الي عنده فوريست
يجي لان سويت جدول

https://t.me/Foresthubbb/464

الله يوفقكم يارب

⭐️ السلام عليكم ورحمة الله وبركاته فهرس القناة : - ملفات استاذ غشام - تجميعات الحوت - ربط تحصيلي : #ربط_511 - 1 اسئلة عشوائية مفيدة - سوال الانكسار الي الجميع غلط فيه - 2 اسئة عشوائية مفيدة - جداول مذاكرة غشام - ربط اهم صورة - ملخصات لجميع المواد…

⭐️6 : سلام عليكم و رحمة الله و بركاته. ملاحظات هامة جدًا قبل لا أبدا بطرح تجربتي:- - الدرجة الي جبتها و الاختبار هذا كله من فضل الله عز و جل. - أبدًا أبدًا لحد يسوي نفس الي أنا سويته. - كان عندي ظروف و حالتي النفسية و الجسدية كانت سيئة. -مستواي الدراسي كان…

⭐️**6 :

سلام عليكم و رحمة الله و بركاته.
ملاحظات هامة جدًا قبل لا أبدا بطرح تجربتي:-
- الدرجة الي جبتها و الاختبار هذا كله من فضل الله عز و جل.
- أبدًا أبدًا لحد يسوي نفس الي أنا سويته.
- كان عندي ظروف و حالتي النفسية و الجسدية كانت سيئة.
-مستواي الدراسي كان جدًا مرتفع الحمدلله و هذا الي ساعدني من بعد الله.
-------
بسم الله نبدأ
طبعًا أنا خريجة 2024 جبت بإختبار التحصيلي (ماشاء الله تبارك الرحمن) 94.
-------
مدة مذاكرتي:-
للأسف الشديد كانت أسبوع و 3 أيام فقط و لكن بشكل مكثف جدًا.
-------
مصادري:-
الكُتب سواء الكتروني او ورقي:
- ناصر 24 ورقي اشتريته.
- تأسيس غشام من قناته.
قنوات يوتيوب:
- محمد زيادة (شرح تأسيس ناصر فيزياء و كيمياء).
- عبدالوهاب العوهلي (شرح تأسيس ناصر رياضيات).
تسريبات و تدريبات و تجميعات:
- قناة خالد (الله يسعده و يوفقه دنيا و آخرة، جزاه الله كُل خير).
- سايفر (الله يسعدهم ما قصروا).
-غشام (جزاه الله كُل خير).
-------
تأسيس المواد:-
الأحياء:
طبعًا أنا بالأحياء كنت أتذكر كل شيء بسبب معلمتي جزاها الله كُل خير لكن كانت عندي مشكلة وحدة فقط الي هي أحياء ١ و أحياء ثاني الترم الأول ، بإختصار كان عندي مشكلة مع النباتات و البكتيريا و ما إلى ذلك ، خلصت الأحياء ب ٣ أيام تقريبًا و بالطبع كنت مرة مستعجلة لكن فهمت الأحياء فهم و حفظ بإتقان مو أي كلام و أستعنت بالله في كُل خطوة أخطوها ، و علم البيئة ما ذاكرته ، كنت بعد كُل درس من ناصر أروح أحل تدريبات غشام الي مع التأسيس تجي بكل درس بعدين نهاية المادة حليت ال 200 سؤال و بكذا خلصت الأحياء.
-------
الكيمياء:
مستواي بالكيمياء كان جدًا مرتفع و كنت فاهمة و حافظة و عارفة أغلب الي فيه و الفضل يعود بعد الله عز و جل إلى معلمتي الله يسعدها دنيا و آخرة ، لكن برضو كان عندي مشكلة مع كيمياء 1 (لأن أول ثانوي درسته بمدرسة أخرى) ف توكلت على الله و استعنت فيه و بديت أذاكر مذاكرة قوية و بعد كل درس أشوف تدريبات غشام و طبعًا التأسيس شفت فيه مقاطع محمد زيادة الله يعطيه العافية أي شيء يكون عندي لبس فيه أروح أشوف شرحه و خلصت الكيمياء بيومين و نص(طبعًا نص اليوم الباقي أخذته استراحة محارب?).
-------
الفيزياء:
ملاحظة جدًا مهمة هنا أنا الفيزياء هي مادتي المفضلة و أستمتع جدًا فيها و مستواي فيها بفضل الله عز و جل أعلى من المرتفع من قبل لا أخش الثانوي ف لحد يقارن مستواه بالفيزياء بمستواي لأن الدراسة حقتي له مختلفة تمامًا و مستمرة لمدة تزيد عن 3 سنين حقت الثانوي ، خلصت الفيزياء بيومين فقط كنت أشوف تأسيس محمد زيادة جزاه الله خير و معتمدة على الله بكل أموري و متوكله عليه هو فقط ، كنت كالعادة بأي مادة أشوف الدرس أحل تدريبات غشام و كنت أمشي فيه بسرعة و درس الميكانيكا(مو عشان صعب لحد يستصعبه و يسمع كلام الناس الي يقولون إنه صعب هو فقط طويل)قعدت فيه فترة طويلة كلها كانت تدريبات و حل مسائل عشان أتقنها بشكل أفضل ، خلصت التأسيس حق الفيزياء و الحمدلله أموري كانت ماشية مرة كويس بفضل الله عز و جل.
-------
الرياضيات:
الرياضيات برضو مادتي المفضلة و برضو مستواي فيها مختلف تمامًا بفضل الله ما بتطرق لهذا الموضوع لأنه مو موضوعنا و لكن كان عندي مشكلة كبيرة ألا و هي الهندسة كنت أكره هذا الفرع من الرياضيات و أستصعبه من قبل التحصيلي كانت الأشكال تسبب لي رعب و ما أطيق أشوفها لكن توكلت على الله و دعيت إنه ربي يوفقني بمذاكرتها و الحمدلله بفضله عز و جل سلكت بالهندسة قعدت فيها يوم كامل و كان باقي على اختباري الأول يوم واحد فقط (أختباري كان الأحد) و توترت شوي و هذا أكبر غلط! ، صليت و طلبت الله يعطيني الصبر و الشدة و توكلت عليه و كملت التأسيس لكن ما خلصته و كنت أدعي الله أدعيه من كل قلبي إنه اختباري الأول يكون فقط فيزياء (قعدت أتشرط بعد و أدعي إنه تكون فيزياء حديثة و نووية?) و إنه يكون قليل رياضيات و خلصت تقريبًا أول 12 درس فقط و للمعلومية بعض الأشياء سكبتها لأنها كانت طويلة و توقعت ما تجي و توكلت على الله و رحت للي بعده.
-------
التدريب و التسريبات و التجميعات:-**
بالنسبة لهذا الموضوع ترا كنت أراجع كل يوم كل المواد عن طريق التدريبات و التجميعات و يوم بدا اختبار التحصيلي كنت اشوف التسريبات أول بأول و استعين بالله و استودع الله كل ما حفظت و قناة خالد(جزاه الله خير) كنت كل ما مسكت جوالي أدخل أحل فيها و أحل كويزاته و سايفر(جزاهم الله خير) أحل الأسئلة حقت ملخصاتهم و يوم الأحد قعدت أحل بالتسريبات و أشوف الأشياء المهمة جدًا و تجارب الطلاب بقروب غشام و وش يقولون و كنت كل ما أشوف كلام سلبي أتجنبه و أحوقل(لا حول ولا قوة إلا بالله)و وقفت كُل شيء من حل و تدريب و مراجعة الساعة 5.

