*? Kontent jańalıqları - Birinshi muhabbatım*

Gúrrińshi joybarına Keńesbay Raxmanovtıń Birinshi muhabbatım kitabı audio kórinisinde qosıldı. Bul audiokitap «Les Ailes Nukus» JSHJ qáwenderliginde tayarlanǵan bolıp, Qaraqalpaqstan Respublikasına miyneti sińgen mádeniyat xızmetkeri Baxtiyar Jumataev (@baxtiyarjumataev) tárepinen oqılǵan.

Bul járdemi ushın biz Gúrrińshi joybarı atınan Azat Mustafaev hám Baxtiyar Jumataevlarǵa sheksiz minnetdarshılıǵımızdı bildiremiz.

@gurrinshi (sayt, android, iOS)

*? Kontent jańalıqları - Dárwish*

Gúrrińshi joybarına Keńesbay Karimovtıń Dárwish kitabı audio kórinisinde qosıldı. Bul audiokitap «Átiyaj-Gúlzar» JSHJ qáwenderliginde tayarlanǵan bolıp, Qaraqalpaqstan Respublikasına miyneti sińgen mádeniyat xızmetkeri Baxtiyar Jumataev (@baxtiyarjumataev) tárepinen oqılǵan.

Bul járdemi ushın biz Gúrrińshi joybarı atınan Azat Mustafaev hám Baxtiyar Jumataevlarǵa sheksiz minnetdarshılıǵımızdı bildiremiz.

@gurrinshi (sayt, android, iOS)

Gúrrińshi búginnen baslap iOSta!Uzaq kútilgen jańalıq: búginnen baslap Gúrrińshi joybarınıń mobil qosımshasın iOS platformasına tiykarlanǵan mobil qurılmalarda paydalana alasız. Óz qurılmańızǵa ornatıw ushın mına siltemeni basıp, App Store'da ornatıp alsańız boladı.

@gurrinshi

App Store

‎Gúrrińshi

‎Gúrrińshi — bul siz súygen kitaplardı audio variantta tıńlaw imkanın beriwshi mobil qosımsha. Ol arqalı siz qaraqalpaq prozası, poeziyası, folklorı, sonday-aq jáhán ádebiyatınıń úlgilerin qálegen waqıtta, qálegen orında tıńlay alasız.

Gúrrińshide jańa kontent

Gúrrińshi joybarına birneshe jańa audiokitaplar qosıldı. Bul audiokitaplar «Átiyaj-Gúlzar» JSHJ qáwenderliginde tayarlanǵan bolıp, Qaraqalpaqstan Respublikasına miyneti sińgen mádeniyat xızmetkeri Baxtiyar Jumataev (@baxtiyarjumataev) tárepinen oqılǵan.

Bul járdemi ushın biz Gúrrińshi joybarı atınan Azat Mustafaev hám Baxtiyar Jumataevlarǵa sheksiz minnetdarshılıǵımızdı bildiremiz.

Qosılǵan kitaplar:
1. Qaraqalpaq dástanı. Maman biy ápsanası (Birinshi kitap) - Tólepbergen Qayıpbergenov
2. Qaraqalpaq dástanı. Baxıtsızlar (Ekinshi kitap) - Tólepbergen Qayıpbergenov (bul kitap aldın hám bar edi, biraq audio sapası jaqsılaw bolǵanına ózgerttik)
3. Aqdárya - Káramatdin Sultanov
4. Jetimniń júregi - Jolmurza Aymurzaev

Onnan tısqarı, Gúrrińshiniń Android qosımshası jańalandı, hámmeni jańa 0.2.2 versiyanı ornatıp alıwına shaqırıp qalamız, ol jerde aldıńǵı versiyalarda bar bolǵan bir neshe mashqalalar óz shesimin taptı.

@gurrinshi

Gúrrińshi

Tanısıń, qaraqalpaqsha kitaplardı audio variantta tıńlaw imkaniyatın beriwshi Gúrrińshi joybarı. Búginnen baslap Android sistemasınıń paydalanıwshıları Gúrrińshi mobil qosımshasın óz qurılmalarına ornatıp, qaraqalpaqsha audiokitaplardı tıńlawdı baslawı múmkin. Qosımshanıń iOS ushın arnalǵan variantı da házirde tayarlanıw basqıshında bolıp, jaqın keleshekte járiyalanıwı kútilmekte.

