https://youtu.be/6MOnrsm08Qk?si=Rb0bH2hQ6bb8mY7P

انصارك غياره متعوف الزياره
———————
اربعين حسين يكضي ويبدي موعد خدمتك
بـ ارض سامراء لازم تبقه تخفك رايتــــــــك
جان اليزورك يموت وماتركنه زيارتـــــــــك
بدم شبابك يبو المهدي تضل تلمع كبتــك

وعيون المناره متعوف الزياره
———————
مثل ثامن من محرم عدنه يومك هم صعب
يوم ثامن من ربيع شكد مواكب تنصـــــب
انت بين اهلك الشيعه انت مو برض الغرب
شما بعد دربك علينه حبك يكصر الــــــدرب

يم بابك حياره متعوف الزياره
———————
الك مشايه اجينه وديرتك صاحت هــــله
والدرب كله مواكب بيها ريحة كربـــــــله
تطب زوراك وتطلع يبو المهدي مدللــــه
يعني مقبوله الزياره الشباج من نقبـــــله

والشافت اشاره متعوف الزياره
———————
انت والهادي نشوفك بعين الكلوب التهل
الليله تفتر عـالمواكب وماخذ وياك السجل
تمسح بطارف جفوفك عالجبير وعا الطفل
والصعب يوم الزياره يصير يم بابك سهل

لمصابك حراره متعوف الزياره
———————

يواسي ابو صالح دمعنه وبيته ويانه ونون
الأبو مسموم يرحل ليش ويغيب الابـــن
ابنك اذانه بغيابه وينتهي بجيته الحـــزن
الليله يم سردابه نكعد بلكت اعلينه يحن

دمعات انتضاره متعوف الزياره
———————
سيد معتز الحسيني

هله تنكل هلـه ورايه تسبك رايه
بسلام لكربـلــــه تدخل المشايه
گلب يلزم گلب عله طول الدرب
المواگب تنصب
هله بزوار الحــــــسين
———————-
دك جرصها الساعه وصاحت السماعه
حسين وين اتباعه
خل تروح تزوره

البيت خالي نعوفه الموكب احله نشوفه
الكمر من نطوفه
نرسم اجمل صوره

البساتين النه تشهد زرنه من جانت منع
لو تكطعونه هتفنه المشي ماينگطـــــع

جان المشي كطع جفوف
بذاك الوكت زرنه زحـــوف
يحلم يمر بينه الخــــــوف
ماخفنه

سنه انتاني سنه الموكب ترد روحه
مشي مشي مشي كلمه كلها ملوحه
تجي كل الأرض مشي تأدي الفرض
عله صوت النبض
هله بزوار الحــــــسين
———————-
يله خل نباشر ابو الموكب حاضر
يعزب آخر زاير
يله تمشي اجدامه

المرضه والمابيها حسينه يشافيها
بالمشي نلاكيها
تمشي وي خدامه

الموكب نقسمه بطبعنه نص يزور ونص خدم
ومن يرد النص الأول الثاني هم يمشي نعـــم

يملي الوطن خير حسين
زاير اِخذ ماي العيــــن
درب المشي الدرب الزين
مشايه

المضايف عامره والسفر ممدوده
المواكب حاضره والخدم موجوده
مشينه وهيبته العوالم نقلته
شعاره وكلمته
هله بزوار الحــــــسين
———————-
هذا يوم الغيره تمشي كل الديره
حسين محد غَيره
يمتلك شعبيته

تمشي كل شيابنه والأهل واحبابنه
والمعزب جابنه
نبات بحسينيته

البيت الزوار يمه بيته شيخ المنطقــــه
الزاير نحسبه اخونه ومن يجينه نصادقه

يوم المشي يوحد الناس
يوم المشي رفعـــة راس
ترفع علم للعـــــــباس
خدامه

نشوف الوالده تشجع بأولادهــــا
الثواب توزعه كل سنه ويه أحفادها
دموع الخادمه تفرح فاطمه
كتبناها بدمه
هله بزوار الحــــــسين

