بالمصاب النازل  .. راحت ام الكافل 
@@@
ناعيه الطف الفجيع .. وام ابوالچف الگطيع
والتحب الزهره
الشايله ون او حنين..  وبيها جمره للحسين 
بالصدر ماتبره 
والترس خدها الدمع .. اليوم حسها منگطع 
والمصاب اشكبره 
…
وابدمعها السايل  .. راحت ام الكافل 
@@@
خيم ابيثرب سكون .. وموحلوا مثله يكون 
من بعد بوالاكبر 
المفترض يبقه العويل .. عالحسين وعالكفيل
وعالحرم لميسر 
اليوم وگف هالبكاء .. ونزل عالارض النداء 
ماتت ام الازهر 
…
هذي ام بوفاضل  .. راحت ام الكافل 
@@@
الچانت اتسوي قبور .. وتنعى عالخطي النحور
اليوم لفاها الچفن 
راحت ام لطم الجبين .. واللي تصرخ وا حسين
والتواسي ام حسن 
راحت وخلت عزاء .. كله نعي لكربلاء 
باقي مايبقه الزمن 
…
وابظهرها المايل .. راحت ام الكافل 
@@@
 الربت اربع عالوفه .. وفده لال المصطفى
اليوم بالملحوده 
وسفه ماباقي بنين .. يشيعوا ام البنين 
ولا گمر بزنوده 
ريته بوفاضل حضر .. وجاب ماي امن النهر
يرش گبرها ابجوده
…
وللنعش لو شايل .. راحت ام الكافل 
@@@
بهالعزا المر الخطير .. وين اولاد الامير 
ما يشيلون النعش 
وسفه كلها بالطفوف .. ماتت ابحد السيوف
والطعن بيها انقش 
آه عالجسم السليب .. وآه عالشيب الخضيب
وآه عالميت عطش 
…
وچن نعشها مايل  .. راحت ام الكافل 
@@@
انشالت لكتر البقيع .. ميته وتنوح الرضيع
بروحها وماباقي روح 
باللحد مأتم تقيم .. وتبچي عالصدر الهشيم
وتنعه مكثور الجروح 
هيه تنعه عالقتيل .. وفاطمه تنعه الكفيل
كلمن لضنوه ينوح 
…
لطم عدهم حاصل  .. راحت ام الكافل 
@@@
علي أحمد الحمود 
٢٠-١١-٢٠٢٤
وفاة أم البنين ع 

💔لطميه للزهراء عليها السلام 💔

. لمصاب الزجيه... خل ننصب عزيه

الكسرت الضلعين... كلنه انجر للونين

نتكابل سويه... خل ننصب عزيه
➖➖➖➖➖➖➖

نتكابل سوه ونهل الدموع
من الزهره الزجيه نكسرت اضلوع
كلب ام الحسن للموت مفجوع
العين ومتنهه.... ضلن يوجعنهه
دمعتنه جريه... خل ننصب عزيه

➖➖➖➖➖➖

دمعتنه جريه وتهمل اليوم
للشالت عليله وضلع مهشوم
لمصاب الزجيه الكلب مالوم
كلنه اليوم صحنه... مايبطل دمعنه
نبجي الهل رزيه... خل ننصب عزيه
➖➖➖➖➖
نبجي الهل رزيه نعلي النوح
كلبنه الهل مصيبه حيل مجروح
ودمع العين لام حسين مسفوح
نصرخ اه وويلاه.... الذاك الضلع ودماه
نون بهالمسيه.... خل ننصب عزيه

