( عـطـشـان وعـطـشـانـه )

عـطـشـان وعـطـشـانـه
————-
يـعـطـشـانـه الـدرب وغـره
اشـعـنـدچ طـارّه الـصـحـره
بـالـچ يخـتي عمـيه الـخيـل
هـاذا آنـه عـلـه الـغـبـرة

مـا چـنـج ام عـون اخـتـي
مـتـغـيـره وحـگ بـخـتـي
يـزيـنـب يـا حـرز گـلـبـي
طـلـعـي إسـهـام خاصـرتـي

اخـوج ابـلايـه اخـوان
عـلـه الرمـله وعـريـان .. گـضـو حـيـلـه

انـاشـغ والـذبـاح
يـهز راسـه ومـرتـاح .. شـسـويـلـه

تـعـبـتـني ارمـاحـهـم مـدري شـگـول
فـوگ اخـيـج نـاس مـلـتـمـه وخـيـول
الـشيـب يالعـطشـانـه مـا خـلاني اشـوف
واسـتـغـلـنـي الحـافـر ايـصـول ويـجـول

عـطـشـان وعـطـشـانـه
————-
يعـطـشـان اخـتـك مـضـيـعـه
والـمـضــيـع شـنـو يـقـنـعـه
اجـيـت اتـعـثـر مـن الـضـيـم
بـخـتـك ضـاكـت الـوسـعـه

فـزع حـتـه لـو مـذبـوح
هـضـمـونـي يـا بـعـد الـروح
طـبـو لـلـخـيـم يـحـســيـن
وخـواتـك ماتـن مـن الـنـوح

بـخـواتـك صـار الـصـار
عـليـهـن جـيـش انـدار عـكـب عـيـنـك

يـنـايـم كـوم ويـاي
زلم بـخـيمـنـه هـواي تـره دخـيـلـك

حـايـرات الـدلالـتـهـن حـايـرات
طـرن الـهـيمـه ركـض خـويـه الـبنـات
الـهـه الله الـتـنـهــطـر مـاكـو مـعـيـن
الـيـلـه ضـعـنـك ويـن مـا ادري يـبـات

عـطـشـان وعـطـشـانـه
————-
يـعـطشـانـه شـنـو الـبـيـدي
كـمـت بـس حـزو وريـدي
جـرح فـوك الـجـرح صـارن
الـرمـل غـيـر تـجـاعـيـدي

اكـوم شـلـون مـا اكـدر
حـيـلـي وضـهـري مكـسـر
يـالـمـضـيعـه الـعـرف بـيـه
ضـعـت وتـفـرهـدت بـالبـر

صـفـيـت بـلايـه هـدوم
وحـيـد بـيـن الـكـوم خـذو هـدمـي

صـحـت مـا مـش نـغـار
طـحـت شبـعونـي حـجـار يـبـت امـي

وداعـتـج تـعـبـان خـويـه وداعـتـج
مـحـدب ليـش ويـن زيـنـب رايـتـج
مبيـنه تـعـبـانـه يـتـعـبـي وراحـتـي
مـن الـمـخـيـم يـالـحنيـنه شـجـايـبـج

عـطـشـان وعـطـشـانـه
————-
يـعـطـشـان نـهـض بـهـمـه
صـارت بـالـخـدر ثـلـمـه
نـسـاويـنـك بـيـن الـكـوم
حـيـهـم يـا ابـو الـيـمـه

مـا صـدكـت اوصـلـك
اكـلـك مـدري مـا اكـلـك
حـركـو خـيـمـة الـعـبـاس
وحـركـوهـن اخـيام اهـلـك

حـتـركـنـت وردنـه نـمـوت
ركـظـنـه ومـامـش صـوت وحـك نـحـرك

ولا كـالـو نـسـوان
حـرام بـلا صـيـوان يـضـل خــدرك

لا تـغـمـض يـا ابـو الاكـبـر لا تـغـمـض
بـس تـغـمـض تـره الـهـزل كـلـهـه تـعـرض
مـدو احـبـال الـمـنـيـه وكـبـر جـرحـي
وكـامـت الـناس عـلـه اخـيتـك خـويه تـفـرض

عـطـشـان وعـطـشـانـه
————-
يـعـطـشـانـه الـدهـر اعـمـه
عـلـه اخـوج الخـيل مـلـتـمـه
مـا ضـل بـي نـفـس صـدري
لـجـمـه تـكـودنـي الـجـمـه

غـريـب وسـابـح بـدمـي
الـحـوافـر فـرهـدن عـزمـي
عـدل مـن بـاكـو حـزامـي
وعـمـده تـضـاحـكـو يـمـي

