**هوسات رباط لولادة بدر البدورالمنتظر عج

بدت روحي يوادم بالعشگ تسرح
وللموعود گامت بالـــفرح  تشــرح
حته الليل عيــّـــد وابيض اتوشح

((ونجــــــوم اسمانه اتغنيله))

أفرح يالمحب حاان الفرح حــــااان
مولود انولد بخمس طعش شعبـان
راعي الغيره اجاها وفرحت الاكوان

((وشمس الله تغازل بعيونه))

حرت شكتب يمهدي وحارت الافكار
ردت اوصف جـــمالك والعـگل حااار
جميل هواي يوسف من جــمالك غار
((من نورك مشتقه انواره))

غالي انته عليه واغله من غــــالي
ويدگ اعليك حيل اب نبضه دلالـي
ويّاك الفرح والســـهره تــــــحلالي

((كون الله بوجك ضاويهه))
ـــــــــــــــــــــــــــــــــــــــــ
✍️ياسر الزيادي**

**شعبانيات
هوسات مواليد... لسيد الاحرار ابا عبدالله ص

الك الف الحمد لمن خلقت احسين
وكل شيعته صارو من هذاك الطين
ممنونين هواي الك ياربي ممنونين

اتفاخر طيني من احسيني

ــــــــــــــــــــــــــــــــ
چبيـــــر احسين دور تـــــــلگه البگده
الارض واهل الارض لاذو كلهم ابسده
منكر شنهي منكر باسم احسين اتحده

لعيون احسين يجلوني
ــــــــــــــــــــــــــــــــــــ

شحلات السالفه لو مرت بطرواك
رغم مالحضه ناسي حته هسه انساك
بس متعمد احسس كلمن الجافاك

وشنگله؟؟؟
مضمون مچانك ردلينه
ـــــــــــــــــــــــــــــــــــــــــــــ
✍️ياسر الزيادي**

**خروح ضعن الاحباب.. وترك طفله معلوله. في ديار الغربه

بقيت ابحيره..... هلي ليا ديره.....صفى منواكــم
ــــــــــــــــــــــــــــــــــــــــــــــــــــــ
حظرت هدمي وعلى راسي عـباتي
وي عبدالله ورقيــــــــه ويا حلاتي
گبالي صعدن بالضعن كلهن خواتي
وصوت اسمع ردي حطم امنيــاتي

صحت يابويه... وعبد ياخويه...صعب فرگاكم
ـــــــــــــــــــــــــــــــــــــــــــــــــــــــــــــــ
ودي اروح اوياهـم ابهاي المســـــــيره
صرت كل لحظه الوجه الهم اديــــــره
اچبير يابويه الهجر وانـــــــــي زغيره
حيرتي بعدك يبويه والله حــــــــــيره

يعذب روحي... يزيد اجروحي... يبويه اجفاكم
ـــــــــــــــــــــــــــــــــــــــــــــــــــــــــــــــــــــ
نحچي امس انه ورقيه سوالف ابنات
وچنت أگلها الدرب كله نخلصه شبگات
مادريت اصبح وحيده وأشبع اهات
من تبعت الضعن لهفه شبعت عثرات

عثرت ابثوبي...وره محبوبي.. ردت وياكم
ــــــــــــــــــــــــــــــــــــــــــــــــــــــــــــــ
يكون الله بعون كلمن فگــــــد غالي
همومه تصبح مثل ضـــلمات الليالي
فراگم والله كتلني وشغــــل بالـــــي
شفت عبدالله بحلم اشوى علحـــالي

سهم من كافر.. گماط ابحافر...هضمني الصابكم
ـــــــــــــــــــــــــــــــــــــــــــــــــــــــــــــ
بداري ضليت ودمعتي تجوي الخدود
وگلبي خايف خاف ابويه  بعد ميعود
صرت بجفاهم نحيله.  واشبه العوود
اثنينهن ليلي ونهاري أصبحن سوود

هلي گولولي.  مته تردولي. الگلب ناداكم
ــــــــــــــــــــــــــــــــــــــــــــــــــــــــــــ
تمت والحمدلله
خادم الزهراء ع
الملا ياسر الزيادي**

