**أعتقد إنه أكثر إشي بستاهل إنه الإنسان يسعى إله ويبذل مجهود عشان يوصله ، هو إنك تكون إنسان كويّس ، شخص سَوي ، معترف بأخطائك وما عندك مشكلة تعتذر وتحكي أنا غلطت وما كان قصدي أعمل هيك أو تبرر ليش عملت هيك ، وبتسعى دايماً إنك تصلح أخطائك ..

الحياة سهلة وكثير حلوة لمّا نعترف لبعض بأخطائنا ونتنازل لبعض ، والله بنكبر بعيون بعض ، واللحظة إللي بكون لازم تعتذر فيها وما بتعتذر وتعترف بوقتها إنك أذنبت ، ببطل إلها فايدة بعد هاللحظة!

إنجازك الأهم في الحياة هو إنك تكون إنسان كويس وبس ، لإنك مش رح تخسر اشي ، بالعكس ؛ أنت الكسبان?.**

هو مين فينا منحكاش عنه كلام يعكس شخصيته لمجرد بس تشويه سمعته ، أو لحسابات الغيرة يلي حركت أصحاب القلوب المريضة ضده ، أو لكسب تعاطف مكذوب لطرف كان هو أصلاً أساس المشكلة بس قرر يستخدم أسلوب آخدهم بالصوت عشان يكسب أرضية قبل حتى ما تبدأ أنت تحكي أو تدافع عن نفسك…

**هو مين فينا منحكاش عنه كلام يعكس شخصيته لمجرد بس تشويه سمعته ، أو لحسابات الغيرة يلي حركت أصحاب القلوب المريضة ضده ، أو لكسب تعاطف مكذوب لطرف كان هو أصلاً أساس المشكلة بس قرر يستخدم أسلوب آخدهم بالصوت عشان يكسب أرضية قبل حتى ما تبدأ أنت تحكي أو تدافع عن نفسك ..

كلنا بدون إستثناء مرينا بهيك قصة صح
والحل ؟
ربنا عز وجل قال : { واصبر على ما يقولون واهجرهم هجراً جميلاً }
الناس أقل بكتير من إنهم يكونوا سبب تعكير مزاجك ، أو تحديد مصيرك ، أو منع نصيبك ، أو تشويه سمعتك ، أو تغيير إرادة ربنا ...
مهما وصل أذى البشر إلك مش مطلوب منك أكتر من الصبر والهجر
ليش ؟ لأنه ربنا عالم بالنية والقلب?.**

كل واحد فينا إللي فيه مكفّيه ، فكّونا من تسميع الحكي والتلميح ع الرايحة والجايّة !
والله العظيم الواحد واصل لمرحلة يا دوب متحمّل حاله وقاعد بسلّك لكل اشي عشان يختصر نقاشات مع ناس النقاش معها عقيم ..
كل واحد فينا إللي فيه مكفّيه وشايل بينه وبين حاله إللي ما بتشيله جبال ، كل واحد عنده معركته الخاصّة إللي الله يعينه عليها !
أحسن اشي ممكن تقدمه لغيرك بهالوقت إنك تهوّن عليه وبس لأنه شوفوا ؛ يا بتفوتوا حياة بعض تهوّنوا ع بعض يا بلا منها?*?.*

يا جماعة الفرق الوحيد بين إنسان حُر وإنسان مُقيد ؛ هي قدرته على التخلي ..
كونك إنسان مؤمن دايماً في خيار تاني ؛ وإنك قادر تتنازل بكل أريحية عن علاقة مش مريحة ، أو صديق مسببلك ضغط نفسي ، أو البعد عن شخص ما ببادلك نفس الشعور ..
هاد الإشي قادر يخليك شخص حُر ؛ شخص على إدراك كافي بأنه يؤمن إنه الحياة ما بتوقف على أي إشي
وبشكل أو بآخر بتستمر ، و زي ما رح السيء مع عتمة الليل أكيد رح يجي الحلو مع نور الصبح
أما الشخص إللي مستسلم بشكل حرفي لـ كلام الناس وللعادات والتقاليد وعايش لإرضاء الغير ؛ فـ رح يعيش طول عمره مُقيد بسلسلة ما إلها نهاية من المعاناة والإكتئاب إللي بيزيد يوم بعد يوم ، رح يعيش في حسرة وألم ، وعلى أتفه الأسباب رح ينهار ؛ والسبب الوحيد إللي رح يقاوم عشانه وينهض بعد كل هزيمة ؛
إنه يستمر في ما هو عليه
( إرضاء كل الناس ، إلا إرضاء ذاته )?

احنا مش جيل فاشل ، ... !