?5:

بسم الله الرحمن الرحيم ..

(وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ)

قال تعالى ﴿ وَإِذا سَأَلَكَ عِبادى عَنّى فَإِنّى قَريبٌ أُجيبُ دَعوَةَ الدّاعِ إِذا دَعانِ فَليَستَجيبوا لى وَليُؤمِنوا بى لَعَلَّهُم يَرشُدونَ ﴾

السلام عليكم معكم خريجه 2024حاصله على +95 فترتين ماشاء الله بحاول انقل لكم تجربتي بالتفصيل ،أتمنى تفيدكم
اول شي حابه أقول انه أساسي بالمدرسه كان مو تمام من أولى ثانوي ماكنت أذاكر للمدرسه بحكم كانت الملخصات كلها عندي وذا كان اكبر تحدي بس مع التوكل على الله والاجتهاد مافي مستحيل ..
حابه أقول كم حاجه قبل ابدأ :
اول شي مده مذاكره شخص عن شخص بتفرق أكيد حسب مستوى الشخص وأساسه بالمدرسه و كل مابديت بدري اكثر كان افضل يكون عندك وقت تراجع وتحل تجميعات اكثر
ثاني شي لا تتخوفون من المعياري ! لاتجلس تفكر بالمعياري ويشتتك طول وقت المذاكره توكل على الله وخل ثقتك بربي قويه ومارح يضيع تعبك بإذن الله .
يلا نبدأ ?