يـجـرحي الـمـالـه ضـمـاد
بـقـيـت بـلايـه وسـاد خـلـص صـبـري

عـجيـبـه ارمـاح الـبـيـن
ولا كـضـتـهـن عـيـن حـدن عـمـري

مـوتـانـي الـعـطـش عـكـبـج مـوتـانـي
وعـلـه الـتـرب ذبـحي يـزينـب ضيـعـانـي
كـلـت هـسـه ولادي تـفـزعـلـي وخـوتـي
شـو ولا واحـد سـمـع صـوتـي وجـانـي

✍️
انـور الـسـهـلانـي

https://youtu.be/9QHi-53U-0U?si=3s7NuYbjLmOtEXTl

عفيه زلمه مدري يا تاريخ شالك
مدري يا خيمه التضم ريشات راسك مو اتضمك
شلون تسعه اشهر ضبط شايلتك امك
وانت بس لاكيت خصمك داخ خصمك
يا رمح هذا اليحطمك
شاربك خوف الدنيا اتروحلك فدوه الرماح
كلشي تكدر يا ابو فاضل يمته تكدر تستراح
الماي نفسه يخاف منك فلذلك مستباح
امساهم بكل الصفاح
وين ما يرحون تطلع غيمه جنك من بعيد
هواي متميز ابطولك بس تمد جفك تصيد
وابد ما تبـرد حشـاك يا كـمر الله الوحيد
الله خصصلك عضيد. وكالك بالك تهيد
ومن سمعته دخيل ربك طيحت روس الوراك
منين ما دارولك اتشع سودن الوادم ضواك
والله لو ما مستحاك
جا كلبت الكون بيدك وغركت كلشي ابهواك
اهواي امور ابمحتواك
وحده منهن عطر اثر شبكات زينب ولدن جربه بكفاك
ياهو يوصل مستواك
جنت واكف بعدك اتودع الحسين وكلهه ركضت
الخيل من عندك انبغضت
رايتك عرضت وفرضت
مثل ابوك الله ياطاري ابوك
بعدك زغيرون واغتاضيت لمن كمطوك
حتى من تزعل تخبل بس ولا مره الهواشم زعلوك
ومو شويه انت ابو الاكبر اخوك
حكهم الما كابلوك
حكهم الشردو ولبدو قابليتك شي عجيب
و جان يسجد لمن يشوفك حبيب
بالخصم سويت عمله وضحكت عيون الغريب
بالوفاء و بالقتال وبالعشك همين اديب
ابكل حرب ماخذ نصيب
الحلوه من تلبس حزامك كلهه تشعر بالامان
امنكع خيامك حنان
امخلي اخ بكل مكان
ابيا صلاه مشدود كلبك ابيا شجاعه ابيا زمان
سيفك اصعب امتحان
ماكو هيج الخاطر الله جا شكد انت جبير
بيك مالات الله كلهن خير وصاحب ضمير
الله وأكبر من تغير
الروس تتوشح بدمهه وترسم الضعنك مصير
فوك هذا الحجي كله اتجيب ماي وتسكي بيدك نجمه نجمه
وتسمع يكولن ابسكته شوفت العباس نعمه
وين ما تنذكر بالطف كل مكان اتزيده همه.
( عفيه زلمه )

#يا_قمر_بني_هاشم

بديت اشتم حزن عاشور وبده كلبي يجف لونه
اريد ابجي لحد الدم    ( لحد الهم )
لحد ما اسمع يكولون هاذه الفكس عيونه
الاخ البيه جملهه تعب وجروح
الرزق منك رزق مملوح
ما تجازه ونجازيك يا قرانه المذبوح
ضيعني بعزه يرضيك وبشر يا شريج الروح
الك بيه لطم بي خير لطم ما لاطمه الفاكد
واذا سئلوني بالعاشر اكلهم شايل الوالد
حركني لو صرت بارد
وخذني المصرعك زايد
حطني على النهر مخنوك وعطش عبدك الزاهد
حملك جن صلات ليل وكل ليله اصليلك
ما باجي على هاذه وذاك وفرح لمن ابجيلك
دخيلك سيدي دخيلك
بجفوفي السنه حجيلك
افرع صدري كبل الناس وسهرلك وضحيلك
الغيرك خطوه ما اخطي     بس انته وبعد ما اريد
شكد دورت ما خليت كلهه تعامل من بعيد
فخر يالمشتريني ارماد من عندي اخذ شتريد
احبك حال اليحبون واذا ذكروك توجعني
من الساني اغار عليك نعمه وجاي تسمعني
فجعني مروتك فجعني
من الطف لا طلعني
دموع وضيم شبعني
مهدل ما اشد حزام وصاحب كلمه ما اثني
اسمك يسري بالوجدان ما شايف مثل اسمك
هنيالي اليسولف بيك والف هنياله اليخدمك
اليمضحي بضعن ال الله اموت وما امل منك
وجهني الوكت جذاب وطلع كلشي من بالي
وين تريد وديني خادم وعله كد حالي
ما تنعد وعدنك
كمر مدري شمس جنك
اليعرفك يكتم الموضوع وحيل اسراره يخشنك
واخر كلمه هوه انته ثق يالمالي غيرك
اكرمني بحزن عاشور من تعزب بخيرك

