Morning

မင်္ဂလာနံနက်ခင်းလေးပါရှင်❤️

သာယာအဆင်ပြေတဲ့နေ့ရက်လေးကိုပိုင်ဆိုင်နိုင်ပါစေရှင်❤️

#Mask

ကိုယ်ကအတွေ့အကြုံရယ် အတွေးစာစုတွေရယ် လက်တွေ့ပိုင်းတွေကို ရေးသားရတာသဘောကျတဲ့သူတစ်ယောက်ပေါ့

ခရီးသွားရင်တော့ ကားမူးတတ်တဲ့သူထဲပါတယ် အဲတာနဲ့ တစ်နေ့ ရှမ်းပြည်နယ်ကနေ ပဲခူးတိုင်းဆီသို့ ခရီးထွက်ဖို့ဖြစ်လာတာပေါ့

ကားစီးရမှာဆိုတော့ အဲဒီချိန်တွေးလိုက်တယ် ဒီခရီးနဲ့အတူ ငါ့ရဲ့ကားမူးတဲ့စိတ်ကိုဖျောက်မယ် ပြီးရင် ကားမမူးအောင်ဘယ်လိုပြုမူကားစီးရမလဲ ဆိုတဲ့ဆောင်းပါးကို အတွေ့အကြုံအရင်းခံကာ ပြန်ရေးသားမယ်ပေါ့

ဒီလိုနဲ့ ကားပေါ်ခြေတစ်လှမ်း စတက်လိုက်တယ် တွေးထားတဲ့အ‌ တွေးလေးကိုတောင် အားနာမိတယ် ကားမစီးရသေးဘဲကြိုမူးနေခဲ့ပြီ🐝🐝

ဒီလိုနဲ့ ကားမမူးအောင်ဘယ်လိုပြုမူကားစီးရမလဲ ဆိုတဲ့ဆောင်းပါးကြီးလည်း ပျက်ပြယ်သွားပါတော့တယ်🐝🐝

#myself
#Mask

ကောင်းသောညလေးဖြစ်ပါစေရှင့်

Goodnight

‌

#Mask

✨အရေး(သို့)အပြော
ဆောင်းပါးကို အရေး(ကျောင်းစာတွေလို)အနေနဲ့ရေးရမလား အပြော(စကားပြောသလို)ရေးရမလား။ ဒီအချက်က ကျွန်မဆောင်းပါး စစရေးတုန်းက တော်တော်လေး အကျပ်ရိုက်စေခဲ့တဲ့အချက်ဆိုလည်း မမှားပါဘူး။ ကျွန်မတို့တွေ ဆောင်းပါးရေးမယ်ဆို အရေးအနေနဲ့ရော အပြောအနေနဲ့ရော ရေးလို့ရပါတယ်။ ကိုယ်ကျွမ်းကျင်ရာအမျိုးအစားပေါ်မူတည်ပြီး ရေးသားလို့ရပါတယ်။

ကိုယ်က ၂မျိုးစလုံးနဲ့ရေးတတ်တယ်တယ်ဆိုရင်တော့ ကိုယ့်ရေးသားမယ့်ဆောင်းပါးနဲ့ ကိုယ်အဓိက ဖတ်ရှုစေချင်တဲ့ အသက်အရွယ်ပေါ်မူတည်ပြီး ဘယ်လိုပုံစံရေးသားရမလဲ ဆုံးဖြတ်ပါ။

✨ကိုးကားချက်
ကျွန်မတို့ဆောင်းပါးတွေ ရေးသားရင် ကိုးကားပြီးရေးသားရတဲ့ ဆောင်းပါးတွေရှိပါတယ်။ ကိုယ်က ကိုးကားပြီးရေးသားမယ်ဆို အချက်အလက်တွေက မှန်ကန်ဖို့လိုအပ်ပါတယ်။ လုံလောက်တဲ့ သုတေသန ပြုလုပ်ပါ။စာများများဖတ်ပါ။