——————-
الخادم تهد حيله ساعة التعزيله
موكبه امن يشيله
يهل دمع عيونه

من يرد البيته الهوه يزاعل ريته
بموكبك لميته ؟
عياله يتلكونه

تركض ايام الزياره مثل ايام العمر
بلايه زوار الطريق يصير ياعالم كبر

من الحجي يبح الصوت
سنت التجي خاف نموت
نبقه خدم للتابـــــــوب
كلناها

نفلشها الخيم لو كضت الزياره
ونتنايها سنه والدمع يتجـــاره
گلب يلهب جمر مشي يسوه العمر
سنه نضل ننتضر
هله بزوار الحــــــسين
—————-
سيد معتز الحسيني

كل ليله اموت بفركاك وهدومك اتشيعني
——————-
شلونك يجرحي المايطيب شلونك
ضليت بس جلد ودمع من دونك
هسه وگبل وصفة دواي عيونـــك
لو يمي ضلن بالدار جان المرض ودعني
——————
انت الجنت صبح ومسه اداريني
هسه صرت صبح ومسه تبجيني
المن يبويه بدارك مخلينــــــني
يايوم ياساعه الكاك يالفكدك مضيعني
—————
ضلمه المدينه وجيتك تضويها
ارحم يبويه ابنيتك الناسيـــــها
طب العرب كل العلل يشفيها
وبعلت الفركه احتار من حزني ماطلعني
———————
بويه بغيابك بس دمع سالفتي
وجفوفي بعدك طبعت بخاصرتي
صار شكثر ماكلت وين ابنيتي
بلكت يبويه الأقدار وياك هم تجمعني
——————-
مية سنه فراك الضعن كبرني
الف انعم الله هدومك تصبرني
كاسرني يفراك الأبو كاسرني
ضليت اصيح بجفاك تسمعني ماتسمعني
——————
بعد الهجر هلبت تجي ونتلاكه
لصوتك يبويه وداعتك مشتاكه
مو تدري نيران الهجر حراكـــه
والفارك احبابه يعيش مرتاح لاتقنعني
———————
عنك يمالك دنيتي ابعيد الشر
كل خوفي بويه بكربله تتوذر
وحبل الوصل يابويه مثل المنحر
يكطع وصلنه الذباح وبخنجره يكطعني
—————-
سيد معتز الحسيني

لا رساله ولا خبر 
               طالت ايام السفر

                     —————
        انت مو تدري الهجر ماينحمل
        دمع ام عباس من دم يهل
       مو سهل يفراك وجهك مو سهل
        مو بعيده وياك يلتم الشمل

            جرح المفارك كبر 
            طالت ايام السفر

                    —————
        عكب عينك يمه ماريد العمر
     شفت نجم الحزن مو نجم الضهر
        يمه مالك نيه بديارك تمــــــر
       خذت وياك الصبر واهل الصبر
          بعد ما احمل قهر 
           طالت ايام السفر
                  —————-
        لجرح كلبي بغيبتك ماصح دوه
        أنعم الله ولسه اشتم الــــهوه
        البيت من دونك احسه بلا ضوه
         كلبي خايف خاف مانلتم سوه

           بلكي يجمعه القَدر 
             طالت ايام السفر

                   —————
        كل مسيه عيوني لعيونك تحن
        الدنيا بغيابك مثل باب السجن
       جنت ام الكمر هسه  ام الـــحزن
         يمه وينك اكتب بدمع الجفن
            نايم بعيني السهر 
             طالت ايام السفر
                     ————
         يمه مامريود شلعان الگلب
         يمه والفركه اشد من الحرب
         ارجع ارجع وأنته تندل الدرب
        صرت عنك اسئل الناس الغرب

          رعب وجروح وخطر 
            طالت ايام السفر

                 —————-
        وضعي بعدك مو هذاك الاولي
         ابيا علي اكعد واكوم بيا علي
         يااعز مني واعز ولدي وهلي
          ياحسين مروتك ارجع الي

             مانشف دمع النضر
             طالت ايام السفر
                   ———-
سيد معتز  الحسيني

