Aziz va qadrli temiryo‘lchilar!

Sizlarni, sizlar orqali oila a’zolaringizni mehr-oqibat, ezgulik va saxovat ayyomi – Ramazon hayiti bilan chin qalbimizdan samimiy tabriklab, eng ezgu tilaklarimizni izhor etamiz.

Ushbu bayram yurtimizda Prezidentimiz boshchiligida inson qadrini yuksaltirish, xalqimizni hayotdan rozi qilish borasida olib borilayotgan keng ko‘lamli islohotlarning ma’no-mazmuniga har tomonlama uyg‘un va hamohang ekani bilan ham e’tiborlidir.

Betakror qadriyatlarimiz, o‘zaro hurmat, mehr-muruvvat, hamjihatlik, sabru qanoat singari ulug‘ fazilatlarni mustahkamlab kelayotgan muborak Ramazon hayiti xalqimizni yanada jipslashtiruvchi katta ma’naviy kuch hisoblanadi.

Ne baxtki, bugun saodatli kunlarda, tinchlik-omonlik va sihat-salomatlikda yashamoqdamiz. Ana shu ulug‘ ne’matlarni ko‘z qorachig‘idek asrab-avaylash, qadriga yetish har birimizning insoniy burchimizdir.

Fursatdan foydalanib, Sizlarni qutlug‘ ayyom bilan yana bir bor tabriklaymiz.
El-yurtimiz uchun insonparvarlik, sabr-qanoat, xayru saxovat va shukronalik timsoli bo‘lgan ushbu qutlug‘ bayram kunlarida barcha ezgu niyatlaringiz, orzu-umidlaringiz ijobat bo‘lsin!
Jonajon yurtimizda, xonadonlarimizda tinchlik va xotirjamlik, fayzu baraka bardavom bo‘lsin.

Ezgu ishlarimizda Yaratganning o‘zi madadkor bo‘lsin.

Samimiy ehtirom va hurmat bilan,

“O‘zbekiston temir yo‘llari”
aksiyadorlik jamiyati
boshqaruvi raisi
Z.Narzullayev*

O‘zbekiston temiryo‘lchilari
va transport quruvchilari kasaba uyushmasi Respublika Kengashi raisi
Q.Sabirov*

Ўзбекистон халқига Рамазон ҳайити табриги
—
Поздравление народу Узбекистана с праздником Рамазан хайит

Prezident.uz|Facebook|Instagram|YouTube|X