زغيرونه حيل وطفله رقيه
وبين الحوافر ظاعت خطيه
وعلينه صارت خويه المسيه
حسين

اسمعها بابه تصيح وتناشغ
ويرد صداها من البابه فارغ
حسين

عطشانه وبحر الظهر هو الركض مو للعطش
شدورك انته بكل كتر   صدرك على الكاع انفرش

حسين
ظاعت بالفله
طفله مدلله
الله يا كربله

تعثرلك جرح
وتصد للرمح
مذبوح الصبح

بابه   حسين

///////////////////////

انه العزيزه الدللها ابوها
الفوك الجمر بالبر ركضوها
السلبو تراجيها وتعبوها

يمك اجيت ودلالي عاثر
مديت اديه وادساها حافر
جن متني طولك يابويه صاير

مشتاكه اشبكك واستراح  وخاف انه الجمنك حرت
مو بالخرابه وداعتك       يمك ترى انا المتت

حسين
يكتلني السكوت
سولف لا اموت
ماضل عندي صوت

ما ضل عندي امل
مجتوفه بحيل
وجابوها الهزل

/////////////////////////

ظميت اذاني بصمام اديه
فشلانه راسك لو صد عليه
وين التراجي يكلي رقيه ؟؟

راس اع رمحه ومدالي روحه
ما عندي مهجه وجف اليلوحه
ينوح لغربتي وابجي اع نوحه

ما منها لو يمك اروح   لو رمحك تعوفه وتجي
مكسوره وبعيني العتب   وتعبني يابويه البجي

حسين
ارقيه تغربت
عشرتنه انتهت
راحت وانكظت
يحسين

راح امشي بيسر
وبراي الشمر
لا خيمه وستر

مثلك امك ابجي وضلعي كسرته
  من ضلعلك بحافرهم نضرته
مجلس عزاء لجرحك نصبته

لاكني خنصر بالهميه طايح
واعرفته هذا المن جفه رايح

اول عزاء اعل الهزل   فاتحتك وزينب تون
ويانه نوك الطف بجت  ورد منكسر طول الضعن

حسين
مشتاكه رحت
عنك غربت
جم موته متت
يحسين

ليا ديره الضعن
رايح يا وطن
مكسور و يون

احمد
الزينبي

#جروح_مولاتي_رقيه

احمد الزينبي

اللحن ?

**فزاعيه ــ دخول ضعن الغريبات لأرض كربلاء
لساان حال مولاتنا زينب ص

((أكعد تلگاني))

صحت حداينه يمرنه بأهالينه
مــنّ الشام خــــويه ألك ردينه
الضيم ابطولنه والاطول الشوگ
كل ضني تـــــگوم ألنه و تلاگينه

أختك خويه لاگــــــيها
عالـــــــــــو يا وسف بيها
تركض والـــــركاض اشلون
عل محــــــــــــــروگه رجليها

أگعد تلگاني...أگعد تلگاني
رجعت من السبي أگعد تلگاني
ـــــــــــــــــــــــــــــــــــــــــــــــــــــ
بسوگ اعيون اختك طبـــها سابيها
يا لوعه الأضمها ويــــاهي الحچيها
حسين الشام كلـــه علختك انــــدار
روحه ورده أختك شمــــــرو اعليها

أختك هـــــــا يواليها
صــــــدت هالخلگ بيها
فوگ النوگ ويــــصيحون
طگــــــــــو روس اهالــيها

عالو اعليها..... عالو اعليها
يلمدلل اخيتك... عالو اعليها
ــــــــــــــــــــــــــــــــــــــــــــــــ
نمشي ويا طريج الصحره موتـانه
لو ردنه نــــرتاح السوط لاحــــانه
شافن كل بنـــــاتك ضيم مـــا صار
عطشانه تسكت خويه عــــــطشانه

اويلي السوط ياضيمه
چـــــم ايتيمه بيتيمـــه
گبال اعيوني ويـــموتون
بروحي ورثــــــت خــــيمه

طاحو ابهيمه.... طاحو ابهيمه
يخويه ايتام أليه.. طاحو بهيمه
ـــــــــــــــــــــــــــــــــــــــــــ
وصلنه ومن وصلنه لكربله گوه
واليلچم دليلي احسين ما هُوه
لگيت اتراب كومه وحاله ياحال
شمرت من الضعن وبحيلي اتگوه

بيه انكسر چم خاطر
بيتـي انهجم بالعاشر
شفت احسين ويـــــلاااه
رض ابــــــگلبه چم حافر

داسه چم حافر... داسه چم حافر
گبال اعيوني اخيي... داسه چم حافر
ـــــــــــــــــــــــــــــــــــــــــــــــــ
خوويه ويا شريچ الروح حاچيني
بيا گاع انتــــه نايم خويه تدليني
صوتي من البواچي عليك مبحوح
سولفلي اعله ضيمك خويه بچيني

وصلتك خويه دليني
ع ضيمي خويه واسيني
حلفت الماي ما شــــــربه
أريدك انته تــــــــــرويني

يابسه ارياجي... يابسه ارياجي
من يوم التركتك... يابسه ارياجي
ـــــــــــــــــــــــــــــــــــــ

ياسر الـزيادي**

الحان القصيدة ?