#لمولاي **القاسم أبن الامام موسى الكاظم عليهما السلام

ع لبن موسى دليلي اليوم..وجاار
لغربته والوكت والضــــلم..وجاار
سؤال الينشده اهله منين..وجااار

يخنگه اويوصل لحد المنيه

الجناسات

وجاار... حترق
وجااار.. الجوور
وجاار... الجار والمار والمستطرق
ــــــــــــــــــــــــــــــــــــــ

الزلمه الــــــزيِن معروف...ابسماته
شگد رغم الحزن حـــلوه...ابسماته
لجلــه الطير ضل يــنعه.... ابسماته

لمن غاب وجهه ع البريه

الجناسات
السيماء.. السجيّه
الأبتسامه. البشوشه
طيور السماء
ــــــــــــــــــــــــ
✍️ياسر الزيادي**

يازهراء مدد مولاتي...
فزاعيه... للزهراء ص... وترهم نعي?**

مو واحـد طلع عالباب/لا طلعـــو عشيره
ــــــــــــــــــــــــــــ

عمت عيني العزيزه حيل مابيها
من گد الطحن متعــــوبه ايديها
اندگ الباب گامت وعتـــنت ليها
مو واحد عشيره الفزعـو اعلــيها

وحدها وچثيره الناس/حارت ياخلگ حيره
ـــــــــــــــــــــــــــــــــــــــ

بس ما وصلت وحســتهم اغـراب
خافت حيل هــل لاذت وره الباب
شسوتلك يثـاني وشنهي الاسباب
ترفس بابهـــــــا رفست الطــلاب

ويتمرجل عليه الچان/ ناقص مرجله وغيره
ـــــــــــــــــــــــــــــــــــــــــــــــــــــ

ساعه برجله يرفس ساعه بــالأيد
يعصر حيل بيها وما رضه يهيــــد
كل همه الزچيه وهمه الــــــــوليد
يموتهم يـــريد وصـــــــــار اليريد

مو كاروك لا عالگاع/طاح وطيحته چبيره
ــــــــــــــــــــــــــــــــــــــــــــــــــــــ

دارك يا علي العدوان طبــــــــــوها
وحرگو بابـــــــــها وزهرتك طگوها
ما كــــفه الكسر عـــالعين سطروها
توّن من الوجع يـــــــا حيف خلوها

ثجيل الباب والزهراء/ما  تتحمل ازغيره
ــــــــــــــــــــــــــــــــــــــــــــ

يا نجار بابك ونتـــــه بي ادره
هــل بسمار ما همك أبـــد امره
تدري اشصار لمن عصرو الزهره
خله انفــــاسها تشهگها بالحسره

عاونهم عليها الباب/بجذوعه ومساميره
ـــــــــــــــــــــــــــــــــــــــــــــــــــــ

تمت بفضل ساداتي ص
خادم كسيرة الاضلاع
✍️ياسر الزيادي**

**غريبه.
غريبه ماتت أم حسن

حال الألم ما يوصله الشاعر وآن. يكتب جرح
والرايد يوصف الجره والما جرى. بذاك الصبح
كون القصيده التنكتب وي كل حرف. يشتم حرگ
يتنفس اللوعه
ويحس.يتملكه. احساس الذبح

جرب تعايش ذيچ الضروف
هدوا عليها اوعيشوها خوف
بزهرت محمد ضاگ الفضى
لا والهضمها سطر الچفوف

المصيبه
كون تحچيها المصيبه. المصيبه
الحبيبه
وسولفنه اعله الحبيبه. الحبيبه
نـــهيبه
بدار حيدر يا نهيبه. يا نهيبه

هضمها.
هضمها الگايل وآن
غريبه.
غريبه ماتت أم حسن
ـــــــــــــــــــــــ١

غوص بمعق وبمعرفه. ليش الجرى. بنت النبي
احچي ابلسان الينفهم. خل يفهمك شاب وصبي
عدنه السناين ثابته. ما بيها ابد. تنطگ مره
چا سنت الطگ والحرگ.مو للعرب. سنة بغي

سولف عليهم اهل الرياء
الچانو صحابه صارو بلاء
علنو حربهم لهل العفاف
وثبتو سنينه لطف كربلاء

