як і абяцалі, глядзіце поўны выпуск праграмы. https://www.youtube.com/watch?v=HV4g6089x1M

Першая праграма прысвечаная асобе Кастуся Каліноўскага. “Кастусь. 1863. Вітанне з радзімАІ”:  “Каб не тое паўстанне, магчыма, не было б на мапе такой краіны, як Беларусь”.

❗️Мы знайшлі для вас сапраўды нечаканыя і яскравыя факты пра нашую любімую Беларусь.

У межах адукацыйнага праекту “Васьміног: адукацыя для беларускіх дзяцей сёння і заўтра” падрыхтаваная серыя адукацыйных відэа для падлеткаў, дзе факты па гісторыі і культуры Беларусі пададзеныя не так, як у школе. Але ролікі будуць цікавыя не толькі школьнікам.

? Над выпускам пра Кастуся Каліноўскага працавалі: Кацярына Барушка, Яўген Шапчыц, Юрый Куўшынаў, AI-director Ілля Бажко.

? Стаўце лайкі і падпісвайцеся на нашыя старонкі!

Васьміног
#прагэтанераскажуцьушколе #адукацыя

YouTube

“Кастусь. 1863. Вітанне з радзімАІ”. Паўстанне, без якога не было б Беларусі

Першая праграма адукацыйнага цыклу ад платформы Васьміног “Пра гэта вам не раскажуць у школе” прысвячаецца самаму буйному ўзброеннаму паўстанню на тэрыторыі Беларусі - паўстанню Кастуся Каліноўскага 1863-1864 гг. За 10 хвілінаў сцісла распавядаем галоўныя…

Нашыя калегі арганізоўваюць курс для падлеткаў

Прэзентацыя бясплатнага анлайн-курса “Прафесійнае і асабістае самавызначэнне падлеткаў”
? Мерапрыемства адбудзецца 21 верасня ў 15.00.

✔️У праграме мерапрыемства:

▪️прадстаўленне аўтараў і размова пра мэты курса;

▪️агляд тэм і магчымасцяў курса;

▪️нефармальныя стасункі з бацькамі і падлеткамі.

⏰ Працягласць: 1 г. 30 хв.

Уваход вольны.

Арганізатары абяцаюць ежу, напоі і цёплыя сустрэчы.

❗️Для рэгістрацыі неабходна запоўніць форму

? Прэзентацыя адбудзецца па адрасе: Warszawa, ulica Twarda 14/16, 00-105 Śródmieście, Polska

Васьміног
#навіныкалег

Навукова-практычная канферэнцыя адбудзецца 25-26 верасня ў ЕГУ (Вільня)

? На канферэнцыі будзе прадстаўленае даследаванне, якое праводзілася ў межах праекта “Васьміног”

? Зарэгістравацца на канферэнцыю можна да 20 верасня.

▫️Да ўдзелу ў канферэнцыі запрашаюцца ўсе зацікаўленыя.

▫️Канферэнцыя прысвечаная аналізу аўтарытарных патэрнаў у школьнай адукацыі і шляхам іх пераадолення. Пад аўтарытарнымі патэрнамі маюцца на ўвазе спецыфічныя патэрны гвалту (прымусу, ціску, падпарадкавання і інш.), якія фармуюцца ва ўмовах панавання аўтарытарнай ідэалогіі і ўзнаўляюцца праз адпаведныя сацыяльныя інстытуты і практыкі.

▫️Рабочыя мовы: беларуская, украінская, англійская.

▫️На канферэнцыі будзе забяспечаны пераклад з беларускай і ўкраінскай мовы на англійскую

?Для ўдзелу ў канферэнцыі неабходна зарэгістравацца тут
?З праграмай канферэнцыі можна азнаёміцца па спасылцы

Васьміног
#канферэнцыя