.احنا جيل حضر جنازات أصحابو قبل افراحهم احنا الجيل اللي عمره ما هيقول ليت الشباب يعود يوما احنا جيل اللي بيفتح بيت بكون بطل مش زلمة وبس احنا الجيل اللي هنقول ياريت اللي راح ما يتكرر تاني احنا جيل بقا مبين في وجوهنا أنها شقيانه ومتدمره نفسيا قبل جسديا سيبوكم من الكم صوره اللي بنضحك فيهم ولا الطلعة اللي بنشم فيهم هوا صدقوني احنا أغلبنا مسروق عمرنا واللي بنام وبنصحى ع نفس الروتين الي ملوش اول من اخر و مستقبل ضايع وعلي عمر بيضيع اطلعو في وجوه بعض هتعرفوا أن كل واحد شايل هم أكبر من عمره احنا الجيل اللي شاب وهو شباب والله

ربنا بيحط الواحد في مواقف قاسية ، وإبتلائات مختلفة بس بيسخرله أشياء ثانية ، ونعم ثانية ، وبعوض ثاني ..
مهما كان الإبتلاء في حياتك تأكد إنه ربنا بيعوضك بأشياء ثانية على طول
، وربنا عادل جداً مستحيل يشوف عبده حزين أو مجروح وما يعوضه بإشي أفضل ، وأحسن ، وأجمل من إللي راح ..
طول ما أنت مؤمن بهاد الإشي رح تعيش مرتاح?.

امبارح كنت بنقاش مع أحد الأشخاص يلي بعرفهم عن موضوع الحب والإرتباط
تناقشنا كتير وكان يدافع عن موضوع الحب بشكل كبير وعلى أنو حلال وكذا لأن بنظرو إذا كان منيح مع البنت وما بقرب عليها ولا يلمسها ولا يصير قلة أدب فهو هيك ما بعمل إشي حرام ..
وأضاف أنو إذا كان ماشي هو والبنت وشافهم حدا من أهلها ما بحقلو يدخل لأن ما بعمل إشي غلط وهي حرية شخصية ..
المهم أنا سألتو عندك أخوات بنات قلي اه
قلتلو طيب إذا شفت أختك ماشية مع شب شو بتساوي قلي مابعمل شي !!
انصدمتوا صح ؟ وأنا هيك ?*?*
المهم أنا هان بصراحة إنصدمت زي يلي لطشني كف
قلتلو نظامي بعيداً عن كلشي أنت بتحكي جد ؟ ولا بس خلص حابب تطلعني غلطان قلي والله جد بحكي أنا بعرف شو أختي وبعرف شو تربيتها
هان أنا إنصعقت أكتر وأكتر وسِبتو ومشيت

والله فعلاً الغيرة والشهامة أشياء لا تُشترى الحمد لله يلي زرع فينا هالصفات وحرمها من غيرنا و إلا ماكنا لاحظناها بحالنا

إضافةً لذلك مافي إشي إسمو أنا بعرف ترباية أختي وأختي ما بتغلط ومربية أنت لازم تخاف على عرضك لو كانت أختك دارسة شريعة وحافظة القرآن ?
لأنو في شباب اللهم عافينا منهم عندهم أسلوب ممكن يضحكوا فيه على البنت ولو كانت بنت إمام مسجد ?
وغير هيك الشيطان موجود والنفس الأمارة بالسوء كمان موجودة
وبالقرآن الكريم في سورة يوسف ربنا قال { ولقد همت بهِ وَهَمَّ بِها لولا أن رأى برهان ربه }

والمقصود بهاي الآية أن سيدنا يوسف عليه السلام رغب بتلك المعصية وكان رح يقع فيها لولا أنو ربنا بعتلو وخلاه يشوف وحي عنده

وهاد شو ؟ نبي من أنبياء الله وأنت وأنا والشاب يلي بدو يحكي مع أختك يا صاحبي مش أنبياء ولا مبشرين بالجنة ولا معصومين إحنا عباد الله نتخبط بين المعصية والطاعة حتى الفروض نتثاقل في فعلها أحياناً لذلك اوعك وإنتبه وتذكر إنو إذا ما بتحفظ عرضك وبتصونه الناس ما بحفظوه إلك??.**

أنا إنسان مشتري راحة باله و بيحب حاله لأبعد حد ، يعني مستعد أعيش على جزيرة لحالي ولا أتعامل مع كائن حي ممكن يتعِب لي نفسيتي ويعكرلي مزاجي لو شوي
بعيد عن كل الناس وبعيد عن القيل والقال وبعيد عن نقاشات و حِورات الناس ، وبعيد عن سوء الظنون والمشاكل ، وبعيد عن أي شغلة سيئة ، بـِحالي مرتاح البال ودائماً بحاول قدر الإمكان إني أختار أعيش عمري كله بهدوء ومو قلقان ، ومش مستعد أثبت لحدا أي إشي ، ولا بحارب عشان أحافظ على مكانتي عند حدا ، ولا بقول لحدا إني غير الصورة اللي هو ماخذها عنّي مع نفسه ?*?.*