Ўзбекистон сиёсий партияларининг сайловолди дастурлари. Танишиб чиқишингизни сўраймиз.

Ҳурматли ватандошлар,

Ўзбекистон Республикаси Парламентига бўладиган сайлов муносабати билан 2024 йил 19 октябрь куни Данияда соат 10.00 дан 16.00 га қадар (Rosenhøj 31, 8260 Viby J) ва 20 октябрь куни Норвегияда соат 10.00 дан 16.00 га (Apalløkkveien 35, Oslo) муддатидан олдин овоз бериш жараёнлари ўтказилади.

Ушбу фурсатдан унумли фойдаланиш мақсадида Дания ва Норвегия ҳудудида истиқомат қилаётган Ўзбекистон фуқароларига консуллик хизматларини кўрсатиш режалаштирилди. Консуллик хизматларини сифатли ўтказиш мақсадида сизларни қизиқтирган барча саволларни Элчихонанинг консуллик бўлимига юборишингизни сўраймиз (электрон манзил: [email protected] ёки +46730574460 рақамига телеграм мессенжери орқали боғланиш мумкин).

Парламент сайловлари давомида қуйидаги консуллик масалалари ҳам муҳокама қилиш кўзда тутилган.

1. Ўзбекистон Республикаси фуқаросининг паспортини расмийлаштиришга оид.
2. Ўзбекистон Республикаси фуқароси номидан ишончнома расмийлаштириш.
3. Ватанга қайтиш гувоҳномасини расмийлаштириш.
4. Сизни қизиқтирган бошқа масалалар.

Ушбу тадбирлардан самарали фойдаланиш ва барча ватандошларимиз билан яқин кунларда учрашишдан манфаатдормиз.

Ҳурмат билан,

Ўзбекистоннинг Стокгольмдаги Элчихонаси

Hurmatli vatandoshlar,

Tallnäsvägen 476, Timrå 86133 manzilida istiqomat qiluvchi Salimova Shakhnozani (1981 yil) ko'rganlar yoki bilganlar bo'lsa, Elchixonaning +46730574460 telefon raqamiga bog'lanishingizni so'rab qolamiz.
Ushbu vatandoshimizning oila a'zolari undan xavotir olishmoqda.

Hurmat bilan,
Elchixona

Ҳурматли ватандошлар,

«Ўқитувчи ва мураббийлар куни» муносабати билан Ўзбекистоннинг Стокгольмдаги Элчихонаси Консуллик бўлими 1 октябрь куни фаолият кўрсатмаслигини маълум қиламиз.

Консуллик бўлимига мурожаатларни [email protected] почтасига юборишингиз ёки +46 8 500 891 30 рақамига қўнғироқ қилишингизни сўраймиз.

1 октябрь кунига электрон навбат олган фуқаролардан +46 8 500 891 30 рақамига қўнғироқ қилиб, қабул вақтларини белгилаб олишни сўраймиз.

Ҳурмат билан,
Элчихона

Ҳурматли фуқаролар,

Техник сабабларга кўра, Ўзбекистоннинг Швециядаги Элчихонаси консуллик бўлими 2024 йил 23 сентябрь куни фуқароларга хизмат кўрсатмайди.
23 сентябрга навбат олган фуқаролардан бошқа куни ташриф буюришингизни сўраб қоламиз.
Элчихона ноқулайлик учун ўзр сўрайди.

Ҳурмат билан,
Ўзбекистоннинг Швециядаги Элчихонаси

Ҳурматли ватандошлар,
Қуйида Ўзбекистон Олий Мажлиси Қонунчилик палатаси ва Сенати, Қорақалпоғистон Республикаси Жўқорғи Кенгеси, вилоятлар ҳамда Тошкент шаҳар, туман ва шаҳар халқ депутатлари Кенгашлари сайловлари ҳақида видео маълумотлар тақдим этилмоқда.

Азиз ватандошлар,

Ўзбекистон Республикасининг Швециядаги Элчихонаси Стокгольмда истиқомат қилаётган ҳамда иқтисод ёки ташқи иқтисодий фаолият йўналишидаги билим ва кўникмаларга эга бўлган ватандошларимизни ишга таклиф қилади.

Қизиқиш билдирган ватандошларимизни қуйидаги наъмуна бўйича дастлабки ҳужжатларини [email protected] электрон манзили орқали юборишларини сўраймиз.

Талаблар: швед ва инглиз тилларида эркин сўзлашиш
Ҳужжатлар 2024 йил 20 сентябрга қадар қабул қилинади.

Hurmatli vatandoshlar,

O‘zbekiston Respublikasining Shvetsiya Qirolligidagi Elchixonasi barcha vatandoshlarimizni O‘zbekiston Respublikasi Mustaqilligining 33 yilligiga bag‘ishlab, 2024-yil 14-sentabr kuni soat 10.00da Stokgolm Shaxmat Federatsiyasi binosida (Ringvägen 9B, 118 23 Stockholm) tashkil etilayotgan shaxmat turniriga taklif qiladi.

Turnir kattalar (12 yoshdan katta) va bolalar (12 yoshgacha) o‘rtasida bo‘lib o‘tadi. Ishtirokchilar soni cheklangan. Turnir yakuni bo’yicha g‘oliblar munosib taqdirlanadi.

Shaxmat turnirida qatnashish uchun (ism-sharifi va tugilgan yili) **7\-sentyabrga qadar** **[email protected]** elektron pochta manziliga murojaat qilib, ro‘yxatdan o‘tishlari (jumladan kuzatuvchilar va oila azolari ham) va Elchixonadan tegishli tasdiq olishlari lozim.

Turnir davomida osh dasturxoni yoziladi.

Diqqat! Stokgolm Shaxmat Federatsiyasi binosida joylar cheklanganligi sababli imkon qadar tezroq ro‘yxatdan o‘tishni tavsiya etamiz.