بالدمع شبكيني يالحبيبه
                   باجر تفكديني يالحبيبه
          باجر ابقه مكسور    باجر عشره عاشور
                             يالحبيبه
__    
         بعد ماضل وكت والموت يلفيني
        وانه البيه بوداعج يختي كافيني
         تعالي من النحر ياعمري شميني
           باجر منكطع نحري تشوفيني
           من الكفه يذبحوني يالحبيبه
             كبالج يسلبوني  يالحبيبه
         باجر ذبح النحور  باجر عشره عاشور
                        يالحبيبه
__      
         خلص عمر الخيم والدنيا خلصانه
            باجر عالشريعه يوكع لوانه
          باجر يختي اشوف الخيل ديانه
            وكلبي بالحوافر تدك بيبانه
           سدي عينج باجر يالحبيبه
          لو سحكني الحافر يالحبيبه
     باجر سحك الصدور  باجر عشره عاشور
                             يالحبيبه
__
            خلينه نتوادع دمعه وي دمعه   
              باجر لاكمر يبقه ولاشمعه
           باجر حته طفلي ينسحك ضلعه
         اصابع ايدي باجر تنحسب تسعه


            تموت كل احبابي  يالحبيبه
             ويسلبج سلابي  يالحبيبه
     باجر سلب الخدور  باجر عشره عاشور
                          يالحبيبه
__    
         الطف كله علينه واحنه مابينه
         نجيب الطاح للخيمه ابواجينه
         باجر كل طفل يقراها بونينه
          جيب الماي ياعباس لسكينه
         ويمشي حته يجيبه يالحبيبه
            والعمود يصيبه يالحبيبه
     باجر مايضل نور  باجر عشره عاشور
                        يالحبيبه
__    
           باجر وحدج تضلين مكتوبه
         مارضه اشوفج وانتي مرعوبه
       الحبيب يموت ادري بموت محبوبه
        يزينب دمنه عندالله اله حوبه
          شدي باجر حيلج يالحبيبه
          ادري موحش ليلج يالحبيبه
       باجر يوكع السور  باجر عشره عاشور
                             يالحبيبه
__    
سيد معتز الحسيني

ياهلا بضعن النبي من العليله للمنيه
وانذبح نحر الدمع كبل يوم الغاضريه
________
لملكه يوسف تحضر دمع يعكوبنه
وبضعن اهله كرب يصل محبوبنه
ماوصل بعده واسود تبدل ثوبنه
وكمنه نشعر حوافر تدوس كلوبنه
مستعد حت الضلع للخيول الاعوجيه
وانذبح نحر الدمع كبل يوم الغاضريه
_______ الحمدلله طالت عمرنه ايامه
وبمحرم عشكنه نعيش الالامه
كبل لايبدي ينصب لخيته خيامه
عالوعد دمها حاضر لكينه الهامه

الهامه لمن تنطبر تصيح اني رافضيه
وانذبح نحر الدمع كبل يوم الغاضريه
_____ بعده كلب الحنين السهم مالاحه
واعله صدرة انتخيل كعد ذباحه
يوم عاشر محرم كرب مصباحه
ونحس من هسة مسرع مشي الرمَاحه
بروس اهلها نحس مشت زينب الحره سبيه
وانذبح نحر الدمع كبل يوم الغاضريه
________
كلشي عابر سبيل ومحرم عَبره
اقره للزهره مَقتل (يعبد الزهره )
اقل من ساعه تكدر تعيش الجمره
اله جمره محرم تضل مستعره

الف عام وماطفت تبقه ثورة عالميه
وانذبح نحر الدمع كبل يوم الغاضريه
______ عشنه حال العليه البقت مصدومه
وبينه رمله تحني الضنه بدمومه
بعده ابو سكينه يَمه اخوته وكومه
واحنه من هسة نشعر سليبه هدومه
بي نحس ابلا دفن وعدت الثالث مسيه
وانذبح نحر الدمع كبل يوم الغاضريه
______سيد معتز الحسيني

