ისრაელის პრემიერმინისტრმა ბენიამინ ნეთანიაჰუმ 12 ნოემბერს გამოქვეყნებულ ვიდეოში ირანელ ხალხს მიმართა და განაცხადა, რომ ირანის მხრიდან ისრაელზე მესამე თავდასხმა "უბრალოდ ირანის ეკონომიკას ჩამოშლის". ბოლო თვეებში, ეს ნეთანიაჰუს მხრიდან ირანელი ხალხის მიმართ მეორე ვიდეომიმართვაა.

ნეთანიაჰუს თქმით, ისრაელზე მორიგი იერიში ირანს "მილიარდობით დოლარით გაძარცვავს", რადგან, მისი თქმით, ოქტომბერში ისრაელზე მიტანილი იერიში თეირანს $2.3 მილიარდი დაუჯდა. მან ასევე დაამატა, რომ აღნიშნულმა თავდასხმამ ისრაელს უმნიშვნელო ზიანი მიაყენა.

"ამ თანხით შესაძლებელი იქნებოდა, თქვენს სატრანსპორტო ბიუჯეტს მილიარდები დამატებოდა. შესაძლებელი იქნებოდა, განათლების ბიუჯეტს მილიარდებით მეტი ჰქონოდა. მაგრამ სანაცვლოდ, ხამენეიმ რეჟიმის სისასტიკე გამოააშკარავა და მსოფლიო თქვენი ქვეყნის წინააღმდეგ განაწყო. მან თქვენ ის ფული წაგართვათ, რომელიც შესაძლოა, თქვენი ყოფილიყო". - განაცხადა ისრაელის პრემიერმა.

"მე ვიცი, რომ თქვენ არ გსურთ ეს ომი". - გააგრძელა ნეთანიაჰუმ: "არც მე მსურს ეს ომი. ისრაელელ ხალხს ეს ომი არ უნდა. ერთი ძალაა, რომელიც თქვენს ოჯახს დიდ საფრთხეში აყენებს: თეირანის ტირანები, მხოლოდ ესაა".

მან ასევე დაამატა, რომ ერთადერთი რამ, რისიც "ხამენეის რეჟიმს ისრაელზე მეტად ეშინია ირანელი ხალხია". ნეთანიაჰუმ ირანელებს მოუწოდა, რომ იმედი არ დაკარგონ და განაცხადა, რომ "ისრაელი მათ გვერდით დგას".

მაიკ უოლცი, X-ზე ტრამპის განცხადებას გამოეხმაურა, რომელშიც პრეზიდენტმა უოლცის აღნიშნულ თანამდებობაზე დანიშვნის გეგმა დააანონსა.

უოლცის თქმით, მისთვის ღრმა პატივია პრეზიდენტი ტრამპის მხრიდან მასში ჩადებული ნდობა. მისი თქმით, ამერიკა გაბედულ, შეუდრეკელ ლიდერობაზე ნაკლებს არ იმსახურებს და ტრამპი "ამას შეასრულებს".

"ამერიკას მოკავშირეები ახლოს ეყოლება, ჩვენ არ შეგვეშინდება მოწინააღმდეგეებთან დაპირისპირება, და ჩვენ ინვესტიციას ჩავდებთ ტექნოლოგიებში, რომელიც ჩვენს ქვეყანას სიძლიერეს შეუნარჩუნებს. ამერიკის ყველაზე დიდებული სიძლიერე მისი აყვავებული ეკონომიკა და ენერგო დომინირებაა, და ეს ინსტრუმენტები ჩვენ ომს აგვარიდებს თავიდან და მოგვცემს საშუალებას, რომ კიდევ ერთხელ ლიდერები ძლიერების პოზიციიდან ვიყოთ". - წერს უოლცი.

აშშ-ს ახლად არჩეულმა პრეზიდენტმა დონალდ ტრამპმა 12 ნოემბერს განაცხადა, რომ ისრაელში ამერიკის ელჩად არკანზასის ყოფილ გუბერნატორს, მაიკ ჰაკაბის, დანიშნავს.

