ذكرت الموعد الاول !
من الزمت چفينك ..
قميصك ما شفت يا لون
جنت مركز بعينك ..

- محمد الوسمي

شنسة مِنك ؟
حِدة الصوت وسمارك
طولك و نَبرة ضحكتك
و الحچايات الحنينة
المنها صرت أعشگ لهجتَك
شنسة مِنك ؟

"اعلم انهَا لا تُحبني
لكن أنا حقاً احبّبتها، احببتها كثيراً"

عافتني حقها مالگت حل عندي
ماجنت اليناسب حلمها الوردي
جانت تحبني وحاولت تبقى وياي
بس الظرف اجبرها توكف ضدي
مو مشكلتها ايامي كلهن صعبات
يوميه تسمع هَمي وبحيره تبات
عالحلوه والمُره اتفقنا نضل دوم
بس الصدك ؟ ياحلوه كلهن مُرات

حبيبي انه ادري بيك بغيري مهموم
وادري بگلبك اصبح مو اليه
لكن مو بديه الروح تهواك
وتفرح من تجي وتصير يمي
وازيل هموم عمري بشوفتك يوم
وانه المحد صفالي وزال همّي

منين ذولة التِرسو عيونك
عليه وما كدرت تشوفني !

بروحك چم سمه وما غيّمت وياي
عليه تزخ عطش ومنشف السبعه
بگصايب يا حلم شديت روحك خيط
خيطك من يمر دخان ماگطعه
ثگلت بروحي جثه ومالگت جنّاز
وخيالك گمت اشوفه منين ماضيعه
اليسافر للبچي ياخذ عيوني متاع
اعله جفني اولام جايه مخيطه الدمعه
اليفارگني شبر ابقى التفتله سنين
واتاني بكل جرح يا لچمه لترجعه

ردت اوصف شعوري بليل لو فزيت
حالم بيك حلمي المحد يفسره
مر بية تراني لوحدي ظليت
بيني وبين كل مجنون بس شعره

اخ لو تدري شكثر بليل احبك..

ورة وجهَك حرام
الچان فات لعيني شي يسوة
واحچي بدون ما باوع لعين الناس
انه المو عيونك
عندي مو حلوة .