✨ စာလုံးပေါင်းနဲ့ သဒ္ဒါ
စာလုံးပေါင်းနဲ့ သဒ္ဒါကလည်း မမှားစေဖို့ရာ အရေးကြီးလှပါတယ်။ စာရေးသူတွေအနေနဲ့ စာလုံးပေါင်းအမှား သုံးထားရင် ဖတ်ရှုသူလေးတွေရဲ့ အထင်အမြင်သေးတာကို ခံရနိုင်ပါတယ်။ ကျွန်မအခုရေးသားနေတဲ့ဆောင်းပါးက အပြောအနေနဲ့ရေးသားနေတဲ့ ဆောင်းပါးပုံစံပဲဖြစ်ပါတယ်။ ကျွန်မလိုမဟုတ်ဘဲ အရေးအနေနဲ့ ရေးသားမယ့်သူတွေက သဒ္ဒါအသုံးအနှုန်းမှန်ကန်ရေးကို အထူးသတိပြုရေးသားကြရပါမယ်။

✨ဖတ်ရှုသူနေရာဝင်ရောက်ခြင်း
ကျွန်မတို့တွေ ကိုယ်တိုင်ရေးလိုက်တဲ့ ဆောင်းပါးတွေကို ပြန်လည်ဖတ်ရှုတဲ့အခါ ကိုယ့်ကိုယ်ကိုယ် ဖတ်ရှုသူလို သဘောထားပြီး ဖတ်ရှုတတ်ဖို့လည်းလိုအပ်ပါတယ်။ ဒါမှကိုယ်ရဲ့ လိုအပ်ချက်တွေကို မြင်တွေ့ရပြီး ပြင်ဆင်နိုင်မှာဖြစ်ပါတယ်။

✨ဘက်မလိုက်စွာရေးသားခြင်း
စာရေးသူတွေရဲ့ ကလောင်ဟာ အစွမ်းထက်လှပါတယ်။တိုင်းပြည်ရဲ့ ဖွံ့ဖြိုးတိုးတက်မှုကလည်း ကလောင်ကိုင်စွဲထားတဲ့စာရေးသူတွေ‌ပေါ် မူတည်ပတ်သက်ပါတယ်။ ဒါကြောင့် ဘယ်အရာကိုမဆို ဘက်မလိုက်စွာရေးသားဖို့ လိုအပ်လှပါတယ်။ ဖြောင့်မတ်မှန်ကန်တည်ကြည်တဲ့ စိတ်ထားမျိုးရှိနဲ့ ရေးသားရပါမယ်။

✨စကားလုံးတွေကို ထပ်တလဲလဲသုံးစွဲခြင်း
စာရေးသားရာမှာ စကားလုံးတွေ မထပ်ဖို့သတိပြုရပါမယ်။ အပေါ်ကြောင်းမှာလည်း ကျွန်တော် အောက်ကြောင်းမှာလည်း ကျွန်တော် ဖတ်ရှုရသမျှစာသားမှာ ကျွန်တော်ဟာ မပါမဖြစ်။ ဒီလိုအသုံးအနှုန်းမထပ်ဖို့ သတိပြုရေးသားရပါမယ်။ စကားလုံးနဲ့ ဝေါဟာရ ကြွယ်ဝမှုကတော့ စာဖတ်အားနဲ့ဆိုင်သွားတာမို့ စာဖတ်ပါ။

✨နားလည်မလွယ်တဲ့ စကားလုံးတွေ သုံးစွဲခြင်း
ဆောင်းပါးရေးသားတာက ကိုယ်ဘယ်လောက်ထိတတ်နေ ဝေါဟာရဆန်း‌ဆန်းတွေနားလည်တာကို ကြွားဖို့ရေးသားတဲ့စာမဟုတ်ပါ။ ကိုယ်ရေးသားမယ့်စာကို သာမန်လူတွေ နားလည်နိုင်တဲ့ အသုံးအနှုန်းကိုသာ အဓိကထားပြီး သုံးစွဲပါ။

