((مايردون اسمي))

لاويـــــن اظل وگلبي مشلوع
يهلي هضيمه ودربي مگطوع
مــــامش بعد يم بابي دمــوع
هلي يالضيعوني ..

والوين تشمــــرني اعله ياوين
ضلمه الدروب وساهره العين
چـــــا وينــــهم زوار الحسـين
هلي يالضيعوني ..

مايردون اسمي .. اهل الشام بلوه
مايردون امـــي .. أنــه بالشام گوه

رسايلهم شماته وسـدو الباب
مابيهم محنه وعطر الاحباب
خلوني بدمعتي وليل الفراگ
وياراس المناره بالغرب شاب

أنه زينب غريبه ...

"""""""""""""""""""""""""""""""""""''''''''''

خيل اعوجيه وهــــدت اركاض
ومن گلبي دمعي عالضلع فاض
وهذا الشمر بالباب شــــو كاض
عساجر من اجوني ..

عسكر يزيد بصحني يمشون
وماتت بروحي چــلمةّ شلون
زواري آنـــــــه امكم ام عـون
عساجر من اجوني ..

اصل الحيره صفنه .. وآنـــه الحيره بيه
عزيزتكم ترى آنـــه .. شلون ارجع سبيه

داسوّ صدر اخوي وگبـري داسووّ
مـــن سبــو ابــوي وگلبي مســووّ
يحمدون السقيفه وضلعي كسرو
وچم محسن بصف الباب ذبحــو

أنه زينب غريبه ...

"""""""""""""""""""""""""""""""""""''''''''''

يعني السنه من بعيد لبعيد
راح الزمن والــــراح شيعيد
ماريد فـــــــرگه عود مـاريد
ومنتضره الزياره ..

ماكو بعد بالحضـــره زوار
ماكو طبخ حدر الجدر نار
النــار صـــارت بيه تــذكار
ومنتضره الزياره ..

چاوين المواكب .. چاوين العشيره
أنه بت الاطايب .. ياويــــلي أسيره

وين اعزاز گلــــبي الفرشو الگاع
بيا حسره العمر من الجرح ضاع
من ذيـــچ السنه لميــت الجروح
من زواري راحو صـــــــار الوداع

أنه زينب غريبه ...

"""""""""""""""""""""""""""""""""""''''''''''

عـــالباب وينه اليركض وصاح
الدايس جمر ومن اللطم طاح
هــــــذا الدمع بالبــــاب ماراح
ماضنهم نسوني ..

وينه الاجاني وفـاگد الراي
وين البچفه الجايب الماي
وينه اليهل الدمعه بــهداي
ماضنهم نسوني ..

والمحتار حـيره .. مــــاتنعد جروحه
ميت بالسوالف .. هم ماخوذه روحه

چـــا هــــاي السنه تنعاد بالخوف
بعد بالباب ماكو صفوف وصفوف
بيـــــا دمعه اگضـــي الليل واللـيل
ساعــــــــاته تمـــــر ارماح وسيوف

أنه زينب غريبه ...

عبد زينب
محمد الابراهيمي

اللحن 👇

#يا_ام_البنين_
ماتت وهية على جراح الشوق وألم الفراق على حبيبها  الحسين(صلوات الله عليه)

موتي جرح من فگدك…يمه يمه
كل يوم اموتن بعدك…يمه يمه

اااه…
جرح فگدك كتلني
هوه هدني ولچمني
شلع گلبي وهضمني

اااه…
على عيونك سؤالي
سهر عشت الليالي
عطر منك بقالي

ما ميته؟__من رحت متت
كل يومي__بلدمع صرت
اسهرلك؟__ونطر الصبح
بخبارك__لحضه ما هدت

يحسين يحسين يمُه يمه…
١___

عشت الليالي بدونك…يمه يمه
ما عندي غير اعيونك…يمه يمه

اااه…
انته؟؟ لون الترافه
وسهم صابك حسافه
بعدْ روحك مسافه

اااه…
حگي أبچي ونوحن
بدونك ما  اعيشن
هواي احسلي اموتن

وين امشي__والجرح عذاب
مو انته؟__اليحضنة التراب
معقوله__تبقى  بلشمس
وبطولك__داير  المصاب

