Ўзбекистон Республикаси Президенти ҳузуридаги Давлат хизматини ривожлантириш агентлиги, Республика Маънавият ва маърифат маркази ҳамда Ўзбекистон маҳаллалари уюшмаси ҳамкорлигида ҳафтанинг ҳар жума куни вилоятлар ва шунингдек, барча шаҳар ва туманлар ҳокимликлари масъул ходимлари учун сиёсий маърифат соати мунтазам ташкил этиб келинмоқда.

Сиёсий маърифат соатининг бугун навбатдаги сабоғида давлат фуқаролик хизматчиларига якунланаётган ҳафтада юртимиз сиёсий–ижтимоий ҳаётида рўй берган долзарб воқеа-ҳодисалар ва янгиликлар ҳақида атрофлича ахборот берилди.

Хусусан, сиёсий-маърифат соатида ҳозир бўлган давлат хизматчилари учун мамлакатимиз ижтимоий-сиёсий, маданий ҳаёти ва жаҳон янгиликлари, “Жадид” газетасида давлат ва жамоат арбобларининг долзарб мавзудаги мақолалари анонси атрофлича таништирилди.

Шунингдек, сиёсий маърифат соати мундарижасидан ўрин олган “M-дайжест”да республика Маънавият ва маърифат марказининг янгиликлари, “Маҳалладан гапирамиз” рукнида эса маҳаллалар ҳаётида юз бераётган янгилик ва ўзгаришлар тўғрисида сўз борди.

Худди шундай, давлат хизматчилари касб этикаси — дресс-кодлар, иш жойи, хизмат пайтида кийиниш ва ўзни тутиш, жамоатчилик билан муомала маданияти ҳақида батафсил маълумотга эга бўлдилар.

Сабоқнинг доимий “Мутолаа” рукнида давлат хизматчилари “Бормисан?” — муваффақиятли ҳаёт учун тавсиялар китоби мутолаасига чорланди.

Вилоят ҳокимлиги матбуот хизмати

Buxoro.uz | Facebook | Instagram | YouTube