✨မှတ်ချက်များရယူခြင်း
စာရေးသူတစ်ယောက်အနေနဲ့ ကိုယ့်ရဲ့စာကို အကောင်းအဆိုးမှန်သမျှ ပေးလာတတ်တဲ့ မှတ်ချက်တွေကို ရယူနားထောင်ဖို့လည်းလိုအပ်ပါတယ်။ ကိုယ့်ရဲ့အချစ်ဆုံးသူငယ်ချင်းဖြစ်စေ စာဖတ်သူလေးတွေကနေဖြစ်စေ ရယူပါ။

ဒီဆောင်းပါးလေးဖတ်ပြီး စာဖတ်သူလေးတွေအနေနဲ့ အနည်းဆုံး စာတစ်ပုဒ်လောက်ကိုတော့ ရေးသားနိုင်လိမ့်မယ်လို့ထင်မြင်မိပါတယ်။ ရေးသားပါ မကြောက်ပါနဲ့။ စတင်ခြင်းက အောင်နိုင်မှုရဲ့ ခရီးတဝက်ပါပဲ။

ဒီဆောင်းပါးက စာရေးသားရတာကို ဝါသနာပါ‌ပေမယ့် ဘယ်လိုစတင်ရမလဲ မသိသူလေးတွေတွက် အထောက်အကူဖြစ်ဖို့ရာ ရည်မှန်း၍ ရေးသားဖော်ပြခြင်းဖြစ်ပါတယ်။

သာယာသောနေ့လေးဖြစ်ပါစေရှင်❤️

ဖတ်ရှုပေးသူတိုင်းအားကျေးဇူးတင်လျက်...

July.22.2024.Mon(20:2)
ᗰᗩᖇᑌ

#Sarphat
#Mask

ဆောင်းပါးတစ်ပုဒ်ဘယ်လိုစတင်ရေးသားကြမလဲ

အခုရက်ပိုင်းအတွင်း စာဖတ်သူလေးတွေထဲမှာ စာဖတ်တာကိုသာမက စာရေးသားတာကို ဝါသနာပါတဲ့သူလေးတွေကို တွေ့ရှိရပါတယ်။ရေးသားချင်ပေမယ့်လည်း ဘယ်လိုရေးသားရမလဲဆိုတာမသိတဲ့အတွက် လာရောက်မေးမြန်းသူတွေလည်းရှိပါတယ်။အခုလိုလေးတွေ မြင်‌တွေ့နေရတော့ဝမ်းသာပီတိဖြစ်မိတာရယ် ကိုယ်တတ်သလောက်လေးမျှဝေပေးချင်တာ‌တွေကြောင့် အခုဆောင်းပါးလေးမှာ ကျွန်မအနေနဲ့ ရိုးရှင်းတဲ့ ဆောင်းပါးရေးသားနည်းလေးကို မျှဝေပေးသွားပါမယ်ရှင်။

✨ဆောင်းပါးဆိုတာဘာလဲ

ဆောင်းပါးဆိုတာဟာ သတင်းစာ၊ မဂ္ဂဇင်း၊ ဘလော့ဂ်၊ Sarphat(စာဖတ်) စတဲ့မီဒီယာတွေမှာဖော်ပြတဲ့ စာတမ်းဖြစ်ပြီး သုတ၊ ရသအပြင် သုတရသရောနှောထားတဲ့စာဖြစ်ပါတယ်။

✨ရေးသားနိုင်တဲ့အကြောင်းအရာများ

ရေးသားရာမှာ အသိပညာပေး၊ စီးပွားရေး၊ အနုပညာ၊ ယဉ်ကျေးမှု၊ ကျန်းမာရေး၊ နည်းပညာ၊ နိုင်ငံရေးစတဲ့အမျိုးမျိုးသောအကြောင်းအရာများကို ရေးသားနိုင်ပါတယ်။

✨ဆောင်းပါးရေးသားနည်း

ဆောင်းပါးရေးသားရာမှာ ငယ်စဉ်က စာစီစာကုံးရေးသားသလို အကြမ်းအားဖြင့်
-ခေါင်းစဉ်
-နိဒါန်း
-စာကိုယ်
-နိဂုံး ပါရှိရပါမယ်။