**فزاعي//
حال الحسين برحيل جده رسول الله ص

لا ترحل يـجدي وعــــازتك عازه
باچر بالحوافــــــر رد الــــــمجازه
ــــــــــــــــــــــــــــــ

تنشال ابنعش ياجدي وگبالي
يضّل فارغ مچانك والنزل خالي
هنا ترخص دمعتي ونوحي يحلالي
من هسه احس بالــــــعطش چتالي

على هذه التعب چا هيچ تتجازه
لا ترحل يـجدي وعـــــازتك عازه
ــــــــــــــــــــــــــــــــــــــ
احسن بالگلب مو خيمه عطابه
تحولو هالصحابه صبحو عصابه
هذه يگول يهـــــجر ذاك يم بابه
يفكر بالجريمه وحاسب احسابه

وثالثهم يّصيّح ماني محتازه
لا ترحل يجدي وعازتك عازه
ــــــــــــــــــــــــــــــــــــــــــــــــ

بس وجه الكريم الباقي و الدايم
بس حگ الگلب يم حظرتك هايم
وحــده ليش نعشك وينها الوادم
نجمعو بالسقيفه بأمـــرت الضالم

ما حظرو دفنتك لا من مـــــعازه
لا ترحل يـجدي وعـــــازتك عازه
ــــــــــــــــــــــــــــــــــــــ

حسبت وحسبتي يا وسفه وهمانه
حاضر چنت احسبك كــربله ويانه
تشوف الخلگ كله صــارت اعدانه
فقط سبعين زلمه وروحي حيرانه

ياجدي اعله ذبحي كـــلها تتوازه
لا ترحل يـجدي وعـــــازتك عازه
ــــــــــــــــــــــــــــــ

مهـر أمي الفرات وهالخلگ تبخل
فوگ العطش صدري منطعن منخل
والأكـــــــــــلف عليك وللعقل تذهل
بديــــــــوان الاجانب زينبك تدخل

بحصيره يصير لمّــي ماكو جنازه
لا ترحل يجــــــدي وعازتك عازه
ــــــــــــــــــــــــــــــــــــ
تمت بفضلهم. ص
المقصر دوما معهم
✍️الشاعر ياسر الزيادي**

اللحن ?

**في شهادة رسول الرحمه ص
الزهراء ع تنعى فقد ابيها المصطفى ص

تهمل أدموع المصيبه٠٠٠٠٠٠٠٠٠٠٠آ يبويه
عايف أبنيتك غريبه٠٠٠٠٠٠٠٠٠٠٠٠آ يبويه
بويه يالفگدك عذاب
أجرع اشلون الغياب
آيبويه٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠آ يبويه

ماأصدگ شلون ترحل عني وتغيب
راسي بِغيابك تحول كله شيب
شكثر وَنَينه عله فگدك يا لحبيب
حته عرش الله سمع ناله نحيب

نبجي انه والحسن٠٠٠٠٠٠٠٠٠٠٠دمع الرزيه
حسين عبراته جرن٠٠٠٠٠٠٠٠٠٠دمع الرزيه
ياأبو الروح الحنينه
دارت الدنيه علينه
آ يبويه ٠٠٠٠٠٠٠٠٠٠٠٠٠٠٠٠٠٠٠٠٠٠٠آ يبويه

الحنان أبروحتك راح امن اديه
صفى بيتك موحش ومضلم عليه
بويه تدري ابغيبتك شتسوي بيه
تزيد آهاتي و تضل ونّتي خفيه

والله مودنيه عجيبه٠٠٠٠٠٠٠٠بلايه رحمه
عاملوني چن غريبه٠٠٠٠٠٠٠٠٠بلايه رحمه
زهرتك شبعوني أذيه
صرت أترجه المنيه
آ يبويه٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠آ يبويه

بويه بنتك مارعوني ذوله لصحاب
بدل ميعزوني اجوني حرگو الباب
تجمعوا كلهم عليه و اهلي غياب
فقط بس لباب اليه اصبح احجاب

بالغدر جمعو حطبهم٠٠٠٠٠٠٠٠بعتبت الدار
وگـــع طفلي وبسببهم٠٠٠٠٠٠٠بعتبت الدار
لذت خلفه للستر
ونبت بسمار الغدر
آ يبويه ٠٠٠٠٠٠٠٠٠٠٠٠٠٠٠٠٠٠٠٠آ يبويه

بلا رحم هدوا عليه اهل السقيفه
وبالحقد داسو على لعتبه لشريفه
الثاني هوه اللي عصرني وأخذحيفه
ماتكفه ابكسر ضلعي ودم نزيفه

تجاسر اعليه وسطرني٠٠٠٠٠٠٠عله عيوني
بضربته للكاع ذبني٠٠٠٠٠٠٠٠٠عله عيوني
بلا ذنب هجمو عليه
حيل جرعوني الاذيه
آ يبويه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠آ يبويه

• انضر  الحيدر جمر دلالـــــه صاير
  حيل چتفــــته الوصيه وبيها حاير
  بالحقد دارو عليه داير مـــــــــداير
  ينظر اعليه اشوفه ودمعــــــه فاير

غصبوا الحق من علي٠٠٠٠٠٠٠اهل السقيفه
مارضوا يصبح ولي ٠٠٠٠٠٠٠٠اهل السقيفه
من دره حيدر صبر
گام يتجاسر عمر
آ يبويه ٠٠٠٠٠٠٠٠٠٠٠٠٠٠٠٠٠٠٠٠٠٠٠آ يبويه
*

خادم الزهراء ع
ياسر الزيادي**