Next Level

Երբ խմում եմ էրկու բաժակ ու ծխում
Երկիր Հայոց նմանվում ես փարոսի
Թեկուզ փայլող պաստառներին օբեկտի
Պատկերված ա դեմքը մեռած հերոսի

Նայումա ա ինձ իր հայացքով կատաղի
Ասում ապեր խի՞ ես էդքան դու հարիֆ
Հմիկվանից որ հաքել ես արաղի
Առավոտը քշելու ես հեծանիվ

Ու երբ բերին նոր շշերը բելուգի
Ասի ախպեր մեռնեմել քո Աստծուն
Ինչքա էլ որ նկարդ ինձ քլնգի
Կե’ցցե մինչև էստեղ հասած իմ հեծոն

Գնոստիկ բալադ

Ես չդարձա բազառ փագող
Ոչ էլ քուչում անուն հանած
Մթոմ էղա վավերագրող
Նկարեցի մարդկանց հարբած

Ու նրանցից մեկն ինձ ասաց
Երբ բացել էր մի թարմ բութուլ
Կոշտ բաժակը վերև պարզած
Թափով վեկալ էսի կուլ տուր

Ու կայֆից էր անժամակ
Թե խոր լոքշից գլխաքուն
Լրջի տված առանց հանաք
Մենք քայլեցինք նրա տուն

Բացեց քացով նեղ դուռը տան
Ասես գիտեր նրան մանկուց
Բարի գալուստ Նոյան տապան
Հեռու փողոց Ակսել Բակունց

Ասես մի հին կյանքի գիտակ
Ճկուն ինչպես գող կզաքիս
Նա իջեցրեց դեմքին դիմակ
Ու դանակը դրեց բգիս

Ասաց ապար կարդացե՞լ ես
Պատմությունն Իսահակի
Եթե հմի գառ չդառնաս
Արևելքը կտրաքի

Ես չբռնի խորհուդն այդ խոր
Ու մնացի անշարժ կանգնած
Սողոմոն էր նա թագավոր
Որ ստացավ չանին հարված

Լայն աչքերին իջավ մշուշ
Գլորվեց ցած մատանին
Լավդ քունեմ Պստիկ Բուշ
Խի՞ խփեցիր Սադամին

Դպրոց

Դու էղելենս Վիլայեթ
Խանություն ու Գուբերնիա
Տեսել քոթակ ու պլետ
Իմ փառապանծ Արմենիա

Էս ամենը չի դադարել
Ու տեղ տեղա ջրվել հողով
Վարչապետը չի կատակել
Երբ ասելա ժողս դուխով

Տենց էր ասում քուչի մեծը
Հենց ժամո էին մեզ անում
Երբ ուտում էինք մեր փայ ծեծը
Եսիմ ուր էր վերանում

Ու քանի որ էս ամենը
Չի դադարում արդեն վաղուց
Արի եղբայր ընդամենը
Զանգեզուրով բացենք նեղուց

Կանցնեն բոլոր նավերը լեն
Մեր դարավոր քթի տակով
Ու կգնա դասի Մոնթեն
Դոմբաս իր նոր ուսապարկով

Հացի խնդիր
Էստեղ հաց ապեր
Էստեղ էլ դու կաց
Կունենաս կապեր
Պեռաշկի ու քաձ

Բայց եթե մարդես
Չգծվավ մի բան
Արագ կփաթթես
Կիջնես Հորդանան

Մեր տեր Հիսուսի
Երկրինա շատ շոգ
Բայց հետդ վերձրու
Մայկա խալադոկ

Ու երբ հով քայլես
Երկրով ավետյաց
Հիշի որ հայես
Քո հետա Աստված

Զորավարի երազը

Ասում են թե Կարսի բերդում ՝
Կռվողների աչքի առաջ ,
Զորավարը տվեց երդում ՝
Չի լինելու ոչ մի նահանջ,

Բայց փակվելով իր սենյակում
Ջոկեց ՝ շատա համը հանել ,
Խմեց ծանր վիսկին կում-կում՝
Մանր - մանր սկսեց հանգել ,