يحسين يحسين يمه يمه..
٢____

يوميه اموتن موته…يمه يمه
حسين الرمح تابوته…يمه يمه

اااه…
ياهو مثله بغربته
سكته صارت ذبحته
ونزف دمه ومهجته

اااه…
ضامي ذبحو جماله
من اهله محد بقاله
حگه؟ بچيّ الثكاله

ضل نايم__ما حصل دفن
متعوب__وگلبه ضل يون
عطشان؟__وما بقت هله
من جرحه__ماكو بلزمن

يحسين يحسين يمه يمه…
٣__

زينب اجت تشكيلي…يمه يمه
صار بسبي كل ليلي…يمه يمه

اااه…
يمُه رحنه سبايه
وعفنه اهلنه ضمايه
هذا جرح النهايه

اااه…
يمُه شام الخذاني
بهزله أخر زماني
جيت اموت بمكاني

وحسينچ__راسه علرمح
شما نبچي__جرحه يتضح
بعيونه__مبين الهضم
ماترهم__انسبي الصبح

يحسين يحسين يمه يمه…
٤__

ردن الضعن بس خالي…يمه يمه
مابي گمر؟ لا والي…يمه يمه

اااه…
گلبي يركض سبگني
وعشت لحضة تمْني
دموعي چنهن عمني

اااه…
هسه اشوفه ونادي
ويگضي ليلي وسوادي
وأنهي جرحي وحدادي

من گالو__انته منذبح
موتني؟__ل ينعى بلجرح
مذبوح__وباقي بلشمس
عطشان__وساگي مايصح

يحسين يحسين يمه يمه…
٥_____

✍️محسن الباوي

اللهم عجل لوليك الفرج

لحن القصيدة 👇

عن الأعمش قال: «دخلتُ على الإمام زين العابدين عليّ بن الحسين(عليه السّلام) في الثالث عشر من جمادى الآخرة، وكان يوم جمعة، فدخل الفضلُ بنُ العبّاس وهو باكٍ حزين، يقول له: لقد ماتتْ جَدّتي أمُّ البنين».

صوت الونين انخمد...
ولا ونة..( يُمه) بعد.... لأم الگمر تنسمع

گام العليل ابعجل
الماظله ناس وأهل..... خانگته عبرة دمع

شاف أم الگمر بدموع المصاب
ميتة وعينها مشبوحة عالباب
ماذيها اشكثر يا فگد الاحباب

الله يدري .... ابحزنها ...وعذاب المصيبة
فارگوها...... .. وگلبها....... تسلب حبيبه
مثل زينب........وحيدة ...تموت وغريبة

آه... يا أم البنين... آه يا أم البنين...

بگلب العليل اشجره..؟!
يم چدته الطاهرة .... واليا مصيبة رحل..

من رد ظعن منكسر
ولمة أصبحوا يم بِشر.. وجم سائل الي سأل

ومو مثل الخلگ صد لأم البْنين
اجت تتعثر بآهات الونين
تنادي يا بشر، شخبار الحسين..

الليلة، ماتت...... يويلي....بألم وبمواجع
أتريد ابنها ... ... تشوفه...يناس التنازع
( يُمه) محد..... يگلها.....وينشف المدامع
====================
انهد گلبه حيل الفضل
ودمعه عليها يهل..... يا هي التباري بعد؟

الظل عالنهر والده
فاگد أعز فاگدة ..... گلبه يناس انمرد...

عفتيني وحيد، اينادي بدموع
بعد منهو الي ، يحاچيها ويلوع
شمعتج وانطفت... شتفيد الشموع!!