သို့ရာတွင် စာစီစာကုံးနှင့်ဆောင်းပါးက မတူညီပါ။ စာစီစာကုံးက အဖွဲ့အနွဲ့အခိုင်းနှိုင်းတွေနဲ့များစွာထည့်သွင်းရေးသားလို့ရတဲ့ ပုံစံမျိုးဖြစ်ပါတယ်။
ဆောင်းပါးကတော့ အဖွဲ့အနွဲ့အခိုင်းအနှိုင်း မလွန်ကဲစေပဲ လိုရင်းကိုထိရောက်အောင်ရေးသားရပါမယ်။

✨ခေါင်းစဉ်
ဆောင်းပါးတစ်ပုဒ်မှာ ခေါင်းစဉ်ကအရေးကြီးပါတယ်။
ကိုယ်ရေးသားထားတဲ့စာနဲ့ ပေးထားတဲ့ခေါင်းစဉ်ဟာ ကိုက်ညီမှုရှိရပါမယ်။ခေါင်းစဉ်ကောင်းကောင်းပေးတတ်ဖို့လည်းလိုအပ်ပါတယ်။

✨ခေါင်းစဉ်ပေးနည်းများ

- ကိုယ်ရေးမယ့်စာတွေကိုခေါင်းထဲ ပထမဆုံးစီပြီးမှရေးသားတတ်တဲ့သူတွေက စာစရေးတဲ့အခါ ခေါင်းစဉ်ကိုတန်းပေးလိုက်တာကအဆင်ပြေပါတယ်။

-ရေးရင်းနဲ့မှ အကြံဉာဏ်တွေထွက်လာပြီး ကြိုတင်စဉ်းစားစာစီဖို့ အခက်အခဲရှိသူတွေကတော့ စာရေးပြီဆိုတာနဲ့ ခေါင်းစဉ်ကို ဦးစွာမပေးစေချင်ပါဘူး။(ခေါင်းစဉ်ကိုကြည့်ပြီး စာရေးတဲ့တွက် ‌ဒီအကြောင်းအရာကခေါင်းစဉ်နဲ့ မကိုက်ဘူး မလိုက်ဘူးဆိုတဲ့စိတ်တွေဝင်ရောက်ပြီး ရေးသားမှု‌တွေကို ဘောင်ခတ်သလိုဖြစ်နေတတ်ပါတယ်။ဒီလိုရေးသားတတ်တဲ့သူတွေအနေနဲ့ စာပါအကြောင်းအရာအားလုံးရေးသားပြီးမှ လိုက်ဖတ်မယ့်ခေါင်းစဉ်ကိုရွေးချယ်ပြီးပေးစေချင်ပါတယ်။)

✨နိဒါန်း

ကျွန်မတို့အခုခေတ်က အပြိုင်အဆိုင်များတဲ့ခေတ်ဆိုလည်း မမှားပါဘူး။စာပေါင်းမြောက်များစွာကို Sarphat(စာဖတ်)၊ Facebook စတဲ့အမျိုးမျိုးသော social media တွေမှာဖတ်ရှုလို့ရနေပါပြီ။ ကိုယ့်လိုတက်သစ်စ စာရေးသူလေးအနေနဲ့ စာပေလောကထဲခြေချပြီဆိုတာနဲ့ ကိုယ့်စာကို ဖတ်ချင်လာအောင်ဆွဲဆောင်ရတော့မှာပါ။ဒီတော့ ခေါင်းစဉ်နဲ့ထပ်တူ နိဒါန်းကလည်းအရေးကြီးလာပါတယ်။

✨နိဒါန်းရေးနည်းများ
- နိဒါန်းရေးသားရာမှာ ဖတ်ရှုသူရဲ့ အာရုံကိုဖမ်းစားနိုင်ရပါမယ်။

-တအားရှည်ရှည်ဝေးဝေး မရေးသားဘဲ ကိုယ်ရေးသားသွားမယ့် အကြောင်းအရာကို အစပျိုးပေးရပါမယ်။

