Kuni kecha davlat miqyosida O'zbek tili bayrami tantanali nishonlandi.
Bayram tadbirini "O'zbekiston temir yo'llari" AJ "Temiryo'linfratuzilma" AJ "Toshkent mintaqaviy temir yoʻl uzeli" filiali hududiy yoshlar yetakchilar Kengashi koordinatori Rasulov Nuriddin Jalil oʻgʻli boshlab berdi.
Biz bu yigitning ijodiga omad tilaymiz!

🌐railwayinfra.uz ❤️‍🔥Telegram  ❤️‍🔥Facebook ❤️‍🔥Instagram

Aziz va qadrli temiryo‘lchilar!

Sizlarni mamlakatimizda keng nishonlanayotgan ayyom – O‘zbek tili bayrami, “Davlat tili to‘g‘risida”gi qonun qabul qilinganligining 35 yilligi bilan samimiy tabriklab, ezgu tilaklarimizni izhor etamiz.

Inson uchun o‘z Vatani, ota-onasi, oilasi qanchalik qadrli bo‘lsa, uning ona tili ham shu qadar aziz va muqaddasdir!
Suvsiz daryo bo‘lmaganidek, tilsiz millat ham vujudga kelmaydi. Biror millatga mansub bo‘lgan til, o‘sha millat bilan yashaydi va bardavom bo‘ladi.

Bugungi kunda mamlakatimizda davlatimiz rahbari tashabbusi bilan ko‘plab sohalarda o‘z holiga tashlab qo‘yilgan masalalar tubdan qayta ko‘rilib, yangi yo‘nalishda taraqqiy ettirilmoqda. Ona tilimizning davlat tili sifatiga nufuzini, obro‘sini ko‘tarish, uni amalda joriy etish bo‘yicha qilinayotgan ezgu ishlar ana shu islohotlardan biridir. Sizlarga yaxshi ma’lum, hukumatimiz tomonidan keyingi yillarda o‘zbek tilini rivojlantirishga qaratilgan 30 ga yaqin qonun, Prezident farmonlari, hukumat qarorlari qabul qilindi. Xususan, temir yo‘l tizimida ham davlat tilini rivojlanishiga, uning obro‘si, mavqeni ko‘tarishga qaratilgan 20 ga yaqin me’yoriy hujjatlar qabul qilinib, bu borada izchil ishlar olib borilmoqda.

Aziz do‘stlar!

Muhtaram Prezidentimiz “Har birimiz davlat tiliga bo‘lgan e’tiborni mustaqillikka bo‘lgan e’tibor deb, davlat tiliga ehtirom va sadoqatni, ona vatanga ehtirom va sadoqat deb bilishimiz, shunday qarashni hayotimiz qoidasiga aylantirishimiz kerak, – deb ta’kidlagan edi.

Darhaqiqat, hayotimizda, ish faoliyatimiz o‘z ona tilimizga bo‘lgan hurmatni ko‘rsatish hammamizning vazifamiz ekanligini unutmaylik.

Yana bir bor, barchangizni O‘zbek tili bayrami bilan chin qalbimizdan qizg‘in va samimiy tabriklaymiz!

Sizlarga va oila a’zolaringizga mustahkam sog‘liq, tinchlik-xotirjamlik, baxt saodat tilaymiz!

Ona tilimiz sofligini saqlash, nufuzini oshirish yo‘lidagi ezgu ishlaringizga muvaffaqiyatlar yor bo‘lsin!

Hurmat va ehtirom bilan

“O‘zbekiston temir yo‘llari”
aksiyadorlik jamiyati
boshqaruv raisi
Z.Gʻ. Narzullayev,

O‘zbekiston temiryo‘lchilari va transport quruvchilari kasaba uyushmasi Respublika Kengashi raisi
Q.S.Sabirov.|Site|Telegram|Facebook|YouTube|Instagram|X

🟦🟦🟦🟦

Elektr tokidan shikastlanish xavfliligini ogohlantiruvchi doimiy belgi.

☄️ Elektrostansiya va podstansiyalarning 1000 V dan past va yuqori kuchlanishli elektr uskunalarida mahkamlanadi.

⚡️ Taqsimlash uskunalariga kiradigan eshiklarning tashqi sirtiga, uning ichida joylashgan KRU va KTP eshiklari bundan mustasno; oʻchirgich va transformator xonalari eshiklarining tashqi sirtiga; ishlab chiqarish xonalarida joylashgan tok oʻtkazuvchi qismlarning toʻsiqlariga; 1000 V kuchlanishgacha boʻlgan shit va yigʻma shit eshiklariga mahkamlanadi.

⚡️Aholi yashaydigan joylarda, 1000 V dan yuqori kuchlanishli elektr uzatish tarmoqlarining ustunlariga yerdan 2,5 — 3 m balandlikda, ustunlarning oraligʻi 100 m dan kam boʻlganda har ikki ustunning biriga, ustunlar oraligʻi 100 m dan koʻp boʻlganda va yoʻllarning kesishgan joylarida har bir ustunga mahkamlanadi.

✅ Belgilar metall va yogʻoch ustunlarga mahkamlanadi.

🌐railwayinfra.uz ❤️‍🔥Telegram  ❤️‍🔥Facebook ❤️‍🔥Instagram