**عضم الله اجرك بويه ياصاحب زماني

گبال عينـــــــــه ويحتظر
يســــــــاعد اللـه المنتظر
أصعــب اوداع...يمهدي.. أصعب اوداع
ــــــــــــــــــــــــــــــــــــــــــــــــــــــــــ
گبال عينه العسكري بالســــــم گضـــــه
وسهم يچوي المهدي وبگلـــبه مضـــــه
متربــــه وتصـــــرخ اجتلـــــه الرافضـه
كــــــــل أرض سامره حزنت والفضــــه

ورق ميّوصف اوحبر
ياگلـب يحـــمل صبر
أصعب اوداع يمهدي... أصعب اوداع
ـــــــــــــــــــــــــــــــــــــــــــــــــــــــــــــ
وداع موت المهدي ودع والـــــــده
اوعله اخدود الورد سالت مو نــده
بعده شاب وغدت عينه مجعـــــده
حيل صعبه المهدي ضل ألـــــوحده

والــــــده ابسم انغـــــدر
حيل دگــــو اعله الصـدر
أصعب اوداع يمهدي.... أصعب اوداع
ـــــــــــــــــــــــــــــــــــــــــــــــــــــــــ
نزلت املاك السمه تواسي الــــــولي
الزهره تنعى وياهم وينحـــــب علي
ثگلت اهمومه وبعد مـــــــــا تنجلي
ينعى كل عمره بگى ودمعه يهلــــي

گلب مهدينه انفطـــــر
دمعه عالخد كالمطـــر
أصعب اوداع يمهدي....أصعب اوداع
ــــــــــــــــــــــــــــــــــــــــــــــــــــــــــــ
چم جرح بگليبه شايل چم قهــــــر
باب محسن والضلع طبره ونحـــــر
بذنه يدوي صوت خد من انســــطر
والجنين النار حرگتلــــه الظهــــــــر

عمـه محسن من وگع
عالوجـــه حـيل نرگع
أصعب اوداع يمهدي...اصعب اوداع
ـــــــــــــــــــــــــــــــــــــــــــــــــــــــــــــ
ايگطـــع ابچبـده يطاري كربلــــــه
من تمر ابـــــــدمعه ثــوبه يبللـــــه
والاشد شوغات عنده عمّته لمدللـه
تعثر برجليهه لمَن ركظـــوها بلفلـه

أخ يا ذاك الظهـــــــر
عالرمح راس الطهــر
أصعب اوداع يمهدي... اصعب اوداع
ــــــــــــــــــــــــــــــــــــــــــــــــــــــــــــــ
تمت بفضلهم ساداتي ص
خادم الزهراء ع
✍️ياسر الزيادي**

?هوسات للانصار
⚔️چتفوها بحبال القاده
✍️الشاعر.. ياسر الزيادي
?الملا.. احمد الزيادي
محرم الدموع
?سادس محرم.. الأنصااار

برمح عالي
الشاعر.. ياسر الزيادي
الملا.. ياسر الزيادي
محرم الدموع
ليلة عاشوراء محرم..

**(قصيده شوور)
أم البنين تنعى ضعن هاشم ص...
عنوان القصيده(ضعوون البخت)

ـــــــــــــــــــــ
دولبني الوكت وبحالتي اشسوه
اطلع من مصــــيبه وادخل ابلوه
أصبّر بالگلب والـــــروح بالـگوه
راح الحــــيل مني وبيش اتگوه

من حده.../ الحادي/ الحادي /الحادي
وشال /بولادي /بولادي/ بولادي
تگطع /افادي / افادي/افادي

يمه.....

أبعَد هالضعن
ودمعاتي اوگعن
نوگ الحملت
ما ضن يرجعن

يمُه... يايمُه حُسين
ــــــــــــــــــــــــــــــــــ
عافوني بحسرتي وما شفت راحه
ضاگت دنيتي وصـــاحبت النياحه
گلبـــي من يدگ دگـــــاته ذبــاحه
أشبه مــــــنكسر يتچـــه بصفاحه

لمــَــــن /عافوني/ عافوني /عافوني
أحس /يتموني/يتموني/يتموني
جمْر /بچوني/بچوني/بچوني

يُمه....
ضعون النوخت
شالت چم أخت
خبــــروها الهزل
فـــوگاها البخت

يمُه... يايمُه حُسين
ــــــــــــــــــــــــــــــــــــــــ
أنه ام اربعه مــا رايده امجازه
بس حگ الگلب شوغاته لعزازه
لزينب يالولد ضموها هل عازه
لگلبها المنكسر صيروله عكازه