နိဒါန်းက ထိထိရောက်ရောက်နဲ့ တိုတိုလေးဖြစ်နေရင်ကောင်းပါတယ်။

✨စာကိုယ်

ကျွန်မတို့ စာကိုယ်စပြီဆိုတာနဲ့ ကိုယ်ပြောချင်တဲ့အကြောင်းအရာတွေကို စတင်ရေးသားရပါမယ်။

✨ရေးသားနည်းများ(အကြမ်းအားဖြင့်)

-ရေးသားမယ့်အကြောင်းအရာကို အဆိုအမိန့်တစ်ခုနဲ့ဖြစ်စေ အကြောင်းအရာ၊ ဇာတ်လမ်း၊ ပုံပြင်၊ ကိုယ်တွေ့ဖြစ်ရပ်တွေနဲ့ စတင်ရေးသားမယ်ဆိုလည်းအဆင်ပြေပါတယ်။( အဲလိုစပြီးပြီဆိုတာနဲ့ ကိုယ်ရဲ့အမြင် အတွေးတွေကို ဆက်လက်ရေးသားဖော်ပြသွားမယ်ဆို အဆင်ပြေပါတယ်။)

-အကြောင်းရာတစ်ခုနဲ့စတင်ပြီး အဲဒီအတွက် ရှင်းလင်းချက်တွေနဲ့ ရေးသား‌ဖော်ပြမယ်ဆိုလည်းအဆင်ပြတယ်။ အဓိကအချက်တိုင်းကို အချက်အလက်‌တွေနဲ့ ထောက်ခံပြီး အသေးစိတ်ရှင်းပြပါ။

🌟 သတိပြုရန်

- ကိုယ်နိဒါန်းမှာ အစပျိုးထားတဲ့စာနဲ့ ဆက်စပ်မှုရှိအောင်ရေးသားရပါမယ်။

💫ဆောင်းပါးက ပုံစံအမျိုးမျိုးရှိတာမို့ ရေးသားတဲ့ပုံစံတွေဟာ တစ်ခုနဲ့တစ်ခုတူကြမှာမဟုတ်ပါဘူး။ ရေးသားပါ။ ရေးရင်းနဲ့ ရေးတတ်လာပါလိမ့်မယ်။ ဒါ့အပြင် အခြားသူတွေရဲ့ဆောင်းပါးရေးတဲ့ပုံစံတွေကိုလေ့လာပါ။

🌟ကျွန်မတို့စာကိုယ်စပြီဆိုတာနဲ့ စာတွေက တအားရှည်လာပါတယ်။ အဲ့အခါကြစာကို တဆက်တည်းရေးပြီးဖော်ပြတာထက် စာပိုဒ်လိုက်လေးတွေ ခြား/ခွဲပြီးရေးသားတာက ဖတ်ရှုသူတွေကို မျက်လုံးရှင်းစေမှာပါ။

✨နိဂုံး

ကျွန်မတို့ရဲ့အမြင်တွေ အတွေးတွေကို အားလုံး ရေးချဖော်ပြပြီးရင်တော့ နောက်ဆုံးမှာ နိဂုံးလှလှလေးချုပ်ပြီး အဆုံးသတ်ပေးရပါမယ်။ နိဂုံးမပါရှိတဲ့ ဆောင်းပါးက ပြည့်စုံမှုမရှိသလို စာဖတ်သူ ရင်ထဲ တန်းလန်းကြီးဖြစ်နေမှာပါ။

✨ နိဂုံးရေးနည်းများ

-နိဂုံးမှာ ကျွန်မတို့အပေါ်ကရေးသားလာသမျှ အကြောင်းအရာတွေကို ပြန်လည်ပြောပြကာ အကျဉ်းချုပ်ဆိုပေးရပါမယ်။