حريمه
تضّم لسوالف حريمه. حريمه
جريمه
وتسكتلهم هم جريمه. جريمه
هضيمه
قصة الزهرا هضيمه.هضيمه

سطرها.
سطرها وازرگ الچفن

غريبه.
غريبه ماتت أم حسن
ــــــــــــــــــــــــــــــ٢**

**كشف الحقيقه الغامضه. تريد الذي. دينه صلب
لتهم أبـــــــد بالينتقد.ولا  همك.ابكسب المحب
تدري ضريبة فاطمه. عصر وكسر. وگعت طفل
موقفها يسوى لحيدرا. عن الولايه. دمها صب

تعرف بمقامه ابين الوجود
يسوى المواقف زود ع زود
لعين  الولايه قدمت نذور
انطت عمرها ومحسن شهود

لغضبها.
اليغضب الرب لغضبها. لغضبها
بضلعها.
ماتت ارضوض ابضلعها.. بضلعها
عمرها.
بعمر ١٨ ورده عمرها.. عمرها

لذكرها..
لذكرها دايم الحزن
غريبه.
غريبه ماتت أم حسن
ــــــــــــــــــــــــــ**٣

**أجمل شعور الينكتب. لمن تعيش. انته الكسر
وليلطم اعيونه يحس.يا لوعه عاشت. يا جمر
الرايد يواسي فاطمه. لا يبخل. ابدگ الصدر
هاي الشفيعه الناجيه.ماكو عذر. يوم الحشر

خلها تشوفك وبكل عزاء
أسمع نعاوي واسمع رثاء
عيش المصيبه وعضّم الاجر
وصرخ دخيلچ يـمه زهراء

مجالس.
كون تحيها المجالس. المجالس
مدارس.
للــــــزلم هايه مدارس. مدارس
عوابس.
مصنع لكل العوابس. العوابس

خسرها.
خسرها الگلبه مايحن
غريبه.
غريبه ماتت ام حسن
ـــــــــــــــــــــــــــــ٤
كلام
✍️ياسر الزيادي**

**عضم الله اجرك بويه ياصاحب زماني

گبال عينـــــــــه ويحتظر
يســــــــاعد اللـه المنتظر
أصعــب اوداع...يمهدي.. أصعب اوداع
ــــــــــــــــــــــــــــــــــــــــــــــــــــــــــ
گبال عينه العسكري بالســــــم گضـــــه
وسهم يچوي المهدي وبگلـــبه مضـــــه
متربــــه وتصـــــرخ اجتلـــــه الرافضـه
كــــــــل أرض سامره حزنت والفضــــه

ورق ميّوصف اوحبر
ياگلـب يحـــمل صبر
أصعب اوداع يمهدي... أصعب اوداع
ـــــــــــــــــــــــــــــــــــــــــــــــــــــــــــــ
وداع موت المهدي ودع والـــــــده
اوعله اخدود الورد سالت مو نــده
بعده شاب وغدت عينه مجعـــــده
حيل صعبه المهدي ضل ألـــــوحده

والــــــده ابسم انغـــــدر
حيل دگــــو اعله الصـدر
أصعب اوداع يمهدي.... أصعب اوداع
ـــــــــــــــــــــــــــــــــــــــــــــــــــــــــ
نزلت املاك السمه تواسي الــــــولي
الزهره تنعى وياهم وينحـــــب علي
ثگلت اهمومه وبعد مـــــــــا تنجلي
ينعى كل عمره بگى ودمعه يهلــــي

گلب مهدينه انفطـــــر
دمعه عالخد كالمطـــر
أصعب اوداع يمهدي....أصعب اوداع
ــــــــــــــــــــــــــــــــــــــــــــــــــــــــــــ
چم جرح بگليبه شايل چم قهــــــر
باب محسن والضلع طبره ونحـــــر
بذنه يدوي صوت خد من انســــطر
والجنين النار حرگتلــــه الظهــــــــر