يل مشيتي.... اشبقالي ... يبعد النواظر
اشذنبي جدّه... زغير.... واصير انا حاير
خل اسمعج..... تونّي..... عله الداسه حافر
=========================
ينادي يتيم الگمر...
بدمعة عذاب وقهر .... ام البنين المشت

يل جان الچ كل وكت
ونة اعله عمتي تفت.... بديرة شماتة، صفت

مو كل ليلة تنعين اعله الخيام
وعله عمتي الغريبة الماتت ابشام
اگعدي انعيلي، چده. وزيدلي الالام

ليلة ليلة... ونينج ...... يزينب غريبة
وين اهلنه....ابخرابة..... گلبها نحيبه
فكي عينچ..... حنانچ.... ذبحني مغيبه
====================
ياهو الذي اتمنته...
يحضرها وبعبرته .... يجري المدامع دمه

راعي العلم لو علي؟!
وتگله يم كل هلي.... خليني يم فاطمة

ويم رجل الحسن نزلني بهداي
اخاف الجم جروح اسهامه الهواي
وعَلَي لحد يرش فوگ الگبر ماي

عندي ظامي...... تلوه ..العطش والي جبده
تلث ليالي ..... ابجروحه... يعوفونه وحدة
امنيتي يمه....... وانوحن ..... واموت انا عنده

قاسم المالكي

**غريبه.
غريبه ماتت أم حسن

حال الألم ما يوصله الشاعر وآن. يكتب جرح
والرايد يوصف الجره والما جرى. بذاك الصبح
كون القصيده التنكتب وي كل حرف. يشتم حرگ
يتنفس اللوعه
ويحس.يتملكه. احساس الذبح

جرب تعايش ذيچ الضروف
هدوا عليها اوعيشوها خوف
بزهرت محمد ضاگ الفضى
لا والهضمها سطر الچفوف

المصيبه
كون تحچيها المصيبه. المصيبه
الحبيبه
وسولفنه اعله الحبيبه. الحبيبه
نـــهيبه
بدار حيدر يا نهيبه. نهيبه

هضمها.
هضمها الگايل وآن
غريبه.
غريبه ماتت أم حسن
ـــــــــــــــــــــــ١

غوص بمعق وبمعرفه. ليش الجرى. بنت النبي
احچي ابلسان الينفهم. خل يفهمك شاب وصبي
عدنه السناين ثابته. ما بيها ابد. تنطگ مره
چا سنت الطگ والحرگ.مو للعرب. سنة بغي

سولف عليهم اهل الرياء
الچانو صحابه صارو بلاء
علنو حربهم لهل العفاف
وثبتو سنينه لطف كربلاء

حريمه
تضّم لسوالف حريمه. حريمه
جريمه
وتسكتلهم هم جريمه. جريمه
هضيمه
قصة الزهرا هضيمه.هضيمه

سطرها.
سطرها وازرگ الچفن

غريبه.
غريبه ماتت أم حسن
ــــــــــــــــــــــــــــــ٢**

**كشف الحقيقه الغامضه. تريد الذي. دينه صلب
لتهم أبـــــــد بالينتقد.ولا  همك.ابكسب المحب
تدري ضريبة فاطمه. عصر وكسر. وگعت طفل
موقفها يسوى لحيدرا. عن الولايه. دمها صب

تعرف بمقامه ابين الوجود
يسوى المواقف زود ع زود
لعين  الولايه قدمت نذور
انطت عمرها ومحسن شهود

غضبها.
غضب الله من غضبها. غضبها
بضلعها.
ماتت ارضوض ابضلعها.. بضلعها
عمرها.
بعمر ١٨ ورده عمرها.. عمرها

لذكرها..
لذكرها دايم الحزن
غريبه.
غريبه ماتت أم حسن
ــــــــــــــــــــــــــ**٣

**أجمل شعور الينكتب. لمن تعيش. انته الكسر
وليلطم اعيونه يحس.يا لوعه عاشت. يا جمر
الرايد يواسي فاطمه. لا يبخل. ابدگ الصدر
هاي الشفيعه الناجيه.ماكو عذر. يوم الحشر