ჰაკაბი ისრაელის მტკიცე მხარდაჭერად მიიჩნევა. აღნიშნული ინფორმაციის გავრცელებამდე ტრამპმა განაცხადა, რომ ჰამასისა და ჰეზბოლას წინააღმდეგ მიმდინარე ისრაელის ომის ფონზე, აშშ-ს საგარეო პოლიტიკას ისრაელის ინტერესებს დაუახლოებს.

"მაიკი დიდებული საჯარო მოხელე და რწმენის მხრივ ლიდერი იყო მრავალი წლის მანძილზე. მას ისრაელი და ისრაელელი ხალხი უყვარს, და მსგავსად, ისრაელელ ხალხს იგი უყვარს. მაიკი დაუღალავად იმუშავებს, რათა ახლო აღმოსავლეთში მშვიდობა დაამყაროს!". - განაცხადა ტრამპმა

დევიდ ფრიდმანმა, რომელიც ტრამპის პირველი ვადის დროს ისრაელში აშშ-ს ელჩად მსახურობდა, განაცხადა, რომ იგი "მოხარულია" ტრამპის მხრიდან პოსტისთვის ჰაკაბის შერჩევით.

NATO-ს გენერალურმა მდივანმა, მარკ რუტემ დონალდ ტრამპს აშშ-ის არჩევნებში გამარჯვება მიულოცა. ტრამპს არაერთხელ გაუკრიტიკებია ალიანსი და მიიჩნევა, რომ მისი გაპრეზიდენტება აშშ-NATO-ს ურთიერთობაზე გავლენას იქონიებს.

"ახლახან დონალდ ტრამპს აშშ-ის პრეზიდენტად არჩევა მივულოცე. მისი ხელმძღვანელობა კვლავ იქნება ჩვენი ალიანსის სიძლიერის შენარჩუნების საკვანძო ნაწილი. მოუთმენლად ველი მასთან ერთად კიდევ მუშაობას, რათა სიძლიერისა და NATO-ს მეშვეობით მშვიდობას ხელი შევუწყოთ", - დაწერა რუტემ X-ზე.

რესპუბლიკელმა დონალდ ტრამპმა აშშ-ის საპრეზიდენტო არჩევნებში გაიმარჯვა. ტრამპს ამ მომენტისთვის მიღებული აქვს საარჩევნო კოლეგიის 277 ხმა. არჩევნებში გამარჯვებისთვის საჭიროა 270 ხმა.

ტრამპის კონკურენტს დემოკრატიული პარტიიდან, კამალა ჰარისს საარჩევნო კოლეგიის 224 ხმა აქვს მიღებული.

რესპუბლიკელების კანდიდატმა უკვე დადასტურებლად 7 მერყევი შტატიდან 4-ში: პენსილვანიაში, ჯორჯიაში, ვისკონსინში და ჩრდილოეთ კაროლინაში გაიმარჯვა. ხმების დათვლა გრძელდება მიჩიგანში, ნევადაში, არიზონასა და ალასკაში, რომელთაგან ყველაში დონალდ ტრამპი ლიდერობს.

კრემლის პრესსპიკერმა, დმიტრი პესკოვმა განაცხადა, რომ მისთვის "ცნობილი არაა" ვლადიმირ პუტინის გეგმების შესახებ, მიულოცავს თუ არა დონალდ ტრამპს გამარჯვებას.

"მაინც არ დაგვავიწყდეს, რომ ვსაუბრობთ არამეგობრულ ქვეყანაზე, რომელიც პირდაპირ და ირიბად ჩართულია ომში ჩვენი ქვეყნის წინააღმდეგ", - განაცხადა პესკოვმა.