➖➖➖➖➖➖

نواسي زينب بلوعة هظمها
زغيرة وفارگت من وكت امها
فگد الوالده حسره شعظمها

لفاطم تهمي لدموع. كسرو منها لضلوع
تون ونة خفية.. خل ننصب عزيه
➖➖➖➖➖➖

دفعو بابها وكسرو ضلعها
تون والظالم ابأذنه سمعها
درة تلوذ ياويلي بوجعها

گوم الدفعو الباب. ماهم للنبي اصحاب
مخازي آل امية.. خل ننصب عزية
➖➖➖➖➖➖

نصرخ ولدمع ظل يكتب اهات
لمصاب الزجيه بكلبي ونات
مايبرد عزانه بيوم هيهات

كل احنه مواسين. لزينب ويه الحسين
وي حامي الحميه. خل ننصب عزية
➖➖➖➖➖➖

تمت بأقلام خادمات الزهراء

غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له

✍️ ام حسين العامري

✍️ مريم العبوديه اسيرة الاحزان

#جديد_الشاعرة #أم_علي_الحلفي

**نـخـوة لـفـاطـمـة الـزهـراء( عـلـيـهـاالـسـلام ) لـقـضـاء الـحـوائـج وشـفـاء الـمـرضـى وبـالـخـصـوص ( والـدتـي)

✦❥※❥※✿✿※❥※❥※✿✿※❥※❥✦

نريد ام الحسن هاليوم
بـالـشـدات تـحـضـرنــه

✦❥※❥※✿✿※❥※❥※✿✿※❥※❥✦

تحضر فاطمه ويـانه
وتسمع هـيـه نخوانه
بـالشـده مـا تـنسـانه

نحلفـهه بـابـو سكنه

✦❥※❥※✿✿※❥※❥※✿✿※❥※❥✦

نـحلـفـهـه بعزيـز امـه
تـرفع عـنـه هـل غـمـه
دنيانه اصبحت ظلمه

تـزيـح الـهـم تفرحـنه

✦❥※❥※✿✿※❥※❥※✿✿※❥※❥✦

تـزيح اهمومنه الزهره
عليهه حسين والطبره
والـمشـوهـه امـيسـره

تـحلهـه كـل مشاكـلنه

✦❥※❥※✿✿※❥※❥※✿✿※❥※❥✦

ننخاهه ودموع تهيل
عن حبهم ابد مانميل
راوانه الـزمـان الويل

غـيـرچ يـمـه ماعدنه

✦❥※❥※✿✿※❥※❥※✿✿※❥※❥✦

يمه زهـره حـضـريـنه
عـدنـه هـمـوم تـاذينه
عـليچ حسـين وبنينه

تـشافين المريض النه**

✦❥※❥※✿✿※❥※❥※✿✿※❥※❥✦

تـمـت والـحـمـدلـلّـه خــ✍🏻**ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى أرواح الـمـؤمـنـيـن والـمـؤمـنـات وبـالـخـصـوص إلـى روح الـمـرحـوم والـدي والمرحومة الحجية أم هاني ( رحـمـهم الـلّـه )

نـسـألـكـم الـدعـاء**

مجروح كلش علي  وبجرحه اذاني
يابير كلي تون   من تسمع احزاني
عالزهره من هظمته   يحجيلي عن حالته   ما تنحمل كسرته  وبجرحه اذاني
*حيدر بير وانه البير   ومحد يعرف اشجواي
حيدر بيه مدري اشاف   وطاحت دمعته فوكاي

اول مره اشوفه ايذب النكاب
وابو تراب اعله راسه ايهيل التراب
القالع باب كسرو ضهره بالباب

يا بير تدري بعلي   بكسره كلب جايك
شيصير بيك اعترف  لو فاركت مايك
هز راسه شفته ورجع   ومن صدره كلبه طلع  وكبالي نوحه ارتفع وعالزهره بجاني

خذت حيله مصايبها   وفلا ينعدن جروحه
حيدر يمشي بس اخيال   ودافن بالكبر روحه

وامبين علي امن الدنيه متعوب
والمحبوب فارك اغله محبوب
تره حيدر دمعته امبلله الثوب

من فاطمه الفاطمه   خضر علي شيبه
راحت بعد زهرته   والراح شيجيبه
وياها عشرة عمر   وراحتها صار الكبر  ضل يبجي باب الصبر  والنور عافاني

بي**ن الباب والحايط   هظيمه الزهره عصروها
الخادم بيتها جبريل   اعله خدها اشلون سطروها

دفعها الظالم وضيع هواها
وره الباب انتهت والدم خذاها
اعله محسن طاحت وزينب وراها

البسمار صاب الضلع   والعصره اذتها
عكب النبي فاطمه   الاصحاب ظلمتها
عالباب لمو حطب   وحته الله منهم غضب  موت الزجيه كرب  وتشمت الجاني
**انه البير بير اسرار   اليسولفلي اضم سره
بس حيدر يكلي احجيه   سري ولازم اتنشره

يصيح امن الالم حاجيني يابير
علي بلا فاطمه جا كلبه شيصير
وكف عالمغتسل وبناظره ايدير

خلاني صاحب اله  ومن دنيته ايعاتب
وطبع اليصاحب صدك   ما ينطي بالصاحب
سولفلي سره وبجه  وحيدر عليه انتجه  البير انترس من حجه وزيدها نيراني