خلها تشوفك وبكل عزاء
أسمع نعاوي واسمع رثاء
عيش المصيبه وعضّم الاجر
وصرخ دخيلچ يـمه زهراء

مجالس.
كون تحيها المجالس. المجالس
مدارس.
للــــــزلم هايه مدارس. مدارس
عوابس.
مصنع لكل العوابس. العوابس

خسرها.
خسرها الگلبه مايحن
غريبه.
غريبه ماتت ام حسن
ـــــــــــــــــــــــــــــ٤
ياسر الزيادي**

اللحن 👇

وصية مولاتي الزهراء ع
لمولاي علي ع قبل الاستشهاد

شرب حسين بثوابي اميه .

…………………………………..
بالي يمك والطريح يريد والي
ياعلي كلفه الشماته تشوف حالي
ادفني مثل الشمعه من تدفن ضواها
لا تخلي الگمره تلمح من خيالي

انه اريد اجنازتي مابيها صوت
ترضه ماترضه عَليّ هوَه انه اموت

وبيدك تهيل التراب اعليه
شرب حسين بثوابي اميه

…………………………………..
كوي حيلك بعد موتي وابقى كابر
لملم ادموعك وروحك بيها سافر
حسين محتازك اذا بيك اله عونه
روح للطف وشيل من عنده الحوافر

ادري بيك التعب واصل يم گفاك
بس حلات حسين من يوگف وراك

حتى ماتنطگ بعد علويه
شرب حسين بثوابي اميه

…………………………………..
ادفني من يوصل ضلام الليل وكته
ووصي الحسين بغيابي يعاون اخته
تميل دنياها وتطب الديره غربه
متون زرگه وعين حمره وجثه ميته

باچر مشامر حچي مشامر احجار
تصير كلفه الخطوه للساحگله نار

يضل اثر بالگاع للمچويه
شرب حسين بثوابي اميه

…………………………………..
الغربه تاكل اثر زينب لو عفتهه
بيّن الخوف اعله بنتك من شفتهه
چنها چاي تكلي يمه الموت راحه
لأن سطرت عينها هم هاي اختهه

ثنينه بسطرت اعبون نطيح ليش
تگلي يمه بهيج دنيا شلون اعيش

باچر يگلولهه المسبيه
شرب حسين بثوابي اميه

…………………………………..
عباس القلعاوي
اللحن👇

كُلما تَنفَّسَـت تألَمـت !
‏اللّهُمَّ عَجِّل لِوَليِّكَ الفَرَج بِحقِّ الزَّهْرَّاء

#مولاتي_الزهراء_تخاطب_مولاي
#المحسن_صلوات_الله_عليه

يمه وليدي . الماناغيته من اولهه اسباب
يمه وليدي . زغير بعده شمالك يلباب

يمه يا يمه . يمه يا يمه
……………………………………………
ماچني خلفت اشكثر چن هذا الوحيد
لو باقي يل محسن الي عندي الوكت عيد
چا هسه كبران الولد يوكفلي بالباب
كسرة اخوانك بينت مثل التجاعيد

رسم ارسمك تجيني
وتمسحك اجفوف اديني
بـلا وعـي بلايه عيـني
بقـت خليه سنـيني

يمه وليدي . بكاروكك ضل بس عطاب
يمه وليدي . زغير بعده شمالك يلباب

يمه يا يمه . يمه يا يمه

……………………………………………
يا موت اليرجعك بعد دلوني بيه وين
چا عود اريدك للكبر تچايه لـ حسين
وهم توكف لزينب ستر وتصد العيون
بنياني يكبر بالوكت اوتهدمه الاسنين