وصيتي/حفضوها/حفضوها/حفضوها
الخيم/نصبوها /نصبوها/نصبوها/
بنيتي/حرسوها/حرسوها/حرسوها

يُمه....
خدم أنتم خدم
تحرسوها الخيم
أريد اب كــــربله
تبچــــــوها الزلم

يمُه... يايمُه حُسين
ــــــــــــــــــــــــــــــــــــــــ
من يوم المشو والغالي فارگته
ما لحضه غفيت وجفني طـابگته
من گد البـــــواچي دربي تيهتـــــه
ويهضم حيل والله يا بچي السكته

الشال/بعياله/بعياله/بعياله
الفرگه/چتاله/چتاله/چتاله
هسه/شحواله /شحواله /شحواله

يمه....
خل وياك اروح
چبيره ع الجروح
تدري لو أضل
أخلص عمري نوح

يمُه... يايمُه حُسين
ــــــــــــــــــــــــــــــــــــــــ
حگهن بال بواچي ذبلن اعيوني
مكسورة گلب ولوحدي خلوني
أبعدهم  زماني وهدل امتــوني
حگي من أنوحن لا تـــلوموني

هاجت /احزاني/احزاني/احزاني
تغيرت/الواني/الواني/الواني
حزني/عنواني/عنواني/عنواني

يمه.....
أنوح ألـــــــــوحدي
ونوحي ســـــــرمدي
أوگــــــــــف يا گلب
طبيبك ما يـــــــجي

يمُه... يايمُه حُسين
ــــــــــــــــــــــــــــــــــــــــ
تمت بفضلهم ص
خادم ام البنين ص
ياسر الزيادي**

**اللهم صلِّ على محمد وآل محمد الطيبين الطاهرين

كل عام وانتم لله وللحسين اقرب
اللهم لاتحرمنا واياهم حج بيتك الحرام لمن استطاع اليه سبيلا

بعد التحيه والسلام...

سيتم نشر برنامج محرم الحرام.. بما تفضلو علينا ال محمد الطيبين الطاهرين**

اخوكم.. ياسر الزيادي

**فوگ السطح....

شهادة عزيز الرضى ص
الجواد صلوات الله عليه

تذكرنه هل رزيـه.. ابريحانة الــزچيه
بالسم ختم شبابه...
فوگ السطح عذابه....
ـــــــــــــــــــــــــــــــــــــــ
شگت الحسرات صدري والدمع بان
ع الجواد الفرگه گربت والاجل حان
ابموتته يواسي الغريب البگى حيران
الچثته ضلت عاريه.المذبوح عطشان

شگد هضيمه... يموت ما يمه أهل
شگد هضيمه...من العطش والسم ذبل

والله كلف غيابه... فوگ السطح عذابه
ـــــــــــــــــــــــــــــــــــــــــــ
ندري بالسم حار طبعه. يغلي چن نار
فوگ ما موجوع فكره. الكـــربلا اندار
گبال عينه صار مشهد. حــــرگة الـدار
شاف عماته الحياره.بيــــهن اشـــصار

بالـــــبراري... عمّته الحره اركضت
بالـــــبراري...عــــــله ارقيه دورت

سمعَت عتب يبابه...فوگ السطح عذابه
ــــــــــــــــــــــــــــــــــــــــــــ
ليش طفوها شمعته. ليـــــــش ياناس
وگبله ابوه الرضى اليمه. تهده الانفاس
ابخّس باعوها الضماير. وي الاحساس
من كثر ما لاع ضــــــــل..ينادي عباس

ضل ينادي...تمنه يحظرله الگمر
ضل ينادي..راد يطفيله الـــجمر

نار العطش لهابه ... فوگ السطح عذابه
ــــــــــــــــــــــــــــــــــــــــــــــــــ
هواي واسى احسين جده.نام بالحر
وبشبابه واسى ابنه. عــــــلي الاكبر
كلنه ندري الضنه غالي. موته يكسر
يساعد الله احسين لبنه. گلبه منطر

من رجعله...ما طلب غير العذب
من رجعله...صاير لسانه خشب

فك القهر حسابه..فوگ السطح عذابه
ـــــــــــــــــــــــــــــــــــــــــــ
رغم مــــا وردات عمره.. مخلّـصه نوح
ليل ونهار اعله عمته...دمعتــــه اتفـوح
لطبت الشام وقصرهم... گــلبه مجروح
ساكنه ضلت خــــــياله.. الصور متروح

