«халид - Аллахlан тур ду»

хьагl йолчу стагана шена вон болх хиларал а хала ду - нахана дика болх хилар.

бакъ болу ницкъ-м дера бац пхьаьрсаш даккхий хиларгахь, ворта стомма хиларгахь, бакъ болу ницкъ даг чохь бу, масане воккха стаг ву дийнахь марханаш кхобуш, буьйса ламазашца ден йеш, ткъа даккхий пхьаьрсаш долу кегий нах оцу балхах гlорасиз хуьлуш.

хьо вохо гlерташ, хьайна тlе lитталучу дуьненан хlуманашка ахь ала:
«– сан lалашо йоккха ю, соьца Аллахl ву, Шен ницкъ чlогӀа болуш.»

ткъа хьо, Аллахlа беркатечу батте кхачийна, цуьнан хьакъ кхоччуш дlалолахь!

«массане жима стаг ву самукъане волуш суьйренга, йа Ӏуьйренга волуш, хаа ца хууш шена цхьанхьа тоьгуш кечдеш марчо дуйла!»

хьайн Далла lибадат де, шеко йоцу (ӏожалла) хьайга кхаччалц.

*имам ахьмаде хаьттина:
– хlокху некъа тlехь йолу халонаш кlaд ца вина хьо?

имам ахьмада жоп делла:
– хlокху некъа тlехь халонаш ца хиллехьара, со сайн некъах шек ваьлла хир вара!*