علي كتله ولا تهتم   يبعد البير وعيونه
هاي الناس ما ترحم    اليخاويهم يذمونه

الملح شتحطله ووياهم يغزر
بس تكضي شغلها الناس تنكدر
حكك يا علي من تجرع المر

الناكر جميلك علي   معروف شيطانه
لو مو وصيت النبي   ما وصلو اهنانه
ناسك شفت باعتك   والدنيه ما نصفتك  بيرك سمع ونتك  يا مالك احساني

ت**مت
تحسين الخفاجي

ثلاث دكات

اضلوع الزجيه اشلون.  كسروها بالباب
وانته القلعت الباب. بيدك يبو اتراب

بكل حيله اجه وعالباب   خصمك عصرها
وياحيدر البسمار.  صوب صدرها
وبقوته اعله العين.  رد وسطرها

ودار النبي المختار. حركوها الاصحاب

عندك علم بالصار.  هجمو عليها
ماتت عصر والنار.  تسعر بديها
وام الحسن كل حيل.  ما تلكه بيها

طاح الضنه وما طاح. من عدها الاحجاب
*--
وكت الحروب نشوف.  جانو يرجعون
ومن الرسول ايصيح.  كلهم يلبدون
بس انته للميدان.  تبرز يعرفون

حيدر الك صفين.  تشهد والأحزاب

ميت علي يكولون  عكب الشهيده
وبالكوه طاست ماي.  يلزمها بيده
تتسند اعله الكاع  وانته الصميده

بعده الجرح لليوم. عالزهره ما طاب

وينك يحامي الجار.  يالتحمي جارك
ما تنحط اعله البال.  محروكه دارك
وانته انعرف جبريل.  حد ذو الفقارك

دخن يراعي الزود.  سيفك بالكراب

انته علي ولولاك. ما قام السلام
بعد الوصيه اعداك  شو صارو ازلام
لو زلم جان وين  ذنيج الأيام
هجمو لان يدرون.  معروفه الأسباب

تمت
تحسين الخفاجي

< °بسمة تعالى °>

القصيدة :- دفان اهلنه
أداء :- سيد فاقد الموسوي
كلمات :- محمد نعمة

°~°~°~°~°~°~°~°~°~°~°~°~°~°~°~°~°

تانيني يادفان اهلنه
هاي امي ام المحنه
نزلهه ماينحمل فركاهه
وافتح جفنهه وشيلني وياهه

هاي امي بچتافك صدك لو انا حلمان
ماخذهه وين لياكبر اوكف يدفان
تدري بوداع الأم صعب للكلبه تعبان

باوع علينه وشوف حزن العدنه
الليل ما لابس سواد بكدنه
لمن اجه التابوت شايل امنه

الدمعه صارت هاكبرهه بخدنه
مو لحضه تكتل من خذاهه
جيب اليشيل أيدي بوراهه

صحنه عليهه مو وكت روحه
وحسين طلعت من وكت روحه

تانيني يادفان اهلنه     تانيني يادفان اهلنه

~°~°~°~°~°~°~°~°~°~°~°~°~°~°~°~°~

ياهوه عنده هيجي ام كلش حنينه
الليل هذا تخلصه بس تفتر علينه
ترجف اديهه من البرد وتغطي بينه

جان الأمان ابيتنه مغطي الكاع
من ماتت امي اتغير وكلشي ضاع
الموت مدري منين اجه بساع

وانه واخواني صغار مو مال وداع
يمر على البيت الهوى الهاب
نذكر ضلعهه الكاسره الباب

التموت امه يموت كل حيله
يطلع حركته بشمت الشيله

تانيني يادفان اهلنه.      تانيني يادفان اهلنه

~°~°~°~°~°~°~°~°~°~°~°~°~°~°~°~°~

بيا دمعه اسولف واشتكي سمعوني يحباب
كدامي باب اهلي احترك وامي وره الباب
انعصرت وطاح الطفل وما طاح الحجاب

اهنا عرفنه الموت مابيه غايه
من شفت فضه تلف بالمصلايه
اصعب ليالي جانت بعمري هايه
راوتني سبحه عليهه دم اهوووايه

يكضي الصبح ويصير الغروب
ويبدي الوجع من فوك الكلوب

ابجي على امي لو على اخواني
من هسه واحد شابك الثاني

حسبالي نامت فاطمه ماادري بيه
من غمضت بالمغتسل وماتت اديه
لبسن حمامات السمه اسود عليهه