ع الغريبه...الطبت السوگ بهزل
ع الغريبه..الأكل بـــيديها الحبل 

يا لوعة الخرابه.. فوگ السطح عذابه
ــــــــــــــــــــــــــــــــ
شكرا ابا الهادي..
✍️ياسر الزيادي**

**شور بحق والينه صلوات ربي عليه

حبك سفينه ابحر الحياة
حبك نجاتي بيوم الممات
اسمك يحيدر طول الدهر
كاسر خشم كل الطغاة

بخيت الوالاك.         والضل بحماك
بهاي الافلاك.         من مثلك
ياتاج الراس.        مليان احساس
من حكها الناس       تسجدلك

علي علي... ياوالي الكلوب
ــــــــــــــــــــــــــــــــــــــــــــ

صرح محمد يوم الغدير
مّن الله حيدر هوا الامير
واهل السقيفه ابلا حياء
كالو علي انخليه اخير

مهما ينكرون.         خلهم يحجون
اول عالكون.         من غيرك
احجيها ودوم.        مو يوم ويوم
ويله المحروم.         من خيرك

علي علي... ياوالي الكلوب
ـــــــــــــــــــــــــــــــــــــــــــــــــ

راسك يطبره الكلبه زنيم
اوياما جنت وياه رحيم
ولدك علي وكل الفلك
لمن غبت اصبح يتيم

زينب تنخاك.        لاتمشي ارجاك
تاخذها اوياك.         رايدتك
ياحامي الجار.        الكوكب محتار
واكبار ازغار.          فاگدتك

علي علي... ياوالي الكلوب
ــــــــــــــــــــــــــــــــــــــــ
نعشك تشيله هوايه أيدين
والكل صبح يبچي حزين
بس العجب يوم الطفوف
بحر الضهيره يبقه الحسين

حضرلك نوح.            گبر امن اتروح
بس المذبوح.            شحواله
برض الاحزان.          يبقه حيران
ادوس العطشان.         خياله

علي علي... ياوالي الكلوب
ـــــــــــــــــــــــــــــــــــــــــــــــ
بفضل عطاء رعاياهم
تمت والحمدلله
✍️ياسر الزيادي**

نزاااال //للامير علي ص
**أقسم بدم راسك....
أي وحگ عباسك...
أعشگ انه انفاسك...
يا كرار/٢
ـــــــــــــــــــــــــــــــ
كل وجودي وكل سنيني اللي عشتها
من الطفوله بيد حيدر سلمتها
علمت روحي بمحبتك علمتها
وكل جهالي بطاري اسمك شيمتها

عايش ابوجداني...
صعب اعشگ ثاني..
أروى من احساسك...
يا كرار/٢
ــــــــــــــــــــــــــــــ
الشيعي يفخر كون خادم للصميده
العنده مثلك نعمت الله يبوس ايده
صاحب الما يحب حيدر ما أريده
ما أحسبه لا عضيدي ولا عضيده

ما أسلمه اچفوفي...
وسّد كـل معروفي..
هذا مو من ناسك...
يا كرار /٢
ـــــــــــــــــــــــــــــــ
البيده أمر الكــــون كله والقياده
يستحق واللّه من عندي السياده
الرجع بأيده الشمس وبكل أراده
حگي بالشدادت لو اطلب مداده

حگي لو اتباها
غيره من رداها
شمس مو مقياسك
يا كرار /٢
ـــــــــــــــــــــــــــــــ
أنته يالتكره أسمعك من حچينه
الله خله الكون يفـــتر بين ادينه
شتسوى گلي الدنيا كلها بلا علينه
شراع حيدر ألنه وحسين السفينه

سر وجودي وديني
وعلتي وتـــكويني
بسيفك ونوماسك
يا كرار /٢
ـــــــــــــــــــــــــــــــ
لا فتــــى ألا هـــــــــوا بكل المعاني
وسيفه ثبت كل وجودي وكل كياني
أشكر اللّه بهــــــل ولايه شرفاني
مو عبد لا والله سلطان بزماني

راح احچي حچايه
لـــــوجه الله مرايه
هــــوا ثبت ساسك
يا كرار /٢
ـــــــــــــــــــــــــــــــ
تمت والحمد لله
✍️خادم الامير ص
ياسر الزيادي
١٥رمضان**