Իսկ երբ զարթնեց խորը քնից
Բերդն ուրիշ էր թվում արդեն,
Ու կախված էր դեմի պատից՝
Բարի գալուստ Սովետաշեն ։

ԽՂՃԻ ԽԱՅԹ
Միզարձակումը միակ հաճույքն է որից հետո խիղճդ չի տանջում ։
Է.Կանտ

Նախկին ներկա ապագա
Կյանքն էսա մեր եռանիշ
Նախ կին հետո ագառկա
Գինի պլան ու հաշիշ

Ու էդ հլը Կանտնա գրել
Որ շռելնա կայֆը միակ
Ու էն մարդնա կյանքը կրել
Ով էդպեսա դառձել դիակ

Փրկչին սպասելիս

Նա սիրում էի total war
Warcraft ու Կազակի
Ինձ ասում էին բիթիա
Կրվեց նավսիակի
Որ խափսը տա
Ու հետո
Կռուպնի շպրտի
Ինչքան տեղ ունես
Ընկեր
Դու էլ կտտի
Թե չէ մի օր կջոգես
Վսյո ջրվելա սաղ
Կոդեն հավքում
Ծիխարի
Թե նիհար թե չաղ
Բայց քանի որ նա
Մանկուց
Չի ունեցել կոմպ
Առաջի խափսը նրա
Դարձավ արշավանք
Ընտրեց երկիր ծիխարի
Փոքրիկ Armenia
Ու առանց բան ասելու
Մկնիկի ուժով
Հելավ հասավ Կաստիլյա
Ինքնել ուժեղ զարմացավ
Թե ոնց էդ սաղ գրավեց
Ու բոլորվ միասին
Գոռացինք
Պիզդեցցցցցցցցցց
Էդ օրվանից
Մինչ էսօր
Մենք հիշում ենք Ճմբոյին
Որպես հզոր ստրատեգ
Անպարտ մարտիկ
Թև շահեց գրին քարտ
Ու գնաց հեռու
Համոզված ենք
Երկիրն էս
Ճմբնա փրկելու
Ու հիմա ինչ- որ հեռվում
Հովտում սիլիկոնյան
Ասումեն կոդա գրում
Control Z for
Armenians.

Անկախության երգը

Դուք չեք ներել լավ տղեքին
Ու նույնիսկ վատերն
Սաղին կերելեք հերթով
Ու ցռել եք պատերին

Էդ պառճառով ես չեմ ասի
Թե ումից եմ էղել անկախ
Մարդես ինձել որ չմարսի
Սովածացած ինչ-որ չաթլախ

Երաժշտական վերջաբան

Ես ծխեցի մի լավ հաշիշ
Իմ պաշտելի սրբազան ,
Վրից երկու Պինոյի շիշ,
Հետո շոթեր զանազան։

Ու էն պահին երբ արդեն
Որոշել էի գալ քեզ մոտ,
Ճամփես կտրեց երգիչ Անդրեն.
Ասեց գուսան, քա՛շի տորթ։

Ջոկի արագ, որ բեսնա հենց
Հելել հատուկ ինձ փորձելու.
Քաղցրա ձգում սրտը քո մեծ
Նույնիսկ առանց ծխելու ։

Չխառնվա իրար հայր սուրբ՝
Դրի ուղիղ չանի տակ,
Վերցնելով տորթը այդ նուրբ՝
Ոտ-ոտ հասա հրապարակ:

Բայց չգտա քեզ էլ այնտեղ ,
Ոչ հարթակ կար՝ոչ դինամիկ,
Շատրվանն էր երգում ահեղ,
Գլյադատոր ու Տիտանիկ։

GTA
Եկել եմ նորից սրճարան
Վերցրել փարիզյան հինգ,
Օրը ձգվեց ասես պարան,
Դինամիկը երգեց Սթինգ։

Ու ի՞նչ է պետք թվում է թե՝
Սաղ գծվումա հարմարով,
Ճիշտա չեղա մի նոր Դանթե,
Բայց խոմ ունեմ Մակարով:

Ու թե լինեի կարքին տղա
Կրակել էի սաղիդ վաղուց ,
Չէ որ կյանքն էլ ջի թի այա
Ուր հոգնում ես ման գալուց։