#حزن_عاشور

( جــرح الــولــد )

( 1 )
يـالاكـبـر يـا بـزر كـلـبـي
وحـكـك طـاحـن أركـبـي
مـتـت يـا بـويـه مـن ذبـحـوك
بـخـيـمـنـه وتـيـهـت دربـي

الـم روحـي الـمـك هـاي حـيـره
وجـهـك لـيـش يـالـوالـي تـديـره
عـمـرك مـا مـزعـلـنـي يـمـهـيـوب
جـنـت بـيـك اكـشخ اكـبـال الـعـشـيـره

جـرح الـولـد حـار وروح الـولـد جـرح الـولـد حـار
حـط بـالـكلب نـار افـراكـه صعـب حـط بـالكـلب نـار
ابـعـيـد الـدرب صـار ويـنـك علـي بـعيـد الـدرب صـار

عـلـي يـا بـويـه يـا بـويـه يـا بـويـه
عـلـي يـا بـويـه يـا بـويـه يـا بـويـه
➖➖➖          ➖➖➖
( 2 )
ابـوك اتـغـيـر اهـوايـه
رايـه ومـالـت الـرايـه
عـلي فـراكـك يـهـد الـحـيـل
بـرد كـلبـي بـحـجـايـه

بـروح امـك بـروح الـعـشـره وربـاي
اكـعـد لا تـكـابـر صـارن هــواي
كـبـلـك شـيـبـانـي فـراك عـبـاس
راي اطـينـي اجـيـتـك فـاكـد الـراي

يـطـر الـعـيـون ذبـحـك جـبـيـر يـطـر الـعـيـون
يـا بـعـد الـضـعـون عـطـشـالـك يـا بـعـد الـضـعـون
خـلـهـم يـكـولـون حـسـيـن انـهـضـم خـلـهـم يـكوـلـون

عـلـي يـا بـويـه يـا بـويـه يـا بـويـه
عـلـي يـا بـويـه يـا بـويـه يـا بـويـه
➖➖➖          ➖➖➖
( 3 )
شـســوي وتـكـعـد احـجيـلـي
اتـجـيـلـك تـتـجـيـلـي
ابـجـي والـزلـم تـضـحـك
وادنـك يـا بـعـد حـيـلـي

عـلـيـك افـرك بـديـه وحـيـل مـتـعـوب
اعـثـر مـن اكـومـن كـمـت بـالـثـوب
يـبـنـي الـدنـيـا مـا تـرحـم الـخـيـريـن
اطـيـني ايـدك يـا الاكـبـر صـار الـغـروب

حـزنـك يـمـهـيـوب مـا ينحـمـل حزنـك يـمـهـيـوب
يـولـيـدي مـسـلـوب تـالي الـوكت يولـيـدي مسلـوب
امـفـرهـد الـثـوب نـايـم جـفـي و مـفـرهـد الــثـوب

عـلـي يـا بـويـه يـا بـويـه يـا بـويـه
عـلـي يـا بـويـه يـا بـويـه يـا بـويـه
➖➖➖          ➖➖➖
( 4 )
يـامـن فـدوه اروحـلـك
وروح الـطـولـك وضـلـك
خـواتـك والـخـيـم يـبـجـن
بـس ودهـن يـشـوفـنـك

بـطـرك روحـي وعـايـن بـيـك مـحـتـار
يـبـعـد الـعـافـيـه نـار الـكـلـب نـار
مـيـت بـس عـدل بـعـيـون الـحـسـيـن
مـدري شـلـون بـيـه اجـروحـك اكـبـار

يـبـنـي شـعـلامـك وشـيـوجـعـك يـبـنـي شعـلامـك
ابـداعـت عـمـامـك لـتـعـوفـنـي ابـداعـت عـمـامـك
طــول مـنــامـك فــوك الرمــل طــول مـنـامــك