عمـه محسن من وگع
عالوجـــه حـيل نرگع
أصعب اوداع يمهدي...اصعب اوداع
ـــــــــــــــــــــــــــــــــــــــــــــــــــــــــــــ
ايگطـــع ابچبـده يطاري كربلــــــه
من تمر ابـــــــدمعه ثــوبه يبللـــــه
والاشد شوغات عنده عمّته لمدللـه
تعثر برجليهه لمَن ركظـــوها بلفلـه

أخ يا ذاك الظهـــــــر
عالرمح راس الطهــر
أصعب اوداع يمهدي... اصعب اوداع
ــــــــــــــــــــــــــــــــــــــــــــــــــــــــــــــ
تمت بفضلهم ساداتي ص
خادم الزهراء ع
✍️ياسر الزيادي**

?هوسات للانصار
⚔️چتفوها بحبال القاده
✍️الشاعر.. ياسر الزيادي
?الملا.. احمد الزيادي
محرم الدموع
?سادس محرم.. الأنصااار

برمح عالي
الشاعر.. ياسر الزيادي
الملا.. ياسر الزيادي
محرم الدموع
ليلة عاشوراء محرم..

**(قصيده شوور)
أم البنين تنعى ضعن هاشم ص...
عنوان القصيده(ضعوون البخت)

ـــــــــــــــــــــ
دولبني الوكت وبحالتي اشسوه
اطلع من مصــــيبه وادخل ابلوه
أصبّر بالگلب والـــــروح بالـگوه
راح الحــــيل مني وبيش اتگوه

من حده.../ الحادي/ الحادي /الحادي
وشال /بولادي /بولادي/ بولادي
تگطع /افادي / افادي/افادي

يمه.....

أبعَد هالضعن
ودمعاتي اوگعن
نوگ الحملت
ما ضن يرجعن

يمُه... يايمُه حُسين
ــــــــــــــــــــــــــــــــــ
عافوني بحسرتي وما شفت راحه
ضاگت دنيتي وصـــاحبت النياحه
گلبـــي من يدگ دگـــــاته ذبــاحه
أشبه مــــــنكسر يتچـــه بصفاحه

لمــَــــن /عافوني/ عافوني /عافوني
أحس /يتموني/يتموني/يتموني
جمْر /بچوني/بچوني/بچوني

يُمه....
ضعون النوخت
شالت چم أخت
خبــــروها الهزل
فـــوگاها البخت

يمُه... يايمُه حُسين
ــــــــــــــــــــــــــــــــــــــــ
أنه ام اربعه مــا رايده امجازه
بس حگ الگلب شوغاته لعزازه
لزينب يالولد ضموها هل عازه
لگلبها المنكسر صيروله عكازه

وصيتي/حفضوها/حفضوها/حفضوها
الخيم/نصبوها /نصبوها/نصبوها/
بنيتي/حرسوها/حرسوها/حرسوها

يُمه....
خدم أنتم خدم
تحرسوها الخيم
أريد اب كــــربله
تبچــــــوها الزلم

يمُه... يايمُه حُسين
ــــــــــــــــــــــــــــــــــــــــ
من يوم المشو والغالي فارگته
ما لحضه غفيت وجفني طـابگته
من گد البـــــواچي دربي تيهتـــــه
ويهضم حيل والله يا بچي السكته

الشال/بعياله/بعياله/بعياله
الفرگه/چتاله/چتاله/چتاله
هسه/شحواله /شحواله /شحواله

يمه....
خل وياك اروح
چبيره ع الجروح
تدري لو أضل
أخلص عمري نوح

يمُه... يايمُه حُسين
ــــــــــــــــــــــــــــــــــــــــ
حگهن بال بواچي ذبلن اعيوني
مكسورة گلب ولوحدي خلوني
أبعدهم  زماني وهدل امتــوني
حگي من أنوحن لا تـــلوموني

هاجت /احزاني/احزاني/احزاني
تغيرت/الواني/الواني/الواني
حزني/عنواني/عنواني/عنواني

يمه.....
أنوح ألـــــــــوحدي
ونوحي ســـــــرمدي
أوگــــــــــف يا گلب
طبيبك ما يـــــــجي

يمُه... يايمُه حُسين
ــــــــــــــــــــــــــــــــــــــــ
تمت بفضلهم ص
خادم ام البنين ص
ياسر الزيادي**