Жонимдан, жон-ҳолат узилди бир чўғ
Жисмимни куйдирган куйдирги туйғу.
Борлигинг не эди, бисотингда не
Тутганинг фиғонми, берганинг оғу.

Доғларда қолдирдинг кўксимни доғлаб,
Чокларин кемирдинг бардошларимни.
Нетардинг сен менга ишқ ато этиб,
Энди, кўр ғарибдан- ғариб ҳолимни.

Сен дея ўталди, не қаро тунлар,
Зулмат толасига соғинчлар тизиб.
Руҳимда кезарсан, онг шууримда
Телбавор, дарбадар юрарсан кезиб.

Илоҳми, инъомми нима деб атай
Исмингни Зуҳролар қўйиб кетганми.
Номингдан яралган бу фано дуннинг,
Менингдек эртаси, толеи камми.

Не афсун, не ҳолат оромижонсан
Не қайғу, озори болдан тотлироқ.
Висолга етилмас, аммо кечилмас
Макони ҳажристон, ҳамроҳи фироқ!

31.01.2024

©Маъмура Муҳаммад***@Mamura_Muhammad_sherlari

Байрамингиз муборак бўлсин азиз Устозлар!

МУАЛЛИМ

Фитратга йўлдошдир, миллатга йўлбош
Навоий қалбида уйғотган қуёш.
Маърифат йўлида тобланган бардош,
Мақоми пирларга тенгдир Муаллим!

Ниҳолдан яратган бутун, бир бўстон
Йўғидан, бор қилиш эканми осон,
Тафаккур йўлида шай турган посбон,
Заминни ёритган тонгдир Муаллим!

Кўнгилни уйғотган ғафлат онидан,
Даҳолар улғаяр илм конидан,
Халқ дарди устундир ширин жонидан,
Ошёни осмондек кенгдир Муаллим!

Комиллик тоқига қўйилган нарвон,
Фозилу, донишманд, фидокор инсон
Шогирд чун, борини бергай бегумон,
Шафоат номидан бонгдир Муаллим!

Камолот маёғин тутиб қўлида,
Эзгулик уруғин сочиб йўлида,
Буюклар парвона ўнгу-сўлида,
Мақоми пирларга тенгдир Муаллим!

01.10.2024

©Маъмура Муҳаммад

@Mamura_Muhammad_sherlari

Укамга...

Сен юрган, бу, йўллар азал ҳаётдир
Аждодлар қолдирган излар ўчмаган.
Чин фарзанд кечса ҳам, ширин жонидан
Ўзликдан кечмаган, Юртдан кечмаган!

Бугун, улғайибсан ўғлонларга хос
Улғайди мардликнинг шижоат, шахти.
Жигарим сен каби оқил фарзандлар,
Бутун бир миллатнинг ғурури, бахти.

Онамнинг алласи кўчган кўнглингга,
У, қилган дуолар топди ижобат.
Унга бахт нелигин англатганинг ва,
Роҳат бахш этганинг, учун минг раҳмат!

Ҳали кўп олдинда асов чўққилар,
Ҳали кўп синалур илму, тафаккур.
Юрт сенга ишонгай бизлардан-да кўп,
Шу, Она Ватанга ғурурсан- ғурур!

Тонмагин, ҳеч бир дам, асл йўлингдан
Бекларнинг йўлидир, сен танлаган йўл.
Мудом қатъий тургин, Ўзбекнинг ўғли,
Деган улуғ номга хос бўл, содиқ бўл!

28.09.2024

©Маъмура Муҳаммад

@Mamura_Muhammad_sherlari

?Marjona Abdurashidova.
✍Ma'mura Muhammad

@Mamura_Muhammad_sherlari

✍Маьмура Муҳаммад
?Ферузабону..

@Mamura_Muhammad_sherlari

Соям каби яқинсан....@Mamura_Muhammad_sherlari

Тунлар сизни туш кўрдим она,
Армонларни хуш кўрдим она,
Ғариб кўнглим бўш кўрдим она.
Ёрилмаган бир бошим қолди.

Жуссам енгил гул япроғидек,
Қадрим ернинг, чанг-тупроғидек
Қадди синган эгик қоядек
Эзилмаган бардошим қолди.

Она десам тилда қотди сўз,
Айтилмайин, дилда қотди сўз
Мени арзон дунга сотди сўз,
Бисотимда кўз ёшим қолди.

Гуноҳларнинг асо дастидан,
Бу умрнинг ёлғон, ростидан
Ҳою ҳавас, насаб-наслидан
Чиқмай ботган қуёшим қолди.

Қизингизни кечиринг она,
Оғриқларда қолди руҳ-тана
Тавбасига таяниб яна,
Пушмонлари талошим қолди.

22.04.2024

©Маъмура Муҳаммад***

@Mamura_Muhammad_sherlari