نشرت امك فاطمه  ثوبك الينزف الدمه
                 وصاحت املاك السمه
                           حداد
                     __
       الليله دمع الزهره امك يشبه هلال الدمع
       الليله تنزل رايه حمره ورايه سوده ترتفع
     الزهره هاي الليله اصعب عدها من كسر الضلع
       شافت هلال المصيبة البي وريدك ينكطع
        ثوب حزنك شمته  وبجت لمن نشرته
                وكلشي كتبت دمعته
                           حداد
                     __
     فاتحه امن الليله تبدي بكل كلب وبكل جرح
      باقي ايام وتشوفك زينب اختك منذبح
       الليله حيره والمدامع ضيعت وجه الصبح
     مدري هذا هلال شَهرك مدري راسك عالرمح
        هلال هذا مو كمر  ليش يكسرلك ضهر
                 علنت جروف النهر
                        حداد
                  ____
       هلال شهرك بي عليله هواي ضلت تنتضر
      بي تضل زينب وحيده وخالي يلفيها المهر
     ونحرك البي عطر جدك ثنعش طبره ينطبر
    وتسحك بنيتك رقيه اعله الرمل واعلة الجمر
        بين هلال الالم  البي تضل ابلا علم
                 اشعر بكل الخيم
                      حداد
                 ___
     الليله جم حزام ينشد والعكل ماتنلبس
   والفياي دموعه تجري من تضل جوه الشمس
     انت باجر دوم تبقه والخلك كلهم امس
    بكل زمن ثورة وريدك ينطي للعالم درس
      متت لكن مامتت  درس للعالم صرت
             طحت ولزينب صحت
                       حداد
                  __
       بكلب لهفان الزجيه الليله دمعتها تصب
     من عزة تطلع حزينه ولعزة ثاني تطب
     المابجه كلبه لمصابك هذا ماعنده كلب
    باقي جم ليله ويا زينب وتاخذك منها الحرب
       خلافك الدمعه تهل  تركب اختك عالهزل
                 والسبي ماينحمل
                        حداد
                    ____
سيد معتز الحسيني

راح  كل دلالي بطبرتك
                   ليش  ماتحاجي بنيتك
___
            هاي اول مره اشوفك تحجي بعيونك
             وهاي اول  مره اخجل اسال شلونك
              يابعد لوني بطبرتك منخطف لونك
              كون ميته ولانضرتك من يكودونك
                 اخ  اسمعت بذني صيحتك
                 ليش  ماتحاجي بنيتك
______
               كل سنه عيدية منك تاخذ الوادم
              والسنه العيدية عندي كومتك سالم
               يامن بريحه عباتك يفطر الصايم
                مامعودني اشوفك بالفجر نايم

               هاي  بويه مو من عادتك
                ليش  ماتحاجي بنيتك
__
         جنت طفله وامي راحت وانته صرت امي
          بصوتها يابويه اَذكرك شكد صحت بسمي
                كلبي بالطبره تمنه فاطمه يمي
          عالاقل ابجي بحضنها واشكي كل همي
              ريت  يمي امي العافتك
              ليش  ماتحاجي بنيتك
______
           مدري ليش الموت احسه واكف ابابي
            كمت اشوف العيد اسود يشبه ثيابي
            انت مو تدريني احبك حبي لحجابي
           شلون اودعك وانت عندي اغله احبابي
               حيل  تريد مني جنازتك
               ليش  ماتحاجي بنيتك
_____
            اعليك طولك ياحبيبي اليوجع فراكه
              بكربله ليلت الوحشة كون نتلاكه
            سلم اعله الزهره امي الالها مشتاكه
            وكلها زينب عكب عيني تمشي عالناكه
                نوك   اصعد انه بفركتك
               ليش  ماتحاجي بنيتك
_____
         جنت يمها تخلي كلبك لوردت تطلع
            رايح وذيج الليالي ماضن ماترجع
       جنت من ابجي جفوفك تمسح المدمع
           وهسه منك كلمه بويه بعد  مااسمع
                بروح  اشتريها كلمتك
               ليش  ماتحاجي بنيتك
_____
سيد معتز الحسيني