🇺🇸🇳🇪🇹🇩ÁİŠ de Niger ı Cádi acavon zaminon ko ıšta artıši bekárdey bárada gapon bárdeydan. Imi cı Pentagoni ko votašone.

#Siyosat
#Áfrika

⚡️Ávropárláment zina cı Ozarboyjon ada insona hıquqon dagárdıši bárada qarordodıš qabul kárda u Ávrokomissiyaš hele kárdaše, ki ay de Ozarboyjoni cı energetika sáha ada ıšta hamkorati ohášti. Sıvoy ımi, ba Áİ an ovárdašone, ki ba Ozarboyjoni vazifayna šaxson sánksiyaon tatbiq bıkayn.

Imrúž cı Ozarboyjoni XKV-i ba ım qarordodi tánaš ža.

#Siyosat
#JanubiyaQáfqáz

🇮🇱🇩🇪🇹🇷Imrúž de Álmániya prezidenti dimadida hángomi cı Tırkiya prezident, Rajab Táyyip Ardoqáni votaše, ki cı Tırkiya hani de İsráili faola tijoriya mınosibatonıš ni.

"De ımi an sa be. Qayri-mumkin'e tijoriya aloqaon ogatey de İsráili, ki ba oxırna malumoton asos, av Qáza ada cı 40 hazo sa vey odami márde ro gınokor'e,” — tırkiyavıža rahbari alovaš kárda.

#Siyosat
#Jáng
#NezaŠarg
#İgtisádiyyát

🇦🇿🇦🇲Imrúž cı delimitásiyoni prossesi cárciva ada cı Ozarboyjoni de Ermanistoni márzi ko imina sıtun noa bıa.

#Siyosat
#JanubiyaQáfqáz
#ÁštiyaGapon

📣Cı İroni tolıšon media "Hažen"-i nıvıštaše, ki Milliya Majlis ada bo vaoma tolıšazıvona nımoyandaon ko iborat fráksiyon obabe, ba beša malumoti asos, fráksiyon ada co kasna nımoyandati babe. Im bayonoti cı Tolıša šahristoni ko deputát, doktor Yásir İslomdusti doaše.

Hazhen News:

🗣️Tolıš šahristoni majlisa nımoyanda Tolıša zıvona nımoyandaon fráksiyoni one ku xabaš do.

Duktur Yásir İslomdust votıše ki oma majlis ada 4 gıla Tolıša nımoyanda babe, Somaso nımoyanda, Fumani nımoyanda, Xalxoli nımoyanda va ama ki mardumi xidmat adamon, Tolıša nımoyandaon gada fráksiyon ada ibemonati u idıliatimon babe.🗣️

#Tolıš
#Farhang

🇦🇿🇺🇸Cı Ozarboyjoni prezident İlhám Aliyevi ba Urúsiyyat daro gıniya hángomi cı ÁİŠ'i ba Ozarboyjoni mamuron sánksiyaon noey ko xabar pevılo be.

De Diná Titusi rahbarati i kovla ámerikanıža kongressmeni ım háfta núa qánuna loyiha ebadášte - ayo ba 40 kas ozarboyjonıža bárzarıtbayna mamuri (sarbozon, hokimon, mıstantiqon u jo rasmiya šaxson) vayna sánksiyaon tatbiqi ko gap šeda. Vota beda, ki várda bıa nomon siyohi tamom bıa ni.

🔗Tafarrúotina malumoti cıyo bašoyon (bazıneyon) hándey:
https://turan.az/en/politics/us-congress-to-introduce-first-ever-sanctions-bill-targeting-azerbaijani-officials-over-right-violations-779652#:~:text=The%20list%20of%20Azerbaijani%20high,of%20Azerbaijan's%20pro%2Ddemocracy%20activists

#Siyosat
#Jáng
#JanubiyaQáfqáz

turan.az

U.S. Congress To Introduce First-Ever Sanctions Bill Targeting Azerbaijani Officials Over Right Violations

A bipartisan and bicameral group of lawmakers led by Congresswoman Dina Titus (D-NV) is planning to introduce the first-ever Azerbaijan Sanctions Review Act this week, TURAN's Washington correspondent has learned from Congressional sources.