اه يا ضوانه الي ضاوي
كاروكه ضل للنعاوي
مثل الجذع گلبي داوي
وجّرت گلب العلاوي

يمه وليدي . مثل امصابك ماكو امصاب
يمه وليدي . زغير بعده شمالك يلباب

يمه يا يمه . يمه يا يمه

……………………………………………
يابـرز كعدتنه الجـره اذانــي واذاك
موت الحبايب مو حلو بس يحله وياك
انه امك وحصتي السطر تشبهني ام عون
باجر يطكوهه الغرب وتفز الافلاك

اتعّب تره الغاضريه
ردتك لخيتك حميه
مادري باب الرزيه
يعصرني بين المنيه

يمه وليدي . كل هذا وما طاح الجلباب
يمه وليدي . زغير بعده شمالك يلباب

يمه يايمه . يمه يايمه

……………………………………………
گلب امك محمل حجي مومالت اعتاب
شيصير لو يطلع حلم وماطايح الباب
مكسور ابوك وبالدمع غرگهه الاردان
التوكفله دنيه محزمه لو اسمه ينجاب

حتى بخياله انكساره
تشيّب الگلب هل عباره
بس اله تلوگ الكباره
هاي العلي اول خساره

يمه وليدي . طاريك مو هين ينجاب
يمه وليدي . زغير بعده شمالك يلباب

يمه يايمه . يمه يايمه

……………………………………………
عباس القلعاوي
اللحن 👇

ييمه عيوني تصب من دمه اعليج
اجونه بحطب يمه حركوهن ايديج
شسوي حرت ما عرف يمه محتار
الدمع من دمه يمه لازم أنه ابجيج

ييمه كلبي انفجع ..و احس من صدري طلع
ويمج ينحب.. يمه يمه
الحسين اسمي ومبتلي .. يحير بدمعي علي
لو وي زينب.. يمه يمه
الحضن جا وين الحضن .. اكلني يمه الحزن
وباقي اتعذب.. يمه يمه

يماي الروح يبست رادت الماي
وشيسكتني لو مو طولج وياي
من دم تبجي يمه تصير عيناي

………..@

اجيلج يريت بكلب شاجر ونوح
اذا متي انتي الحسين المن يروح
اضيع وعيونج اذا رحتي يمه
اكعدي ييمه ودشوفيني مجروح

انجرحت بكلبي لأن .. افارك ام الحسن
وابقه ميتم.. يمه يمه
مشت عمر ١٨ .. كلبها بهمها انخمش
وضل يتثلم.. يمه يمه
ييمه حسين انهضم .. تركتي ايتام وحرم
وكلشي اتلعثم.. يمه يمه

ييمه البيت ما ينطب بدونج
محتاجج تريديلي عيونج
التهضمني اون وانتي بسكوتج

…………@

يماي العيون انتي فتحي عيونج
وحكج تره صعبه اعيشن بدونج
ييمه الكلب ماهده ولا سكت دوم
انخطف لوني لنه انخطف يمه لونج

ييمه وداعج كسر.. وصعب يرهمله جبر
كسري يكبر.. يمه يمه
ييمه والله الهضم.. اعيش وماعندي ام
بُعدج ينحر.. يمه يمه
اذا ما كمتي الي .. اموتن يمه وعلي
وابقه اتحير.. يمه يمه

اذا ماكمتي الي شيصير بيه
خوف وقلق يلتمن عليه
اطش دموعي فوكج بثنين اديه

………@

اذا رحتي اريدن تغمضلي عيني
اذا عيش بعد يمه عاشر يجيني
واموتن قهر لو شفت زينب اختي
امن الخيام تفر وانه اموت بحنيني

تنادي عالتل صعب.. الخيامك طبت غرب
الحك ليه.. يمه يمه
ستر اهل الله طلع.. تشوف الوالي وكع
وكلهن بيه .. يمه يمه
على الكاع ابقه اون.. وانادي بصوت الحزن
عوفو ارقيه.. يمه يمه

يخويه الكوم طبت للخيم ليش
بالخيام العدو والخيل والجيش
وأنه حرمه اردهم خويه جا بيش

……@

محمد عيسى المنصوري
اللحن 👇