عـلـي يـا بـويـه يـا بـويـه يـا بـويـه
عـلـي يـا بـويـه يـا بـويـه يـا بـويـه
➖➖➖          ➖➖➖
( 5 )
بـديـت اتـحـسـس الـغـربـه
يـا الاكـبـر طـيـحـتـك صـعـبـه
ردتـك عـون الـي من اكـبـر
يـروح حـسـيـن يـا كـلـبـه

عـزيـز وجـاي الـيـك اتـمـدد ويـاك
عـلـي مـو عـادتـك تـطـيـنـي مكـفـاك
الله يـعـيـنـي اصـواب الـضـنـه اثـكـيـل
ابـوك اشـويـه عـوزه يـمـوت فـوكـاك

مـايـل اجـيـتـك اتـعـثـر ومـايـل اجـيـتـك
يـابـس لـكـيـتـك امـن الـعـطـش يـابـس لـكـيـتـك
دم بـلـحـيـتـك دم بـالـنـحـر دم بـلـحـيـتـك

✍️
انـور الـسـهـلانـي

بِـأبـي اَنْـتَ وَاُمّـي أبـاعـبـدالله

الدنيا ابيعنها وابيع امي وابوي
وما ابـيعك لـو يـوزنـوني ذهـب
اشكد امس كالولي اتحب الحسين
ميت الف مره كلتها ابكد وهب

فدوه اروحلك يـبـعد العافيه
غالي وداعت الركضت حافيه
مشتريك ابماي وجهي وما ابيع
صافيه العشره وحكك صافيه

ماداخل وياك ابدغش
ذابحني يالمالك نعش
عشكي مثل عشك البدو
راضع حزن يوم اهدعش

بِـأبـي اَنْـتَ وَاُمّـي أبـاعـبـدالله ________ ________ليش احب غيرك وكلبي بين اديك
وحك رصعت شاربك ميت عليك
عد اهلـنه الما يحبك مـو شـريف
وما يسمعونه تره الما يحجي بيك

ما اعبر الجلمه اذا مو مالحه
لو يموت الغاثك ما اصالحه
ليش اساوم وانت عزبت الرماح
مايساوم دوم راعي الفاتحه

يالجامع احروف الـغـزل
اتـغـزل ابـغـيـرك فـشـل
يـابـعـد روحـي سـيـدي
يـمـك يـغـركـنـي الخـجـل

بِـأبـي اَنْـتَ وَاُمّـي أبـاعـبـدالله ________ ________مـوبـديـه اشـتـاكلـك وهـواي اغـار
ودي بـين اعيـونـي اسـويلـك مـزار
ادري احـله مـن الصـور كالـو عليـك
اشهل جمال اشهل وسامه اشهل وقار

مال املك هـاي ابد ناسيـهه
وابو فاظل دوم ما اسويهه
انه عايش وكتي اعله الياحسين
وكل حياتي ابمجلسك كاضيهه

يالـمـخـلـف عـلـي الاكـبـر
اوصـفـك لـيـش بالـهـزبـر
جـمــالـك مـحـد يـحـده
جمـيل اجمـل امن العنـبر

بِـأبـي اَنْـتَ وَاُمّـي أبـاعـبـدالله ________ ________مـن عرفـتك يلـه حبـيـت الشـموخ
حـكي من اتـفاخـر وحكـي من ادوخ
انـه مـا شـايـف بـشـر هـاكـد حـنيـن
شيخ بـس محـد يـشـبها امن الشـيوخ

غيمـه ومفيـي اعلـه كـل الـوادم
مـا يجـازي حسـين دوم الـخـادم
شال راسه وعرجـت بيـه السيوف
لازم انـشــيـل الــتـنـاقــض لازم

عـفـت الـربـح لهـل الـربـح
مـا تـاجـرت صـاحـب جـرح
داعـيـك امـعـذبـه الـخــدر
مـن طلـعو حـافـي الـصـبـح

بِـأبـي اَنْـتَ وَاُمّـي أبـاعـبـدالله ________ ________بـصـاية الله وصـايـتك انـه الـزغـير
يـا جـبـيـري وحيل احـبـك يا جبـير
لا فـلان ولا فــلان يحـدنـي بـيـك
مـا اتـشـرف عبـد عـد غـيـرك اصـير

مـا اخـاف ولا اچـن وتـخـاذل
امفاشل الخدمه برفاهه امفاشل
وياك محلاته التعب مابي تعب
بالـمـواكب سـري ضـاع اتنازل

مـاي الـمـواكـب يـخـتلـف
ضكـته وصرت زلـمه كـلف
امشـبعـني يـالشـابـع عطـش
اخ اشكــثـر كـلــبـك تـرف

✍️? انـور الـسـهـلانـي