**هوسات رباط...
بحق كريم اهل البيت. الحسن المجتبى ص

كرم منه اجيت اليوم.. گلي يا حچي ايوصفه
شيوخ هواي مجلولين.. بس يم الحسن تطفه
كريم وبالكرم معروف...الطير البلسمه يعرفه

هاااا خوتي هاااا

الحط والطاير... كلها تسولف بي
ــــــــــــــــــــــــــــــ

معروفه اليسوي افضال. يضل يسولف ابفضله
وابو محمد عكس هالناس. يكرم وبــــأسم الله
ماردله ابــــــــــــد طلاب. لا ذل الذي طــــــبله

ينطي امغمض. ماصد ع الطلاب
ــــــــــــــــــــــــــــــــــــــــــــ

مهيوب وبخت متروس. يكسر ضهر ياصيتك
دورت الــــــــتوارد بيك. چـذب بس انته اللگيتك
وحگ المـاطفن بالديوان.دلالك وســــــط جمريتك

تجيب التايه .... نارك وادلي
ــــــــــــــــــــــــــــــــــــــــــ
الحروب اتريد بس اسباع. وبس اسباع التطبها
لگيتك يمنت الـــــــكرار. واسم المعركه اذكرها
الجمل والنهروان اشلون. الروس بسيفك اتكرها

دم يعزب شخصك... مو بس ابماعون
ـــــــــــــــــــــــــــــــــــــــ

✍️ياسر الزيادي**

((خروج ضعن المهابه))
**ابتدة ساعة جروحچ

شور... للعليله ص
حينما هم الضعن بالرحيل والابتعاد عن ناضر العليله ص... القصيده تتحدث??

راحو اوعافوها روحچ
وابتدة ساعـة جروحچ
حمل اعزازچ ضعنهم...مايفيدچ صدگي نوحچ

شوفي البي ورده ورده
گبال عينچ هــــل تعده
اقره بوجوه الأحبهم.. هالضعـــن لا مـــاله رده

شمتاني يا. گلبي ضعنهم. هالمـشه
تدري عليله. اومن يبعد. أستوحشه 
بس وجه ابوي. وشوفته. هيه الشفه

طفله وعليـــــله والسـده
ما ضل أبو لا والــــــــــده
صعب اليـــعيش ابلا أهــل
يضل يبچي مثل الـــفـاگده

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
راحو اوكسرولي خاطر
والركض رايـدله شاطر
شبعت طيحات ابدربهم... صعبه للمثلي يكابر

يا دمعتي صبــي صبي
شبگي اتراب المشو بي
ولي معلوله اونحيلـــه.... عالترابه تحبي تحبي

مو دمعه طاحت.  چن سهم. خــد جـرّحته
چانالي روح. صعبه الـيعـوف. ارويـــــحته
ويدري الهجر. يفتح جــــــــــروح. أبنــيته

غرگت عيوني ابدمعتي
هيج رحيلــــــه عــلتي
طشر زماني احله شمل
عگبه منو يسد وحشتي

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
ها يروحي شبعي دمعه
عالجفو لا ماكو رجــعه
مثل ما طلعو أريـــــدچ....أطلعي وطفيني شمعه

من أسمــــــــها الغاضريه
كربله كــــــــرب وبلــــيه
گاع عطشانه عله دمهم.... تروى بـــولاد الزچيه

ادري اليطب. گاعچ يمُر... باصعب مصير
يبقى غريب.. اوينكسر... وحـــده ويحير
گباله تطّيح.. كل صحّبته.حتــــــه الزغير

ما مثل ضيمـــج كربله
ما تضل بيچ امدللـــــه
تنذبح بيچ اطهـــر زلم
تموّت عطـاشه العايله

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
حزني ليهم والله سرمد
موقف أتذكـــــره وانهد
يساعد الله گلب زينب... فوگ اخوها الخيل تصعد

عشره خياله اجتله
ما كفاهم وسفه چتله
وصلت اعضامه لخيمها... من لخيم ركظه اعتنتله

يعين الله گلب. الحره بهل. وضع المهول
ابن أمها... يتگلب صفى.. حــــدر الخيول
رادت يگوم. من العطش..صابه النـــحول

نادت اخوها ابلا وعي
وصاح النذل بيها ارجعي
ساعه ويجي راسه ابرمح
ومن الأخـو شوف اشبعي

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ

تمت بفضلهم صلوات ربي عليهم
شكرا يافاطمه العليله. ص
✍️خادم الزهراء ياسر الزيادي**