ҒОЛИБЛАР ТАҚДИРЛАНДИ
Республика Маънавият ва маърифат маркази ҳамда Вазирлик ва идоралар ҳамкорлигида Ўзбекистон Республикаси мустақиллигининг 33 йиллиги муносабати билан ижодкорлар ўртасида "Энг яхши ватанпарлик руҳидаги видеоролик" , "Энг яхши ватанпарлик руҳидаги қўшиқ" ва "Ватанни мадҳ этувчи энг яхши шеър" йўналишларида танлов эълон қилинган эди.
Байрам арафасида танловнинг вилоят босқичи якунланиб, ғолиблар тақдирландилар.
Улар орасида "Ватанни мадҳ этувчи энг яхши шеър" номинацияси бўйича Ичан қалъа давлат музей-қўриқхонаси матбуот котиби, Ўзбекистон Ёзувчилар ва Журналистлар уюшмаси аъзоси Отабек Исмоилов ҳам ғолиб деб топилиб, диплом ва эсдалик совғалари билан тақдирланди.
Республика босқичидан ҳам хушхабарлар кутиб қоламиз.
Telegram facebook Instagram

Ichan -Qal'a davlat muzey-qo'riqxonasi

#МАҲАЛЛА ОБОД -- ЮРТ ОБОД!
Ўзбекистон Республикаси давлат мустақиллигининг ўттиз уч йиллиги олдидан 24-25 август кунлари "Маҳалла обод--юрт обод!" шиори остида бўлиб ўтаётган умумхалқ хайрия ҳашарида Ичан қалъа давлат музей-қўриқхонаси ходимлари ҳам фаол иштирок этишмоқда .
Музей-қўриқхона ва маҳалла ҳудудидаги ободонлаштириш, кўкаламзорлаштириш ва озодалигини таъминлаш тадбирларига Ҳукмдор ва шоир, Қадимги Хоразм, Зарбхона ва бошқа бўлимлар ходимлари ўз ҳиссаларини қўшмоқдалар.
Суратларда: умумхалқ хайрия ҳашари жараёнларидан лавҳалар.
Музей-қўриқхона ахборот хизмати

РАСМИЙ МУНОСАБАТ
Яқинда ижтимоий тармоқларнинг бирида Ичан қалъа давлат музей-қўриқхонасида музейларга кириш чипталари нархлари қимматлашгани , айрим туристик йўналишларга алоҳида чипталар жорий этилгани тўғрисида хабар тарқатилди.
Хабар юзасидан шуни маълум қиламизки, нархлар қимматлашмаган. Белгиланган нархлар маҳаллий сайёҳлар учун алоҳида, хорижий сайёҳлар учун алоҳида тарифларда тегишли низом ва қоидалар асосида қабул қилинган ҳамда имзо ва муҳр билан тасдиқланган. ( Суратлари илова қилинди).
Ҳудуддаги Оқ шайх бобо тепалиги, Ислом хўжа минораси ва қалъа деворларига чиқиб томоша қилиш учун алоҳида сайёҳлик йўналишлари туристлар таклифига биноан эрталаб кун чиқиши ва кечқурун қуёш ботишини ҳамда қадим шаҳар кўринишини томоша қилишлари учун қўшимча хизматлар, имкониятлар яратиш мақсадида ташкил этилган.
Бу йўналишларнинг асосий чипта таркибига киритилмаганлигининг яъни алоҳида қилинганининг сабаби музей-қўриқхонага ташриф буюраётган минглаган сайёҳларнинг барчасини минора ва тепаликка чиқиши учун хоҳиш ва имконияти бўлмаслиги табиий. Шунингдек, болаларнинг уларга чиқиши хавфсизлик нуқтаи назаридан чекланган. Асосий мақсад эса ёдгорликларни иложи борича муҳофаза қилишдан иборат.

Ичан қалъа давлат музей-қўриқхонаси
ахборот хизмати