المايحبك من تحب ليش يغـار؟
وليش بحياته يريدك تضل تذكار؟
الچان يحضنك مو يحبك محتاج
البردان رايد يدفه يحضنها النار!

كبل لا يندار دنك
كال : ودعيني بترافة
بكلمة ماحس بيها طردة
كتلة روحة بلاية وردة

حُبكَ كالطائفيةِ في بلدي
الكلُ يمارسها ويتبرأ منها
في بلدي الحب ليس حراً لذا لا تكفيه الإشارة
سأعترف في حبك فقط
لان الاعتراف بالخطأ فضيلةة

وضميت السبح عالناس خفت
يستغفروك وجان علقبلة ذنب ذبحة
واني ادري ذنب اليموت دمة بذمة السحبة

طفيني من اموت ارتاح ..
عذاب الشمعة من تحيةة
أكبر ضحكة البفركاك
غمزة بجفن مستحية..

قالتها ثم همست بأذني
لا تكن كورقةٍ تُتلى ثم تُتلا
ومن بعدها تلتني ثم تلتني..

بكد عمرين احس متروك
جني غبار ضل بمراية العميان..
الهوا موجود بس مخنوك
ضليت انزف بلا روح
متت بس جرحي عايش جان
انه بالصحرة عايش ليش
جبت عمري اشبه الناعور
لازم مني نص غركان..
اضحك وابجي مدري شلون
لا فرحان لا حزنان..
واشم بروحي جي شكيت
هاي سوالف السكران
العشك ماي يغرك بي
وانه عاشك ندى وغركان
شفت حلوك تشهك ناس
شفت وادم تنكط وجوه
ترة قوس قزح معذور
من ضل وجهه ينطي الوان
اريد مراية تعكس روح
ماثق بالملامح رأي
تجاعيد الكمر تنشاف
بس يرجف ركود الماي

حي بس ميت من الشوك
شينكلك ياعرش بلقيس
خل ياخذني ربك زين
اكو وادم خذاها بليس

وحالف لو اشوفك جاي
امد شوفي اعلة طولك ماي
اباوعلك لحد ماكون كلك تنكلب شفاف
من بعيد المسك شوف
اخلي بداخلك احساس اول مرة جن تنشاف
الك يم الكلب جاسوس
يبدي بشوكي الك عالكيف
الك جم خاين بعيني
يفك بلليل باب الطيف

لا زلتُ لا اعلم هل تكلمت شفتاي
أم سكتا بي ؟
عندما يداها امسكتا بي .
لا اتذكر شيئاً سواها ..
فقلبي كل الذكريات التي لا علاقة لها
قتلها..

ادري ما تدري عطشتك
وبعد شكتب حتى تدري ؟
كمت احس قلمي عجوز
والورقة الكتبلك عليها
بنية باكر مارضت يلثكها حبري
وهاي اخر نقطة يمكن
من بعدها يموت قلمي
وتنزع حجاياتي ملحي
وتنترس روحي جهل
وحده منهن عنك من اهل الله كالوا
صدكتهم وانه اعرف الله ماعنده اهل

رباه لو لا ان بك يقيني يقيني
لانتابني اختناق يشعرني
بأن رحمة الله انتقلت إلى رحمة الله

مختنك كد رحمة الله وخايف ادعي ويستجيب وما تضل رحمه لبشر
حظي فوك الماي جبته وصخرة
فوك الماي ماكو ادري جابيمن عثر

انت مثل الجنة طبعك
ماتفك للإنسان بابك الا يستشهد عليك
وانه جنك مربي حمامة منين متهدني اجيك
شكد يسألوني عليك..؟
انطي واخذ بالحجي وما انطي بيك

رغم ذلك أن سألتكم عني
قولوا لها.. لهى

غركتني ورضيت وماكلت ليش
الصارت روحه طف من يغرك يعيش

تناقضها اربكني.. يدها امسكت في كتفي
رسائلها المحت في حتفي
بجانبها ارفقت لي قتلي

مليت كل مغرب يمر
تنباك من عندي شمس
واتابعها مدري بيا سمةة
واتلاكة صدفة بليل امس
وينعاد طيفي المو حلم
نفس الجرح نفس الدرس
هو احنه لو حظنة نحس لو ما نحس