⏺مده مذاكرتي كانت ٥شهور أو ٦ تقريباً كان بالبدايه فيها شوي تسويف بس آخر شهرين ضغط نفسي
(زي ماقلت لكم مده مذاكره شخص عن شخص تفرق )
التأسيس
⏺الفيزياء : اول ماده بدأت فيها تأسست من كتاب ناصر عبد الكريم مع دكتوره فرح بعدين راجعت من ناصر وبعدها راجعت من ملخص يلو للفيزياء الملخص خطير وفيه معلومات اكثر مو موجوده بكتاب ناصر مره فادني ( مراجعتي الي من يلو كانت برمضان لكل المواد عدا الأحياء )

⏺الرياضيات :تأسست من المعاصر (شرحه بالقطوع خطير )ويوم خلصته وجيت بحل تمارين ناصر حسيت مستواها كان اعلى من الي بالمعاصر ف كنت كل درس يوم أحله إذا حليته كويس وكنت فاهمته بناصر ما أشوف شرح بس إذا وقفت عند درس أدور شرح في مهند أو فرح بالنسبه للمراجعه كانت مع ملخص يلو للرياضيات يجنن شامل كل حاجه بعض الدروس شفت شرحها مع ناديه

⏺الكيمياء : أسوء ماده بالنسبه لي ?عانيت فيها كثير ممكن لأني كنت مستصعبتها بالبدايه وذي نقطه مهمه بتلكم فيها بعدين تأسست من كتاب ناصر مع العمري شرحه حلو ومفهوم بعدين راجعتها من يلو وكنت دايم أراجعها كل فتره وفتره ارجع أراجعها من ملخص يلو بحكم أني أنساها كثير

⏺الأحياء :كتاب النبلاء +دوره النبلاء افضل مصدر ممكن تذاكر منه الأحياء شامل والدكتور إبراهيم حفني شرحه يجنن ويكون معك من بدايه التأسيس الين يوم الاختبار حتى بعد الاختبار يجاوب على كل الاستفسارت ويعطي جدوال ويسهل معلومات كثير معه مارح تحتاج اي مصدر ثاني بإذن الله .
بعطيكم غلط غلطته يوم كنت أذاكر مع النبلاء رحت لكم مصدر ثاني طبيعي كنت متخوفه انه يكون فيه نقص وكذا بس تشتت على الفاضي ورجعت للنبلاء واعتمده بس هو الين يوم الاختبار .

⏺التجميعات ؛
غشام ٢٣،٢٢ (مهم)
يلو (يرفع المستوى فيه اسئله من المنهج)
النبلاء(احياء) (مهم جداً )
جهاد اهم ٤٠٠ سؤال (مهم)
الكنز (كل المواد عدا الأحياء )(مهم )
الحوت فترات ٢٣،٢٢،٢١
سايفر ٢٣ ، ٢٢
ملحق ناصر
————————————————————————
تسريبات يلو (مهم)
تسريبات المهندسه
توقعات آينشتاين (مكرر من التجميعات )
تسريبات غشام (مهم)
القرش (مهم)

نصائح ؛
انتبهو تستصعبون ماده قبل تبدأون فيها
التدريب مهم كل ماتدربت اكثر ارتفع مستواك اكثر
خلو دفتر اكتبو فيه الأشياء الي تلخبطون فيها
المعلومات الي تنساها كثير علقها بمكان دراستك يصير تشوفها كثير وتحفظها
*حل كويزات كثير مره يفيد بس انتبهو للكويزات بعض الأحيان يكون في أغلاط

شنو اسوي قبل الاختبار ؟?
بقول لكم الي سويته قبل الاختبار بأسبوع تقريباً راجعت كل المواد من يلو عدا الأحياء النبلاء وعدت غشام واهم ٤٠٠ سؤال وكمان يلو حق الاسئله المهمه بعدين بدأت تنزل تسريبات الي اختبرو صرت احلها الين يوم اختباري

طيب بين الفترتين ؟?
راجعت كل المواد بس بتركيز اكثر من قبل من ملخصات يلو عدا الأحياء من النبلاء عدت كمان كم تجميع مع التسريبات

حابه أقول لدفعه 25 ?
توكلو على الله وخلو ثقتكم بربي قويه ومارح يضيع تعبكم كانت فتره جداً متعبه بس صدقوني النتيجه و فرحتك وفرحه اهلك وافتخارك بنفسك بتهون كل التعب
اجتهدو عشان تشكرون نفسكم بعدين فتره وتعدي استغلوها بالاستثمار في مستقبلكم لأنه أحلامكم تستحق التعب ..

أتمنى أفدتكم ولو بشي بسيط ،دعواتكم لي ?

? **السلام عليكم ورحمة الله وبركاتة

جميع الي كانو بالقناة و استفادو منها او الاشياء إلي أستفاد منها او يبي يشكر لأجل يفيد الدفعات الجايه

يرسل على بوت التواصل :** @ka7jz_bot