კითხვაზე, ხომ არ ეწყინება ტრამპს, თუ პუტინი საბოლოოდ არ მიულოცავს მას გამარჯვებას, და ხომ არ გააუარესებს ეს აშშ-სა და რუსეთს შოპრის ურთიერთობებს, პესკოვმა თქვა:

"უფრო გაუარესება, პრაქტიკულად, შეუძლებელია, ურთიერთობები ისტორიულად ყველაზე დაბალ ნიშნულზეა. შემდეგ კი უკვე დამოკიდებული იქნება აშშ-ის მომდევნო ხელმძღვანელობაზე. პრეზიდენტმა პუტინმა არაერთხელ გაიმეორა, რომ ის ღიაა კონსტრუქციული დიალოგისთვის, რომელიც დაფუძნებულია სამართლიანობაზე, თანასწორობაზე და ერთმანეთის წუხილის გათვალისწინების სურვილზე".

"საქართველოს მთავრობის მოქმედების კურსის გამო, ევროკავშირის ლიდერებმა საქართველოს გაწევრიანების პროცესი შეაჩერეს. ის შეჩერებული იქნება იქამდე, სანამ საქართველო ევროკავშირისგან ჩვენი ღირებულებებისა და ჩვენი პრინციპებისგან დაშორებას გააგრძელებს" | განაცხადა ევროკავშირის ელჩმა საქართველოში, პაველ ჰერჩინსკიმ

„საქართველოში საპარლამენტო არჩევნები სერიოზული დარღვევით აღინიშნება, რაც უნდა იყოს გამოძიებული გამჭვირვალედ და დამოუკიდებლად. მე არ ჩამოვთვლი ამ დარღვევებს, მაგრამ გახლავთ ბევრი და მნიშვნელოვანია ხაზი გავუსვათ, რომ დამოუკიდებელმა დამკვირვებლებმა არ აღნიშნეს, რომ არჩევნები იყო თავისუფალი და სამართლიანი და ეს ითხოვს გამოძიებას იმისთვის, რომ ნათელი მოეფინოს იმას, რა მოხდა, რა იყო დარღვევების მასშტაბი და როგორ მოახდინა ამან ზეგავლენა შედეგებზე“ — ევროკავშირის უმაღლესი წარმომადგენელი ჯოზეფ ბორელი

"დღეს გავიგე, რომ საქართველოს ხელისუფლებამ გაყინა ქალბატონი ბუზიაშვილისა და გელავას საბანკო ანგარიშები ყოველგვარი სამართლებრივი დასაბუთებისა და სასამართლოს გადაწყვეტილების გარეშე. მიმაჩნია, რომ ეს არის პირდაპირი თავდასხმა სამოქალაქო საზოგადოებაზე საქართველოს ხელისუფლების მხრიდან. მე ასევე მჯერა, რომ ეს არის თავდასხმა შეერთებული შტატების ინსტიტუტზე, რომელიც მათ ასაქმებს. თუ ეს მომავალზე მიუთითებს, მაშინ გასაგებია, რომ "ქართული ოცნების" ხელისუფლება სწრაფად გადადის რუსული სტილის ავტორიტარიზმში. მთავრობამ უნდა აცადოს მკვლევრებს, გააკეთონ თავიანთი სამუშაო რეპრესიების შიშის გარეშე. ჩვენი მეგობარი აქტი დასჯის მათ, ვინც საქართველოში კანონის უზენაესობას არღვევს" | ვკითხულობთ ჰელსინკის კომისიის თავმჯდომარის, ჯო უილსონის განცხადებაში.

თეთრი სახლის უშიშროების საბჭოს წარმომადგენელმა ჯონ კირბიმ განაცხადა, რომ თუ რუსეთში მყოფი ჩრდილოკორეელი ჯარისკაცები უკრაინაში საბრძოლო მოქმედებებში ჩაერთვებიან, ისინი ლეგიტიმურ სამიზნედ იქცევიან.

„ჯერჯერობით არ ვიცით, იბრძოლებენ თუ არა ეს ჯარისკაცები რუსეთის არმიის მხარდამხარ. მაგრამ ამის შესაძლებლობა დიდ შეშფოთებას იწვევს,“ - დასძინა მან.