Sońǵı 4‑5 jılda podkastlar, audiokitaplar dúnyada qaytadan en jaya basladı. Buǵan tiykarǵı sebeplerdiń biri, audiokitaplardı tıńlaw adamnan aktiv dıqqattı talap etpeydi. Mısalı, tekst varianttaǵı kitaptı oqısańız, dıqqatıńız tek ǵana kitapta, ondaǵı tekstte bolıwı kerek, basqa hesh nárse isley almaysız, al audiokitaplardı bolsa basqa da jumıslarıńızdı islep júrip, parallel tıńlaw imkaniyatı bar.

Bunnan on jıl aldın biziń komandamız qaraqalpaqsha kitaplardı elektronlastırıw maqsetinde, Kitapxana.com joybarın baslap edi. Lekin, ol bizge kútilgenindey nátiyje alıp kelmedi. Al, Gúrrińshi bolsa biziń ekinshi urınısımız, bul saparı audio formattaǵı kitaplar babında.

Joybardan gózlengen tiykarǵı maqset qaraqalpaq tilindegi kitaplardı audio formatqa ótkiziw, olardı bir jerge jámlew hám basqalardı da bul háreketlerde belsendi qatnasıwǵa shaqırıw. Sonday‑aq, bul arqalı jámiyetimizdegi kózi ázzi insanlardıń qaraqalpaq tilindegi ádebiy shıǵarmalar menen jaqınnan tanısıwına úlken múmkinshilik jaratıp bere alǵan bolamız.

Ulıwma alǵanda, qaraqalpaq tili hám ádebiyatı ushın arnalǵan joybarlar qansha kóp bolsa, sonsha jaqsı. Tilekke qarsı, bul tarawda elege shekem isleniwi kerek bolǵan jumıslar oǵada kóp. Eń aktual mashqalalardıń biri bul qaraqalpaq tilindegi materiallardıń elektron formatta az ushıraytuǵınlıǵı. Usı mashqala qaraqalpaq tiliniń internet álemine kirip keliwine birinshi tosqınlıq esaplanadı hám bul másele elege shekem óz sheshimin tapqan joq.

Usı kontent jetispewshiligi máselesi Kitapxana.com joybarınıń rawajlanıwına da óziniń keri tásirin tiygizip edi. Gúrrińshide bolsa, áwel basında, tek ǵana 3 audiokitap-aq bar. Bul saparı kontentti kóbeytiw ushın, kraudsorsing usılın sınap kórmekshimiz.

Kraudsorsing — bul qanday da bir maqset jolında adamlardıń birlesip háreket etiwi. Solay eken, Gúrrińshi joybarın rawajlandırıw, bul arqalı qaraqalpaq tilindegi kitaplardı audio variantqa kóshiriw háreketlerine hárbir watanlasımızdı óz úlesin qosıwǵa shaqırıp qalamız.

Házir, derlik, bársheniń qolında mobil qurılma bar. Úyińizde qaraqalpaqsha kitaplar, ádebiy shıǵarmalar da tabılatuǵın bolsa — demek, siz joybarǵa úles qosıwǵa tayarsız: bir kitaptı alıp, kúnine yarım saattan kitaptı oqıp, onı qurılmańızǵa audio kóriniste jazıp barsańız, kólemine qarap bir hápteden bir ayǵa shekemgi aralıqta bir kitaptı tolıq audio variantqa ótkerip juwmaqlawıńız múmkin. Biz bolsa paydalanıwshılar tárepinen jiberilgen hárbir audiokitaptı platformamızda erkin esitiw múmkinshiligin jaratıp beriwge kepillik beremiz.

Usı scenariy boyınsha shamalap kóretuǵın bolsaq, tek ǵana Nókis qalasınıń ~334 600 turǵınınıń 0,3% i hárbiri bir kitaptan óz úlesin qosqanda da, 1 000 audiokitap jıynalıp qalıwı múmkin eken. Bul maqsetke erise alamız ba — endi ol ózimizdiń háreketimizge baylanıslı.

@atabekme