‏صونوا احاسيس الرجال العفيفة
من الكلام اللي يكدّر صفا البال .!
لاتنشدون العاطل من الوظيفة
ولاتنشدون المنحرم جاء لك عيال .!

العقل نعمه والجهل منحدر جرف..
والطيب طيب ولو غدا اللاش حوله..

نطيب لو سوى بنا طيبنا السُرف..
وردى الردي ما ننشده ويشهو له ؟

يامـا تظاهرنـا بالعمى وحنـا نشوف
‏ويـاما دمحنا ردى ومشيـنا…
‏لاتـحسب انـا اذا تـجاهلنـا ضعوف
‏حنا على رد الردى ماتربينــا …

الوقت غربة وأخر الدروب عنوان
والعمر رحلة والتجارب رحايل
وانا كثر مالي من الناس خلان
اللي صفولي بالشدائد قلايل
مرات ربك يرزقك أخوة انسان
واحد ويسوى في عيونك قبايل

ابتسم واجعل الدنيا معك تبتسم
وانسى همومك لو انها ضايمة
الدنيا لابد تأخذ من رحاها قسم
لاحزن مستمر ولاسعادة دايمة

‏نطنخ ولا نحسب حسـاب الورانــا
‏اللي وقف بالخلف يبقا لنـا خلــف
‏حـــنا بـيارق عــزنــا فــي سمـانــا
‏موالفيـن العـز يــاصـاحبـي ولــف

اخـذ النصيحة لا تخلي صلاتك
احـرص عليها قبل ينقال مرحوم
اجمع حصيلك قبل موعد مماتك
الموت لا من جاك ماعاد لك يـوم"..

لـيتـهـا تـرجع من اعوام لحظات
لحظات كـانت بـ الـفـرح تحتوينا
وليتها ترجع على الـوجه بسـمـات
بسمات تخفي لـمحة الضيق فـينا

يا صـدر لا ضـاقـت عليك الوسيعه
ترى فجـوج الارض للمسلم وسـاع
دام الجروح اللي سطت بك شنيعه
ديره بدل ديره — وقـاع بدل قـاع .

العمـــر رحــله واللـــيالي مشـــاوير
‏وايامـــنا مـــا بـــين رايــــح وراجـع
‏والصمت ماله بعض الاحيان تفسير
‏الا انه اصـــدق مـــن يمـر المواجـع