🗣️Ayo gapon šin, hárcimon hozı kárde. Ba tadbiri i rúž mánday, yánvára mángi 27 ada, šámba rúži cı Lánkona Šahri Polisa İdora xidmati ro raisi mıovin İltifát Yusifovi ba cama tadbiri taškiloti masalaon ada ba ama komagaka gılay másállúži zángıšon ža, ki bo tadbiri ro cı kiy ko ijozaon sta? Votaše, ki qánuni hášteydani ım tadbiri davoniyey. Hamona a odam an pársaše, ki ım kom qánune? Darosniyanan, ama an bızınamon. Gávar, haqiqatan žıgona qánun heste. İltifát Yusifovi hic gıla ustpura asosıš várde nızıne, igla votaše, ki qánun ba ımi ijoza doydani.🗣️

Tafarrúotina cı "Rušna" Tolıša Moynaon İbemoni uzv, tolıša faol Kenul Rasuli ba "Meydan TV" doa malumoti ko bašoyon hándey:

🔗https://storage.googleapis.com/qurium/www.meydan.tv/az-article-polisin-lenkeranda-ana-dili-gunune-hesr-olunmus-tedbire-mane-oldugu-deyilir.html

#Tolıš
#MoaZıvon

📣‼️Ba kánáli ahándon nazari ım xabari rosniyeydamon, ki yánvára mángi 28 ada "Rušna" Tolıša Moynaon İbemoni bo Moa Zıvoni rúži ro tadbir davoniyey hozı bedabe. Si kasi ko iborata tadbir cı Lánkoni Šáqolasera di ada "Šáqlaser" nomina káfe ada piyašone davoniyey, vali i rúž banáv, yani yánvára mángi 27 ada cı Lánkoni polisi ko ba ištirokakaon ko gılay, xánanda Elvár Aqayevi zángıšon ža u bay votašone "Ba šıma ki háštaše ım tadbiri davoniyey?" Tolıša sáir Adolat Akbari ko izohotıšon say, "Šáqlaser"-a káfe bo dı rúž dabástašone. "Rušna" ibemoni uzvon de tadbiri mehmonon u hırdanon, ki šer avotin, majbur mándan Moa Zıvoni rúži tadbiri cı šáir Xánali Tolıši kay ada davoniye.

❗️Cı ım hodisa ko tafarrúotina malumoti máški cı hodisa šohidon, "Rušna" ibemoni uzvon, "Ziza TV" ada her-hevuž gap bažen.

#MoaZıvon
#Tolıš

🦠‼️Lánkon ada sılli ko 6-sinnina kina márda.

Report-i nıvıštaše, ki hırdani de bárza tavi ba noxašxona bárdašone.

Ba doktoron sayon raqman, hırdani peroxniyey zınašonni.

#Epidemiya
#Tolıš

Imrúžna xabaron kırta ijmol:

🇹🇷🇦🇿Cı Tırkiya XKV-i rahbar Hákán Fidán ba Boku oma, de Ozarboyjoni prezidenti u ıšta ozarboyjonıža hamkori na dimadidaš bıa.

🇮🇷🇷🇺İroni de Ávrásiya İgtisádiya İttifoqi (Áİİ) cı ozoda tijorati bárada soziši imzo kárda tárıxi tasdıqıš kárde — ba sanadi dekábra mángi 25 Sánkt-Peterburg ada imzo banon.

🇦🇿Ozarboyjon (Boku, Ganja, Naxcivon) ada cı Milliya Mıdofia Zınıšgo nazdada se gıla xısusiya tayinotina jángiya kollej basoxten.

🇦🇿Oma sori ko ba Mıdofia Vazárati kursánton (jángiya maktabon talabaon) pul badon: ba bárza harbiya zınaygoon ı kollejon daša kason — 500 manot, ba harbiya liseyon daša kason — 300 manot.

🇹🇷🇷🇺Putin cı toža sori náv ada bo Ardoqáni na dimadida kárdey hozı beda. “Áz hozı bim ım nezoni ba Tırkiya parey. Faqat cımı tırkiyavıža hamkori barnoma puri ro dimadida nıbe,” — votaše ay.

🇦🇿Širván ada sılli ko gılay 12-sinnina zoa márda. Zina Sputnik Azerbaijan-i ba rasmia malumoti istinodan nıvıštašbe, ki sılli na vaziyyat Ozarboyjon ada sábite.

🇨🇳Cin ijtimáiyya vıraon ada máskayna režimi ogordıniyaše.

#Kırtaİjmol