-ကိုယ်ပိုင်ဟန်လေးပါထည့်ပြီး နိဂုံးကို အဆုံးသတ်လိုက်ရင် ပြည့်စုံသွားမှာပါ။

🌟သတိပြုရန်
- အဆုံးသတ်မှာ အကြောင်းအရာအသစ်ထည့်သွင်းရေးသားတာကို ရှောင်ရှားရပါမယ်။

ဒါဆို စာစတင်ရေးသားတော့မယ်ဆို ဘယ်လိုအရာတွေကို သတိပြုရမလဲဆိုတာ ဆက်လက်ပြောပြချင်ပါတယ်။

Morning

မင်္ဂလာနံနက်ခင်းလေးပါရှင်❤️

သာယာအဆင်ပြေတဲ့နေ့ရက်လေးကိုပိုင်ဆိုင်နိုင်ပါစေရှင်❤️

#Mask

Goodnight

အိပ်တော့ faတို့

ရည်စားလည်းမရှိထဲ profile က couple ပုံကြီးကို ဖြုတ်ပါဦး

#Mask

ဆောင်းပါးတစ်ပုဒ်ဘယ်လိုစတင်ရေးသားကြမလဲ

အခုရက်ပိုင်းအတွင်း စာဖတ်သူလေးတွေထဲမှာ စာရေးသားတာကို ဝါသနာပါတဲ့သူလေးတွေကို တွေ့ရှိရပါတယ်။ရေးသားချင်ပေမယ့်လည်း ဘယ်လိုရေးသားရမလဲဆိုတာမသိတဲ့အတွက် လာရောက်မေးမြန်းသူတွေလည်းရှိပါတယ်။အခုလိုလေးတွေ မြင်‌တွေ့နေရတော့ဝမ်းသာပီတိဖြစ်မိတာရယ် ကိုယ်တတ်သလောက်လေးမျှဝေပေးချင်တာ‌တွေကြောင့် အခုဆောင်းပါးလေးမှာ ကျွန်မအနေနဲ့ ရိုးရှင်းတဲ့ ဆောင်းပါးရေးသားနည်းလေးကို မျှဝေပေးသွားပါမယ်ရှင်။

ဆက်လက်ဖတ်ရှုရန်
https://www.sarphat.com/articles/7848

#Sarphat
#Mask

Sarphat

ဆောင်းပါးတစ်ပုဒ်ဘယ်လိုစတင်ရေးသားကြမလဲ - ᗰᗩᖇᑌ

အခုရက်ပိုင်းအတွင်း စာဖတ်သူလေးတွေထဲမှာ စာရေးသားတာကို ဝါသနာပါတဲ့သူလေးတွေကို တွေ့ရှိရပါတယ်။ရေးသားချင်ပေမယ့်လည်း ဘယ်လိုရေးသားရမလဲဆိုတာမသိတဲ့အတွက် လာရောက်မေးမြန်းသူတွေလည်းရှိပါတယ်။အခုလိုလေးတွေ မြင်‌တွေ့နေရတော့ဝမ်းသာပီတိဖြစ်မိတာရယ် ကိုယ်တတ်သလောက်လေးမျှဝေပေးချင်တာ‌တွေကြောင့်…

စာအုပ်အမည် - အထက်တန်းစားရေ
ရေးသူ - ပုညခင်
အသံ - Author ᗰᗩᖇᑌ (မာရု)

လူငှားမတူးနိုင်လျှင် ကိုယ်တိုင်တူးပါ။မပျင်းပါနှင့်။ ဗုံးခိုကျင်းတူနည်းများကို သေချာစွာလေ့လာပြီးတူးပါ။ သင့်တို့မှာ ဗုံးခိုကျင်းရှိပါက အလွယ်တကူ အခြားသို့ရှောင်တိမ်းစရာလိုမည် မဟုတ်တော့ပါ။ ညဘက်တွင်လည်း စိတ်အေးစွာဖြင့်အိပ်စက်နိုင်မည် ဖြစ်ပါသည်။မြေတိုက်ရှိသူများသည် မလိုအပ်ပါဘူးရှင်။