لو كان العكسُ صحيحاً كما يزعمون اذاً
لو ذقنا التفاحةِ اثماً
يصبح للجنةِ منفانا.. ام هي تراهت من فانا ؟
يا ماءً قد غادر جرفي..
خذ من عزمكَ .. ضع في ضعفي
سأرى بأضلاعاً مالاً ...
مالن ارشي حظي مالاً..
انا شخصُ فقير حظ.. فقير حال
فقير بكل شيء حتى انني فقير عن التعريف
صرتُ تراب ارضكم.. لكنني لم ارضكم
كنتم عصا لم اُلقكم.. ياليتني لم اُلقكم
ما قولكِ لربكِ لو أنني متُ غدا ؟
آهٍ على قلبٍ غدى بناركِ متقدا ..
ردي بكلا أو بلا ان كان خيرا او بلا
هل كنتِ تسقين الرضيع شربةً
لو انكِ في كربلا.. كلا.. بلا ؟
آهٍ على قلبٍ على قلبي علآ..

قالت: تمهل
الشعرُ لا يقضي بديمومةِ الاحساس
فالشعراء وقت ما شعروا.. شعرو
وقلبي الذي تأوي له..
لا يعلم تأويله الا الراسخون في الحب

عشرتك تشبه الفانوس..
حصتي البيها دور الجام
رغم شابع جوي من النار
واحظن بيها لا تطفة..
احظن وانا انزف شون
خشبة وتحظن البسمار
رغم جتالها تعرفه

فمن اتبع هواه.. ضاق به هواه
وكل قلبٍ هوى .. هوى
ومهما صمد ف قد .. فقد
ان تجرأت ثانيةً و وقفت امام كبريائي
ارجو لك ان لا تقع ارجلك..
مابالك ايها الفتى ؟
اذهب.. سيقتلك أعصاري اذ هب
اياك ومساومتي.. فالقلب قرآن الجسد
لذلك فهو يهدى ولا يباع ..
الا تعلم بأن الاجساد طعاماً والقبور أواني
وقد حل اواني..
انا لا اؤمن بالقيود..
لذلك لم اعد على قيد الحياة
ولكني اعلم بأن غرورك اكبر من كل ذلك
الفقد والحرمان مهما عنك ستراني.. س تراني

الجذر والشجرة مكفه بمكفه متلاكين
اما انا .. كلامها القى فيه.. لحنُ كوقعِ القافية
خيرتُ قلبي تضحية.. اما انا .. اما هي
حوريةٌ ام ماهي ؟
واقفةٌ ام جاريةة.. اميرةٌ ام جارية..؟
من انتِ يا من عليّ مننتي ؟

يلي طول الخير يم طولج كصير
الكاع تفهة بدون نخلتها الطويلة
والورد يبجي الندى وينشف حمارة
الجامع شما زخرفوا لونة يبقى فاهي..
كشخت الجامع منارة..

صرختُ بصمتٍ حتى بح صمتي
اين انتِ ؟
كيف ازهد بفتاة اراها تجري
كجناتٍ عدنٍ تجري من تحتها الانهار.. فأنهار
عيناها صفراء فاقعُ لونها تسر الناظرين..
بحثت عن غيرها..
فقطعت السموات والأرض ولم ارضَ

من غَير العَادل أن تصبح (ابعد القريبين)رغم أنك (أقرب البعدين)

لا انته اخ بحسرة اذبها
ولا انته دم يجري بوريدي
حته اجرح وانزفك.

ابقى وحدك سوي من حزنك مظلة
الموت مو يوميه جرعة
مرة وحدة وجرعة كله.

من لغيت الجاذبية وصرت انت الجاذبية الافقية الجذبت گلوب البشر