У 74 гады яна памяняла мужа?

Легендарная самка лайсанскага альбатроса Уіздам (англ. Wisdom - мудрасць) лічыцца найстарэйшай вядомай птушкай у свеце. Яна не гнездавалася на працягу чатырох гадоў - з таго часу, як знік яе партнёр Акеакамаі (з гавайскай - "аматар мудрасці"). Яны былі разам з 2010 года.

Гэтай восенню, як і кожны год, Уіздам вярнулася для размнажэння на гавайскі атол Мідуэй, але Акеакамаі так і не з’явіўся. Верагодна, ён загінуў.?

І на гэты раз 74-гадовая Уіздам знайшла новага партнёра і адклала першае за 4 гады яйка.?

Звычайна лайсанскія альбатросы жывуць 12-40 гадоў.

Усяго за сваё жыццё Уіздам знесла каля 60 яек і выгадавала больш за 30 птушанят.?

Малюнак з групы Green Humour, Facebook.
#дзікіфакт #птушкажарт

? Каўкі (галки) – звычайныя ў гарадах птушкі. Узімку яны часта сустракаюцца побач са сваякамі – шэрымі варонамі і гракамі, асабліва падчас кармлення, начлегу і ў зімовых чародах.

Здаецца, што і вароны, і гракі, і каўкі аднолькава каркаюць. Але каўкі не каркаюць, як гракі ці вароны, а “каўкаюць” – адсюль і беларуская назва птушкі. Яны даволі крыклівыя, і часта можна пачуць іх гучнае “каў-каў” і болей мяккае “чак”.

А ты адрозніваеш голас кавак?

? Дзякуем за фота Іне Шкурко, Andrey Yu, Аляксандры Кудзінавай, Віталю Некрашэвічу, Лізавеце К.

#галасыптушак

Святы набліжаюцца, і многія запасаюцца петардамі і феерверкамі.

Мы з птушкай 2024 года заклікаем цябе наогул не купляць іх. ?

? Выбухі – стрэс для дзікіх птушак. Петарды і ракеты запускаюць звычайна позна ўвечары і ўначы, калі цёмна. Большасць птушак спіць у гэты час. Калі пачынаюцца выбухі, чароды ўздымаюцца, але кепска арыентуюцца і могуць разбіцца аб будынкі.

? Церпяць ад выбухаў і свойскія жывёлы, і іх гаспадары. Шмат сабак збягаюць і губляюцца кожны год менавіта падчас зімовых святаў.

Калі піратэхніка ўжо закуплена і хочацца пастраляць ёй, лепш адысці далей ад дрэў і ад пустак з бур’янам, дзе могуць спаць дзікія птушкі, а зрабіць гэта недзе на асфальтавых плошчах ці заснежаных палях, дзе іх няма.

Калі ласка, дбай пра дзікіх і свойскіх жывёл, якія жывуць побач! ❤️

? Дзякуем за фота шэрай вароны Валеру Пясецкаму.

Аматары грыбоў, гэта для вас! Мы спецыяльна чакалі з гэтай лекцыяй, бо жнівень і верасень былі вельмі сухія. Кастрычнік нарэшце радуе прахалодай і багаццем грыбоў у лесе. А ці добра ты разбіраешся ў іх?

? Запрашаем на анлайн-лекцыю "О грибах — как их отличать, где какие растут, как влияют на биоценоз и просто интересные факты".

Наш лектар – Таццяна Шабашова, вельмі класны міколаг, загадчыца лабараторыі Інстытута эксперыментальнай батанікі НАН Беларусі.

❓ Як уладкаваныя грыбы і навошта яны трэба?
❓ Чаму баравікі не растуць на дачы – і ці можна іх вырасціць?
❓ Таямнічае жыццё грыбоў: размнажэнне – не ўсё так проста…
❓ Якія грыбы растуць у лесе?

На гэтыя і іншыя пытанні Таццяна адкажа падчас лекцыі. У канцы лекцыі ты зможаш задаць Таццяне свае пытанні. Лекцыя пройдзе ў чацвер 10 кастрычніка а 19:00, працягласць каля 2 гадзін.

Лекцыя закрытая! ? Каб трапіць на яе, далучайся да “Дзікага клуба”.
Далучыўшыся, ты атрымаеш яшчэ запісы іншых крутых лекцый, якія прайшлі сёлета: пра запаведнікі і нацпаркі, пра міграцыю нашых птушак, пра дзённых драпежных птушак, пра птушак у міфалогіі беларусаў, пра 10 птушак-рэкардсменаў Беларусі і пра лясныя таямніцы.

Сёлета наперадзе ў клубе пройдзе яшчэ некалькі лекцый, на якіх ты зможаш прысутнічаць анлайн.

Увесь прыбытак ад Дзікага клуба ідзе на ахову прыроды Беларусі, і мы разлічваем на тваю падтрымку! ❤️

А ты ўжо пачаў_ла грыбны сезон сёлета, як улоў?

Ноч кажаноў у Мінску!

? Ці шмат ты ведаеш пра гэтых таямнічых звяроў? А можа, тое, што ты ведаеш – міф?

Запрашаем на лекцыю пра кажаноў ад сапраўднага хіраптэролага, старшага навуковага супрацоўніка НАН Беларусі Аляксея Шпака. Гутарка будзе на тэму “Фантастический мир рукокрылых”.

? Калі: у гэтую пятніцу 11 кастрычніка а 15:20.
? Дзе: біялагічны факультэт БДУ, вул. Курчатава, 10.

Уваход вольны, але трэба папярэдне зарэгістравацца. Пры сабе мець пасведчанне асобы.

? Спяшайся: рэгістрацыя адкрыта да 9 кастрычніка ўключна.

Падборка самага цікавага за верасень

? Птушка года: убачыш, як вароны ці іншыя крумкачовыя птушкі паводзяцца з грэцкімі арэхамі, дасылай свае назіранні ў чат @ptushkahoda.
Варажба на варонах – што чакае цябе ў найбліжэйшай будучыні

? Дзікі факт: эксперымент з сойкамі – наколькі ў іх добрая візуальная памяць?
Як палююць чорныя буслы

? Ідзе восеньская міграцыя: як зрабіць свае вокны заўважнымі для птушак

?️ Важныя кліматычныя навіны: загінулі тысячы ластавак – прычым тут змены клімату?
Як дзікія рэкі абараняюць ад паводак

? Дзікія экспедыцыі: які раён у Беларусі самы барсучыны

? Актыўнасці: дапамажы выбраць расліну 2025 года. Запрашаем усіх на восеньскі чэмпіянат па фотабёрдынгу (ужо ў гэтую суботу!)

У пачатку верасня мы правялі 21-ы чэмпіянат па спартыўнай арніталогіі BirdRace-2024. А яшчэ выпусцілі чарговы дроп дзікага мерчу з белым буслом. Дзякуем усім пакупнікам мерчу! Пасылачкі ўжо едуць да вас. Кожная пакупка – гэта падтрымка нашай дзейнасці па ахове дзікай прыроды Беларусі.

Як яшчэ можна нас падтрымаць: набыць сабе ці ў падарунак крутыя размалёўкі-энцыклапедыі з птушкамі ад арнітолагаў, кубкі, бутэлькі і значкі-піны з птушкамі, атлас-вызначальнік кветкавых раслін. Падрабязней на сайце. Stay wild! ?