-ပါဝါဘန့်များကို အားအပြည့်သွင်းထားပါ။

တိုက်ပွဲဖြစ်ပြီဆိုတာနှင့် မီးသည်သေချာပေါက်ရဖို့အလားလာ မရှိတော့ပါ။ မီးစက်များ၊ ဆိုလာများ အိမ်မှာရှိလျှင်အကောင်းဆုံးပါ။ အဆက်သွယ်မပြတ်ဖို့ကလည်း အရေးကြီးပါသည်။

ဖုန်းများကို ဆိုင်ကယ်တွင်ပါ‌‌သော ဘက်ထရီအိုးဖြင့် အားသွင်းလို့ရပါသည်။ အားသွင်းကြိုးလေးတော့ ဝယ်ရပါမည်။ ကျွန်မ၏အိမ်တွင် ဤနည်းဖြင့်ဖုန်းကို အားသွင်းပါသည်။ ကိုယ်ကဖုန်းကိုအားသွင်းလိုက်လျှင်လည်း ဘက်ထရီအိုးအားသည် ဆိုင်ကယ်မောင်းလျှင် ပြန်ပြည့်သွားပါသည်။

-မလိုအပ်လျှင် မရှောင်ပါနဲ့။

ဤအချက်သည်လည်းလုံးဝ အရေးကြီးပါသည်။ ကိုယ်နေထိုင်ရာဒေသကို ကျွမ်းကျင်အောင်ပြုလုပ်ထားပါ။ ကိုယ်နေထိုင်ရာအိမ်က လွတ်နိုင်လား လက်နက်ကြီးကျနိုင်လား သေချာဆုံးဖြတ်ပါ။ ရှောင်ခါမှ အသက်ဆုံးရှုံးသွားရသည့်အခြေနေဖြင့် လူများစွာလည်းရှိ‌နေသည့်အတွက် ယခုလိုမဖြစ်ရလေအောင် ဂရုပြုပါ။

တစ်ခုသတိပေးချင်ပါသည်ရှင်။
"သာသနာ့နယ်မြေရှောင်မယ်ကွာ ဘုန်းကျောင်းရှောင်မယ် အဲမှာတော့ဘာမှမဖြစ်လောက်ပါဘူး " ဒီလိုအတွေးမျိုး မထားစေချင်ပါ။ သာသနာ့နယ်မြေသည်လည်း လက်နက်ကြီးများကျ လူများသေတာပါပဲ။ကိုယ်ကရှောင်မည်ဟု ရွေးချယ်လိုက်လျှင်လည်း သေချာရွေးချယ်ပါ။

-သတင်းမှားများ သတိပြုပါ။

သတင်းအမှားလွှင့်သည့် အဖွဲ့ရှိပါသည်ရှင်။
အိမ်ကနေရှောင်တော့ ဒီမှာအခြေနေမကောင်းဘူး ရှောင်တော့ စသဖြင့်... သတင်းစုံကြားရမှာပါ။ ကိုယ့်အ‌နေဖြင့် နေထိုင်ရာနယ်မြေမကျွမ်းကျင်လျှင်ခံရမှာပါ။ တည်တည်ငြိမ်ငြိမ် ရှိဖို့တွက်လည်းလိုအပ်ပါသည်။ တစ်ခုခုကြားသည်နှင့် ကြောက်အားကြီးပြီးမယုံပါနှင့်။ ကိုယ်ကအယုံလွယ်ပြီး တခြားကိုရှောင် ထိုအခါကြ မသမာသူလူတစ်စုသည် အိမ်တွင်ကျန်ခဲ့သည့်ပစ္စည်းမှန်သမျှ တက်တက်စက်အောင် ခိုးယူကြပါ‌တော့သည်။ အိမ်ဆိုသည့် အခွံသာကျန်ခဲ့မည်ဖြစ်သည်။