اتصور امك جايه بنص تابوت
تباوعلك وترجع تغمض وتموت
دكله اكعدي وهيه ما تسمع صوت
ويشيلهه وياخذهه كوه الزاتوت

حدك وياهه لعتبت الباب
ويصير ردن هدومك انكاب

ويلچمك اليسأل على أحوالك
وسوالف امك تفتر ابالك

الماله ام ماله وطن مثل اليسافر
ويصير بيت اهله مثل بيت المكابر
يضل يحسب الموته ويعد هاهسه باجر

اليفكد امه وهو عمره صغيرون
من البواجي ماتضل عنده عيون
تكبر جروحه على امه من يسئلون

لكبال عينه جنازة امه
كل امنياته تصير ضلمه
تخلص حياته بحسره وبلوعه
ومن يذكر امه يلزم ضلوعه

تانيني يادفان اهلنه      تانيني يادفان اهلنه

____
نهدي ثواب هذا العمل الى المرحوم ( سجاد يحيى)

‌‌‏زُر قبرَ سبطِ الهاشمي الهادي

بصوت الخطيب الشيخ حسام المسافره

‌‏زُر قبرَ سبطِ الهاشمي الهادي

بصوت الخطيب الشيخ باقر الدراجي

ابو ذيات عن حال العليله بنت الحسين عليه السلام

دمع عيني  عالحملوا  يهلاي

وياكم خذوني صحت يهلاي

عليله  وحدي.  بدار.  يهلاي

مرض. وفراكم. طبكن.  عليه

عزلوني الاهل. منعدهم. ولاجن

عليله  اوني  . مابطل   ولاجن

بالي. ماخطر  هيجي.  ولاجن

عليله   وحدي.  اضلن.  بالثنيه

هلي يحملون. وعيوني تراهم

الشالو.. مالهم .  جيه.  تراهم

فراك.  اهلي. موهين.  تراهم

فركاهم.  اشد.  من.  المنيه

بقلم العلويه ام رائد زوين ??

انصار الحسين//ع تقول:-

ياهلا بهاي الحرب٠٠٠لحد ايظل من نطب
احنه اهل المرجله٠٠٠اعلينه شهدي كربله
لحد ايظل من نطب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
والبنة السبعه ورفعها بلا عمد خلاهه
زودنه ايكظ المعاره وسيفنة الجلاهه
واحنه جف الموت جفنه ارواحكم تلاهه
وانتو صيدتنه الجبيره وصيده يامحلاهه

اصكور وسط البيده٠٠٠٠ وانتم اكبر صيده
صيدكم بالطف حلا٠٠٠اعلينه شهدي كربله
لحد ايظل من نطب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
حسين عدنه إهواي غالي واغلا من ارواحنه
رحمة الله حسين عدنه والهوه ومصباحنه
وصار للدلال نبضه وللكلب سباحنه
هاي مشهوره الصوارم للحرب وارماحنه

هاي جلمتنه او وعد٠٠٠ انصار نبقه وللإبد
واليحاربنه ابتله٠٠٠٠٠٠اعلينه شهدي كربله
لحد ايظل من نطب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
احنه درع حسين وانظل شيعته الوفايه
نجعل الطف جن قيامه وما تطيح الرايه
ما تخوفونة ابعددكم شنهي عود اهوايه
السيف عطشان اعله دمكم يالدماكم مايه

ابسيف نضرب وابرمح٠٠٠٠واليواجه ينذبح
لا مفر نترك اله٠٠٠٠٠٠٠٠اعلينه شهدي كربله
لحد ايظل من نطب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
انطشر الجيش ونلمه والنريده انلوحه
وعالمنيه اصدورنة ابلا وجل مفتوحه
وخوه خوتنه اصيله ابلا دغش مملوحه
هاي معناهه تروح انصاره فدوه لروحه

بها الحرب ما ننكسر٠٠٠٠٠٠لو شهاده لو نصر
نعلم بها المسألة٠٠٠٠٠٠٠٠اعلينه شهدي كربله
لحد ايظل من نطب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
دنيا دون حسين عدنه ابفلس مانشريهه
والحياة اخلاف عينه ابلا طعم ندريهه
الروح عطشانة اعله حبه وحبه بس يرويهه
والنفس جدامه ترخص بالهوه انذريهه

الكاع نترسهه دمه٠٠٠٠٠ منكم بها الملحمة
اعليكم انضيك الفله٠٠اعلينه شهدي كربله
لحد ايظل من نطب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

خادم أهل البيت/ع/ميثم الخزاعي