-မည်သူ့ကိုမှ အားမကိုးပါနှင့်။

"ကျွန်တော်/ကျွန်မကဆွေးမျိုးရှိတယ်။အပေါင်းသင်းများတယ်။ ဘာမှပြင်ဆင်ဖို့မလိုအပ်ပါဘူးဗျာ/ရှင်။"
ဒီလိုအတွေးများ လုံးဝမရှိနေပါစေနှင့်။ ဒုက္ခအခက်အခဲက ကိုယ်တင်မဟုတ် တပါးသူပါကြုံတွေ့နေရမှာဖြစ်သည့်အတွက် ကိုယ့်အတွက်ကိုယ်အစစအရာရာပြင်ဆင်ပါ။မည်သူကမှ လွယ်ကူနေမည်မဟုတ်ပါ။

-တီလေးများအား မမွေးပါနှင့်။

ယခုလိုချိန်မှာ တီလေးများ(ခွေး၊ကြောင်၊ယုန် စသဖြင့်...)မမွေးခြင်းက ပို၍ကောင်းလှပါသည်။ သူတို့အတွက်ပါ ပူပန်နေရမည်ကြောင့် ပိုပြီးအပူကြီးလှပါသည်။ မွေးထားလျှင်လည်း သူတို့တွက်ပါကြိုတင်ပြင်ဆင်မှုများ လုပ်ထားဖို့ မေတ္တာရပ်ခံချင်ပါတယ်ရှင်။ ဤဘက်တွင်များစွာသော တီလေးများကို စွန့်ပစ်မှုများဖြစ်ပေါ်နေပါသည်။

-မလိုအပ်လျှင် အပြင်မထွက်ပါနှင့်။

မလိုအပ်ဘဲ အပြင်ထွက်တာသည်လည်းအသက်အန္တရယ်စိုးရိမ်ရပါသည်။ လက်နက်ကြီးမှန်တာ၊ သေနတ်မှန်တာများဖြစ်နိုင်ပါသည်။ လေယာဉ်များ ဗုံးကြဲ/ လက်နက်ကြီးများ ပစ်လျှင် အပေါ်သို့မော့မကြည့်ပါနှင့်။ မီးပွားများမျက်လုံးထဲဝင်ပြီး မျက်လုံးကိုဆုံးရှုံးရနိုင်ပါသည်။

-အရာရာကိုကြိုတင်ပြင်ဆင်ထားပါ။

ကိုယ့်လုပ်ငန်းအဆက်သွယ်များ၊ အလုပ်တာဝန်များ၊online class များတွက် ကြိုတင်လုပ်ဆောင်ထားခြင်းများ ၊ခွင့်တိုင်ခြင်းများ အစကတည်းကပြုလုပ်ထားပါ။ ပိုက်ဆံများကိုလည်း ဖုန်းထဲထားခြင်းထက် လက်ထဲကိုင်ဆောင်ထားခြင်းက ပို၍ကောင်းလှပါသည်။ရွှေ၊ငွေ၊စာချုပ်များကို ကိုယ်နှင့်တကွဆောင်ထားပါ။

အဝတ်စားများ၊စားသောက်ကုန်၊‌ဆေးဝါးများကို အရေးပေါ်အိတ်ထား၍ ပြင်ဆင်ထားပါ။ ကိုယ်အကြောင်း ကိုယ်သာအသိဆုံးဖြစ်၍ အကောင်းဆုံးပြင်ဆင်ထားပါ။

ချစ်ခင်ရပါသော ညီအစ်ကိုမောင်နှမများရှင်
ဘယ်အရာကိုမှ မပေါ့ဆပါနှင့်။ မဖြစ်နိုင်ဘူးဆိုတာ မရှိပါဘူးရှင်။မဖြစ်လာ‌သေးတာပါ။အသက်ကို ဉာဏ်စောင့်ပါ၏။ကိုယ့်အတွက်လိုအပ်မည် ထင်သမျှအားလုံးကို ပြင်ဆင်ထားပါ။ပေါ့လျော့ခြင်း၏ဆိုးကျိုးများကို နားလည်ပါ။အစစအရာရာဂရုစိုက်ပါ။

ချစ်ခင်လေးစားစွာဖြင့်
ᗰᗩᖇᑌ (မာရု)

JULY.15.Monday
ᗰᗩᖇᑌ

#Sarphat
#Mask